【#狂迷投稿】文:電影人在野 《#凶靈祭》
// 無限接近真實的恐怖 //
好耐無體驗過後勁強勁既電影,尋晚訓教既時候順手熄燈,諗起上身女鬼係唔知咩位爬出黎個樣...我開番燈,碌多半個小時電話先訓。
.
如果話拍鬼故唔使恐怖都得,未免就同連登仔講「買股票目標唔一定為賺錢」咁虛偽。而事實上本電影既行進力量,就同《閃靈》/《驅魔人》一樣強大,利用偽記錄片手法,帶你進入泰國人滿天神靈既世界。
.
行進既過程或者緩慢,但有效,呢種沉浸式既觀影,令你一步步走入薩滿>惡靈既世界觀,由第一鏡開始,一輪空鏡,展示山、石、廟同供品,一連串有效既符號,構成左強而有力既氣氛,令你知道大自然個種無情同恐怖,最後睇住少女如何一步步走入邪魔中,所以全套電影真係JUMP SCARE 既位得一個,但氣氛壓到我啟動左「過濾模式」(用手遮到得番字幕)既就不下十次。
.
演員亦係不可多得,假演難做,但真係更加難做,女主角薩滿「念」既撲素同對答,真係好似司徒法正走入深山搵高僧黎訪問咁,但同一時間,「念」係處理「人」事上既無力、關懷同愛,都有無限度既展示,絕對係現力派。
.
從來未試過咁清新、脫俗既感覺,韓國仔既拍法、泰國仔既鬼故,溝埋一齊既威力,居然比老鼠斑有過之而無不及,甚至比我既初戀更加詩情畫意,所謂「舉頭望明月,低頭思故鄉」,係我受嚇完第二日再深思番呢套野,我感覺到兩種東西
.
1: 絕望
「天地不仁,以萬物為芻狗」
電影開首有講,萬物有靈,但只有人既自大,相信自己可以操控命運,相信自己可以違經背道,係人倫人力既強大下控制一切,以為可以將命運改嫁比他人。
然而,神靈根本DONT GIVE A FUCK,佢審視你既態度同你被上身既邪靈根本一致,人類既維度極其量只能係佢既喜怒下苛且過日,而最後一場,係真神下凡大屠殺、定係邪神上身反撲,毫無分別。所以《兇靈祭》隱隱表達出克穌魯既味道,叔叔很喜歡。
.
2:溫水煮娃既庸懶
.
觀眾都認為角色好蠢,點解唔早D求救、點解唔早D離開、點解XXX點解YYY。
因為人性就係庸懶,君不見年中多少人係大災難現場,唔係舉機拍,就係駐足睇,係大難臨頭以前,每個人都以為自己係幸運離得開既一群。
同時,就好似《驅魔人》中既媽媽同女兒,點解出事第一日唔搵神父?因為搵神父係「觀眾視點」,但角色受限於佢既教育、性格、身世,身陷於無能而求救不能。
媽媽點解唔早D行動?因為心有鬼,因為有內疚,因為有害怕...因為直到大難臨頭,先識得割捨。
.
觀眾好喜歡聰明於一切,聰明過導演、劇情、佈局...但要行入去,你先理解到每個人做緊乜野。
.
同場加映:
★加入狂友fb群組【 #狂氏電影綜合症候群 】
★*// http://bit.ly/32xJWLp //
★直接交流 × 影患有救!
「我 同你 講 你 唔 好 咁 串 比 我 溝 到 你 呢」的推薦目錄:
我 同你 講 你 唔 好 咁 串 比 我 溝 到 你 呢 在 Facebook 的最佳貼文
[客串娛樂台]畢竟呢個世界上有比投資更重要嘅嘢。例如Stephy!
1. 係喎,我係鐵粉。而即係歷任啲女朋友(講到好似好多咁,雖然都真係幾多)都覺得我係Bad Taste嘅,因為港女欣就係「平庸」嘅代表,就係「港女」嘅代表。
2. 即係後來佢拍《空手道》或者《金都》啲友開始覺得佢識做戲,已經係後來嘅時,等於7月你先話意大利會捧盃咁。阿叔未開波前已經講啦!
3. 所謂先知,就係知早你少少。
4. 咁當然,有人話要去九展睇過Stephy 演唱會先係鐵粉,我冇。但無論係埃汾太,定係對上幾手女朋友,都覺得我作為一個XXXXXX 居然會聽 Stephy係好不可思議嘅。埃汾太仲好嘢,早排佢發現我有Queen嘅CD,佢十分奇怪,以為我係只聽Stephy鍾嘉欣的。
5. 應該冇乜人知,但我在01博評寫嘅第一篇文,就係寫万刀甲同Stephy 分手。
6. 主題我覺得寫得不錯,Stephy紅得起,本身就十分有違常理。你睇佢既唔靚(咁當然靚過普通網友,但我地講明星下話?),又冇身材,唱歌演戲又不甚那個。甚至比楊千嬅更加平庸(嘩,呢句真係一句得罪兩班歌迷)。但,可能就係大家貪佢真係,well,鄰家女孩。佢就係一個屯門屋村妹。你見我而家每次去大興村(多數係食完Involtini JEP行返屋企),經過佛教沈香林中學都會打卡的!
7. 真喎,呢啲先係「鄰家女孩」。而家當然唔係,但當年係。即係all due respect,你話姚焯菲,咁梗係好J(唔犯法架?)。但,「國民初戀」?邊個國?李東國定卓耀國?人地讀國際學校住豪宅喎,我就冇呢啲初戀啦,你有嘅,你「鄰家」就唔係我「鄰家」。況且,時代不同啦,正如我常講嘅一句,而家?搵處女你去Play Group啦,或者自己養一個,光源氏計劃,farm to table(一定要上床?在枱做唔得嘅?)
8. 雖然事隔多年我都覺得個主題好,但冇法,寫得唔好。但你咪理,總之就係傳說的起點。01博評算係我第一次寫文「面向公眾」,咁當然亦都畀人屌到開花,每一篇都係,每一篇都有人話咁撚垃圾都可以寫文。不過而家我仲在寫。
9. 唔止,固然我唔想誇大咩蝴蝶效應。但,真係可以講,冇01博評,就唔會有我呢個Facebook Page.真的,呢個Page係我寫完一輪博評後,覺得應該搵個地方放好啲嘢。於是變有了光。而冇呢個Facebook Page,就唔會有後來嘅Patreon.冇呢個Patreon我應該而家係減咗人工繼續rat race
10. 咁當然,即使Stephy最初冇同万刀甲分手,照計都會有01博評之後嘅文。但我嘅第一次就獻咗畀佢,你話緊要唔緊要?
======================
11. 講遠咗,台仔單嘢,我都知唔應該咁黑心,「但我早早都話唔work」。台仔配港女嘛,好難的。你普通女仔都仲得,雖然都有啲難度。之前見啲台灣人在香港Group(真人真事,乜我冇話你知埃汾太拎台灣護照?),有個台仔講,話見個香港女朋友又住公屋又成日呻窮,仲諗住佢辛苦叫條女辭職等佢養。點知認真啲問落去,哇靠!條女人工係佢幾倍!哈哈哈(因為條女做護士的,台仔唔知香港做護士咁高人工,以為人地住公屋好窮)
12. 咁,普通港女都難。港女明星?咪玩啦。加埋仲要分開兩地,好難的。
13. 唔止係錢。咁你講錢,阿嬌老公啲所謂「身家」,你香港啲月球人星球人心諗:你老哥咁嘅水平都配溝明星?話年收入一千幾百萬(台幣喎!),連香港一個屋村醫生都不如。
14. 當然,你去到阿嬌Stephy呢啲級數,真係唔使亦唔打算使條台仔錢,擺明係真愛(正如上面個屋村護士嘅case).問題係直頭個金錢觀念都唔同。你見阿嬌都講,自己錢自己買嘢,都睇到條台仔傻眼呀。
15. 再講一次,唔係話咩邊個洗邊個錢,我99%肯定呢兩對,啲財政係互相獨立嘅。但你換個角度睇,中國人(!)講竹門對竹門 雷門對鳴門,真係有道理的。大家對金錢嘅睇法太唔同,點可能一生一世?
16. BTW,葉念琛昨晚中咗丹麥大炒威爾斯 40倍波膽。唔知係咪一個啟示。我點知?都話我係鐵粉。《人約離婚後》我入場睇咗三次,《失戀日》我都入場睇咗三次。雖然我睇葉念琛都不停畀人話我Bad Taste,但我信歷史會還佢一個公道!
17. 唔使好多年,香港國際電影節嘅焦點影人就會係佢。「葉念琛:MK活地亞倫」。至少肯定早過「羅守耀的暴力美學」
18. 如果真係同万刀申復合呢,就真係真人版《失戀日》呀!戲如人生呀。
19. 唔好意思,查小欣上身,咁真係人家家事關我叉事,我又唔係人地條蟲。但即係,N咁多評論都係咁架啦。香港邊撚個唔係專家樣樣多多意見?由克里米亞局勢到秘魯選總統,由香港樓市到NFT,邊個唔係多多意見?正所謂意見像屎眼,人人都有個,幾多人就臭嘅。你有人睇嘅,你咪講飽佢,而唔使講咩「屌你講埋啲咁嘅垃圾都咁多人睇」。正如你睇啲次級聯賽啲友都覺得「咁廢都十萬八萬個月,我落場好過」—until你落
20. Last but not least,下面個「筍盤閃現」…….嘩,AI真係好可怕!
21. 你諗下,最初我寫01博評,搞咗成晚先寫到2000字。而家呢篇2000字嘅文我只係寫咗半個鐘,呢啲咪進步。
==============
2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費80,半年已1600人訂! 畀年費仲有85折
==============
我 同你 講 你 唔 好 咁 串 比 我 溝 到 你 呢 在 Facebook 的最讚貼文
[如何看待知乎估值遠遜B站]一句:一條抖音女,勝過幾百個文青。副題:醜陋的臭老九(*)
============================
告個急先:Ivan已被炒,已成失業人士。未訂嘅記得訂Patreon,積小成多呀。訂咗嘅可以考慮加碼(https://bityl.co/4Y0h)。 一星期至少出返六篇文!月費80
==============================
1. 仲要第一日上市已經大插,固然係因為中概股大瀉,但即使唔計呢個原因,知乎都係細得可憐。
2. (經濟原文:知乎美國IPO首日掛牌 一度跌28%、收市跌11.2%(https://bityl.co/69pv))
3. TLDR:多用戶係唔夠嘅,啲友係咪肯畀錢先?而同你估計唔同,啲知識分子就最撚煩,至難變現。
4. 個題,向吾友高天佑致敬,其實係佢篇文嘅題目(https://bityl.co/69oM)。佢篇文都寫咗大半,但現象著實有趣,值得我寫多幾句。
5. 首先,如果上過「知乎」,就會明篇個題。唔知咩係「知乎」嘅,咁你當係大陸版嘅Quora,呢類照抄外國嘢在本國搞一檔嘅做法周圍都有,亦唔止大陸係咁,你見啲打車軟件都係。至於如果唔知咩係Quora嘅,「都有啲難溝通」。「你當係鬼佬版嘅 Yahoo知識啦」。
6. 當然基於種種原因,後來「知乎」玩玩下就變到唔多似Quora,變咗好多呢啲「如何看待XXX」嘅東西,變咗評論平台,多過原本嘅「打電話問功夫」。此乃後話。無論如何,同大陸其他論壇比,目測「知乎」啲用戶啲知識文化水平都係比較高嘅,再講白啲就係收入同學歷都比較高,呢點好重要。
7. 咁你估都估到,檔嘢當然係賺唔到錢。但,講呢啲?廢老啦。而家一街講SPAC講顛覆講市夢率嘛,要有錢賺架咩?挑,Amazon有錢賺嘛(其實係有的,好賺錢添)。挑,Tesla有錢賺咩(其實都係有的,不過唔係賣車,係賣碳,同埋都只係微利)(當然投資aka 炒Bitcoin都好似有賺,但一日唔賣一日都唔會當賺錢,呢個舊文寫咗,係咪抵睇先,係呀,又賣廣告,因為真係抵睇)。
8. 總之,扯,科技股喎,市夢率啦,要有錢賺架咩?的確你見一大堆咩 SASS股( Sex as a service啩,澳門一早有)之前炒個不停,周顯話齋租影印機就係Hardware as a service,哈屎HAAS。而家最潮講Banking as a service,巴士BAAS(上次開會有人講我真係笑咗出嚟,抵我畀人炒),
9. 咁但,正如之前Amazon Tesla之類,冇錢賺,都至少有收入嘛。咁冇(乜)收入,都至少有用戶嘛。完全就係2000年科網時睇click rate 睇 eyeball咁,等你仲笑鳩當年啲師奶係羊太。後話
10. 平台股呢,有錢賺固然好,冇嘅咪講MAU DAU,Monthly/Daily Active User。呢方面「知乎」係有嘅,號稱近5億MAU。我知你話吹水,但話晒在美國上市,吹極有個譜…..啩。而當然係多過正版Quora的。呢個都不足為奇。Alexa . com 睇流量,啲大陸網都排到好頭,一來大陸人多,二來(理論上)好多網上唔到。Alexa . Com 知乎排到100,正版Quora反而係近400。
11. 問題就嚟啦喎,睇下知乎嘅估值?當時上限先講緊係80億美金咋喎,結果仲要下限定價,而家仲要一上市就跌,最新市值唔夠50億美金。你睇返快手(1024),一樣都係大約5億MAU,但1500億美金市值,三十間「知乎」。至於B站(所謂中國嘅Youtube),MAU2億左右,唔及知乎一半,但都340億美金市值,7間知乎。
12. 咁你都知道,something is wrong,都唔使好醒都知道,有用戶係冇用嘅,肯唔肯科水先?換言之,應該睇埋收入,睇埋 ARPU (average revenue per user)。咁你估都估到,知乎用戶雖多,但收入好低,因為ARPU極低
13. 換言之,就係啲知識分子係唔撚值錢嘅,絶對冇啲帶貨女抖音女咁值錢。聽啲Sales達人朋友講,都話啲中產知識分子(佢應該係話我)最撚煩,反而草根或有錢人嘅生意易做。前者消費力唔高但冇咁多麻煩嘢,後者麻煩但搞掂就月巴月巴。至煩就係啲中產,問一大輪又唔幫趁,幫襯幾百蚊當自己皇帝,冇乜肉食。
14. 正如高兄篇文講,有啲人以為「知識分子」值錢。錯。冇錯班友應該比較高人工,但未必等於肯洗錢(正如香港住公屋嘅洗費力分分鐘高過住私樓)。況且,肯洗錢亦未必肯畀你。無數咁多行業嘅讀者都話你知,最爽手一定唔係啲知識分子。
15. 真係作為知識分子(你反對?)嘅我都要講句,啲臭老九就係麻撚煩。唔畀錢都算,仲要好撚多理由。記唔記得當年Whatsapp話收8蚊 啲友寫幾千字出嚟講公義?堅係好撚嘢。最好人地唔賣廣告又唔收錢服務你呀可?話時話而家Telegram都搞上市咯
16. 舉一反手,講多幾個例子。大家知道蘋果從來市佔率都唔高,一定係N機高。但差不多得佢一間賺到錢,其他齊齊輸。點解?一來班用家富有,最重要係肯使錢(叔粉就當呢啲係傻仔)。呢啲咪品牌—品牌唔係牌子,而係有班傻仔明明其他人覺得唔值都肯畀錢,咪品牌。例如個T Shirt印隻馬騮又一千幾幾百咁。咁你話賣手機唔係平台?差矣,蘋果而家好靠服務收入。但啲用戶嘅stickiness 高。正如Facebook一樣,有冇人望下 而家 mewe嘅流量?明明話個個過晒去,咁我呢排啲Post同鬼講嘢?我死撚咗啦?鬼眼?
17. 另外,另文會寫。但呢排咪啲舊經濟股跑贏新經濟?咁福士跑贏Tesla幾十條街大家知啦,但之前連咩 Discovery ViacomCBS之類都跑贏Netflix。話上客上得快喎。但遲下會講,真係唔係上客快就大晒。你啲客嘅質素唔同,ARPU都唔同。Netflix而家基本上係硬掘收錢,但其他串流(包括迪士尼)上咁多客,好大機會因為之前大特價,甚至送畀你用,或者上電話上有線電視塞埋畀你。遲下士釘阿窿先見真章。話口未完,呢排Discovery 同ViacomCBS就狂瀉。後者因為批股,前者就真係搵笨。
18. 你只有用家係唔夠的。啲用家乜人?咩收入?有冇錢?有錢又係咪肯畀你?肯畀你嘅,又易唔易變心?loyalty 幾多?stickiness 有幾多?一日又花幾多時間?(根據Alexa嘅數,「知乎」啲用家留5分鐘,就多過正版Quora嘅4分鐘)
19. 又舉一個例,嗰時美圖(美圖秀秀1357,唔係美團)上市,賣點都話自己用戶數量僅次於阿里巴巴同騰訊,「但我市值只係佢地零頭」。Seriously?可能好多人用,但一日用幾耐?我又會唔會畀錢?而其他人推個差不多嘅軟件又有幾難?
20. 最後,大言不慚,表面自吹,其實係讚你地(讀者呀!)。本專頁呢,人數嘅嘢,話少唔少(話晒都過萬),但話多又唔多,同人地幾萬或幾十萬爭幾條街。你睇啲post嘅 like數亦都係咁。你睇engagement rate 呢,唔算低但又唔係去到極高。
21. 但,目測,呢度啲讀者loyalty幾高!又富貴!最重要係肯科水。這是十分非常極重要的。再講一次,有用戶嘅未必有loyalty /engagement,有loyalty又未必有錢,有錢又未必要畀你。當中有好多個step的
22. 有感而發,因為不經不覺失業半個月,但都還好,多得Patreon讀者支持。咁但好多都最初係呢度嘅讀者。而反應真係比我預期中好。並非抽水,而係我見有啲我都覺得幾勁嘅作者,但搞Patreon,反應冇預期中咁好的。可能啲讀者就平時畀like鬆手,但講到科水就口爽荷包立咯。
23. 咁當然啦,本身寫金融係先天有利嘅。咁舊文都有寫,做金融,都算係我自己嘅選擇,冇人迫我。只因我鍾意錢(唔通你以為我鍾意一個星期返100個鐘?係喎,有一期真係耐唔耐都要)。
24. 咁當然,讀者賺到錢就更加爽手。會另文再寫,「但隻ASML 又52週新高啦」「新經濟股股災?我嗰啲冇喎」。
25. 好啦,睇完,未訂,或者新讀者嘅,記得訂Patreon。我知月尾,咁4月1日又會收過錢。所以特別話你知,你而家join嘅,3月會費我會100%退返畀你,即係免費送咗幾日畀你。不過條件兩個,第一,當然要4月1號你都仲訂緊先有得回。第二,4月1號後在Patreon PM我,直接在app退,但因為電影節,會比較忙,畀啲耐性,可能幾日我先會覆你。
==============
2021比別人知得多。subscribe now。Ivan Patreon,港美市場評點,專題號外,每日一圖,好文推介。每星期6篇,月費80,半年已1400人訂!(https://bityl.co/4Y0h)。 年費仲有85折
(*)我對於鞭打文青中產知識分子向來不遺餘力,因為我自己都係。正如寫《醜陋的中國人》嘅正係中國人(**)。
(**)In case 後生讀者唔知,「中國人」in this context並不單止大陸人—甚至唔係指大陸人。出書時1985年,入面啲講稿更加早,當時「大陸人」仲係窮到who cares.而柏陽在「新中國」成立前已經走咗去台灣,亦冇經歷文革,「倒係在台灣坐咗十年監」。