咁講啦，有人話小學啲垃圾午飯，煮出黎係根據衛生署營養指引，仲令學童肥胖率去2010年左右回落。
但所謂的回落，係回左5%左右。不要忘了，政府同期仲有做好多其他措拖，到底那5%的下降率裡，呢啲醫院餐佔了多大的「功勞」？而說到底，其實都仲有近20%學生超重，這也是你的「功勞」嗎？
但另一方面，中學生肥胖卻是不減反增。我能不能大膽假設：小學食足六年醫院餐，突然間俾你自由食，仲唔食垃圾食返夠本？你講咩宣傳都係假，食足六年呢啲「健康餐」，聽到均衡飲食都怕怕，點會唔反彈？
大家減過肥，都知道節食並唔係好方法，仲要強制長達六年的折墮，不，我的意思是節食，反彈的效果只會更強，所以我真的不意外中學生肥胖率只升不降。
當然，我唔能夠話小學醫院餐係中學生致胖的唯一元兇，因為原因真的好多，更重要的是香港學生，不論中小學都係長期缺乏運動與遊戲時間，如果可以俾學生增加運動的機會，我相信比起從飲食節制學生，更對他們的身體和精神有正面影響。
到底為左呢5%，我地就要啲細路食埋晒啲咁嘅嘢，值得嗎？
#全港小學生做實驗話你知節食減肥係唔work架
#我諗緊體重過輕班細路再食呢啲嘢會點
#唔緊要啦
#諗得太多盞自己煩
#我最想像不到的是竟然仲有辯護的餘地
#不好的就應該改善
#不是嗎
#剩下砒霜當配方分享
#誰人斗膽講仙丹會斷腸
#今晚佳人有約
#請勿打擾
#個心已經飛左去放工
#今晚食乜好
#啦啦啦
