話說上星期去了岳父岳母大人的家裡，慶祝我的三十歲生日，係呀，大壽咁大件事，梗係帶老公去德國探岳父岳母，仲要住足一個星期！
好多論壇的人話同6299（老爺奶奶）關係唔好，佢地對自己唔好。咁首先問一下，你為左建立一個和諧外家，擺左幾多心機先？世上沒有無緣無故的愛，也沒有無緣無故的恨。如果你一開波就俾對方覺得「我係黎搶你個仔」，我做岳父的都一定刁刁刁刁刁難死你（我無講粗口架）。我開始的定位就是「我係黎帶你個仔返你屋企，從此你仲會多一個仔」。我為左建立呢個感覺，基本上我可以連我在德國婚禮流程的主導權，都交給兩老打點和佈置，我唯一的要求，是當晚一定要有時間俾我同大家一齊食飯。大佬，我結婚點解我無飯食？間野米芝蓮有星架，邊個攔我斬邊個呀！
說遠了，簡單點來說，就是我把這場婚禮由「我們結婚了」變成「兩老策劃的驚喜禮物」，這樣子肯定岳父岳母不會在大囍之日左挑右剔（99%的人類都會對自己策劃的活動較為寬容）。下？婚禮一生人一次，自己唔plan咁蝕底？係呀，我就係放棄主導權，因為婚禮只係一次，但岳父岳母係一世的，我的幸福不在於我決定禮婚當日如何鋪張，而是岳父岳母喜歡我，我老公不用在我們中間當磨心，這樣才是幸福家庭的真正基石。
到上星期，三十歲生日，我老公說要過二人世間，我跟老公說「不，我們差不多三個月沒見岳父岳母了，去探望他們順道慶祝吧！」越是重要的日子，越是要跟家人一同分享，婚姻乃合二姓之好，在「你仲會多個仔」的前題下，我也會當自己多了個呀爸呀媽，既然是一家人了，當然要一起過了。
心態對了，方向對了，接下來行出來的路，總不會錯的。
#外國文化孩子都很獨立
#所以帶老公回家呢個戰略真係無得輸
#我做marketing
#成千人的活動我都plan過
#結婚就俾自己抖下唔好plan咁多
#但其實都好鋪張
#一隊花車在市中心繞圈向沿途揮手
#租左個城堡行禮
#結果無端端行左個童話式結婚
#我問我老公點解唔騎白馬
#佢聲稱自己太大騎馬頂著不舒服
#好吧我接受這個解釋
#圖片係岳父岳母家的花園
#三層別墅連花園車位月租500歐元
#500歐元在香港係訓籠屋
#各位廢青加油上車
我問我老公點解唔騎白馬 在 倫敦人妻先生手記- 話說上星期去了岳父岳母大人的家裡 的推薦與評價
好多論壇的人話同6299（老爺奶奶）關係唔好，佢地對自己唔好。咁首先問一下，你為左建立一個和諧外家，擺左幾多心機先？ ... 我問我老公點解唔騎白馬 ... <看更多>