Search
《印度回憶 - 東北部爭議之地Arunachai Pradesh 》
昨天分享的Tawang 很多朋友也説很像西藏啊！看看地圖你就會知道其實根本是同一個地方！只不過硬是分了國界！
Ig相片上限十張，其實到達Sela Pass之後我已經好興𡚒，補回昨天講過的情境。😂
其實我有認真諗過，我是不是之前去印度的時間太多呢？如果去少幾次可能又已經去多至少十幾個國家！但心底𥚃太想深入的去看印度，所以其實沒有後悔的。
我最近在腦海都浮現了一個念頭，如果全世界也回復正常，疫苗都成功研發，我想去玩夠一年，補回這段時間每日在家的日子⋯⋯總覺得不能出外的時間太不尋常！😔
巴基斯坦 - mehndi night 女家篇
女主人同我講今晚（4/12 嘅事）要去Farm House 參加婚禮活動，所以今晚要早啲出門口，仲要帶定厚圍巾因為在郊區及戶外比較凍。我以為我聽錯咩farm house ? 難度喺音樂農莊夜晚九點舉行婚禮活動？！ 好奇怪啊！
未講個活動之前又分享一下巴基式時間觀念先，如果你有印度/巴基斯坦朋友試過約你，佢哋例遲三十至六十分鐘係好基本嘅事，佢哋永遠活在佢哋另一個時區，巴基斯坦也是一樣，例如明知今晚九點有婚禮活動要去，但佢哋可以四點半先話出去買鞋，仲要係未睇中個種，出到去先慢慢睇，八點先番屋企化妝換衫，當你趕頭趕命化妝整頭嘅時候，婚禮主人家又會打電話話比你知因為佢哋都出左去買嘢，所以遲一個鐘到都得，係咪好正呢？ 於是乎我就係驚死遲到快快趣換衫化妝，但然後我永遠都喺度等佢哋一家人沖涼換衫仲有食嘢！ 我之後唯有跟佢哋再調整一下巴基式時間先😝
臨出門口，男女主人預備左蚊怕水、水仲有急救箱，全部帶曬厚羊毛圍巾，佢哋話果度好遠市區，有咩事自己有準備好啲，成件事好似去郊區野餐咁，我開始覺得今晚好唔簡單！
上車無耐我已經瞓咗，因為等佢哋可以出到門口已經等到我好眼瞓，我瞓醒已經到左郊區地方連條路都唔同市區特別凹凸。終於到目的地，原來所謂Farm House即係住喺城市嘅人喺郊區買一間好大地方嘅別墅，有泳池有花園又有遊樂設施，得閒放假去住下咁，花園仲有養左啲鴕鳥孔雀，我以為佢哋平時果啲叫豪宅，原來眼前嘅先係，完全就係拍劇有錢人嘅屋企。
呢間farm house 係新娘爸爸嘅公司partner 間屋，特別問佢借嚟比個女有個難忘回憶，喺花園又特別請人搭起一個好靚嘅帳幕，又有枱又有自助餐區，感覺同昨晚男家搞嘅好唔同。之前同大家分享過嘅嫁妝又一次過喺今晚show off 😝比全部親友知道。 關於嫁妝嘅故事可以睇番呢度
https://www.facebook.com/227075223978040/posts/2836744299677773/
大部分親友都已經認得我，一入埸周圍打招呼又攬又錫（只限女性）都用左好多時間。之後例牌又周圍搵D靚女影相，佢哋今晚又唔同曬打扮，連髮形都唔同曬真心好勁。賓客齊人加上一對新人進場坐定定就輪到女家親戚朋友嘅天才表演時間，伴隨住佢哋跳舞嘅音樂首首都係流行經典唔知幾多十年嘅金曲巴基斯坦版本，無論後生嘅好長輩都好，全部都跳得又玩得，越係長輩級上台跳舞台下面就叫得越大聲，好好玩又好瘋狂。在巴基斯坦生活真係要好好學識跳幾隻舞傍身，如果唔係有咩親朋好友結婚又幫唔到手真係好鬼無用😝經過一輪天材表演之後就係自助餐時間，當然唔好想像係有魚生牛扒果種，大家都好瘋狂去食，其實我最佩服所有著到閃令令咁靚嘅女士們依然都係用手食果啲又有汁嘅嘢，我食到好驚啲汁滴落件衫度，果然我就唔係巴基斯坦人。
食完嘢之後大約夜晚十二點，原來女家重金禮聘請左一隊樂隊來表演傳統音樂Qawali ，於是全部人霸頭位聽歌，期間又有唔少長輩會用紙幣打賞比佢哋，佢哋周不時就大叫大唱好興𡚒。不過我完全聽唔明佢哋講咩唱咩，隔左一個鐘之後我就開始有啲悶同眼瞓，於是喺花園周圍行，又發現原來現場有個即煮奶茶檔即刻飲番杯暖吓身先。
之後又去同D小朋友玩吓遊樂設施，問下啲小朋友究竟幾點先完，佢哋話好似天光！雖然男主人佢哋帶埋水煙去，但我不習慣無私人濾嘴所以無去參與吸水煙。神奇在凌晨三點無論大人小朋友依然非常精神，不斷有親友上台自薦合唱，小朋友左周圍跑我開始懷疑我的捱夜能力太差！然後我發現一對新人凌晨三點幾在farm house拍攝相片，由於佢哋唔興影婚紗相，所以婚禮活動會拍攝好多兩個人嘅合照就當婚紗相。
好不容易到凌晨四點，樂隊終於唱完執嘢走，我以為終於曲終~人散，但所有人又跑去再食嘢，好似由頭開始一樣，救命呀，究竟點解佢哋咁捱得嘅？ 完全唔覺得有攰嘅感覺？ 佢哋係咪有秘方咖！
又係一輪講再見嘅環節，嚟嘅時候同幾多個人打招呼，走嘅時候又同幾多個人講拜拜，我上車離開好似4:30 凌晨。回家後沖涼吹頭落妝到真係瞓覺已經係天光了！
奉勸各位如果要參加所有印巴婚禮活動之前盡量休息瞓到日落先起身，否則真係唔夠佢哋玩！講左咁多日其實正式婚禮隔多一日先係，但已經好攰，我而家明白點解mehndi night 之後要比大家休息整整一日先正式婚禮！
*結果第二朝早我瞓到下午兩點半，雙手好攰強列有想去按摩嘅想法
《待續》
別忘了把Facebook專頁為"搶先看"（See first）以及"開啟通知"（Notification On）
較詳盡的更新在Facebook: indiapinkpink
濕濕碎碎的更新在Instagram：indiapink
巴基斯坦的生活日常 - karachi 篇
先講明今次真係純分享生活日常，真係有點無聊咖，完全無旅遊成份😝
前晚坐機去曼谷，由於埃塞俄比亞航空做特價所以揀左佢去曼谷轉機，第一次坐埃航最驚喜係無人坐嘅，一個人佔三個位瞓醒就到曼谷，抵坐再有特價必有下次。
唯一唔好就係特價航班嘅時間方面要等好耐先到我飛karachi嘅泰航，好彩曼谷機場1/F 有24 小時Food Court ， 好味又抵食2/F & 4/ F 又有寄存行李服務方便周圍行唔駛拎住行李。機場B/F 又有按摩，亦有六小時起計的小型酒店，寄放好行李再去食嘢然後去瞓番一覺再去check in ，所以要等十幾個小時都無問題。
又唔知係咪好彩，竟然連飛karachi 都可以一個人佔兩個位瞓足全程，不過機上面有好多小朋友狂喊狂叫，唯有聽歌再大聲啲就可以一覺瞓到目的地。
巴基斯坦家人已經早在機場外等我，男女主人加上二哥來接機，我其實有好多行李真係好重（大部份也是給他們的禮物），在車上已經忍唔住傾傾大家的近況，我哋對上一次見面係今年一月，差不多十個月無見，佢哋又十分關心香港的近況，問我究竟解決左問題未？ 二哥又話karachi 都差不多無變，只是他的睡房裝修左，而家可以一人一張床，望住車窗外的風景，開始有回到巴基斯坦興𡚒嘅感覺，然後一大輪塞車之後終於回到屋企。
番到屋企當然係派禮物比大家，每次揀禮物比佢哋都好傷腦，但見到佢哋收到禮物開心嘅様又開心埋一份。佢哋成日同我講，你唔駛客氣，你當自己屋企一樣得架，呢度隨時歡迎你來住，其實佢哋先太客氣😍
就算差唔多晩飯時間，女主人都特別準備鮮榨果汁同小食比我，晚餐又叫工人特登煲了湯比我，我每次在巴基斯坦回去一定會肥🤣原來女主人最近忙緊考試好似係master ， 佢婚後就算大肚都繼續讀書，好鬼勤力，又持家有道，三個仔又乖又孝順佢哋，佢其實係我偶像。晚餐後男主人又同我傾下之後完曬婚禮會同我去邊度玩，佢每次都好落力帶我去玩，就算佢去過好多次嘅地方只要我冇去過佢都一定會帶我去，我認識到他們真的太幸福了⋯
昨晚十一點幾算好早瞓，轉機等勁長時間加上之前在香港工作太攰，沖涼後即瞓著左！ 已經叫左佢哋唔好等我早餐，我肯定我瞓到好晏！雖然今早比清真寺嘈醒過幾次，但我依然可以幾秒後熟睡，瞓到直至下午一點！ 好舒服！
工人又預備早餐比我（下午一點仲早餐），然後女主人要洗頭，細佬要去清真寺（因為今日係星期五），無幾耐新娘嘅媽媽（男主人嘅二家姐）過來比婚禮繳請咭我，當然我一早又預備了禮物給她一家人，閒談幾句佢就話要走了，因為預備女兒婚禮其實佢都相當忙碌。然後大哥又從大學放學回到，我又煩住問佢邀請咭內容😝原來婚禮邀請咭都有分男女家發出的，男家那套邀請咭好靚啊，我一定好好收藏！😝
之後呢大哥打機，女主人又忙在家拜神，工人在忙碌工作，又果汁又茶招呼我，我就係全屋最無所事事果個在寫文😝
1/12 才正式開始婚禮各項活動，之後分享，而家好似等男主人工作回家，一齊去shopping ，因為佢哋亦要為婚禮買新衫⋯
在巴基斯坦就是在過千金小姐般的生活，這𥚃的睡房大過香港的，這𥚃的客廳大過香港的整間屋！ 我真心幾想移民去巴基斯坦😝
《待續》
別忘了把Facebook專頁為"搶先看"（See first）以及"開啟通知"（Notification On）
較詳盡的更新在Facebook: indiapinkpink
濕濕碎碎的更新在Instagram：indiapink
影片#影片素材#無版權下載連結: ... ... <看更多>
《我好興奮呀✨豐富娛樂旗袍特典會 》 2023/1/14 14:00-16:00 免費入場 台灣文創訓練中心-台北長安館 參加成員：Reika、Yukari、Mei、Nao、Mirai、 ... <看更多>
我好興𡚒啊 在 Re: [問卦]台男被一群日本正妹包圍是什麼感覺？ - 看板Gossiping 的推薦與評價