Question 1

戒情人歌詞意思許靖韻「小背心」Angela Hui 在Facebook 的評價

Accepted Answer

經典合唱歌medley 希望大家都鍾意 😊 記得留言話我知你哋想聽咩歌呀 😉#許靖韻 #AngelaHui #好心好報 #好好戀愛 #十分愛 #滄海遺珠 #刻不容緩 #相愛很難 #經典合唱歌Lyrics 歌詞《好心好報 方力申+鄧麗欣》落力為你好 得不到分數你決定要跟他日後同步他不懂愛惜你 我樂意操勞我決意愛他 祝我愉快吧你最明白我痛極亦留下傷得很重也不怕 我願意等他還看著你 看你在懸崖走路 (他會感動嗎) 他卻放下你 只照顧自己 (他會跑掉嗎)我慣了愛他你怎樣做 在懸崖還是我無退路對你好 無人稀罕我好 無人欣賞我好原來你習慣他一套 從來沒有看我 看得清楚我知道 不必得到 不妨陪襯 但願為你好他 從來都比你差 仍然死心愛他 垂頭再度聽他欺詐祈求他說愛我 為何尚未等到 可能這秒時辰未到《好好戀愛 方力申+鄧麗欣》舊訊息應該刪走 再沒留憑證我共你去到最遠 也只是友情如現實是場玩笑 一早清楚內情過去是勇敢 或是未肯適應是我笨 大概必須先經錯誤才能會 分清我心意共行成長 數不清的故事我已愛上你 壞了事 (我愛你你扮作不知)完了吧 如無意外 (應該放開 縱有感慨)從今開始 該好好戀愛  (難道我寂寞不來)放下從前一段感情 才能追求將來你就似沒存在 (當做我沒存在)完了吧 仍能撐起來 (應該放開 縱有感慨)前進便讓自尊心放開  (期望你能尋覓愛)告別從前總是不易 然而假如 不只你在 (只得我在)你可願仍逗留在這愛海 (這愛海)我與你 大概始終不能相愛可否不離開 講出你的感慨你用心戀愛 (我用心戀愛)下段道路定更精彩《十分愛 方力申+鄧麗欣》早知不應試愛未放開 (便節哀)有情人 日日夜夜同分開感慨避開 (願你改)一個 (小小意外)未悔恨我未會知 不散不愛心 (話放開)未放開 雨驟來才能提示真愛是確實存在愛滿分竟是換來痛亦滿分可否錯一次以後一直愛《滄海遺珠 謝安琪+劉浩龍》大眾也喜歡珠光寶氣沒有空完全明白你的美只得我 望見你 關起了心扉猶如合上 貝殼的傳奇若世間疏忽 從未細味讓那些蠢人 庸人嫌棄你切莫讓人 影響了你 信仰你的真理如滄海深處 埋藏著遺珠 (埋藏著遺珠)其實你好處 個個也不知唯獨我先可以 明白上帝構思於沙礫裡 找到 璀璨珍珠人家冤枉你 平凡悶孩子但是你心事 我不信 (如像孩子)無聊沒意思沒有人識得欣賞但天知 誰可以大概這種 非一般的美慧眼太少 旁人未賞識你因此你 極客氣 差點算謙卑從來沒對 愛 有所預期若世間疏忽 從未細味讓那些蠢人 庸人忘記你要是別人 都不愛你 有我這邊等你如滄海深處 埋藏著遺珠 (埋藏著遺珠)其實你好處 個個也不知唯獨我先可以 明白上帝構思於沙礫裡 找到 璀璨珍珠人家冤枉你 平凡悶孩子但是你心事 我不信 (如像孩子)無聊沒意思沒有人識得欣賞但天知 誰可以你是誰 你是誰可有地方發亮旁人忙著誇獎色相沒有空管你的修養唯獨我 留下拍掌如滄海深處 埋藏著遺珠其實你好處 個個也不知唯獨我先可以 明白上帝構思於沙礫裡 找到 璀璨珍珠人家冤枉你 平凡悶孩子但是你心事 我不信無聊沒意思沒有人都不欣賞但偏偏 我可以《刻不容緩 容祖兒+李克勤》良辰就如白費 明明動情 怎會不敢作聲提示很充足 但你的態度 永遠不得要領相戀要是有天命都會等你來確認現在還未算 纏綿情節 會逐漸結冰來一秒鐘 遲疑一秒鐘 從迎接你變做目送遲來一秒鐘 沿途經過和結局 其實太不同遲遲未預備 第一句愛你 已經足夠醞釀暗湧盼望猶豫未決的情人回信 尤如行刑懸在半空拖一拖 等一等 怕得到 得來 已是無用拖一拖 等一等 這刻的 感動 變做裂縫連提及亦會心痛相戀要是有天命都要等你來確認現在還未算 (還未應)纏綿情節會 逐漸結冰遲來一秒鐘 遲疑一秒鐘 良緣永遠這樣斷送遲來一秒鐘 仍然等你來告白 何事你都未動容明明在附近 又不告訴你 太多戀愛這樣告終怕在離場後接到遲來情信 其時和旁人在抱擁拖一拖 等一等 怕這點 激情 最後和緩拖一拖 等一等 終於知 表白 刻不容緩《相愛很難 張學友+梅艷芳》也許相愛很難就難在其實雙方各有各寄望 怎麼辦要單戀都難受太大的禮會內疚 卻也無力歸還也許不愛不難 但如未成佛昇仙也會怕 愛情前途黯淡愛不愛都難 未快樂先有責任給予對方面露歡顏得到浪漫 又要有空間得到定局 卻怕去到終站然後付出多得到少不介意豁達 又擔心 有人看不過眼無論熱戀中失戀中 都永遠記住第一戒 別要張開雙眼

Question 2

戒情人歌詞意思a仔．音樂．旅遊 在Facebook 的評價

Accepted Answer

陳詠謙都有打手。。。。。。

本身對呢個人冇咩唔好既感覺，只係嫌少少哂左陳奕迅啲歌既曲，不過再多睇其他人既comment, 愈睇愈有問題，呀，係咪應該寫篇blog講下佢好？

路見不平，自命正義，終於都要挪用寶貴時間，去點評陳詠謙嘅大作，嘗試為民請命。其實點評歌詞實在非我所長，音律押韻我亦只有皮毛了解，但係畢竟自細聽香港流行曲聽大，有感仗義執言先至無負香港流行曲於我人生嘅啟蒙，唯有挺身而出，盡力而為。先旨聲明，寫歌詞唔同寫散文小說，遣詞造句確實有彈性得多，可以不拘泥於傳統，而寫得意象曖昧，含意深隱，亦唔代表詞作有誤，因此內文要寫嘅，主要係順應網民意見，針對絕對無法原諒嘅大弊，例如立意古怪、錯用詞語、表意混亂等各種問題，某啲顯而易見嘅小病，例如〈龍舌蘭〉直頭唔啱音呢類大家心照不宣嘅，就唔會多講。以下我精選咗十首算係近年街知巷聞嘅垃圾作品淺評分析，希望可以拋磚引玉，畀便交流。

1. 高山低谷

第一首，必定要揀林奕匡嘅成名作，因為一黎呢首亦係陳詠謙成名之作，二黎林奕匡係一眾受害歌手之中搵陳詠謙寫得最多歌嘅一位。由於呢首都算係佢填得相對認真嘅歌，稍為認真去聽，相信大家都意會到歌詞要表達嘅訊息，就係寫二人地位不對等，情人遠在天邊，抒發可望不可即嘅感慨，類似《詩經》中嘅〈蒹葭〉。而正因為立意明確，只要聽眾細加咀嚼，就會發現有唔少用語係異於我地平常嘅語文習慣，而各種誤用，都唔足以稱上鑄造新詞，而係徹底嘅錯用，長久咁用落去絕對會影響我地嘅語文鑑賞能力。

廣為傳唱嘅副歌之中，寫到「渴望被成全」，呢點係中學生都常犯嘅錯，語文水平略高嘅人都會知問題喺邊。首先，渴望社會或他人成全，寫渴望成全已經夠清晰，亦合乎文法，根本毋須強加被字。其次，就當佢係被動句，被動句多數常用於呈現負面情況，例如「他被歌迷離棄了」。雖然漢語歐化潮流之下，被字亦會拎黎寫所有被動情況，用法分別係：一、強調被動，如「他被上司提攜了」，但較恰當嘅用法應該係「他獲得了上司提攜」；二、施事者不明，如「他被痛罵了一頓」，唔知邊個鬧咗佢；以及三、強調謂語，如「民意被政府騎劫了」，突顯民意遭不當操作。近幾年社會風氣好中意講「被自殺」、「被抑鬱」、「被捉迷藏」去嘲諷中國對待異見人士嘅卑鄙手段，亦突顯被字特質。因此，成全本來就必須取決於他人，「渴望被成全」中嘅被字份屬多餘，而參考返林夕作品，佢係傾向少用呢個被字，更加從來唔會濫用去充塞字數。

然後係「腳下路程難以削短」，亦係不當。要貫徹文意，最準確應該係用「縮短」，但係唔啱音，唔用得。削字，多用於削皮去屑、削弱削減、削職以及剝削，而路程之縮減，勉強用削，拎最近則只有削弱削減一義，但削減係指從原定數目之中減去若干數目，多數牽涉具體數量。而「天一黑天一光揮發了一句再會」亦係睇得明而寫不通。考慮到揮發一詞必定要同所揮發之物共同出現，可見句意係指呢一聲拜拜會蒸發會消失，咁睇返上文下理，到底點解突然會有呢句拜拜？同埋周而復始每日講拜拜又應該點樣理解？係咪指每日返工放工同人講拜拜都係多餘？呢句都係有待解釋。加上「只見人下墮」令人聯想到跳樓，「我繼續埋藏我愛戀」嘅愛戀應該寫作感情，以及整體故事空洞，成首歌都無法打動人心。無可否認，用山勢為喻，以陳詠謙水平計，已經係上佳之作，但係真係慘不忍暏。

2. 別來無恙

第二首，因為一句「我現時自己肯做飯」而飽受批評，加上陳詠謙本人沾沾自喜現身解話，亦係一定要寫。首先，我絕對唔反對援引口語入文，推廣粵語理所當然，但豬隊友推廣得眼高手低，就係成事不足，敗事有餘。「我現時自己肯做飯」之所以不能接受，首先係做飯唔係廣東話，做愛至係，其次係破壞意境，寫得太白。根據陳詠謙本人陳詞，佢認為一個人dry到要自己煮飯好適合主人公情況，而唔押韻都係刻意為之，因為咁樣對應返故事主角悔疚一世，凡事都看破，其實呢兩點問題都唔算大，因為個出事位係在於呢句只係表現自己獨立嘅例子，而唔係概括句。副歌開首，普遍係直抒胸臆，或者概括痛心程度，甚少會兜口兜面隊一句嘢出黎，聽眾話聽到尷尬嘅原因，應該係咁。參考返黃偉文嘅「二百年後在一起／應該不怕旁人不服氣」，或者林夕嘅「世界將我包圍／誓死都一齊」，其實都相當直白同口語化，但就一啲都唔突兀，反而引起到好多人共鳴。

值得一提自然唔少得「來年陪著子女學行／紀念當初我們的愛情」。由於主人公目前單身，我地不妨假設子女係指對方嘅子女，但既然係咁，又係邊個想借用呢啲子女去紀念主人公嘅愛情？同埋若要紀念，子女非己所出，兩者關係喺邊？呢句真係相當費解。然後自然亦要談及「王菲的孤寂／多麼孤寂」。眾所周知，王菲有首〈百年孤寂〉，但咁樣抽孤寂二字借代全首，相當突兀。加上以反復修辭強調孤寂，極有濫竽充數之嫌，借用連登網民一句，一個肥柒on9仔自己打緊xanga個場景，真係完全咁呈現咗出黎。而我覺得有一句，亦係表現得出陳詠謙其人對於成語嘅運用係只取片面之意，唔識其中內涵——「恃住雄辯滔滔／隨便的把你喝罵」。呢種情況喺中學生作文之中亦係相當普遍，因為佢地背誦成語而又缺乏廣泛閱讀，對於詞語嘅理解唔係由字句之中而得，因此就會畀老師打曬交叉。雄辯滔滔一詞褒多於貶，多數用於讚美，例如「這位律師雄辯滔滔，聽得旁聽市民心悅誠服」，又或者杜甫《飲中八仙歌》中嘅「高談雄辯驚四筵」，一般係指其人發言具說服力，以理服人。雖然世俗有言，「事實勝於雄辯」，但雄辯唔等同於狡辯詭辯，因此同情人爭執，同埋事後亦知道自己理虧，係咪應該用雄辯滔滔，亦係值得商榷。

呢首歌其實有一點特色相當鮮明，相當陳詠謙，就係每句都係個腦冇點諗就不加修飾咁講出口，而且句與句之間割裂去睇都完全無礙傳意。對歌詞冇乜要求嘅人，未必察覺到問題所在。同樣生活化嘅情節，其實楊千嬅嘅〈假如讓我說下去〉都有，「但我把／談情的氣力轉贈誰／跟你電話之中講再會／再會誰」即係冇人同我傾電話，「暴雨天／我至少想講掛念你／然後你／你最多會笑著迴避」就係顧左右而言他，甚至熄機潛水，但林夕之所以一啲打xanga嘅感覺都冇，係因為佢掌握以至駕馭得到何謂藝術——將自然同現實加以修飾加以轉化，呢一層人為工夫就叫藝術。〈別〉描述主人公分手後陷於懊悔，內容貼近生活，照計係好易畀聽眾代入，但就正因為咁，意圖代入嘅聽眾聽到一頭霧水，代入無方，可以話係高不成低不就。

3. 經過一些秋與冬＋哪裡只得我共你

Dear Jane嘅簡單易明K歌之選，又係陳詠謙傑作。「兩眼一黑／然後失控」令人聯想到頭暈倒地以及精神病發，九唔搭八，而領起句嘅「一些」同「與」本來就係蛇足，事關寫歷經秋冬同揮去驚恐就已經夠曬精煉。副歌「無謂再關心你／我沒資格慰問你／無謂再騷擾妳／我沒這塊厚面皮」其實都幾適合失戀聽眾，但量詞之選用，直接反映出陳詠謙不諳避俗，缺乏語感。所謂語感，其實就係語言使用者對其所熟悉嘅語言有冇敏銳感覺﹐能否領悟語言文字真實意思以及必然會引起嘅聯想﹐直覺必待厚積薄發，同語文根基息息相關。用塊字去形容臉皮，會令人聯想到塊狀死物，進而聯想到牛皮豬皮，就算句子本身幾有詩意，一個塊字都足以盡廢前功。語感佳者，可以善用詞語刺激聯想，但語感弱者，萬一誤用就會弄巧反拙，呢一點，所有寫作者都應當有所警覺。

另外，「得到的若期望有限期／失去的未重聚已別離／後悔如我遍地」亦係反面教材。遍地呢個詞語其實好有畫面，例如自由民主遍地開花，或者風吹草低牛羊遍地，只要一見遍地，讀者就會聯想到數量之多，發展之盛。但觀照呢句歌詞，遍地嘅理應係後悔，但寫出黎引起嘅聯想就係主人公遍地——大概係因為TVB重播《西遊記》太多，我所諗到嘅係孫悟空大顯神通，一條猴毛落地即可化成千百猴子猴孫之勢，同後悔之情極為矛盾，成個感覺極之滑稽。參考返陳奕迅一首〈黑暗中漫舞〉，其中有一句「猶如自卑水銀瀉地」，當中嘅水銀瀉地，即係水銀流到一地都係，令人聯想到玻璃落地隨之流瀉，一發不可收，非常適合用於形容主人公每每獨自揣摩情人心理之時嘅自卑爆發，同時深化主題，令人可以透過具體比喻去感受主人公單戀嘅卑微渺小。兩相對比，大家就會理解點解後悔遍地係不知所謂，而自卑瀉地則係神來之筆。

順手講埋〈哪裡只得我共你〉之中，為人詬病嘅「我們身邊太多假人／心中太多傷痕」。第一個問題，係陳詠謙點解要寫假人，因為準確而言，呢首歌想傳達嘅係對抗世俗眼光，而主要世俗現象並非虛假；第二個問題，係亂咁簡化為假人二字，又會引起不當聯想，令人諗到CPR練習用公仔，櫥窗display公仔，驅趕雀仔嘅稻草人，甚至消防處嘅任何仁。除非佢係明知到會引起不當聯想都要用，否則明顯又係語感薄弱之過。睇埋「途經幾百萬傷口」同「與外界／未隔絕我共你／能停止呼吸」，我更有理由相信，假人所指，真係CPR練習用公仔阿Anne，而「不掙扎／只緊扣」，亦一定係指緊三角巾同繃帶，成首歌係為聖約翰救傷隊暗中宣傳。

意境係一樣好抽象嘅嘢，而某年書展講座，林夕就曾經講過意境可以分為三種境界，一係山寨，二係自己創造，三係灌注生命同感情。第一種，就係運用約定俗成而又根深蒂固嘅傳統意象，亦即係中學生學習寫作必學嘅大自然景物，諸如星星月亮太陽天地花草，其中若果突然出現現代物品諸如蘋果電腦應用程式芝士拉絲抹茶爆漿，文章就會意境盡失，而陳詠謙明顯係畫虎不成反類犬嘅示範人物。第二種，自己設定，就好似林夕有期好中意用探戈咁，以跳舞相持比喻情愛拉鋸，寫得貼切就可以自成一格，睇返陳詠謙大紅作品，可以話係冇一首做到。第三種，用返林夕自己舉嘅例句，「滿街腳步突然靜了／滿天柏樹突然沒有動搖」之所以有意境，就係因為作者觸覺敏銳，以「滿天」而非「滿街」去寫柏樹，所以就描寫到樹勢之高，從而襯托出主人公獨自流連街頭何其微不足道，而其身影又係何其嘅失魂落魄，得出融情入景而後情景交融嘅效果。當一位做到寫景則情景相生，說理則情理兼備，而另一個則直接將秋與冬寫出黎，其後又再將「只知感覺失了蹤」寫出黎，文學係咪真係一句各有各觀點就可以打發紛爭，聽眾心中自有答案。

4. 百年不合

眾多歌手入面，周柏豪其實同陳詠謙係最夾，而原因係周柏豪畀人嘅觀感本來就冇乜文化，因此陳詠謙嘅詞質樸庸俗而又文句不通，反而非常配合周柏豪形象。以〈百〉為例，其實我聽咗好多次，都唔明何謂「即使今生擱淺／苦等隔世盛宴」。陳詠謙低手之處，就係唔識連用一系列有關比喻去經營意象，生硬插入詞語，但又缺乏前後呼應。見到擱淺，讀者自然會聯想到海洋，聯想到輪船，聯想到鯨豚，但〈百〉偏偏冇一樣嘢係關事。由於人係唔會擱淺，讀者必須自行領會擱淺之意，偏偏陳詠謙又冇建構到完整比喻，寫到不倫不類。參考返麥浚龍嘅〈吃鯨魚的人〉，黃偉文寫得清楚吃鯨魚者為何人，所以吃鯨魚呢個人類根本唔會做得到嘅行為亦好易理解，而「隨時能屠殺／也不必講究良心」中嘅屠殺，亦唔會偏向無關主題嘅多餘聯想例如種族屠殺，落點相對清晰。

然後我地亦可以研究「若未夠赤裸／撫摸到永遠」同「在婚紗中再見」想表達乜嘢。前句之中，赤裸應該係指主人公將自己心聲表露無遺，但對方無動於衷，然而呢點基礎，根本幫唔到讀者去理解到底係邊個撫摸邊個，同埋點解要撫摸，可謂上文不接下理。而後句之中，在婚紗中唔同在婚禮中，到底點樣至可以進入婚紗之中，又係百思不得其解。陳詠謙可能會辯稱呢啲就係創意，同埋寫到明在婚禮中再見就係死板，但達到一定文字鑑賞門檻嘅人，相信會知道咁樣寫絕對唔可行。

講返成個敘事，其實真係撲朔迷離。我至今再聽，都係諗唔明到底主人公同埋對方係情根早種，定係有緣無分。歌詞講到今世「當你想行前一寸／愛下去又發現你／站到一邊」，又講「卻是證實這段愛／沒有起點」即係對方根本唔過電，發展機率近乎零，既然如此，點解主人公會有認定大家係「分開一百年／捱到今生才遇見」？「拉扯著那根線」又到底從何而來？《紅樓夢》之中，曹雪芹一開始就以神話領起，寫賈寶玉係頑石入世，而林黛玉則係絳珠仙草，其後兩人一生糾纏係命運嘅安排，此之所以愛得轟烈，傷得淒苦，但同百年好合正正相反嘅百年不合吹到咁大，去到最尾只係講返某一世嘅小情小愛，未免流於小題大做。

5. 小問題＋3am

AGA嘅〈小問題〉係好聽，但一聽就發現取材好大問題。雖然應付失戀各有各法，喜愛夜蒲放肆買醉都可以係反映現實，但主人公個性之差難逢敵手，我估唔到連詩雅都終於會遇到競爭。「穿起高踭取悅人」同「只記得我新結識那碧眼金髪的氣質」，於我而言，某程度上係物化女性，矮化女性；「只須很悉心的設計／裝飾我這身體」同「只須很瀟灑的破費／修葺我每處枯萎」，刻劃出主人公滿足於物質，只顧外在，形象實在相當廉價。最弊嘅係，首歌完全冇任何自強之寄意，反而係以「我只得這一點智慧」為放浪行為開脫，歌手形象徹底崩壞，MK到無以復加。

而用字方面，「我不要雙眼承受雨季」嘅雨季又係毫無鋪墊就彈出黎，引用返林夕嘅意境論，雨季係老嫗能解嘅傳統意象，要寫唔係唔得，但成首歌冇提過水，冇提過雨，連眼淚都冇提過，突然以雨季去寫哭泣，就係顯得突兀嘅原因。再睇「別這樣干擾我一生」，干擾係同接受訊號有關，如果對方係干擾，主人公應該由頭到尾都係對佢反感，但既然曾經癡心錯付，對方好歹都係過氣情人，要貶損對方，以打擾形容，會比干擾合適。參考返黎明嘅〈我這樣愛你〉，會見到林夕有用覆蓋去寫主人公對情人嘅愛綿密如羅網，而「何時才發現／就算天涯海角／都可能覆蓋」之中嘅覆蓋用得準確之餘，更加迎合到和記廣告行銷要求，一石二鳥，天衣無縫。

而〈3am〉其實一首好難出事嘅歌，事關英文部分都應該係跟返demo，偏偏又畀陳詠謙踢出身價。「如假開心開心開始假得很／倒不攤開這張牌」運用頂真，但又係砌詞搪塞；而「終於真的真的不再有情意」同「終於真的真的不同行」用詞重複，但真的二字唔係歌詞要旨，因為主人公只係夜半失眠，唔係陷入幻想，分唔清夢境同現實。陳奕迅嘅〈不來也不去〉之中，有「如煙／因給你遞過火／如火／卻也沒融掉我」，林夕嘅頂真係用得其所，因為兩句確有承接。而同樣係陳奕迅嘅〈K歌之王〉之中，有「才令我因你要呼天叫地愛愛愛愛那麼多」，其中嘅愛字四連，有嗌破喉嚨之意，係愛到力竭聲嘶嘅出色詮釋，又係用得啱啱好。

6. 矛盾一生＋揮揮手

JW嘅〈矛〉唱到街知巷聞，控訴對方不知上進，無意結婚，好多人都會引用「矛盾只因深愛著」自況，而我自此至終，都唔明乜叫「跌下來瘡疤」，而「怎會沒決心成家」亦有力問鼎陳詠謙十大缺乏語感排行榜三甲。成家呢個用語從來唔會喺抒情歌入面見到係有原因，事關多元成家、成家立室、立業成家中嘅成家，係新聞用嘅正經用語，一般人談婚論嫁，多數都係講返結婚就算，唔會選用咁沉重嘅字眼。正如我地唔會喺同朋友傾偈嘅時候話「有見及此，我會出席」，或者「多謝你諮詢我意見」，而係會講「你咁講，我就去喇」，或者「多謝你肯聽我意見」，又正如去餐廳嗌嘢食落order，我地會講「I would go for this one」，或者「I would like to take this one」，同自己朋友或者情人講嘢，就算幾咁相敬如賓，多數都係講「I want this one」，頂盡都係講「Can I have this one」，用字係應當有場合之分，身分之別，唔可以隨心亂講，任性亂寫。〈揮〉之中有句「成為寂寞人口／脫去戒指」，所犯同上。

而講到用韻乸西，〈矛〉副歌用死「aa」，以嗎吧為主，輔以架怕疤，亦係佢嘅代表作。雖然林夕曾經話過押韻其實並非必要，只係因為要迎合主流見識至堅持押韻，但用韻會令首歌易記易上口，亦令文本朗讀之時有節奏美，都有合理之處。押韻毋須句句押，隔句押亦得，最重要都係睇旋律頭，但無計可施就求其採用「aa」韻，呢點大概就係師承黃偉文嘅結果。黃偉文所填嘅〈囍帖街〉同〈苦瓜〉雖然都係大熱，但取材新穎，都掩飾唔到其人押韻手法之不足——用助語詞押韻，畢竟係有啲技窮。反觀我個人相當中意嘅〈東京百貨〉，陳少琪喺副歌係用「iu」為韻，填咗照秒少調潮票，詞句曉暢而不落俗套，可謂熟能生巧，自出機杼。

再呼應返AGA首〈小問題〉，其實〈矛〉嘅故事都係不知所謂。空有冤氣對白，缺乏具體劇情，hook line勉強可以漁翁撤網，但副歌完全打動唔到人，此其第一問題。第二問題，就係愛情觀片面膚淺，從未細加探討愛情，更遑論明寫愛情，暗寫人生咁樣去傳道解惑，繼續流行曲社教化之功能。林夕寫情寫理天下無雙，黃偉文偏向市井，都算寫盡失戀苦戀，入心入肺；而周博賢專寫時事，針砭時弊，周耀輝別具詩情，寫歌寫出詩嘅朦朧美，基本上係各有特色，而陳詠謙嘅風格，大概就係攞你命三千式殺人於無形，一聽到就想飛歌轉台——我斗膽封陳詠謙為寫歌界嘅葉念琛，相信冇人會有異議。

7. 姐姐＋活著為求甚麼

李克勤自己都係識寫詞，點解會接受到呢首歌詞，我覺得重驚人過向曼聯送禮。「原來沒有你／但仍愛你／才後悔當天不肯留住你」雖然略嫌肉麻，但出現喺主流情歌其實真係一啲問題都冇。問題係，呢首歌所描述嘅係家傭，主人公對佢抱有嘅應該係感激之情，而唔係愛情，到底點樣至會牽掛到「朝馬尼拉的方向想起你」，視姐姐為「愛的傳奇」？唱到「忍痛／將你淡忘」，我直頭覺得李克勤情深過楊過，根本應該離婚休妻，另娶姐姐。

情節上，呢首歌都有犯駁之處。一般而言，如果僱主僱員關係良好，姐姐離職之後，雙方都會保持聯絡，好少音訊全無。而既然姐姐冇離開過香港，亦即係轉咗僱主，咁主人公又點解會炒佢魷魚？「誰料我路過砵甸乍街／竟找到你」呢種電光火石，好難講得通。我嘗試去消化故事，唯一可以諗到嘅就係主人公情不自禁，苦戀姐姐，家人發現之後執意驅逐姐姐，結果主人公只可以喺姐姐有可能出沒嘅街頭巷尾搜尋對方倩影，重溫舊夢。假如有朝一日李克勤真係轉行呢種路線，講婚姻背後辛酸，講自己同屋企姐姐打得火熱，或者大眾會受落都唔奇。

用字方面，呢首歌最差嘅係「天天飾演乖少艾」，其他都可以放過陳詠謙。話說少艾一詞，語出《孟子》一句「知好色則慕少艾」，解年輕貌美嘅女子都真係好有歷史。而現代人之所以認識少艾，相信都唔係因為讀古書，而係聽得多青春少艾呢個配搭。撇開姐姐點解會以少艾形容呢點唔講，艾本植物，少艾即以艾草正鮮比喻少女亭亭而立，可見少已經係形容緊艾，而乖少艾三字呢個組合，就即係用咗兩個形容詞去寫植物，而乖係唔會拎黎寫植物。即係我地可以話一個老人家老當益壯，如同長青樹，我地唔會話佢襟老長青樹，因為長青已經表達到健康，而且襟老都唔會係要黎形容樹。

順便講埋〈活〉。林夕珠玉在前，黃偉文都有首〈燕尾蝶〉勉強壓卷，陳詠謙挑戰社會議題，無異於引火自焚。「容顏暴露摺痕」所指嘅應該係個樣好老，皺紋暴露老態，又係要聽眾自己諗。「幾個悲哀章節日日重播／天降天災萬民地上縱火」，所指嘅應該都係天災人禍大家有責，但縱火狂徒為何人，又係語焉不詳，除咗令人諗到喜怨無常嘅舊約上帝，都真係冇乜idea。

8. 半祝福＋Gonna be alight

周殷廷其人已經不知所終，但由陳詠謙操刀嘅作品，將會遺臭百年。祝福舊愛，同類歌曲多不勝數，但希望情人「快樂得更明顯」，係咪即係指對方之前都係快樂，但快樂得較為收歛？若果快樂都可以有introvert同extrovert之分，而陳詠謙又真係寫得出，其實確實會好有啟發。副歌致命，在於突然加插槍擊，「如果他真的比我好／別再時時開槍亂掃」，again，敗壞意境。Verse2主人公心態慢慢轉變，講起對方已有新歡，其實都易明，但「你已毫無疑問找到安慰睡眠」呢句又係病句。找到應該係指向人或者物件，虛嘅找到人生方向都得，但睡眠係一種狀態，進入夢鄉可以，但搵睡眠出黎係講唔通。

上承周柏豪歌曲入面大量運用赤裸，陳詠謙又再無緣無故加插情色，好地地一首最後祝福，即刻變到俗不可耐。諗到對方會同新歡有性行為係可以理解，但以「隨便白天纏綿／夜晚裸露別來送我上苦路」白描，就係自亂佈局。〈半〉嘅基調係純情，周殷廷嘅定位亦非大講鹹濕，裸露二字亂入，格調之粗劣，真係不敢恭維。

〈G〉其實都係聽得過嘅歌，風格有啲似林奕匡首〈Good Man〉，但細聽之後又聽到副歌有句「甚麼東西正在變做美好的團體」，不知所云。Verse2有句「青春出於笑容裡／開滿花」，其實都解得通，但第二句「率真出於眼神裡／一句話」嘅嗰句話從何而來，又係毫無預兆，石頭爆出黎咁。好地地一個新人，唱咗首膠歌，然後就萬劫不復，真係不無惋惜。

9. P.S. I Love You＋壯舉

張敬軒係我本人極之欣賞嘅歌手，好彩佢人在英皇而非華納，未來唔似會再有同陳詠謙合作嘅可能。〈P〉其實算係不過不失，但因為林若寧同林夕寫過好歌畀張敬軒，而張敬軒自己早期作品都寫得青澀可愛，陳詠謙嘅歌就相形見絀。故事寫因戰禍而天人相隔其實好清楚，但主人公喺副歌嘅內心戲，可謂不明不白。「忘掉了生死／用愛跟這世界對比」，其實睇唔出邊個死咗抑或係一齊死，但既然係人生無常，話係不可以抱著你，會比「不需要抱著你」更加合理。然後「逾越了生死／當知這份愛從沒禁忌」又係全無鋪墊，因為首歌冇講過呢段感情係禁忌之戀，而為死去情人守節，亦唔係禁忌。「生死難忘／別忘記自己」，驟聽似係一種提醒，提醒自己要好好生活落去，但其實突然筆鋒一轉嘅呢個提醒，同「在雲中禱告／祝福你／繼續飛」係冇衝突，因為主人公由頭到尾都冇話過要殉情。

然後繼續睇Verse2﹐病句又至。「當一切／沒法逃過了劇震」，既然係逃唔過，點解又會用個了字？「誰在瓦礫中獻吻／講永別卻那麼接近」，卻前卻後轉折不清，卻字無法理解。「捉不緊的有太多／這一雙手在提示我／時辰到／人如初」，呢雙咁重要嘅手又係突然出現，極其量只可以話佢上接Verse 1之中「硝煙裡／讓我除去了面罩」嘅手，但有冇必要用雙手除，聽眾不妨存疑。快飛去結尾，「珍惜這份愛才是勝利」換成粵語，就應該係「珍惜呢份愛先係叫贏」，然而本身主人公未有誤解勝利定義，因此亦冇要糾正嘅地方，陳詠謙想用才是二字帶出乜嘢訊息，我都依然未悟到。

另外亦必須要討論〈壯〉，畢竟呢首可以話係陳詠謙眾多作品之中最言之有物嘅一首。我地都知道所有創作者喺寫自己最熟悉嘅題材往往係寫得最入肉，林夕寫苦戀寫到出神入化，黃偉文寫同志戀情別出心裁，都係因為有親身經歷，所以緣事而發，份外有感。意淫其實冇問題，樂而不淫，無傷大雅即可，而陳詠謙擅寫不顧後果嘅價值觀，就寫出咗吳雨霏嘅〈告白〉同陳奕迅嘅〈碌卡〉兩首佳作，係要欣賞。然而我地必須思考嘅係，一個填詞人只寫得好呢種缺乏深度同修養嘅歌詞，可唔可以稱為最佳填詞人。無可否認，黃霑林振強林夕等人確實係一下子將平均數扯得太高，令到後來者好難超越，但文從字順，詞有所指，應該係最低標準，如果連咁都做唔到，直接出demo派台instead of固守曲詞俱全嘅舊例，可能至係更佳出路。

10. 給兒子的信

唔少為陳詠謙平反嘅人都話呢首寫得好，以此作結，真係最好不過。一般人一定先入為主，覺得寫畀自己親生仔，點計係誠意之作，冇理由鳩寫，但陳詠謙不負眾望，又一次成功鳩寫，本色出演，繼續陳詠謙獨樹一幟嘅意思含糊，言不及義。「成年路太遠你學識怨命／所以任性／難受但我會繼續供應」，唔知佢供應啲乜，照計係愛，但真係讀者估，唔係作者寫；「若我有天跛了／你戴上我的眼睛」驟聽好有意境，其實唔知戴上父母嘅眼睛為乜——靠後生傳承自己人生經驗，唔使等老咗至做；代爸爸去環遊世界，亦冇理由用返爸爸對眼；陀住爸爸一對眼球出遊，反而顯現到少少心意，但又不切實際，背離常理，總之點講都唔通。

再睇「如果天地狠狠的將一切理想／破滅了」又係反面教材，大家千祈唔好有樣學樣。破滅，常用於理想或者幻想破滅，此中破滅非關外力，只可以係自體消亡，如果想話理想破滅係外力迫成，簡單可以用消滅用殺掉，靚啲可以用扼殺用磨蝕。雖然語言潮流時刻變動，我地唔可以一味泥古，但將某物破滅呢種寫法，如無意外，過多一百年應該都唔會獲得學界同世俗認受。用呢句病句做副歌第一句，有人話一聽就無名火起，呢種反應真係合理不過。

宏觀睇返成首歌，主人公到底抱持點樣嘅心態育兒，我亦甚為不解。佢有話「還是流我的血／你別忘掉」，提醒對方記得有自己嘅支持，亦有話「是我對不起你」同「可以恨我」，承認自己生仔出於自私，似乎有盡力善待同保護小朋友去盡力彌補之意，但再睇「我對你好／不須答謝我」，又主動提起自己嘅好，提起完又話「不須答謝我」，聽完只覺呢個爸爸暗啞底想要人知恩報恩，但又唔敢直講，扭擰造作。更加得意嘅係，呢個爸爸一直都流露無限愛意，又講到唔介意小朋友失敗，只求佢開開心心，但又忽然狠心咁話「註定某日我將拋棄你於荒野」，到底係因何而生嘅轉折？拋棄本身暗含主動之意，字面意思只可以解讀為主人公主動為之，但呢個爸爸愛心爆棚，應該係對親兒不捨不棄至係，點解會註定拋棄親兒？如果佢想講嘅係人世間自有規律，迫到父母不得不拋棄子女，咁就一定要講得清清楚楚，否則就好難呼應其後嗰句「你永遠有一種愛／從未缺少」。概而言之，呢封信真係好深奧，除非佢身體力行去抵制香港政府強制十二年義務教育，用自己一套中文去教仔，否則佢個小朋友未來都好難聽得明佢想表達啲乜。

總結

時間有限，每首只可以點評少少，但不知不覺，都寫咗六七個鐘。我試過填詞，知道填詞唔易，但自知之明，理應人皆有之。我相信大多數人都係不滿佢「我叻仔我可以肥」嘅招積，不滿蜀中無大將，而廖化竟自以為曹操。我個人偏好林夕，上文信手拈來例子大多以佢作品為主，希望大家體諒。最後衷心希望呢個寫得相當簡單嘅分析，算係勉強整理得到大家嘅見解，我知「殘忍只須一棍」同衛蘭都好恐怖，但考慮到其中問題同以上例子大體相似，在此不贅。辭多歉甚，如有補充賜正，歡迎切磋交流。

https://gnimmm.com/2018/11/25/smartfatchan/

Question 3

戒情人歌詞意思那火星來的據說是空姐。ah-yo。 在Facebook 的評價

Accepted Answer

Like Like Like

講廣東話的香港人，應該自然會識哂全部。但看到文字解釋，還是第一次 (有時台灣同事問一些廣東話的意思，我也解釋到九唔搭八的，來源也不知道。哈）

廣東俗語典故

一）留返拜山先講
情景：若有人不停嘴的說些你不感興趣的內容，你想叫他閉嘴。
　　　我而家唔得閒聽你講嘢，有嘢留返拜山先講啦。
　　　——時間很趕，有什麼以後再說吧。
解釋：傳說是拜山時說話百無禁忌，什麼都可以講，所以有〔有嘢留返拜山先講〕的說法。字面解釋是〔有什麼話留到清明祭祖時再說〕，但實際上是“不想聽你說，你要說就在拜山時自己說個夠”的意思。

二）掂過碌蔗
情景：描述一種非常順利的情況。
　　　新年一過，就又升職加薪又揾到女朋友，今年運程掂過碌蔗。
　　　——新年一過，就又升職加薪又找到女朋友，運程好得不得了。
解釋：甘蔗很直（粵語的〔掂〕有直的意思），也很甜（粵語〔甜〕、〔掂〕近音），因此甘蔗很〔掂〕。若比甘蔗還〔掂〕，那就確實很順口了。

三）冇咁大個頭唔好帶咁大頂帽
情景：責怪別人不自量力。
　　　月薪得三千文就學人供車供樓，冇咁大個頭就唔好帶咁大頂帽。
　　　——月薪只有三千元就學人家供車供樓，沒有這樣的能力就不應該勉強。
解釋：若戴上一頂比自己的頭大得多的帽子，就會不合襯，而且戴得很辛苦，這句俗語是一個生動的比喻。另外，〔學人……〕在粵語中很常用，也是指責別人做了本不合適做的事，如〔學人拍拖〕、〔學人食煙〕。

四）行路唔帶眼
情景：青年人撞倒老人身上，老人責怪他不小心。
　　　後生仔，乜你行路唔帶眼口架。
解釋：普通話都有〔走路不帶眼〕的說法。這裡要說的是粵語中〔行〕跟〔走〕的區別，〔行〕就是正常速度的走路，而〔走〕就是接近跑步的快步前進。清楚這點就容易明白〔未學行先學走〕的意思了。

五）扮嘢
情景：椓穿別人的假面目。
　　　唔使扮嘢喇，我唔會再信你。
　　　——不要裝模作樣了，我不會再信你。
　　　我最憎人扮嘢。
　　　——我最討厭別人裝蒜。
解釋：〔嘢〕是東西，但所謂〔扮嘢〕，並不是扮東西，而是裝作處於某一種狀態，如扮窮、扮斯文、扮好學……當然，有時〔扮嘢〕也指扮人，某電視綜藝節目就有一個〔扮嘢環節〕，專門模仿明星和其他名人。普通話中的〔裝蒜〕與〔扮嘢〕幾乎完全對應。

六）嗱嗱聲
情景：老闆吩咐下屬趕工。
　　　阿儀，嗱嗱聲同我打呢份快勞出嚟。
　　　——阿儀，趕緊幫我打這份文件出來。
解釋：很多個形如〔××聲〕的詞都表示迅速，如〔含含聲〕、〔雪雪聲〕等，此外例句還可以用〔嗱嗱臨〕代替，意思相同。〔快勞〕是英文單詞file 的譯音。

七）唔好嘈
情景：叫別人安靜，不要嘈鬧。
　　　我睇緊書，你哋唔好嘈天巴閉啦！
　　　——我正在看書，你們別在那裡吵鬧！
解釋：〔嘈吵〕一詞，粵語取前字〔嘈〕，普通話取後字〔吵〕，實際上表示相同意思。〔嘈天巴閉〕、〔嘈嘈閉〕、〔嘈生曬〕意思都差不多，核心都在於一個〔嘈〕字。當然，也可以直接說〔你哋靜啲啦！〕

八）開胃
說明：且看粵語詞〔開胃〕的兩種用法。
　　　我今餐好開胃，食咗三碗飯。
　　　——我這頓飯胃口很好，吃了三碗飯。
　　　幾十萬就想買呢區嘅樓？你真係開胃！
　　　——區區幾十萬就想在這一區買房？你倒想得美！
解釋：兩個〔開胃〕意思不同，前句指胃口好，是這個詞本來的意思；後句的〔開胃〕由本來意思引申而來，形容某些人的過分要求或理想，帶有一些職責或不滿的意味。

九）批個頭落嚟畀你當凳坐
情景：堅信自己的判斷。
　　　如果中國隊今次入到世界盃決賽週，我批個頭落嚟畀你當凳坐！
　　　——要是中國隊這次能衝出亞洲進入世界盃決賽週，我把頭割下來讓你坐！
解釋：〔批〕，在粵語中是〔切、削〕的意思，例如〔批蘋果〕。有膽量用自己的頭來打賭，證明說話者必定對自己的判斷很有信心。

十）跟你姓
情景：堅信自己的判斷，因而發誓。
　　　如果佢入到呢次面試，我就跟佢姓／我就乜都得／我就切！
　　　——若他竟然可以進入面試，我就跟他的姓／叫我幹啥也行／我就自宮！
解釋：這種表達，通常前句是一個假設句式，而且在說話者心目中，這個假設條件是不可能成立的。上面所講的〔切〕，實際上是〔切除某重要器官〕的簡寫，粵語中常常用一個〔切〕字代替。

十一）相嗌唔好口
情景：別人吵架時，勸籲別人停止爭吵。
　　　大家一人少句啦，相嗌唔好口啊。
　　　——大家別再吵了，吵架對大家都沒好處。
解釋：所謂〔一人少句〕，就是〔每個人都少說一句〕，就是叫大家停口。而〔相嗌〕，就是相互〔嗌交（吵架）〕。

十二）出少句聲當幫忙
情景：希望吵架的其中一方不要再出聲挑起矛盾。
　　　你唔好再同佢嘈喇，出少句聲當幫忙啦。
　　　——你就當幫我個忙，少說兩句吧。
解釋：吵架要出聲說話，〔出少句聲〕也就是〔停口〕的另一種表達了。粵語中表示爭吵的詞有很多，例如〔嘈〕、〔嗌交〕、〔嗌霎〕、〔鬧交〕等。

十三）留返啖氣暖下肚
情景：不屑於與對方爭吵。
　　　同佢嘈都嘥氣啦，不如留返啖氣暖下肚。
　　　——跟他爭吵完全沒意義，還不如省口氣。
解釋：這是一個生動的表達，說明與對方爭吵的價值還不如自己肚內的一口暖氣。與其〔嘥（浪費）氣〕，還不如〔留返啖氣〕。

十四）怕咗你先怕米貴
情景：被某人長時間纏繞後，對其表示無奈和厭煩。
　　　我怕咗你先怕米貴，最後幫埋你呢次，以後唔好再嚟煩我！
　　　——我算是怕了你，最好幫你這次忙，以後別再煩我！
解釋：米是生活必需品，人們固然害怕米價升高，但若害怕某人的程度甚於害怕米貴，那就說明他很可怕了。〔先〕是〔才〕的意思。

十五）孻仔拉心肝
說明：要表達〔最小的兒子最得疼愛〕，粵語有一句獨特的俗語。
　　　偉仔喺屋企排最細，所謂〔孻仔拉心肝〕，阿媽最惜嘅就係佢。
　　　——小偉在家裡排行最小，所謂〔最小的兒子最親〕，媽媽最疼的就是他。
　　　偉仔乜都肯同我哋講口架，孻仔拉心肝吖嘛。
　　　——小偉什麼都跟我們說的，最小的兒子最貼心嘛。
解釋：完整版本是〔孻仔拉心肝，孻女拉五臟〕，但通常只講前半部分。〔孻〕在粵語中是指最後的一個，如孻女、孻叔、孻屘〔mei1〕，而〔拉心肝〕則表示心肝相連（貼心）。由於〔孻〕、〔拉〕同音，因此很多人會錯寫成〔拉仔拉心肝〕。

十六）生骨大頭菜
說明：形容寵壞了的孩子，粵語也有獨特的俗語去表達。
　　　呢個細路真係生骨大頭菜，屋企所有大人都遷就曬佢。
　　　——這小孩真的被嚴重寵壞了，家裡所有大人都遷就他。
解釋：大頭菜的菜莖是軟的，那些種壞了的，手感就會很硬，就叫〔生骨〕。粵語裡面，〔種〕〔縱〕同音，所以生骨大頭菜形容被縱壞（慣壞）了而品行不佳的孩子。有時也可以講〔生曬骨〕，如：〔你個皇帝仔縱到生曬骨，冇得教口架喇。〕

十七）擺上臺
說明：若不滿被人推出來當出頭鳥，可以如何表達呢？
　　　呢個項目我根本就唔清楚，你而家話我係負責人，即係擺我上臺啫。
　　　——這個項目我根本不清楚，你現在說我是負責人，不是分明想陷害我嗎？
解釋：所謂〔擺上臺〕，就是〔擺上檯面〕，顧名思義就是把某人推到前面來當箭靶，包含〔陷害〕的意思。又例如：國足嗰兩個鬼佬教練都係畀足協擺上臺嘅（兩位洋教練都是足協的替死鬼）。

十八）放飛機
說明：說好了去做，又不去做而令人受欺騙的行為，粵語又叫〔放飛機〕。
　　　你咁早返嘅？唔係約咗阿雲踢波咩？
　　　——你怎麼這麼早回來？不是約了阿雲踢球嗎？
　　　B：唔好提喇，佢又放飛機！
　　　——不要提了，他又爽約！
　　　如果你今次再放我飛機，以後朋友都冇得做！
　　　——要是你這次再失約，以後連朋友也不做了！
解釋：〔放飛機〕相當於〔爽約〕。在〔放〕和〔飛機〕之間，可以加上被〔放飛機〕的受害對象，如〔放佢飛機〕、〔放老世飛機〕等。

十九）大頭佛
說明：闖禍或惹出了麻煩事，有種生動的講法叫〔搞出個大頭佛〕。
　　　嗰單拆遷工程本來話系想改造舊城區，點知搞出個大頭佛。
　　　——那項工程本來說是想改造舊城區，哪知搞成一團糟。
　　　特首唔易做，派生果金都差啲派出個大頭佛。
　　　——特首不易當，派老年津貼都差點出亂子。
解釋：〔大頭佛〕源於舞獅習俗，由於後面常跟著一大幫敲鑼打鼓的人，因此被比喻為一堆麻煩事。〔大頭佛〕除了可以〔搞〕出來，有時也可以跟其它動詞，如上面的〔派〕。此外，也可用〔搞到一鑊泡〕這個近義詞替換。

二十）七國咁亂
說明：以下對話示範了粵語中表達〔亂〕的意思的一種生動說法。
　　　A：我想去你間新屋參觀下。
　　　——我想到你的新居參觀一下。
　　　而家重裝修緊，入面七國咁亂，你都係遲啲先嚟啦。
　　　——現在還在裝修，亂糟糟的，你還是遲點再來吧。
解釋：俗語〔七國〕是指戰國時的七國亂勢，〔七國咁亂〕就是亂得一塌糊塗。粵語詞彙豐富，意義相近的還有〔立立亂〕、〔亂曬坑〕、〔亂曬龍〕等詞，可以交替使用。

二十一）你鋪話法
說明：不同意別人說的話，有時還可以用以下這種方式。
　　　而家嘅汽油都係之前高價入返嚟嘅，所以唔應該降價。
　　　——現在的汽油都是（汽油公司）以前高價買回來的，所以現在不應該降價。
　　　你鋪話法（吖）！噉以前低價買入嘅汽油又唔見低價賣返畀消費者？
　　　——你的說法很有問題，那以前低價買進的汽油怎麼又不低價賣給消費者？
解釋：〔你鋪話法〕實際上是〔你鋪話法要戒喇〕的省略形式，用於完全否定對方的觀點，意思是〔你這種說法不對〕或〔你不能這樣說〕。加上〔吖〕後，否定語氣更強烈。

二十二）話齋
說明：上期說過否定別人的觀點的方法，這次講一下如何讚同並引用別人的觀點。
　　　學你話齋，做人最緊要開開心心。
　　　——就如你說的，做人最重要是開開心心。
　　　正如蔡生話齋，錢系買唔到健康嘅，所以你揾錢之餘都要注意身體。
　　　——正如蔡先生說的，錢是買不到健康的，所以你掙錢的同時也要注意身體。
解釋：由於〔話齋〕通常是引用別人的話或觀點，所以前面往往搭配〔學〕、〔正如〕等詞。注意在上面第二句中，〔所以〕後面的分句並非引用的內容，是說話者自己的意見。〔話齋〕還有個近義詞叫〔話事偈[gai2]〕，不過現在用的人已不多。

二十三）事急馬行田
說明：危急形勢下採用非常規的應對辦法，可謂〔事急馬行田〕。
　　　甲：司機，我老婆就生得喇，唔該開快啲啦！
　　　——司機，我妻子快生產了，請開快點吧！
　　　乙：老世，前面紅燈啊，阿Sir 會抄牌口架。
　　　——老闆，前面是紅燈，員警會抄牌的。
　　　甲：照衝過去啦，事急馬行田啊，有咩後果我負責！
　　　——照衝過去吧，事情來得緊急，沒辦法了，我負責一切後果。
解釋：〔事急馬行田〕源自象棋，指形勢危急時馬走田字，而不按規矩走日子。〔生得〕，粵語又叫〔蘇得〕，都是〔可以生〕的意思。類似的用法還有〔走得〕、〔食得〕等。

二十四）擺明車馬
說明：形容顯而易見的事情，可用〔擺明車馬〕，或其簡化形式〔擺明〕。
　　　你上司喺呢個時候安排你出差，擺明（車馬）系唔想你接手玉嬌嗰單官司。
　　　——你上司這個時候安排你出差，顯然是不想讓你接手玉嬌那樁官司。
　　　嗰個乜乜委又開聽證會，擺明（車馬）又準備調高油價。
　　　——那個什麼委又開聽證會，看來又要調高油價了。
解釋：這個俗語中，〔車〕讀〔居〕音，而不讀〔ce1〕音。〔乜乜〕，相當於〔什麼什麼〕、〔所謂的什麼〕，帶有一種不屑的感情。〔擺明〕，有近義詞〔明框〕，如〔佢明框呃你（他顯然是騙你）〕。

二十五）食人隻車
說明：若覺得對方要求過分，貪得無厭，就可以對他使用這句俗語。
　　　兩個爛鬼獸頭銅像賣到成億文，食人隻車咩！
　　　——兩個破獸首銅像賣到上億元，太離譜了！
　　　甲：你快啲陪返部新電腦畀我！
　　　——你快點賠我一台新電腦！
　　　乙：嘩！我整爛你個鼠標，你要我賠成部電腦畀你，想食咗我隻車啊？
　　　——哇！我弄壞你的滑鼠，你要我賠你一整台電腦，這不是搶嗎？
解釋：這個俗語也是出自象棋，所以〔車〕也是讀〔居〕，其中的〔人〕字可以替換成第一人稱的〔我〕。意思和用法相近的表達方式還有〔你唔好去搶？〕、〔想攞命咩！〕等。

二十六）車大奅
說明：〔說大話〕在粵語中有一個特別的俗語，氣勢上比〔吹牛〕更厲害。
　　　甲：禽晚我去咗志雲個飯局。
　　　——昨晚我去了志雲的飯局。
　　　乙：你唔好車大奅啦，志雲今朝先從英國返嚟。
　　　——你別胡扯了，志雲今早才從英國回來。
　　　阿女，以後唔好同振聰交往咁多，呢個人專車大奅，信唔過嘅。
　　　——女兒，以後別跟振聰交往太多，這個人專會吹牛，信不過的。
解釋：很多人寫成〔車大砲〕，其實本字為〔扯大奅〕，不過現在〔車〕已衍生出〔胡亂說話〕的意思了，類似北方話的“侃”，例如〔車天車地〕，因此寫成〔車大奅〕也可。

二十七）執笠
情景：早一段時間，時時都聽到有企業倒閉的消息，“倒閉”，粵語叫“執笠”。
　　　林伯間電視台長期蝕本，如果唔儘早改善經營策略，實聽執笠。
　　　——林老先生的電視台長期虧本，要是不儘早改善經營策略，就等著倒閉。
　　　以前呢度有間雲吞麵店，點解而家唔見咗？
　　　——以前這兒有一件餛飩麵店，怎麼現在不見了？
　　　B：最近市道唔好，上個月執咗笠啦。
　　　——最近市道不好，上個月結業了。
解釋：〔執笠〕可加上一些時態助詞，如〔咗〕、〔緊〕，如〔執咗笠〕，有時亦省略成〔執咗〕。〔實聽〕，有〔必定會、早晚會〕的意思，又如〔噉打法實聽輸波（這樣打下去準會輸球）〕。

二十八）弊傢夥&大鑊
說明：形容很糟糕的情況，有多種表達方式。
　　　弊傢夥，唔記得帶鎖匙添！
　　　——糟了！忘記了帶鑰匙！
　　　唔小心刪咗成個文件夾，今次大鑊喇！
　　　——不小心把整個文件夾都刪了，這次問題可大了！
解釋：在一般情況下，兩詞可以互換，但也有微小差別，〔弊傢夥〕一般指特發的情況，而〔大鑊〕主要強調事件的嚴重性，不一定是特發，例如〔我隻腳好大鑊，韌帶撕裂〕一句，則不可換成〔弊傢夥〕。粵語的〔弊〕本身就是糟糕的意思，由它衍生出的另外幾個相似的俗語：〔弊一弊都冇咁弊〕、〔弊家了（liao1）〕、〔弊曬〕。

二十九）同人唔同命
說明：〔同人唔同命〕形容人之間命運際遇的不同，往往包含一種無奈感嘆的情緒。
　　　甲：人又叫澤楷，我又叫澤楷，點解人哋老竇有幾百億身家，我老竇就得幾百文一個月嘅退休金？
　　　——別人叫澤楷，我也叫澤楷，為什麼別人的老爸有幾百億身家，我老爸卻只有一個月幾百塊錢的退休金？
　　　乙：呢地啲咪叫“同人唔同命”囉。
　　　——這就叫“同人不同命”嘛。
解釋：首句的〔人〕是〔人哋〕的簡寫，表示〔別人〕的意思，如〔人有我有〕、〔人不犯我我不犯人〕。〔同人唔同命〕還有押韻的下句〔同遮唔同柄〕，人的命運各不相同，正如同樣是傘，傘的把也各不相同。

三十）買棺材唔知埞
說明：形容別人的行為將會引起很大危險，而他本人卻意識不到，可以用這句俗語。
　　　天雨路滑又大霧，你重開到成百公里時速，係咪買棺材唔知埞？
　　　——天下雨，路濕滑，霧又大，你還開到上百公里的時速，你不怕死嗎？
　　　明知呢條巷多賊仔，佢重夠膽死一個人帶住十幾萬現金行入去，真係買棺材唔知埞。
　　　——明知道這條巷多賊，他還膽敢一個人帶著幾十萬現金走進去，真的不知死活。
解釋：〔埞〕是〔地方〕，到哪裡買棺材也不知道，就是對死一點觀念都沒有，也就是粵語所說的〔唔知死〕。〔夠膽死〕中的〔死〕字沒有特別意思，純粹加強語氣，相當於〔竟然夠膽……〕。

三十一）唔知個×字點寫
說明：與上期俗語意思相同的有〔唔知個死字點寫〕，引申開去其它意思，就是〔唔知個×字點寫〕。
　　　你個衰仔，擒到咁高，係咪唔知個死字點寫？
　　　——你這不聽話的傢夥，爬到那麼高的地方，是不是不怕死？
　　　嗰個芙碌姐姐，成日擺自己啲三級相上網，都唔知個醜字點寫嘅。
　　　——那個芙碌姐姐，老是擺自己的艷照上網，連什麼叫羞恥都不知道。
解釋：唔知個×字點寫，相當於〔不怕×”或“不會×〕，如〔唔知個輸字點寫（贏定了）〕，〔唔知個驚字點寫（絲毫不害怕）〕。〔擒〕是指用手腳一齊攀爬，如〔擒牆〕、〔擒高擒低〕。

三十二）得個吉
說明：〔得個吉〕就是〔一場空〕的意思，形容希望落空。
　　　嗰日去咗六間公司見工，結果搞咗成日得個吉，一份都見唔成。
　　　——那天到過六間公司求職，結果白廢一整天，一份工都找不成。
　　　今晚等流星雨等咗成晚，點知得個吉，半粒流星都見唔到，流鶯就見到幾隻。
　　　——今晚等了一整晚的流星雨，誰知道希望落空，半顆流星都見不到，流鶯倒見到幾隻。
解釋：由於粵語〔空〕、〔兇〕同音不吉利，所以〔得場空〕便避諱成〔得個吉〕。〔成〕強調一個整體，如〔成晚〕、〔成身〕、〔成個國家〕。

三十三）得個×字
說明：〔得個〕之後不單單可以接〔吉〕字，還可以接上各種各樣的〔字〕。
　　　東亞嘅日本，韓國，朝鮮都入咗南非世界盃決賽週，而我哋嗰班“大牌”國腳，到時就淨係得個睇字。
　　　——東亞的日、韓、朝都進了南非世界盃決賽週，而我們那幫“大牌”國腳，到時候就只有看的份兒。
　　　車展有咩好去？嗰啲車你又買唔起，得個恨字。
　　　——車展有什麼好去的？那些車你又買不起，只有羨慕的份兒。
解釋：〔得個×字〕的×往往是動詞，〔得個〕就是〔只能〕，〔只有……的份〕，又如〔得個講〕、〔得個做〕。〔恨〕，除了〔痛恨〕，在粵語裡頭還有〔非常想得到〕、〔渴望〕的意思，如〔恨嫁〕、〔好恨食榴蓮〕。

三十四）系噉意
說明：為了應付某些事情而做個樣子，粵語叫〔系噉意〕。
　　　外母煮嘅餸好難食，我係噉意扒咗兩啖飯就算數。
　　　——丈母娘做的菜很難吃，我隨便吃了兩口飯應酬過去。
　　　新年大頭，系噉意畀封利市你！
　　　——新年好日字，給個紅包你，意思意思。
解釋：在〔系噉意〕中，〔意〕要轉調讀成〔椅〕。〔算數〕並非指算術，而是“罷了，算了”的意思，例如〔我唔會就噉算數（我不會就此罷休）〕。

三十五）話之你
說明：〔話知你〕表示對某事漠不關心的態度，意思是〔管你那麼多〕。
　　　甲：我又失戀啊！——我又失戀了！
　　　乙：話之你，唔好嘈住我上網！
　　　——才不關我的事，別打擾我上網！
　　　邊個犯咗法都要受到製裁，話之佢系乜嘢高官有錢佬。
　　　——誰犯了法都要受到製裁，不管他是什麼高官或有錢人。
解釋：視乎說話的對象，可用〔話之你〕（第二人稱）或〔話之佢〕（第三人稱）。此外，〔話之你／佢〕也可以引出條件句，相當於〔不管、無論〕的意思，如上面最後一句。

三十六）十劃未有一撇
說明：俗語〔十劃未有一撇〕比喻事情才剛剛開始，毫無眉目。
　　　甲：聽講你準備開公司喎，開業嗰日記住叫埋我。
　　　——聽說你準備開公司，開業那天記得叫上我。
　　　乙：到時先算啦，而家十劃未有一撇。
　　　——到時再算吧，現在離成事還很遙遠。
解釋：〔劃〕是指〔筆劃〕，此俗語本來叫〔十字未有一撇〕，以前練寫字，一般從橫、豎開始，因此很多人選〔十〕字來寫。當練了很長時間，還僅僅是寫了橫、豎，未開始寫〔撇〕，因此〔十字未有一撇〕比喻事情剛剛開始，以後要做的事還很多。

三十七）水蛇春咁長
解釋：形容事物過長而令人生厭，可用俗語〔水蛇春咁長〕。
　　　甲：得閒就嚟我個微博睇睇，呢個系網址。
　　　——有空就來我的微博看看，這是網址。
　　　乙：個網址水蛇春咁長，邊記得住啊？
　　　——網址這麼長，哪記得住？
　　　嗰個領導講話水蛇春咁長，有成半人瞓著咗。
　　　——那領導說話又長又悶，有過半人都睡著了。
解釋：〔卵〕在粵語叫做〔春〕，據說水蛇的卵連成一條相當長，所以〔水蛇春咁長〕比喻冗長且令人生厭的東西，有時可用〔又長又臭〕代替。

三十八）一匹布咁長
解釋：若某件事情說來話長，非三言兩語講得清楚，可用〔一匹布咁長〕形容。
　　　甲：點解明哥同鵬仔咁大仇口嘅？
　　　——為什麼明哥跟鵬仔結了這麼大的怨？
　　　乙：講起就一匹布咁長喇。
　　　——說來就話長。
解釋：〔水蛇春咁長〕與〔一匹布咁長／成匹布咁長〕都有〔長〕的意思，但前者指單一簡單事情的冗長，而後者指牽涉的事情多或關係複雜，兩者不可相互取代。

三十九）攞命
說明：在〔酒後駕車會攞命〕中，〔攞命〕取其本意〔奪命〕，除此之外，還有其它意思。
　　　　Beyond 嘅《情人》呢首歌，有幾句歌詞好攞命。
　　　　——Beyond 的《情人》這首歌，有幾句歌詞很令人動容之極。
攞命咯！要喺三十幾度高溫之下排幾個鐘隊先入得場。——真要命！要在三十多度高溫下排幾個小時的隊才能進場。
解釋：這裡〔攞命〕大致表示〔要命，讓人接受不了〕的意思，但可分別表示好的事情（第一句）和不好的事情（第二句），現在也有人以〔攞膽〕代替〔攞命〕。

四十）攞景定贈慶
說明：當責怪別人在某些場合做出一些事使人難堪，就會用到“攞景定贈慶”。
　　　阿麗啱啱失戀，你兩個就喺佢面前曬恩愛，攞景定贈慶啊？
　　　——阿麗剛失戀，你們倆就當她面表現得如此恩愛，這不是故意讓她難受嗎？
　　　阿爺個展覽會開張大吉，寒少就大講隔籬間幼兒園嘅劈人事件，都唔知佢攞景定贈慶。
　　　——爺爺的展覽會剛開張，寒少就大談隔壁幼兒園的砍人事件，分明是讓爺爺難堪。
解釋：〔攞景定贈慶〕這句話用於製止不適當的行為，其中〔攞景〕是有意作秀，〔贈慶〕是湊熱鬧，這兩種行為有時會引起其他人的不快。〔曬〕有〔炫耀、擺顯〕之意，如〔曬命〕、〔曬身家〕等。

四十一）打醒十二分精神
說明：表示〔格外留神，特別小心〕，可用〔打醒十二分精神〕。
　　　呢段路成日出事，你要打醒十二分精神摣車。
　　　——這段路總是出事，你要非常小心開車。
　　　搭車嘅時候一定要打醒十二分精神，隨時有賊仔伸手落你個袋。
　　　——乘車的時候一定要格外留神，隨時有小偷把手伸進你的口袋。
解釋：十分已經是滿分，十二分就是超過滿分，強調要全神貫注，不能有半分走神。〔搭車〕與〔坐車〕的區別就是前者不一定有位坐，因此對於站著〔搭車〕的人更要〔打醒十二分精神〕防賊。

四十二）甩底
說明：因某人的變故而破壞定好的計劃或約定的事情，則可形容該人〔甩底〕。
　　　林書記應承搞我個仔入重點學校讀書，點知最後甩底。
　　　——林書記答應搞我兒子進重點學校讀書，誰知最後沒有幫忙。
　　　為咗唔甩你底，我推曬今日所有約會。
　　　——為了不失約於你，我推掉今天所有的約會。
解釋：瓦鍋一旦發生甩底（底部脫落）意外，裡面煮好的食物都浪費了，因此〔甩底〕比喻原來的計劃全盤打亂，意思近似〔放飛機〕，但“甩底”帶有一定客觀因素，且未必是指赴約，意思更廣泛。

四十三）一句講曬
說明：當說完一番話之後，可用〔一句講曬〕引出中心論點或核心問題。
　　　一句講曬，你肯唔肯幫我？
　　　——說白了，你肯不肯幫我？
　　　我講咗咁多，一句講曬，都係唔想你畀人呃。
　　　——我說了那麼多，無非是不希望你被人欺騙。
解釋：〔一句講曬〕是插入語，根據對話上下文可譯成不同的書面表達方式，例如〔總而言之〕、〔一言以蔽之〕、〔一句話〕、〔說白了〕，等等，跟在其後的都是〔一句話就講完〕的總結性內容。

文：九唔搭八．2011年2月23日

擸雜舊書攤。廣東話資料館

關於 戒情人歌詞意思 ，我們在網路上蒐集到這些相關的討論、資訊與評價

「戒情人歌詞意思」的推薦目錄：

戒情人歌詞意思 在 許靖韻「小背心」Angela Hui Facebook 的最佳貼文

About author

戒情人歌詞意思 在 a仔．音樂．旅遊 Facebook 的最讚貼文

About author

戒情人歌詞意思 在 那火星來的據說是空姐。ah-yo。 Facebook 的最讚貼文

About author

戒情人歌詞意思 在 許靖韻「小背心」Angela Hui Youtube 的最佳解答

About author

戒情人歌詞意思 在 許靖韻「小背心」Angela Hui Youtube 的最佳貼文

About author

你可能也想看看

搜尋相關連結

關於戒情人歌詞意思，我們在網路上蒐集到這些相關的討論、資訊與評價

戒情人歌詞意思在許靖韻「小背心」Angela Hui Facebook 的最佳貼文

戒情人歌詞意思在 a仔．音樂．旅遊 Facebook 的最讚貼文

戒情人歌詞意思在那火星來的據說是空姐。ah-yo。 Facebook 的最讚貼文

戒情人歌詞意思在許靖韻「小背心」Angela Hui Youtube 的最佳解答

戒情人歌詞意思在許靖韻「小背心」Angela Hui Youtube 的最佳貼文