Search
曾經我有一位前男友
細個時
我係非常膚淺地完完全全因為佢外貌而喜歡佢的
最終先發現其實大家係完全諗野兩個宇宙
唔知點解同佢傾電話
係deadair會多過有野傾到
然後好短時間我地就分開了
之後我地各自有拍拖 又各自再單身
係我地都單身期間
其實我地都耐唔耐約埋一齊去跑步
又會無野講 我地都會通宵拎住個電話唔收線
每次見到佢
我都覺得
啊 佢真係幾靚仔
次次我唔開心打比佢 佢都一定應機
但又好神奇大家都好清楚就keep住咁係最好
直至到我遇上強哥
我地都好有默契無再同大家有任何聯絡
成件事都好自然
對呢個男孩子 其實好耐之前已經無任何愛意
但又總會覺得
我有咩搵佢 佢都會係度
Even though 我已經差唔多十年
無同佢有任何direct contact
人與人之間有時嘅關係就係咁有趣
每一個生命遇到嘅人
過幾十年諗返起 其實都有個故事連繫住彼此
我好感恩我生命中有好多好人出現過
佢一定係其中一位
岩岩見到佢做爸爸啦
心裡很為他高興
因為佢一定會係一個好好嘅父親
朋友，
祝福你啊！
#圖文不符
#我發現我地係無咩合照過
#唔通有我又會出咩🤪
「公司又要我哋開新嘅節目，係咁OT我畀埋條命你好冇……」粉絲聚會中，大夥兒手執印有保錡樣子的面罩，在餐廳合唱《ERROR自肥企画》的主題曲，旁邊食客笑不攏嘴。ERROR和「無制限OT編集團」製作的節目令港人着迷，除了ERROR四子風格搞笑、人前人後同樣真誠坦蕩蕩，偶像和粉絲的關係，亦由神與人之間的距離變成朋友般的存在。ERROR中的郭嘉駿（193）和吳保錡出名錫粉絲，到底「老婆」和「Pokimon」眼中的偶像，有多貼地、有多入屋？
還未到集合時間，周日的銅鑼灣街頭已聚集幾百人，有一家大細，也有大叔拿着應援物獨個兒站着，大家都響應193 Fans Club的號召，參加這天的雪糕車應援活動，宣傳193推出首支派台歌《睡到三點》。個個大汗淋漓，口罩下難掩興奮，一邊排隊拎雪糕，一邊跟雪糕車旁的「33豬」易拉架瘋狂合照，沿途粉絲向路人派發不同款式應援物，繼上次「姜濤灣」引起的風暴，今天再有193這位「接近完美」的男子，令港人再次上街追星。
跟193的老婆（193粉絲的統稱）Sushi和Haha約在銅記，她們忙着疏導聚在SOGO門外的人群，Sushi打趣道：「這是個偶像勵志故事，193由一開始寂寂無聞，到現在真的紅起來，今天人多得我有點怕。」游學修說過，如果MIRROR是個奇蹟，ERROR一定是個神蹟，這天大家再次見證，這神蹟並不是幾百部電視機的收視率能定義的。
男友變情夫 TG陪偶像傾心事
「我當大家係老婆」是193三年前在TG中說出的知名台詞，粉絲們把11月4日定為結婚紀念日，自此叫他做「老公」。正印是193，男朋友變成情夫，難道不介意嗎？「有點無奈，不理他了！我把追星當是娛樂是興趣，難道我不給他看AV？」做了三年郭太的Sushi甜滋滋講出老婆們的心聲。
兼職當插畫師的Sushi自《全民造星1》看過193唱《大懶堂》後，就愛上這位舞姿怪異又五音不全的騎呢參賽者。2018年開始，全民造星不少參賽者也開了Telegram跟粉絲交流，193亦不例外，群組現有二萬多人，193至今仍會間中上水跟粉絲聊天互動。
「《花姐ERROR遊》日本回來那程機，193叫我們不要去機場找他，因為12點已很夜，但我們堅持去接機。193出來時就緊皺眉頭，我心想死了，他不喜歡嗎？怎知他一來就說：『都叫你哋唔好嚟，又唔聽話』嘩！你感覺到那種震撼嗎？」就是因為這句甜到漏的說話，令曾迷上w-inds.、BIGBANG等外地明星的Sushi再次追星，「我曾以為再沒一位港星值得追，但只要跟33相處過，都會被他所吸引。他跟fans的互動貼地、反應快，那種快樂是其他星畀唔到我的。」以前遙不可及的明星由天堂落入凡間，這對粉絲而言也是種神蹟。
要支持騎呢偶像，老婆們也用最騎呢方式應援。例如曾在Chill Club頒獎禮門口跳Pixel快閃舞給193看；拍MV翻唱193參賽歌曲《大懶堂》哄老公；接機接船，跟193聊天至凌晨兩三點。平日設計不同應援物為老公宣傳，每次都會留一份給193及奶奶（郭母），最窩心是得到193回禮，「我們常笑說為他應援像返工但冇糧出，於是他送我們『工資袋』，裏面有他的自拍照、好老婆證、名牌等，上面印了老婆賤人、老公嘉駿等字。」193每次出埠後，亦不忘買手信給到機場接機的粉絲，堪稱「愛妻號」。
老夫老妻唔使見 留機會畀新娘子
身為193的「大婆」，Sushi跟一班初代粉絲現在採取佛系應援，說大家已是老夫老妻，見不見到真人都沒所謂，寧願將機會留給新入門的老婆，「193之前有段時間少工作，當時ERROR中三人都有工作，只有他沒有，他很難過和負面，就在TG跟我們訴苦傾通宵。這些事跟朋友說可能難開口， 亦難明白，我們算是陪他一路走來的人，他願意分享心事，我們就一起想辦法鼓勵他。」
早前193在訪問中談到粉絲，平日嬉皮笑臉的他激動落淚，鏡頭前真情感謝一直支持他的同行者。Sushi說193鏡頭前真情流露的演出，背後花了不少努力，會看不同綜藝節目研究幕前演繹，希望觀眾欣賞他直率敢言之餘，也多留意他的作品，「33一開始覺得自己沒才華，會自卑，但仍有班儍更更粉絲支持他，我看到他哭自己也流淚，因他記得我們為他做過的事，今天他真的做到了，我們能大聲說：『我哋係193老婆，知我咩料啦！』」
染了一頭金黃短髮，身穿保錡品牌tee及行山帽的Wing，說話爽快直接，無論外表或談吐，都有點保錡的影子。「可能太喜歡他，外形不自覺會模仿了，偶像嘛！」保錡的粉絲自稱Pokimon，會稱呼保錡做大佬，緣於經常在TG跟粉絲談心的他說了一句「一世人兩兄妹，有你有我」，家人冇得揀，叫妹妹給人感覺更親。
Wing播放着保錡Telegram對話中的唱歌錄音和合照，回想起跟大佬過電的一剎那，只因一個IG動態，「我第一次接觸保錡是在IG看見他有個post說自己在減肥，我第一次回覆這些story，說希望你減肥成功，外形更好看，沒想過他很快回覆我：一定會！他現在的確成功瘦多了。」因為這三個字，令30歲人從沒試過崇拜一人的Wing驚喜萬分，翻看他所有節目，聽他創作的歌，更成為了保錡Telegram及fans club的admin。
音樂能力被看低 初心未變
「保錡對音樂的熱誠真的很瘋狂，每晚收工做音樂至3、4點，但翌日8點要工作， 為了夢想去到盡。」外形MK搞笑的保錡以獨立音樂人身份出道多年，自己編曲填詞，自資買器材拍MV，然而網上歌曲點擊率不高，能力常被看低。Wing說從未接觸過保錡創作的音樂類別，故尤其喜愛《ikigai》、《秋冬4U》、《Get A Real Life》等拍子和旋律都引人入勝的作品，「很多歌都由音樂人JNY監製， 為更了解大佬的歌，我就去了JNY的studio學整beat。」保錡知道Wing這舉動，提議Wing製作一隻beat，更承諾親自為她編曲和填詞，令中學時也夾過樂隊的Wing更有動力重新玩音樂。
保錡說如果要玩音樂，首先要買器材學習製作，不可以紙上談兵。由網友變成朋友的JNY跟保錡合作做過不少歌，深知他不想被人界定為搞笑藝人，因為初心是當音樂人，「他諗旋律很強，亦很有毅力，錄音即使聲沙了，都要錄到滿意才離開，平日一有新想法就不停問我意見。我們很夾，初次見面jam了幾小時，就寫出《ikigai》。」Wing在旁補充：「他們以前每月能出一首歌，很癲，都是沒錢賺的。去年6月至12月是保錡的低潮期，你聽他的歌就知他的心路歷程。」
學音樂轉工 「人生冇起跌冇意義」
雖然保錡最近因工作繁忙，加上音樂事務都需經公司批准，暫時不能兌現為Wing編曲填詞的承諾，但他對夢想的堅持，令Wing當頭棒喝。Wing成長於小康之家，體育系畢業後再修讀教育課程，當時她對生活毫無想法，也沒有想做的工作，最後選擇回家打理家族生意，家人退休了，她沒有生活負擔，別人以為她過得無憂無慮，她卻形容這些日子似條鹹魚，「未試過跌，也未試過很成功，就像一條平線，好冇意義。但保錡的人生給了很多啟發我，令我想改變、進步。」
保錡家境清貧，15歲輟學開始打工，茶餐廳、售貨員、髮型屋等都做過，課金追音樂夢，卻挫敗連連；早前曾因負面新聞、粗口罵粉絲事件惹起不少誤會，支持他至今的Pokimon為他申冤：「因大佬太直腸直肚不懂修飾，常被人誤解。」為了令保錡進步，Wing笑指偶爾也會給予偶像一些提點，指他開始時較我行我素，現在多了思考反省，願意接納別人意見，也是種進步。保錡在《自肥》成功被Mike導團隊「打救」，熱淚盈眶找回熱血初心，高低起伏的人生本來已夠勵志，「因為大佬，我也想感受吓高低起伏，今年轉工後發現職場果然很陰險，工作不順利令人沮喪，但我真的get a real life了。」Wing今年把心一橫去轉工，重投教育事業，現職教授社交禮儀成人證書班，更會在堂上播保錡的歌和片，以他的經歷鼓勵學生。
生於錯誤的時代，ERROR的出現好像我們凡人自身，岩岩巉巉，甩皮甩骨，但卻勇於擁抱缺陷與失敗，不斷嘗試，至死方休。因為沒有偶像光環，這種自由奔放堅持真我的態度，反而引起大眾的共鳴，連結了那些一直還在堅持的人。
粉絲×193搞笑互動
1. 派糧贈墨寶
193偶爾「派糧」給老婆，例如贈墨寶，在月曆寫上老婆生日日期，亦曾恥笑老婆身高創新低，更為粉絲們改名字。193為Sushi起名為阿屎，圖中則畫了嚿壽司給她。
2. 同老婆自拍
193太愛跟粉絲聊天，有時給經理人催趕也不願離開。例如有次出席金像獎走過紅地毯，他竟走回頭跟老婆自拍，最後給老婆大聲趕走。
3. 「對唔住老公」
MIRROR演唱會193做完表演嘉賓後出去找fans，去了吃飯的老婆立即衝回去「跪地」說「對唔住老公」，哄得193邊笑邊叫黐線。
4. 家用工資袋
老婆常笑說為193應援像返工，193就送出了「工資袋」，裏面有他的自拍照、好老婆證和名牌等，十分窩心。
5. 貪佢夠靚仔
在餐廳碰見193跟花姐和MIRROR同場，Sushi走過去叫老公，再問准花姐能否跟193合照。花姐說：「你咪影囉， 到底你鍾意193啲乜？」Sushi說：「靚仔。」
6. 真老婆no way
會否幻想成為193真老婆？Sushi耍手擰頭：不要了，佢太煩！她重申老婆很多瘋狂應援行為都是為搞笑，潛規則是絕不影響偶像私生活，也不能有任何身體接觸。
影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com
#ERROR #193 #保錡 #Mirror #郭嘉駿
#果籽 #StayHome #WithMe #跟我一樣 #宅在家
「老人家就係鍾意話當年，講自己以前有幾威水！」
「阿爸，你咪吹水啦！」
你有試過用這態度對待家中的長輩嗎？今集《港。故》主角趙偉彪(Raymond)就對此後悔不已。
Raymond的父親趙明恭，上世紀五十年代來到香港創立了「美亞唱片」，最初在銅鑼灣售賣黑膠碟，至六十年代後期開始自行製作唱片，惜在數年間結業。1969年出世的Raymond自言，沒有看到過父親事業上的成就，反而只着眼於對方在粵語文化掘起時，仍堅持發行國語時代曲，令唱片公司迅速沒落並「執笠」。
未親歷唱片公司高峰 父親愐懷當他「吹水」
回憶自己的成長時期，Raymond經常聽到爸爸提起自己的威水史，「睇得出佢好懷念『美亞』嗰陣，但我見到我爸爸嗰陣就係佢打工嘅時候，我點知佢以前威過呢，所以當時爸爸講嘅嘢有少少當耳邊風。」
當中最令Raymond深刻的，是爸爸「聲稱」自己發掘了家傳戶曉的鄧麗君，為這位「寶島歌后」在香港製作了第一隻唱片，「鄧麗君嗰啲我完全唔信，你就算拎相畀我睇，合照姐，我唔信鄧麗君同你咁熟，或者我唔信你咁有眼光，鄧麗君你發掘出嚟？有無搞錯，佢紅咗你先咁講，我唔會覺得係咩事。」
「阿爸，你咪吹水啦」這句一直存在於Raymond心中的說話，在父親2002年去世，十年前一次偶然的機會，反而有了改變的契機。有一次，Raymond到朋友的黑膠唱片店幫忙收拾時，無意中發現爸爸發行的唱片。朋友將唱片贈之，並勸勉Raymond應該儲起爸爸的物品。
母證父為鄧麗君「伯樂」 年輕張國榮經常造訪
Raymond之後深受觸動，開始一張一張地尋找及收藏「美亞」的唱片。唱片儲得愈來愈多，亦有更多機會與媽媽聊起爸爸的往事，「爸爸啲唱片原來有人聽、有人買，唔係吹水喎。」
從媽媽的口中，Raymond也引證了原來爸爸的確是鄧麗君的「伯樂」。當時鄧麗君很年青，雖在台灣開始已有知名度，但在香港卻沒有人認識。Raymond爸爸就獨具慧眼為鄧麗君在香港，推出了第一張唱片，隨後鄧麗君亦在東南亞逐漸走紅，無人不曉。
而當年美亞唱片的門市亦非常熱鬧，連未成名的張國榮亦經常來「打牙骹」，「當時舖頭有個員工叫Jackal，同張國榮好好傾...我阿媽就唔太鍾意，因為同伙記傾偈，佢又唔做嘢，而且張國榮當時真係無咩錢買碟，嚟傾完就走。」
無視老父成就 成遺憾望彌補
由第一張收藏的「美亞」唱片至今，十年過去，Raymond在這條「尋根」路上，認識了真正的爸爸，「遺憾係嗰一刻你無點尊重過佢，我諗佢嗰一刻係好想人哋認同，如果嗰陣可以畀到認同感佢，我爸爸跟住啲時間會好過啲，你可以話(爸爸)係鬱鬱不得志，去到好後期嗰陣，其實佢都係想做返『美亞』。」Raymond哽咽地說。
爸爸對「做返『美亞』」這念頭揮之不去，加上Raymond發現坊間鮮有記載「美亞」的文獻資料，於是決定利用今日的互聯網平台為爸爸做點事，「我諗呢件事佢會好開心，原來有人重新認識『美亞』，我填補咗樂壇歷史嘅一個空隙，我覺得我完咗爸爸嘅心願，我覺得佢嘅遺憾係會咁無咗。」
今集《港。故》用8分鐘，邀請大家一起走上Raymond的尋根路，見證Raymond爸爸的光輝歲月，也感受他對亡父的心意和思念。
奪命急口令已經加上中文字幕，歡迎開啟觀看，謝謝。
完整字幕：
「你好 另外呢仲有金利豐證券黃德几 Dicky你好 Dicky呢
好呀唔該曬 以上嘉賓係金管局同證監會既持牌人
以上談及結構性產品並無抵押品
如果發行人或擔保人無力償債或者係違約
投資者可能無法收回部份或全部應收既款項
結構性產品既價格可以急性可以急跌
投資者有機會蒙受投資既全盤損失
而過往表現並非未來表現既指標
所以投資之前呢 請參閱相關既上市文件
作出風險評估同埋尋求專家既意見
我地聽日同樣時間會再同大家見面」
【FACE即時】姜文杰都挑機 急口令主播林芷彤係黃絲
高登新女神，口技神乎奇技的眼鏡娘林芷彤，十五秒急口令唔知有無令佢有機會「創富」，主播rapper夠煞食應大把市場。呢個眼鏡娘主播，查實係樹仁新傳系畢業，亞視財經女主播出身，2013年尾離職，轉過行去美聯物業，不過唔係做經紀，都係做製作內部節目之類，期間佢在中文大學兼讀公共行政碩士學位，到上年二月過檔大台，做「創富坊」主持之一，今年亦會在中大碩士畢業。
上年十月，《一群無綫新聞部記者公開信》聯署聲援，就大台新聞部管理層對有關警方在龍和道清場新聞的處理遺憾，名單唔見有林芷彤份。不過睇返佢facebook，仍見佢用黃絲帶做大頭相，而公開的僅有一張相，亦係同前政務司司長陳方安生合照，立場好明顯啦，如果下次有《撐起雨傘》rap版，可以誠邀佢錄喎！
http://hk.apple.nextmedia.com/realtime/magazine/20150501/53693538/
【求字幕】林芷彤15秒急口令
網民：我不斷loop嚟聽，係咪黐咗線？
「李小學雞力持」早前幫港人講地拍咗條片，五官痙攣一樣諷刺反政改人士「念口簧」式嗌口號但又「冇橋」云云。不過李力持嘅所謂「念口簧」只係鼻同嘴抽動。想學真正念口簧，要學佢——大台財經節目《創富坊》嘅林芷彤BB。
今日網上流傳一條只有33秒嘅片，就係林芷彤嘅念口簧式急口令示範。如果你有聽過，而又可以完整打到字幕，你贏。不過，打到字幕又點，根本快到出唔切。(搵片？Google打「林芷彤」、「急口令」就有啦)。
林芷彤BB所念嘅急口令內容，其實係免責聲明，即係「過往業績數據並非未來業績嘅指標」嗰啲，林芷彤BB用咗15秒，將成段水蛇春而句子偏長嘅聲明讀出，快到根本冇人聽得到。咁，林芷彤日日都要讀/背，日子有功，發開口夢都隨時背到。有網民好努力咁整理咗一個「近似」嘅字幕:「免純嘉賓利金木？(真係唔知講咩......)同埋證監會免稅同結構性產品並無抵押品，若發行人無力償還或違約，投資者可能無法收回部份或全部應收款項。 結構性產品嘅格價可以急升可以急跌，投資者有機會蒙受投資嘅全盤損失blablabla…」
睇番林芷彤以前啲YouTube片，發現佢講嘢其實都ok快，而今次呢個世界級示範要快成咁，可能真係「時間無多」，而免責聲明又一定要讀，所以先至迫到林芷彤要表演急口令真功夫。雖然大家都根本聽唔到佢讀乜，紛紛留言:「得番15秒，焗住講咁快囉!」、「我不斷loop番嚟聽，我係咪黐咗線？」、「我個腦浮出『雙層牛肉巨無霸~~~』」、「股票市場分分鐘都係＄，唔講快啲點得呢⋯⋯」
其實，如果林芷彤去講《賽馬直擊》或者講波，都有得諗。
http://hk.apple.nextmedia.com/enews/realtime/20150430/53691667
影片來源：
林芷彤急口令・絕冠TVB
https://www.facebook.com/anchorlady/videos/942836325767145/
@新聞女郎
林芷彤嘅急口令係最快最完美嘅 ＞＜“ 150429140400_085_1.ts
anchorlady 新聞女郎 …
http://www.facebook.com/anchorlady
Help us caption & translate this video!
http://amara.org/v/W8md/
