#買樓無難度
#根本賺硬
#我最近真係賺到夠嘞
#我都好想畀人賺下
網友嘅驚人發現：原來小弟今年新書《畀個伍我老婆》，以及上年出版嘅《男人的集體回憶》喺淘寶分別賣緊101同108蚊人仔，之但係佢哋原價其實係$98蚊，喺書展買仲有八折，即係$78.4......兩者之間有接近$30差價！講白啲，而家只要立即9衝入書展一次過大量入手伍家謙作品系列，然後舉上淘寶，就輕輕鬆鬆，好過返工；十本賺$300、一百本賺三千、一千本賺三皮、一萬本賺30個！正所謂睇書可以怡情，話咁易就變李嘉誠；想發達好輕鬆，萬呎豪宅在手中！
好，我發完癲喇，當然完全係講笑；支持原價，杜絕炒賣。況且香港有得賣，駛Q淘咩。書展之後，喺其他書店都應該會有售嘅。
想講嘅係，今日係書展最後一日，五點鐘就閂門；最近太忙兼心情唔好，作為作者都抽唔到太多時間入去宣傳，實在罪過。所以而家準備標個尾會，入書展行個圈，希望見下大家。
作為香港人，相信呢排都唔會太有心情，真係笑唔出；到今朝收到網友呢張cap圖，我笑咗。笑下放鬆下，先可以有更健康強大嘅心靈去面對嚴峻挑戰。有讀者睇完之後話，我同阿太嘅小故事令佢哋笑咗出聲，感覺放鬆咗；如果我寫嘅嘢，無論係本書，定呢個post，可以令你鬆一鬆嘅話，我會好滿足嘅。而家仲有三個鐘，會展見。
香港人加油。
*****
即日起，fb同ig分途廣播：www.instagram.com/vinceng88
#畀個伍我老婆
#男人的集體回憶
#白卷出版社
