#文宣壹句：各位童鞋好！大後日就係香港回歸祖國「ERRR屎」周年嘅大日子！為與老百姓一同熱烈慶祝，新華社嘅「一國兩制」rap歌喺尋日搶灘出台，大玩「一曲兩制」，有齊普通話與廣東話說唱，歌詞滾動之餘信息量亦相當高：
一、好明顯，廣東話版啲對白／歌詞係參照普通話版改寫嘅，即使搵識廣東話嘅人去配音／唱歌，嗰啲「知識盲區」、「劃重點」、「底氣」、「大禮包」、「內心依歸」、「維多利亞港灣」等用詞，都有好大濃烈祖國浸除，聞完當堂內牛滿面！chrous 嗰句「最愛紫荊加襯紅色的底」，更加暗藏中國人熱愛嘅賭博元素—正常我哋著「紅色的底」，只限打牌／入賭場嗰陣，若果改為「雀戰四圈 穿上紅色的底」，就更蚹蛤幗蜻！
二、小編特別登上China Xinhua News 同新華香港facebook，下載呢條片嘅普通話同粵語版，對照完發現，廣東話版嘅解像度係低啲嘅！咩意思？梗係話畀大家知，香港前途一片模糊，祖國先至清晰光明啦！歌詞仲提到「太平山都唔算太高」，同中國珠穆朗瑪峰比的確係暗瘡咁大粒咋。年青人記得聽就快卸任嘅梁特講，抓緊機遇北漂發展喇！
三、0分32秒，出現特區回歸２０周年嗰個畫面，右上角竟然有把雨傘！點解？紫色係由紅色加藍色組成，當然係代表兩股交集嘅力量 -- 紅色祖國同愛國藍絲啦！紫傘革命，清除反共廢青瘀血，由習大大訪港一刻發起！
本版真係高度讚揚呢段片，唯一美中不足，就係廣東話版係少左一段普通話副歌嘅：
「紫荊花旗有著紅色的底
紅的底色來自五星紅旗
紫荊花旗有著五星的花蕊
永遠和祖國不分離」
小編特登將呢段歌詞剪落條片roller credit 度，提醒大家，時刻緊記要「永遠和祖國不分離」哦！給力哦！腥港人！
#其實唔駛寫咁長但唔知點解用咗北方詞語會多咗好多字
慶餘年粵語配音 在 【《慶餘年》港版已定檔，粵語配音有特點，二次創作新劇情 ... 的推薦與評價
《 慶餘年 》港版已定檔， 粵語配音 有特點，二次創作新劇情，你追嗎？ 】去年《 慶餘年 》內地大火，播出期間熱度居高不下，豆瓣評分高達7.9。 ... <看更多>