認識新朋友，總是會遇到個問題，就係我份人1999語無倫次狂跳針。
以前我係social妹，任何人都傾到兩句，但真係只限兩句，因為由第三句開始，我個人就會跳，一跳就1999，有時仲好反高潮，講講吓正經嘢會講衰嘢或者地獄嘢。識得我耐嘅朋友有時會拉返我返嚟，我老公會問「你個人可唔可以唔好咁跳呀」，但有一次有位新認識嘅朋友直頭兜口兜面話我。
「你咁樣唔得㗎喎。」
我聽到都呆咗。
「你咁樣，人哋又唔知你想表達啲咩，又無重點，你東拉西扯咁多，人哋只會覺得煩。」
多謝佢嘅兜口兜面，嚇到我修心養性，匿喺屋企自閉，修練我嘅玻璃心第二百零七層內功心法。然後我每次再去認識新嘅朋友，又或者見返啲好耐無見嘅朋友，我就會變得無嘢講、好冷靜、好成熟咁嘅樣，同大家傾閒偈都變得好無趣，甚至係老正到我自己都尷尬。我諗返起我一跳，我老公就會哭笑不得咁笑住問「你又跳呀？冷靜啲好無？」喂，佢笑住講喎，起碼佢有笑呀，係咪好過大家尷尬一齊死亡空氣先？
Sor for 1999，歡迎大家嚟到我嘅世界😆Welcome to my CLS world🙈❤️～
#我啲朋友叫我做烙印鳥
#啱㗎 #啲麻雀都係彈吓彈吓跳吓跳吓咁
#唔跳吓彈吓仲係咪我呢
#以前俾人話語無倫次 #我就會好老正
#所以我出得去玩嘅地方都好唔老正
#人以群分物以類聚 #我嘅朋友都一齊跳
#多謝佢哋有時會扯返我落嚟
#跳上太空會缺氧 #攰㗎都
#好在我都曾經因為跳脫而得到好多好珍貴嘅回憶同機會
#死啦突然間好正能量
#我本身係想呻我識唔到新朋友
#sorfor1999
#但我都好享受啲朋友笑住問我jm9
#好開心帶俾大家歡樂
#無乜事我出返去做嘢先
