關於 成功 的名片 ，我們在網路上蒐集到這些相關的討論、資訊與評價

【一連七集，第五】哈佛知識分享: Trade-offs 如何「取捨」?

你要取得更多，就要捨棄更多。「取捨」is tough, but you have to do it!

股神巴菲特 Warren Buffett 有句名言好影響我:

"The difference between successful people and really successful people is that really successful people say no to almost everything.‘’

成功及非常成功嘅人分別就係非常成功嘅人對絕大部分事情都係 say No.

識我嘅朋友都知道，我經常講:「我乜都唔識、乜都唔買! 我只買幾千萬以下香港嘅街舖。 我唔買樓、唔買工廈、唔買商廈、唔買農地、唔買車位/骨灰龕位、唔買大灣區、英國樓、非洲農地、 火星月球。 全部都唔買，送畀我都唔要。Again … 我只買港幣五六千萬以下香港的街舖仔。 香港有十萬間，買十世我都買唔晒! 呢世我只想買一千間。」

哈佛大學教授 Michael Porter 亦講過: “Strategy is making trade-offs in competing. The essence of strategy is choosing what not to do."

策略就係要以「取捨」去競爭。 策略嘅精髓就係要知道唔做乜!

上一集講過，何謂一個好嘅策略 Good Strategy? 教授 Michael Porter 話要經得起五個 Tests:

A distinctive value proposition 獨特的價值主張

A tailored value chain 度身訂造的企業價值鏈

Trade-offs different from rivals 同競爭對手不同的「取捨」

Fit across value chain 成條企業價值鏈的活動要配合

Continuity over time 持續性、持續性，不能一時一樣

今集同你講第(3) Trade-offs different from rivals 要贏，就要有同競爭對手不同的「取捨」。

What are trade-offs?

"Trade-offs are the strategic equivalent of a fork in the road. If you take one path, you cannot simultaneously take the other." by Michael Porter

「取捨就好似去咗一個交叉路口咁， 你只可以二選其一，唔可以兩條路都行晒。」

做生意，唔係多啲，就好啲。 多啲產品、 多啲服務、多啲客戶， 唔代表你就係好啲。 因為你營業額可能多咗三成， 但利潤反而可能無咗一半。 咁我就情願營業額細啲，利潤多一倍好過。 記住一開始嘅時候我話 Michael Porter 講過:

"Competition is not about being the BEST, not about MARKET SHARE. Competition is about being UNIQUE, about earning PROFITS" by Michael Porter

競爭唔係要做到最好，最大嘅市佔率。競爭係要做到最獨特，同埋賺到錢，長遠地賺錢。

幾年前我講過，香港週街都係髮廊，但點解有間特別唔同?

video …

QB House (Quick Barber) 就係做咗好多「取捨」 trade-offs ， 好多嘢唔做，但反而吸引咗一班想「快、靚、正」 ，但又唔想求求其其、 污糟邋遢剪個頭髮嘅繁忙上班一族， most likely 男士們、三四五十歲左近。10 minutes, just cut!

QB House 專注培訓、建立系統，令呢班目標顧客群由原本一兩三個月先剪個頭髮，而家一兩三個星期就去剪轉一轉。 剪快咗、剪多咗，就令QB House 同佢嘅髮型師雖然做少咗嘢，但反而收入及利潤上升。This is what I call "trade-offs", LESS IS MORE!

就係因為 QB House 嘅 Trades-offs 同一般髮廊嘅競爭對手唔同，當初首創新嘅經營模式係日本做到最獨特， 亦都解釋咗點解佢1996年由東京一間開始， 短短幾年間就能夠開到全球幾百間分店，2018年仲係東京証交所主板上市， 依家市值近20億港幣。 雖然有好多人想抄佢，QB House 嘅專注，佢 make 嘅 trade-offs 至今依然令佢每年生意額都上升，到今日都保持住係「速剪」行業嘅領導地位。

我成日都話，「當你乜都做，等如你乜都唔做!」 …. 因為你無樣嘢做得好、無樣嘢做得專。When you please everybody, you please nobody. 做生意要「取捨」，唔放手，唔會得到更多。

可能你會覺得 Just-Cut, QB House 都做咗啦。 做髮廊仲可以點變? 根據 Michael Porter，大把方法變。 最緊要就係，唔係人做你做。Your trade-offs have to be different from your rivals, then you have a strategy.

你嘅「取捨」要同你競爭對手唔同，咁你就有好策略。人哋 Just-Cut, 咁你可唔可以 Just Perm 電髮? Just Color 染髮? Just Blow Dry 吹頭?

唉! Just Blow Dry? 美國加州有間咁嘅髮廊 …

佢就好似係 QB House 嘅翻版，但係 No Cuts No Color, Just Blowouts. 齋吹頭! 美金$40，45分鐘時間，班目標顧客群，即係長頭髮嘅二三四五十歲女士們， 就可以 enjoy 喺個輕鬆嘅環境洗下頭、按下頭、吹下頭、飲杯 champagne、聽下音樂、Relax 下，就有個清神爽利嘅頭見人!

因為做得夠專，懂得運用 Michael Porter 所指嘅 trade-offs ，同一般髮廊競爭對手唔同嘅 trade-offs, 好多女士就個個禮拜去幫襯，relax relax 下。2010年由美國加州第一間店開始， 十年間，全美開超過一百間分店， 擁有超過5000個髮型師， 每次美金$40，每個月幫緊20萬個客人吹頭。 淨係吹頭，依家營業額每年超過一億美金。

全球最大嘅傢俬公司，IKEA， 又係另一個Michael Porter 所指 Trade-Offs 嘅典型例子。佢由產品設計 (自己裝嵌)、產品種類 (簡單得來又多幾樣選擇)、 自己推住架車嘅購物模式、至到客戶服務 (間舖頭永遠唔易搵到人幫手，人客自己搞掂，慳番啲成本，換取平啲價錢)，到最後排隊畀錢、自己包裝、抬件貨返屋企 …. 如果唔係送貨要額外收費 (無得免費)。IKEA 成條嘅企業價值鏈 value chain 都係同其他一般嘅傢俬公司好唔同，有好唔同嘅 Trade-offs 取捨。

IKEA 嘅「取捨」，就能夠吸引咗一班 “with a thin wallet" 想價錢平，但又想 good design, 唔介意自己辛苦做多啲， 工餘時間，甚至乎自己花成日裝嵌埋嘅顧客。IKEA 明白佢唔會 serve 晒所有人。 我以前係美國讀大學、 或者啱啱出嚟 New York 做嘢，都好鍾意去 IKEA 買嘢，因為平! 而家? 叫我花成日嵌件傢俬，睬你都傻! I was an IKEA Customer, but not anymore! It's OK, you cannot please everybody! 做生意就係個「取捨」! 賺到錢就得啦。

美國最賺錢嘅航空公司 Southwest Airlines 西南航空都係一樣，No first class, No meals, No assigned seats, No baggage transfer, No planes other than Boeing 737s, No International Flight … so on and so forth.

無頭等、無飛機餐、無預設定座位、無行李轉運 、除咗波音737乜嘢客機都無、無國際航線。 仲有好多都比一般其他航空公司無。

但就係因為「冇」， 運動複雜程度及成本下降，Southwest 就可以專注做以下幾樣嘢特別好，就係「平」、「快」、「準時」、員工做得開心自然服務態度更好。其他乜都無， 但未必個個客人都啱!

於是 Southwest 有個好出名嘅 "Pen Pal" 故事，就有位乘客 Mrs. Crabapple， 經常好唔滿意 Southwest Airlines 乜都冇，無頭等、無飛機餐、無預設定座位、無行李轉運等等等等， 經常寫信去 Southwest 投訴，呢個「筆友」"Pen Pal" 個個客戶服務部同事都怕咗佢， 寫完又寫， 回覆左又寫，投訴完又投訴。 直至客戶服務 部嘅同事們都冇計， 叫當時嘅CEO/創辦人 Herb Kelleher 回覆。佢點寫? 真人真事! 60秒內，佢回覆:

“Dear Mrs. Crabapple. We will miss you. Love, Herb." 即係話，請佢走， 唔好再返來!

聽落好似好搞笑，但Michael Porter 話呢個係一個典型嘅 trade-offs 例子，you cannot please everyone. 記住，一開始嘅時候，我講過:

"Strategy is making trade-offs in competing. The essence of strategy is choosing what not to do." by Michael Porter.

策略就係要以「取捨」去競爭。 取捨嘅精髓就係要知道唔做乜!

"When you try to offer something for everybody, you tend to relax the trade-offs that underpin your competitive advantage." by Michael Porter.

當您嘗試做曬所有嘢去服務每一個人，你嘅「取捨」就會減少， 同時亦都會減少你嘅競爭優勢。

善用 Trade-offs 「取捨」去增強自己競爭力嘅機會隨處都係，爭在你願唔願意「放手」，先能夠取得「更多」。

包括我自己在內， 如果我乜嘢地產項目都投資，有賺錢就買， 甚至乎集資錢多地盤都搞埋， 我只係一個三四流嘅地產發展商。 我點同新鴻基/恒基/長實打呢? 但我專注幾千萬以下嘅香港街舖，我就係一個一流嘅商舖基金公司， 全香港人， 包括所有大嘅地產發展商，係街舖買賣都唔會夠我來。 社運/肺炎後，全香港買賣舖無人夠我哋多，呢個係事實!

"Trade-offs are choices that make strategies sustainable because they are not easy to match or to neutralize." by Michael Porter.

「取捨」會令到策略更有持續性，因為競爭對手 好難去複製或抵消你嘅優勢。特別是你嘅 first mover advantage 先行者優勢。

我係香港第一個商舖基金，就永遠都係香港第一個商舖基金。只我哋專注，未來幾十年，我知道係香港嘅街舖，無人會動搖到我哋嘅領導地位。

即是有人入嚟炒，Michael Porter 話新入嚟嘅 「模仿者」好多時都只係做 Straddling 跨騎， 即係好似「一腳踏兩船」咁， 自己本身嘅本業又做，商舖又做，結果兩邊都做唔「專」。

就係因為有自信我先咁講。因為好似今集一開始咁講，根據 Michael Porter 嘅 "Trade-offs different from rivals"， 我哋係放棄咗好多嘅嘢，同競爭對手大大唔同，先能夠建立到我哋今日係香港街舖嘅領導地位。 只要我哋專注，我哋嘅基金投資者會賺錢! I know it. 但如果有一日，我開始搞工廈、搞商廈、搞地盤、搞英國樓、搞埋茶餐廳、 補習社 、 酒樓、酒店等， 就係投資者應該攞錢走嘅時候! 乜都做，就開始等如乜都唔做!

你呢? What are your trade-offs? 你的「取捨」同競爭對手有咩唔同呢? 抑或人做你做，人客想要乜，你就俾佢乜呢?

There is no problem with that! 第一集一開始我就話，99%嘅公司都係咁，養家活兒可能好多年都冇問題， 但根據 Michael Porter，你只係停留係第二個 S - Sustaining 持續緊嘅階段。 做好多年，搵到食，但可能仍然冇人識你，無突破。Survive, Sustain, 但要去到第三個 S, Succeed, I mean Super Successful 好似一支箭咁標上去，等如以上 QB House, DryBar, IKEA, Southwest Airlines 咁，你就要有 strategy 策略。 你嘅「取捨」trade-offs 要同競爭對手截然不同。

李小龍嘅名言，亦都係掛喺我公司office嘅唯一名言: "I fear not the man who has practiced 10,000 kicks once, but I fear the man who has practiced one kick 10,000 times."

李小龍唔怕嗰啲踢過一萬種唔同腳法嘅人。但佢怕嗰啲踢過一種腳法一萬次嘅人。 你嘅腳法又點呢? 有興趣一齊研究下點做? 聽多啲 Michael Porter，就來我星期六嘅早餐會啦! 下集我再同你講 (4) Fit across value chain 成條企業價值鏈的活動，如何配合去增強你的競爭優勢?

。。。。。

My hobby 《星期六早餐會》!

九/十月份早餐會 Topic: Applying "Michael Porter" to your business: How to compete and win!

哈佛分享: 如何應用「米高波特」於你盤生意? 點競爭? 點贏?

講起哈佛策略教授， 無人出名過 Michael Porter. 有幸我2017年在哈佛親身上過他教的課程， 今次早餐會同你分享，希望對你做生意亦有所啟發。

有興趣參加啦 😃 每次限四位 (包括我)。 人多傾唔到計。

9月份，逢星期六早上9時開始，約三小時。地點中環。

對象: 中小企老闆/創業者/公司管理層，連我限4位。

有興趣參加的話，請 whatsapp 你的名片給 Suki (我助手) (+852) 5566 1335。

我唔係靠呢行搵食，免費，我請食早餐 😉 Be friends ..... 有機會到時見你。李根興 Edwin

www.edwinlee.com.hk
www.bwfund.com

聯絡李根興 whatsapp (+852) 90361143

#michael_porter #競爭策略

《德國大選教我們的三件事》文/陳文茜

1）盡量把事件看得更遠：不要在乎一時的外界評價：才能創造歷史大事。敘利亞難民危機時，梅克爾收容難民具備了長遠的眼光。當然她沒有忘記，當時她在東德時，一個小女孩渴望的自由。當東德政府幾近破產時，他們的生活也近乎難民。她的心跳動著人道主義：但這不是惟一的理由。她明白德國的崛起如果沒有新的國際形象，這是非常危險的事。

歐洲沒有人會忘記希特勒、屠殺、兩次大戰德國都是侵略國。德國需要一個新的名片，新的形象：才能崛起，才能服眾。

梅克爾看的是未來半世紀德國的挑戰，不是今天的報紙，明天的民調。在敍利亞難民危機中，她需要德國成為人道主義大國的形象。

梅克爾是一位科學家，她認識德國經濟當下隱藏的危機。年齡的老化，足以拖垮這個工業出口大國，德國當地需要新的基層勞動力。

那些徒步、渡海、忍受延途羞辱來到德國的敍利亞百萬難民，他們終究會融入德國，最終成為重要的基層勞動力。

她個人一時為這個決策付出了代價。忍受低民調，黨內辱罵，尤其跨年科隆大教堂七位難民性侵事件，排山倒海般的風浪，似乎快淹沒了她。⋯⋯最後她寧可提早交出了權力，也要堅持收容政策。

一個人的壽命有限，一個人的權力可以擁有多久？

16年，夠了。梅克爾知道她正在做對的事，而且是歷史大事。她知道這是她的歷史時刻，她堅持了。

四年後，証明她是對的。

2）The loser is also the winner 。輸家，可以變成嬴家。蕭茲領導社會民主黨在這次大選中小羸了梅克爾的政黨，這樣的微弱多數，沒有什麼好驚訝：16年前也是如此。梅克爾只在聯邦議會比前總理施洛德只多掌握了一席。

梅克爾上台執政16年來，其中12年社會民主黨參與大聯合政府，社會民主黨協助德國度過一次又一次的危機：包括歐債危機。

這導致德國崛起的光芒全球聚焦在梅克爾一人身上，而且導致社會民主黨從中央到地方選舉一直敗選。社會民主黨若以短線的、權力為核心的黨爭眼光看自己，簡直是蠢透了。

但會等待的人不只梅克爾，還有蕭茲。

當梅克爾離去時，人們已經分不清誰是她的繼承人？同黨的拉舍特？還是一直站在她身旁和她共組政府、協助國家度過危機的副總理蕭茲？

蕭茲接手的不是如「經濟學人」雜誌所説的：一個爛攤子。他接手的是二戰以後，最強大的德國，以及歐洲一體的領導國，一個令人尊敬的經濟強國，一個最好的民主典範政體。

尤其當民主在美國、英國都出現民粹甚至憲政危機時，德國証明他們才是民主運作、有效治理、抗衡民粹的成功民主典範。

這些政蹟，不完全是梅克爾的功勞，包括反對黨社會民主黨的遠見。是他們，共同成就了德國，以及成功的民主制度。

3）民主政治的運作，出問題的不是制度本身，而是擁有權力者不知節制的使用權力。這在任何制度下，都可能造成危害。

美國著名政治歷史作家羅伯特·卡根（Robert Kagan）在《華盛頓郵報》發表的萬字長篇評論，《我們的憲法危機已經到來（Our Constitutional Crisis Is Already Here）》，這大概是近來對美國做出的最黑暗最「驚心動魄」的預言。

這個預言不亞於去年大選前《大西洋月刊》發表的知名調查記者巴頓·蓋爾曼（Barton Gellman）撰寫的長篇報道《可能讓美國崩潰的大選 （The Election That Could Break America）》所引起的關注。

去年蓋爾曼描繪的是美國走向懸崖的危險圖景，卡根在這篇文章中預言的則是美國一步步走向黑夜的危急時刻。卡根在文章中說，如果沒有富有遠見的政治家做出大膽而勇敢的舉措，美國將在三到四年內，進入民主崩潰的黑暗世界。

他把這個時間點準確地設定在2024年11月。

所以，什麼是富有遠見的勇敢而大膽的舉措？

它一點也不難。

只要權力人物忘了一些自己的權力飢渴，多想起這個快速變動的時代，人民和國家的迫切需要。

這其實是甘迺迪的老話。我改寫一下：

不要問國家能給你什麼光芒位子？問你能為國家帶來什麼光芒？

如是而已。

—圖片：英國雕塑家作品

原來是想選總統說出這種話....（牛五花）

韓娛快報 🇰🇷 快下載星光雲App：
https://goo.gl/DxAfcG

#魷魚遊戲 #오징어게임

哈佛知識分享: 做生意，七大困難選擇! 

七條策略問題 Seven Strategy Questions《第七: What Strategic Uncertainties Keep You Awake At Night? 公司有什麼變數令你夜晚瞓唔著呢?》

Everybody watches what the boss watches. 老闆䀹實乜，同事們就䀹實乜! 你應該䀹實乜呢?

Business is about making tough choices. 上六集就講咗 Who is your primary customer?  公司股東、顧客、員工，邊個行先? 追數，應追邊三條數? 公司應有邊「十誡」? 如何令員工在適當壓力下發揮創意? 同埋同事們之間有幾願意互相幫助? 

今集我會同你探討第七個策略問題，亦都係最後一個: What Strategic Uncertainties Keep You Awake At Night? 公司有什麼變數令你夜晚瞓唔著呢?

根據哈佛教授 Bob Simons 呢本書 Seven Strategy Questions，only three things in life are certain: (1) death, (2) taxes, and (3) the fact that today's strategy won't work tomorrow. 三樣嘢肯定: 死亡、交稅、及做生意策略要隨著時間改變。

你公司提供嘅產品/服務，如果永遠一成不變，無論現在點好，遲早會畀人淘汰。  道瓊斯 工業平均指數成分股有30隻，25年前後，超過一半成份股都已經被剔除。

當中一隻嘅股份依然非常成功，就係強生，Johnson & Johnson。 第二集同你講過，佢哋 Credo 教義，係 Customers Come First 嘅公司。 Credo 最後一句: "When we operate according to these principles, the stockholders should realize a fair return." 

咁佢股價表現如何? 如果你1944年買咗強生1股，當年強生 IPO 上市，招股價是$37.5 美金。如果你由1944年揸一股到呢本書出版嘅時候 (即2010年)， 期間再 reinvest 你收到的股息去買多啲強生股票，你所收的股息連同股價升幅，到這本書出版，合共累積收到超過90萬元美金。Yes! 由1944年嘅$37.5美金，至2010年收到合共90萬元美金。等如65年間，年化增長17%。 Grow 17% every year for 65 years! Wow! 

佢點做? 睇下呢個 Johnson & Jonson(強生) 嘅table， 每年嘅 profit planning 由 functional, company, group VP 至 executive level 逐層逐層上， 一年上四次，revisit and revise continously. 

2013年就做定2014年同埋15年嘅 profit plan, 再做多額外5年，10年嘅projection，即2020及2025年。

2014就做定2015及2016年嘅 profit plan, 再 revisit 上年做過嘅5年10年計劃，即重溫2020及2025年嘅 projection，睇呢幅圖， 如此類推。

如果數字同當初預期有所出入， 會 face -to-face 問下屬: 
(1) What has changed? 
(2) Why? 
最重要，(3) What are you going to do about it? 

Keep it simple. Johnson & Johnson, 就係因為不斷地問這三條問題，過去幾十年都能夠 就住市場適應改變。

唔好講到大公司咁複雜， 即是你係個屋村入面做間茶餐廳，What Strategic Uncertainties Are Keeping You Awake At Night? 有乜風險令你夜晚瞓唔著? 

怕你個廚師走咗去? 怕你個業主大幅加租? 怕突然間一大批你啲食客食物中毒? 怕你條村啲人口味變化， 鍾意食日本餐，唔再食茶餐廳? 怕翠華/太興開入來你邊村，咁你就無得爭?   Whatever it is! 除咗怕，你打算點應對? 點樣能夠做到兩手準備? 

如果有日，你盤生意條數唔靚，我問你: 
(1) What has changed? 有乜改變咗? 
(2) Why? 點解? 
And (3) What are you going to do about it? 咁你打算點做? 

你會點回答我? 

我做商舖基金，都有好多嘢怕。 經歷過社運/肺炎， 連舖王鄧成波都話唔係「百年一遇」，係「百年不遇」。 我都好怕個市大上大落。 我亦都好怕個個 shopping online 以後街上無晒人行街。我更加怕以後社會動盪，冇曬遊客來港。 我亦都怕中原/美聯/長實/新鴻基會搞個商舖基金同我直接對撼。但怕有用咩，最緊要能夠做兩手準備。 我爸爸教我: 「永遠要作最壞的打算!」

2021 今年我公司目標要買入港幣五億街舖，沽出兩億，對外集資起碼每季港幣6000萬， 基金派息六七八厘，及年回報達至10%。 每季度我同公司管理層都會 review 以上數字， 稍有偏差，就會問自己以上三個問題: 

(1) What has changed? 
(2) Why? 
(3) What are we going to do about it? 

有乜改變、點解、同我們點辦? 

你盤生意呢? What's keep you awake at night? 

今次一連七集同你分享咗我係哈佛學到嘅 Seven Strategy Questions 七條策略問題: 

(1) Who is your primary customer?  誰是你首要顧客? 
(2) How do your core values prioritize shareholders, employees, and customers? 你的核心價值，公司股東、員工、顧客、邊個行先? 
(3) What critical performance variables are you tracking? 追數，應追邊三條數? 
(4) What strategic boundaries have you set? 公司應有邊「十誡」? 
(5) How are you generating creative tension? 如何令員工在適當壓力下更有創意? 
(6) How committed are your employees to helping each other? 同事們之間有幾願意互相幫助? 
(7) What strategic uncertainties keep you awake at night? 公司有什麼變數令你夜晚瞓唔著呢?

我營運自己全間嘅商舖基金公司都係 based on 以上七條問題辦事，Really! Every single one of them. 希望一連七集，以上七條問題亦對你點做生意有所啟發。

有興趣聽多啲，可就來我六月份最後兩場星期六嘅早餐會啦! 希望到時見到你。Have a good business, have a good life! 

。。。。。

五／六月份早餐分享會 Topic: The Seven Strategy Questions by Harvard Professor Robert Simons 

哈佛分享: 七條做生意策略問題

2012至2014間，我連續三年在哈佛上了 Robert Simons 的堂，畢生受用。我自己成間商舖基金公司都是建基於這本書。

有興趣 sign up la ? 每次限四位 (包括我)。 人多傾唔到計。

5月1日或8日或15日或22日或29日或6月5日或12日，星期六早上9時開始，約三小時。地點中環。

對象: 管理層/生意經營者/創業者，連我限4位。

有興趣參加的話，請 whatsapp 你的名片給 Suki (我助手) (+852) 5566 1335。

大家交流做生意最重要的幾條問題。

我唔係靠呢行搵食，免費，我請食早餐 ? Be friends ..... 有機會到時見你。李根興 Edwin

www.edwinlee.com.hk

聯絡李根興 whatsapp (+852) 90361143

。。。。。。。。。。

購買李根興的【李根興的生意哲學】(最新2020年6月出版 - 定價$198)，或【買舖 要買得 PRO】(定價$198)，連親筆簽名，可 whatsapp Suki (+852) 5566 1335。各大書局也有售。

哈佛知識分享: 做生意，七大困難選擇!

七條策略問題 Seven Strategy Question《第二: 核心價值 - 公司股東、顧客、員工，誰優先? 》

Business is about making tough choices. 上一集就講咗 Who is your primary customer? 誰是你首要顧客?

今集我會同你探討第二個策略問題: 核心價值 - 你是把公司股東、顧客、或員工利益行先?

How do your core values prioritize company shareholders, emoloyees and cuatomers? Who come FIRST? 當有衝突，邊個利益行先?

根據哈佛教授 Bob Simons 呢本書 Seven Strategy Questions，冇話對唔與錯。 但搞唔清楚就一定錯。三選其一，你揀邊個行先?

(1) 公司/股東 (Shareholders) 行先? 李嘉誠就最出名股東行先。佢退休前最後一次主持長和系股東會，被問及一個出色的企業家最重要是什麼，李嘉誠話：「最重要忠誠為股東爭取正常收入，為股東設想，投資有前途項目，派息要合理，將股東利益排第一。」 我諗你咁多年都聽唔少佢講話股東利益排第一。 因此，好多人都話同長實做生意唔簡單， 甚至乎有時畀人感覺 (no offense) 賺到盡， 一蚊一毫都同你計，why? 因為股東利益行先，佢又啱喎。 但做善事? 李嘉誠本人捐幾十幾百億佢就好疏爽，因為唔關股東事。

Core value (核心價值)係股東行先，即係公司利益行先，成日話為公司著想，即係等於話為公司股東著想。 因此好多上市公司， 甚至乎初創企業，都會有 employee stock option，希望員工同公司利益一致。 希望佢哋由朝到晚都諗住 Creating Shareholder Value，為公司 = 為自己增值。

根據呢本 Seven Strategy Questions, AIG (AIA 母公司)、Citigroup、Pfizer 輝瑞藥業都係出名 shareholders 行先的公司，也是好成功的公司。做生意就係先講賺錢， 天公地道。

(2) 有啲公司嘅 Core Value 就係顧客行先 Customers First。例如，Johnson & Johnson 強生，係1943年就 craft 咗呢個 Credo (教義) :

We believe our first responsibility is to the patients, doctors and nurses, to mothers and fathers and all others who use our products and services....

We are responsible to our employees who work with us throughout the world.

We are responsible to the communities in which we live and work and to the world community as well....

Our final responsibility is to our stockholders. Business must make a sound profit....

When we operate according to these principles, the stockholders should realize a fair return.

Johnson & Johnson 的核心價值 core value 係顧客行先、員工第二、community 社群圈子第三、股東利益排第四。

我相信好多公司都係「話」顧客行先， 但有冇寫到好似強生咁清楚呢? 當然我相信更加多嘅公司，就係口講一套，做另一套。 口講顧客行先， 實質上遇到任何金錢利益，就縮數，公司/股東利益行先。

例如你開間茶餐廳， 有啲食材就嚟到期， 喺掉同唔掉的邊緣， 又唔會食死人，但又未必係最靚料，咁你會點? Be honest! ..... 公司賺少啲都揼?你就係顧客行先。 側側膊，唔多覺照用，慳番啲成本? 你就係公司行先。 無話對與錯， 最緊要搞清楚。你知啫，但係全公司同事知唔知? 能唔能夠全部人都言行一致?

(3) 如果我問你，有 covid 肺炎前， 某航空公司嘅股價喺呢道， 現在估計應該係邊? 如果我同你講仲高過肺炎之前，你會唔會信? 肺炎前係每股USD57，依家? USD62，高咗近10%。 佢就係美國西南航空 Southwest Airlines， 記住呢個係全球最多人染病嘅美國喎，有排都未走出疫情。佢就係出晒名 Employee First 嘅公司。Yes! The airline puts employee happiness above customet satisfaction. 員工開心，更重要過顧客滿意程度。

Southwest ranks employees first, customers second, and shareholders third.  員工第一、顧客第二、公司/股東第三。

你有無坐過Southwest Airlines 嘅飛機? 搭飛機通常最悶嘅就係一開始嘅 Safety Annoucement 安全提示。 但如果喺 Southwest? 你會聽有人講 jokes .... 有人 Rap!

呢啲講笑、唱歌、跳舞冇得迫。 員工開心，佢哋就自然會做。 你上網睇到會更多更多其他搞笑例子。

Southwest company blog says: "We believe that if we treat our employees right, they will treat our customers right, and in turn that results in increased business and profits that make everyone happy."

Employees come first 嘅理念，令到Southwest Airlines 每兩秒鐘就收到一份 job application, 每100個人申請，只有兩個人能夠成功獲取錄。2% acceptance rate， 好多傳媒都話去 Southwest 返工仲難過入哈佛! 有好嘅人才，就自然有好嘅服務，有好嘅業績。 亦都因為咁Southest Airlines 一間公司嘅市值，曾經係等於美國所有其他航空公司(American Airlines, Delta, Continental, UA etc)加埋嘅總和，都唔夠佢一間公司值錢。

你唔好以為Southwest Airlines 淨係員工開心喎，根據權威市場研究公司 J.D.Power 2020 survey，Southwest Airlines 嘅顧客滿意程度 customer satisfaction 都係全美國最高，both long and short-haul. 長短途都贏曬!

但老實說，坊間有幾多間公司會大聲講話員工行先? 間間都話顧客行先? 但諗真啲，係唔係真呢? 轉一轉個優先次序， 會唔會有另一番景象呢?

公司/股東、顧客、員工， 係你嘅核心價值邊個行先? 冇話對與錯。 但最緊要搞清楚， 萬一互相有衝突，你會揀邊個先? 係咪全公司上下同事、顧客、股東、合作伙伴都知? 你是否言行一致?

因為錄呢條片，我都問咗自己好多問題。我自己盛滙商舖基金係邊個行先? 我老婆答案即刻答我: 「你梗係員工行先啦! 因為嗰次點點點.... 」

Yes. 我自己商舖基金係員工行先 Employee First 嘅公司。因為我成日都同同事們講:
「錢賺唔晒，最緊要大家 happy!」...
「唔鐘意賺嗰個人嘅錢，就冇賺!」...
「我哋人少少，賺多啲，遠遠好過人多多，個個賺少啲! 大家都想養家活兒，搵到、洗到、身體好!」

我相信只要能夠建立一個好嘅 culture 企業文化， 大家同事們自然會作出個啱嘅決定，買舖賣舖，有條好嘅 team，真係好難輸。 因此，老實說，如果有邊個客唔妥我嘅員工，我通常都會「唔妥」返佢 - 當然呢個要建基於你哋員工嘅信任。

To me ....「顧客不是永遠對的!」 選擇適當的顧客，長遠回報會更佳， 對你選擇嗰班顧客回報都會更佳。我係道都好幸運地同你講，我商舖基金由2016年成立以來加入的同事們，公司基本上係冇人走過。Turnover 近乎零! 你對人點，人就自然對你點! As said ... 錢賺唔晒，最緊要大家同事們Happy! 人客/公司自然賺錢。

你呢? Who comes first in your business? Company/Shareholders, Customers, Employees? 你公司嘅核心價值，邊個是優先? 無論你揀邊個都好，係唔會同你選擇嘅Primary Customers (首要顧客)有衝突， 只會更加強化你服務佢哋嘅能力及提升你競爭力。 最緊要搞清楚 WHO COMES FIRST!

有興趣聽多啲，就來我五月份星期六嘅早餐會啦! 呢兩集同你講咗 Who is your primary customer? 同埋 Who comes first? Company/Shareholders, Customers or Employees?

下一集同你，What Critical Performance Variables Are You Tracking? 追數? 你應該最追幾條數?

。。。。。

五月份早餐分享會 Topic: The Seven Strategy Questions by Harvard Professor Robert Simons

哈佛分享: 七條做生意策略問題

2012至2014間，我連續三年在哈佛上了 Robert Simons 的堂，畢生受用。我自己成間商舖基金公司都是建基於這本書。

有興趣 sign up la ? 每次限四位 (包括我)。 人多傾唔到計。

5月1日或8日或15日，星期六早上9時開始，約三小時。地點中環。

對象: 管理層/生意經營者/創業者，連我限4位。

有興趣參加的話，請 whatsapp 你的名片給 Suki (我助手) (+852) 5566 1335。

大家交流做生意最重要的幾條問題。

我唔係靠呢行搵食，免費，我請食早餐 ? Be friends ..... 有機會到時見你。李根興 Edwin

www.edwinlee.com.hk

聯絡李根興 whatsapp (+852) 90361143

。。。。。。。。。。

購買李根興的【李根興的生意哲學】(最新2020年6月出版 - 定價$198)，或【買舖 要買得 PRO】(定價$198)，連親筆簽名，可 whatsapp Suki (+852) 5566 1335。各大書局也有售。

肺炎第四波終於快過去，有興趣 sign up la. 每場限四位 (including me)! 星期六 9:30am to 約12:30pm (視乎肺炎情況，2月20日或27日開始)。市區地點再定，我請食早餐 ?! 有興趣就send張卡片畀我助手 Suki (＋852) 5566 1335。

。。。。。。。。。。。。。。

《哈佛知識 - 你有什麼策略 OAS? 》做生意要有 Strategy 策略，白痴都知， 但你嘅策略係乜呢? 有無寫底?

何謂 Objective, Advantage and Scope? 如何訂立?

肺炎第四波後，一連幾場星期六，我會在 Paragon 搞下做生意分享早餐會，大家交個朋友???? 互相俾下意見睇下盤生意有乜可以做好啲。

地點是觀塘 Paragon Co-Work Space。約3小時。

對象: 管理層/生意經營者/創業者，限4位。

有興趣參加的話，請 whatsapp 你的名片給 Suki (我助手) 5566 1335。肺炎第四尾聲後，她會再聯絡你。

免費 (我不是靠這行搵食?)。我請食早餐 ? Be friends ..... 多謝! 李根興 Edwin

www.edwinlee.com.hk
www.paragonasia.hk，
https://www.facebook.com/paragoninasia/

全文內容:

多謝全世界最好嘅 Co-Work Space Paragon 提供場地， 佢老闆係我基金投資者， 我梗係覺得佢最好。 嚟緊我會喺度搞一連串嘅講座，第一場主題係 OAS。 就係呢道啦! 研究下點樣應用OAS係你盤生意道。 免費，我唔係靠呢行搵食，星期六早上三個鐘，每場幾位方便傾計，大家交個朋友。 有興趣就send張卡片畀我助手 Suki 5566 1335。 肺炎第四波後會聯絡你。

What is OAS? 就當我係個廚師， 如果我話:「我要喺2025年前要打低大家樂，成為香港品質更好、 噃枱量更快、價錢更平嘅快餐店，俾嗰班繁忙又"求求其其"只想餵飽自己嘅上班一族，因為我有三六九保證:
- 「三」分鐘內上菜，外賣自取 ready
- 每日「六」款唔同嘅菜單套餐選擇， 大件夾抵食
- 全部企位，十五分鐘內食完，有「九」折優惠。」

根據哈佛教授 David Collis 2008年出版嘅 Paper "Can You Say What Your Strategy Is?"

以上就係一個 Strategy Statement 策略論述, 因為有 O-A-S。

O 就係 Objective， by 幾時，達至啲乜嘢。When and what?

A 就係 Advantage， 你優勝之處喺邊度，點解人哋要揀你? Why you?

S 就係 Scope， 你邊度同人爭，但更加重要就係 - 你邊度唔同人爭。

用上面廚師番說話做例子的話，Objective 就係 by 2025年要打低大家樂。成為出品更好、更快、更平嘅快餐店。Why? 因為 Advantage 就係三六九策略， 三分鐘上菜、得六款揀、企係道食快啲，唔好吹咁多水就有九折。Scope: Serve 邊個? 就係畀個班繁繁忙忙求求其其嘅上班一族。 最緊要快靚正，平!

但記住喎，做生意成功 is less about saying YES to the things that you should do, but more about saying NO to the million other things that you shouldn't do.

人客想訂位? NO! 因為會影響你流轉量。想坐? NO! 全部櫈都要收埋。

人客想多啲菜種選擇? NO! 因為會影響你出品質素同出菜時間。

人客想想你開樓上舖可以慢慢食? NO! 搭?都嘥時間。 只開地舖，旺位，細細間，商業區，800呎以下。 成本平，易轉身，可以開到全港都係。

因為你識得say NO，你先至有時間專注做好你應該 say YES 嘅三大 Advantage. 三分鐘上菜、六款選擇、食得快九折埋單。 重複再重複、重複一萬十萬一百萬次， 專注喺個班繁繁忙忙求求其其嘅上班一族， 你就有機會 by 2025年打抵大家樂成為佢哋心目中更好、更快、更平嘅快餐店。

包括我在內， 香港大把舖王。 我唔係要大過佢哋或多錢過佢哋。我係要係街舖持續地回報高過佢哋。 我唔要自己賺曬，我要有錢一齊賺，我、投資者、租客、下手舖買家、同事們、大家都有錢分，賺開心錢。

我嘅 OAS? (Objection) by 2024年， 我要擁有十億香港街舖嘅淨資產，唔計借貸，每年持續地起碼有10%回報，因為(Advantage)我可以以基金形式集資， 我有知名度、團隊及知識幫到我投資者賺錢、幫到我租客做生意，同提供售後服務幫到我間舖嘅下手買家唔駛煩一鋪養三代，(Scope) 係香港5000以下嘅街舖，sweet spot 一至三千萬。

因此樓上舖我唔掂，過億街舖我唔睇、劏場我唔劏、中環中心我唔買、工廈嘅 co-work space 我都唔會搞。我唔要 hit and go, 唔好過份膨脹，我要持續性地每年 return 10%，10%，that's it! 所有其他嘢 Say No!

你呢? 你嘅 scope 係邊? 有乜嘢應該say NO 呢? 又聽下Paragon 嘅 Founder Patrick/Alton 個 scope 係邊?

「Paragon 是東九龍的co-working space, 提供平台給創業者推廣生意， 我們暫時唔會在東九龍以外建立任何據點， 目標是2022年成為創業者首選的紮根地。」by Co-Founder Patrick Wong.

Paragon 係觀塘有幾個場， 合共有成六萬呎空間，你哋想創業租 co-work space 記住搵Samuel。

想租 Co-Work Space 創業? 聯絡 Samuel Szeto Tel: (+852) 6215 0550 www.paragonasia.hk，[email protected]
https://www.facebook.com/paragoninasia/

第一場講 OAS，喺Paragon 呢度到時見你!

。。。。。。。。。

做生意要定立 OAS - Objection (Achieve what and by when? 達至什麼? 幾時?), Advantage (Why you? 你憑什麼贏人?) and Scope (Where is your battlefield? 你的戰場在那裏? 邊度打仗? 但最重要是邊度唔好打!)

聯絡李根興 Edwin, whatsapp 90361143