我在一個 WhatsApp 組群中，見眾多前輩對衝擊立法會的少年說出很多 #落井下石 的言論，最後我忍不住打了這篇文，然後退出了組群...
//有些時候當一個政府去到1,000,000人上街，都無動於衷嘅時候，好難令到一班對將來前途憂心嘅青少年人唔憤怒。可能係被煽動、可能係被激怒。我絕對同意警察是無辜的，而最開心嘅，可能就係一班係星期三仍然堅持二讀通過嘅官員。
如果當其中一班建制派嘅議員去反對呢條條例嘅時候，其實代表着乜嘢呢？田北俊、容海恩嘅老公等等。就係佢哋本身都擔心自己嘅自由被剝奪！
呢條法例比23條更恐怖，因為當中包括咗商業性質嘅犯罪都可以被追數，我哋都知道內地嘅法規同香港嘅好唔同，都會經常改變。例如今日會禁古裝劇，聽日又會播返，之後又禁返。
各位前輩：見到大家可以自由咁唱歌好開心，只係大家有冇諗過，將來可能有啲歌，你可能會唔唱得，可能有機會觸犯咗某一種意識形態，會被追究同起訴。例如 Beyond 嘅<海闊天空>、<光輝歲月>、<大地>，創作嘅時候本身都有政治意味同埋對自由民主嘅訴求。
我咁樣講並唔係想意圖改變大家嘅政治取向，只係想平心靜氣地講出自己嘅諗法。
我係一個創作人，我想自由咁樣去創作故事，但在內地，主題是有限制的。有一位前輩同我講：你想去內地賺錢，就唔好創作呢種題目...
這是創作上的悲哀。
上年，我有朋友在內地無故俾人拘留，凌晨12點，不斷在 WhatsApp 叫喊、無助地叫喊。即使我幫佢打電話俾我嘅警察朋友亦都無補於事！法例通過之後，我們真的會安全嗎？
其實香港啲樓越嚟越貴、上水越來越多水貨客、仲有好多好多民生嘅問題，都係因為政府施政上冇諗過香港人嘅需要，我知道我一個微小的香港人做唔到好多嘢。
我唯一可以做嘅就係用我隻腳行出嚟，去為自己嘅將來同埋下一代，去做一啲野！爭取係文化上面，有自由發表及分享的天空！//
後記：有另一位前輩，被這個組群的管理員踢了出組群，私底下 WhatsApp 和我說：只覺你很正確！
我們在追求自由的路上並不孤單！
#香港人鎖匙
我係 群 組 管理員 在 如何成為Messenger 群組的管理員？ - Facebook 的推薦與評價
如果不是您所建立群組的現任管理員將您升為管理員，您就可以成為該群組的管理員。 如果您是Messenger 群組的管理員，即擁有下列權限：. ... <看更多>