香港乞客有個毛病，如果個侍應態度非常好又熱情主動咁提供優質服務，佢地係會覺得非常唔自在，仲會覺得你有咩動機，係咪想謀佢老尾副身家🤔。
試過有個客係我想介紹今日有咩Special既時候，立即做手勢叫我收聲✋️：『得得得！自己睇得啦！咁好服務都唔知博乜⋯⋯😒』真係即場O咀。其實我知Lee度係香港黎嫁。10% City。都預左D客人係唔會點俾Tips嫁啦～有時真係出街見到個阿婆個膠袋穿L左，唔通我走去幫佢執番D橙又別有動機，謀9佢地橙咩🍊🍊。我去百佳個零食部見到幾包薯片係地下，我走去執番上架，唔通我又想百佳頒個『好手尾獎』打賞我100打50蚊禮券咩💴。更何況Lee份係我既工，我要做野既係服務你，想做得好有咩咁出奇，有咩咁博乜呢？憑你果10蚊可以令做9咁多野？乞客BB就係唔Likey D積極L既。好多用心服務既侍應其實都係唔自在Tips～我試過幾次俾超好侍應拒收我張廿蚊雞Tips。有人話公司唔收得，有人話都唔係自己袋既～🙅♀️。所以有時真心好服務未必真係要博你D咩⋯⋯人地好員工，只係想做好份工開開心心又一Day姐。
如果唔係超級大忙日，我一般都會做足所有野既：開場白呀～介紹自己呀～問水～今日有咩推介呀～Check Back 呀～如果見個客岩咀形，吹多兩咀大家連卡片都交換埋Tim😎！不過遇著D乞客BB係介紹自己果陣，已經開始俾眼色你『🙄咩料呀？咁好服務既？』再皺皺眉： 『✋我都係自己睇得嫁啦～』灑9你走～自己碌openrice.......之後無論你做咩，佢都好似唔滿意咁，唔想你再講野⋯⋯好似驚我會做左D乜，佢就要補償D乜。結果，成個用膳過程佢地都好似周身唔聚財咁，快快就閃人。
到你真係無乜點笑，又普普通通咁問水食乜呀，又會俾人話你黑面呀🌚，服務又唔係特別好呀！有時又會俾人大造文章呀，俾個一星你呀⭐～果陣時既乞客BB就最樂得自在。
其實乞客BB係唔可以去美國歐洲果D地方嫁，果度D人仲會問埋一D同餐飲無關係既問題，例如： 『今日去左邊度玩呀？😃』『啊～你邊度人黎嫁？🤔』『黎幾耐呀？😉』等等等等。就算外國D街市個阿姐都會問你『今日過成點呀？😃』『Lee個好唔好食嫁？😋』人地一樣都係排緊長龍嫁⋯⋯不過如果係香港個百街收銀阿姐問你『今日過成點呀？🤩』後面排隊班阿哥阿姐仲屌9個阿姐你玩乜春呀😡！快q D啦！所以呢，係香港樣樣都要快快快既時候，我都明好多人都會期望去餐廳只係叫個侍應落單同埋單。『你好？請問想叫乜春？😐🙌』『多謝哂（俾單）🤲』已經好夠。當中係無乜交流呀或者基本問候溝通嫁。做得太多呢～反而令人難以接受。你估一個人睇7-8張台再做埋Full Service好容易嫁咩⋯⋯既然無人欣賞，咪做最基本既野囉。結果就搞到而家好多服務人員都日趨9HEA，唔願做多少少。加上，係LEE個『好服務呢又無乜人讚，衰西服務就傳千里』既時代，你好難怪服務人員做到心淡😦。
其實係Lee個咁L腐敗既社會，如果你發掘到有人仲肯用心服務你，就算你俾唔到小費，我覺得表揚下都應該呀。我仲記得有次翠X出餐個阿姐放底碗麵後，竟然叫我慢慢食，小心熱，仲問我要唔要杯水飲下？我個心真係好L滾動😭。即場同個經理講你個伙記真係好好！Mark埋佢個名第二日再寫表揚信。At least話俾個伙記知『今時今日咁既服務真係唔易😭』！
我都知凡事都有兩面，有好客時自然有西客，有好侍應亦有仆街侍應，每個行業都有豬西同事同黑面神。而好多野亦都係相向既，西客多投訴時，黑面神同豬西侍應就越來越多。
不過，如果你今日食飯時好好運撞到清泉侍應，無小費時都希望你可以點名贊揚下，有時間既寫下表揚信，好等Lee班清泉仲有動力繼續努力落去💪。如果做侍應既你，今日遇到個好客同你講慢慢來，佢地唔趕時間，或者你做錯左事令佢等耐左佢都無怨言。我地都應該要多謝個清泉客一句：『你真係好人，多謝你既體諒。😭』
可能有一日世界真係無乞客，真係無乞侍應呢。
#飲食人通常都係清泉侍應又係清泉食客
#你有幾耐無贊揚過人
#唔係淨係識投訴先威威豬
#我都知今時今日要做好既服務唔易
#發覺香港人越來越唔識得笑
#我比較自在有人欣賞我既服務
