我做咗彭秀慧老師嘅學生。
話說去年有位導演朋友，慧眼地搵咗我去客串佢套新作，仲要有三組戲咁勁，終於我去到現場認真去做之時，才發現——我啲演技真係好屎。
我一直都有個態度，就是無論幾多歲都好，唔識，就要認，之後：你一係就放棄，唔好再累人；一係你就認認真真學好佢。
明知自己沒有天份，還去打天才波，就是不負責任。
於是，我問彭小姐：「喂，你幾時開班？我要讀！」
終於，佢真係開咗班，我以超齡身份參與咗，好似完全進入咗另一個世界。
一直很熱衷於上堂學習，這次因為深知自己的不足，所以我更認真。我放低晒同彭小姐平時的朋友式相處態度，一入到課室我就叫她做老師，完全投入去當一張白紙，一個學生；而彭小姐亦非常專業，一點也不客氣地指出我的問題。
慢慢地，我放下了我的小聰明，去學習感受情緒，依著老師指示一步一步去做（雖然仍然經常忍不住無端端演演吓都要攪個gag)。
我成績如何？總之，有幾次試演過後，老師的評語都是：「Sunny唔係真係諗住做演員，咁ok啦！」
嗯，繼續努力啦。
這個課程在一月尾開始，怎料因為疫情關係，中間突然暫停了三個月；但戲劇是一件很有趣的事，隔了三個月後再重聚的一班同學，不知怎的彷如隔世，大家都好像更珍惜每一秒的學習時光，大家都變得更投入，更忘我。
過了這幾個月，我的演技好了嗎？我不知道，但我對自己的了解多了，對戲劇的了解又多了，因為演戲，其實就是自我與戲劇的探索，即使我不再演戲，這次對我在未來的創作上，對於戲劇的掌握上，都有著莫大的幫助。
最後一課完成了。多謝彭秀慧老師，多謝我的一班好同學。
大家江湖再見！
#合照中會見到廖子妤與Hotcha的張紋嘉
#佢哋早就係高班同學
#只係返來陪吓我哋啲細嘅玩吓
#佢哋勁好多
#幾次試戲都扯高晒啲水準同要求
#廖子妤我早就讚到口乾
#張紋嘉大家真係走漏眼
#各位導演監製朋友真係要諗諗佢畀多啲機會佢
#香港仲有好多好演員
#學海無涯
彭秀慧 Kearen Pang
Fish Liew 廖子妤
Crystal Cheung 張紋嘉
Sabrina Cheung 張蔓莎
波盛
