▪️虐兒集思廣益（下）▪️
餐廳等位，工作完打算吃個quick lunch趕快回家。
近門口的位置，一位媽媽大聲責罵坐她對面的女兒。女兒年約14歲，目無表情地低頭。媽媽身旁有個像外婆的，事不關己的在剔牙。
媽媽大聲疾呼：你唔好以為撳住隻耳仔就聽唔到我鬧你呀！不知廉恥！！
我望望女兒，吓？佢雙手擺大脾喎？！
不知廉恥？難道被搞大個肚？
突然，媽媽站起來，一巴掌狠狠摑在女兒臉上，女孩臉上的眼鏡飛到遠遠。女兒目無表情地去拾回眼鏡，回來，坐著。
我猶豫是否要去阻止。
「小姐，一位？呢邊。」
這時，一個男人走過來勸說：太太，你唔可以喺街咁打佢，有乜慢慢講囉，佢都咁大個。
說完返回座位。
怎料，那位媽媽瘋了似的走過去開始罵男人，內容不外乎我教女關你咩事、我鍾意打佢就打㗎啦這些老掉牙的對白。
男人說，我唔理你點教女啦，總是喺街見到有人打人我就會出聲，就算差佬打人我都會出聲！！（ 頭上有光圈）
「我有情緒病㗎，所以我打佢就打佢！！我打完就無嘢㗎啦！」
後續發展是二人開始站在餐廳中間激烈對罵。
反覆猶豫我應該去幫拖嗎、團結就是力量（？？），但加入戰圈對事情好像又沒幫助。
「小姐想食啲咩？」( 那邊在罵戰喎。er.......豬扒湯河啦）
媽媽罵完走開，回去罵女兒。
外婆又過來接力罵男人。
「你唔好理我哋屋企咁多嘢，你知啲咩吖，佢有情緒病㗎，係咁㗎！你唔可以話佢㗎」
罵了一大輪，男人突然大喝一聲：我都有情緒病呀！所以我依家咪鬧你囉！！總之再俾我見到你地打佢，我就報警！！
外婆再強調，報警都無用，因為她有情緒病，她的情況警察也不受理 （和友人談起，她說那媽媽可能是精神病，帶著白卡的。從罵戰內容也可猜到個大概）
經理出來調停，外婆去買單準備離開。
這時，女兒站起來走去和男人說：
請你唔好咁話我媽媽，佢個情況你唔明白，我無嘢。
男人有點無奈又心痛說，妹妹，我唔會理你屋企咩事，但我見到佢咁打一個女仔就唔得，你都咁大個女啦。
妹妹開始哭著說，我無事，佢次次都係打一陣，然後就無嘢㗎啦，都係一陣，佢有情緒病。
媽媽衝過來罵男人：
「你睇你，整喊我個女！！我平日打佢都唔喊㗎！你有冇搞錯整喊我女！」
我吃著豬扒，感到，無語問蒼天。
對，整個過程，我只在吃豬扒，好廢。每個位都想加入，例如想向妹妹說，唔係佢打你忍一陣就無事㗎，只會變本加厲。
但轉頭又想到他們說的
「你一個外人唔知我哋屋企咁多嘢」
上一篇大家也說你好好呀挺身而出。但，有些時候，我也只是坐著沉默，不知如何是好。
這家人走後，陸續有食客走去讚揚男人的勇敢、討論剛才的恐怖 （嗯，但罵戰時大家都是坐著吃東西，包括我）
離開時他在講電話，我默默的拍了他一拍，給一個大姆指的手勢。
我在想，下次，希望沒下次，但如果有下次，怎樣做才是最好......
#誇口說五月要寫25篇系列
7/25
#我打破了下集永遠消失的魔咒
我打破了下集永遠消失的魔咒 在 原創歌詞作品集 - Facebook 的推薦與評價
《對住你講》 作曲/編曲:周聰作詞:銘輝 喂有沒有空傾兩句無聲有罪大時代觸控萬歲每秒在隔空相對和. ... 然後我愛你似魔咒 ... 我怕永遠記起噩夢日復日的思念中我會內訌. ... <看更多>