今朝又收到幼稚園停課消息,媽媽表示大受打擊⚡分散注意力整理下之前影既相慰藉心靈,上星期本想諗住揾間貓貓Cafe🐱 hea下比QB玩下,點知佢話驚貓😅😅😅又係既,細個試過被貓抓損,原來變成陰影🌪️,不過我相信愛動物既佢終有一日會克服到既💥
同男人與小孩揾食,坐得舒服,又唔係只得飲品或輕食既Cafe先滿足到佢地😎。#茶聊 就唔錯啦,食物選擇多,唔局限喺All Day Breakfast或飽餅類,有意粉、有健康的十殼飯,震店之寶仲有3.6牛乳梳乎里,同埋唔少特飲供應。
#飽魚野菌炒意粉
有2隻一D都唔細既鮑魚,已經值返,意粉加野菌炒得乾身,保持彈牙,香而不鹹,味道剛好,鮑魚亦口感十足,唔韌又有鮑魚味,真材實料。
#芒果3.6牛乳梳乎里
招牌食品之一,用北海道3.6牛乳加蛋白焗既梳乎里真係滑嘟嘟,蛋香和奶香都恰到好處,伴上芒果和雪糕球,依個甜品唔算太heavy,輕食滿足。
🍹飲品選擇都好多,沙冰、水果茶、高山茶、芝士奶蓋🧀、鮮奶茶等等,花多眼亂,選擇困難又發作……🙈
#髒髒黑糖珍珠奶茶,並非只係個名同顏色,一個不留神真係會搞到一手都係朱古力粉😂 杯邊既髒髒效果係賣點💥,實際上都好好飲,黑糖咪突出,奶味都夠香,珍珠煙韌。
#雙莓四季春 清清地又fresh既水果茶,微酸莓味,初初飲淡淡地咁,飲落又覺得好好飲喎。
文青Cafe最吸睛係有個 #蝴蝶霓虹燈管牆,扮下女神打卡係指定動作,入口處面向街景既位夠Chill🥂, 不過撞岩對面外牆維修有d 煞風景🙈不過整體不失為唔錯既Cafe, 最緊要食物都岩食😋。
茶聊 #文青Cafe #我去就變左親子餐廳 #女神打卡 #樓上Cafe #hkfoodie #香港好去處
Search