肌。慾（１０）<<備賽>>
以下故事純屬虛構，如有雷同實屬不幸。
距離比賽只剩下不足一星期，肥沾的訓練模式依舊是一天孤立肌肉訓練，一天帶氧運動。肥沾的身形沒有太大變化，反而看上去一天比一天瘦小，不論是脂肪還是肌肉都開始離他而去，但肥沾仍然相信佛奇有辦法令他練成最完美身材。
＂奇哥呀，我八舊腹肌都出曬黎啦！係米夠乾啦？＂肥沾所說的乾是指體脂低，俗稱＂乾身＂。
＂係呀，差唔多嫁啦！你排腹夠現呢，已經可以攞唔少分啦！＂
＂咁我係米可以開始食番野啦？＂
＂你想食咩？＂
＂我想食雪糕呀！我見人地比賽前都會食雪糕飲可樂既！＂
＂你係米有病呀？我咁辛苦同你減到體脂得番５，你走去食雪糕！？你不如直接棄權啦！＂佛奇突然火冒三丈，轉頭就離開。
＂係係係，對唔住呀奇哥，你為左我個比賽出心出力，我仲咁自私想食雪糕，係我抵死，你鬧我啦，但唔好放棄我呀！＂
佛奇一直以來都把所有事情看得雲淡風輕，從未曾動怒，今天竟為肥沾要吃雪糕一事如此火大，因此肥沾知道佛奇真的非常著緊自己的比賽，為此十分感動。
佛奇今天教肥沾一些比賽姿勢，肥沾自小手腳不協調，因此感到十分吃力。
＂點解咁似拉丁舞既？＂肥沾一邊抽著筋一邊（擺ＰＯ屎）問道。
＂但你似機械人多啲喎！＂對於沒有一絲天份的肥沾，佛奇開始有點不耐煩。
＂你練多十次再拍片，然後今晚番去睇下人地比賽啲片，你就會知自己有幾樣衰嫁啦！＂佛奇不想再浪費時間，而且今天心情特別差，所以他決定出去找樂子。
這個樂子就是妲尼！這晚佛奇約了妲尼一起共進晚餐。
＂你約我出黎做咩呀？＂妲尼表現得十分冷淡。
＂我想見你呀.....＂
＂我尋日米同你講得好清楚囉！你唔係我杯茶！＂妲尼十分決絕。
＂我知！你可以唔中意我，但唔可以阻止我中意你！＂
＂你好老土呀！＂
＂我對住中意既人就係咁，你話我老土都好，但我所講既野都係真心既！＂佛奇難得一見的深情。
＂你中意點就點啦，今次出黎同你講最後一次，我 係 唔 會 同 你 一 齊！你死心啦！”
“ 唔緊要，咁我哋繼續做朋友啦！” 佛奇苦笑著。
本集提要：
今集講講比賽前既準備啦！
點解佛奇唔比肥沾食雪糕呢？點解啲人比賽前又會食啲好高卡既野食呢？
一般比賽前一兩個鐘，參賽者會食啲高熱量食物，例如朱古力、麵包、蜂蜜等等。因為參賽者熱身既時候，身體需要準備高濃度既葡萄糖水同肌酸不斷補給，方便肌肉血管充血膨脹，等你喺台上程現最大最爆既肌肉。但喺熱身過程中唔好用力過度，避免消耗太多，而係要慢慢伸拉肌肉，等血液可以大量湧入肌肉，令肌肉充分咁膨脹。
現代寫實長篇奇情小說，以後逢星期四晚，準時連載！！！！
脂太著。
