【#iPhone13登場】有日本網民仲話冇HOME掣都係寧願用返iPhone7😐
►看全文 https://bit.ly/3ElBLF1
#iPhone #Apple發布會 #日本滿點 #食玩買 #01旅遊 #好食玩飛 #香港01
-------------------------------------------------
📱👾活動報料、合作查詢請電郵至👇
tech@hk01.com
-------------------------------------------------
同時也有7部Youtube影片,追蹤數超過4萬的網紅李根興 Edwin商舖創業及投資分享,也在其Youtube影片中提到,INSEAD 知識分享【做生意如打仗 - 尋找 Blue Ocean 的六條新路】 如果你的競爭對手比你更強,你應該如何打勝這場仗呢? 根據 Blue Ocean Strategy 藍海策略之父 W. Chan Kim,有六條路「打勝」這場仗。你應如何應用? 聯絡李根興 WhatsApp (+...
手機市場佔有率 在 PC3 Magazine Facebook 的最讚貼文
【小米平板5】稍早嘅時候,網路流出咗一張疑似為小米平板5嘅CMF示意圖,即刻click入內文睇規格詳情啦!
https://pc3mag.com/mi-pad-5-being-revealed/
#小米 #小米平板5 #平板 #CMF示意圖
————————————————————
記得Follow埋小編我哋PC3嘅帳號哦
MeWe:https://bit.ly/3mvanuO
Facebook:https://bit.ly/39zmTG8
Instgram:https://bit.ly/3gZz7b2
Youtube:https://bit.ly/37mQDdG10
————————————————————
設定小編我哋PC3專頁「搶先看」!優先取得科技生活著數玩樂情報
設定教學:https://bit.ly/335Fwwp
手機市場佔有率 在 T客邦 3C 科技 Facebook 的最讚貼文
小米能混到這般成就,也是不得不讓人佩服
手機市場佔有率 在 李根興 Edwin商舖創業及投資分享 Youtube 的精選貼文
INSEAD 知識分享【做生意如打仗 - 尋找 Blue Ocean 的六條新路】
如果你的競爭對手比你更強,你應該如何打勝這場仗呢? 根據 Blue Ocean Strategy 藍海策略之父 W. Chan Kim,有六條路「打勝」這場仗。你應如何應用?
聯絡李根興 WhatsApp (+852) 90361143
全文內容:
做生意好似打仗咁, 如果你嘅敵人好強,你同佢正面交鋒 ,即使你贏,你都只係慘勝。 你會好傷。
你同個強過你的競爭對手鬥平 鬥靚,就等如係同佢係正面交鋒。 呢個係一個紅海, 互相廝殺,血染大海。咁點呢?
我星期六經常同唔同嘅朋友交流下做生意心得, 4位,人少少方便傾計, 如果你有興趣參加,可以whatsapp你張卡片畀我助手 Suki 5566 1335, 免費,我請食飯, 大家交個朋友。
前排就同其中一做開手袋嘅朋友Brainstorm 下佢盤生意點可以突破。 始終牽涉私隱,唔好開佢公司或人名啦。Let's call him Peter.
Peter 好成功, 紅褲仔出身,廿年前由東南亞 OEM (Original Equipment Manufacturer) 做起, 即係幫人哋嘅品牌生產手袋。 前幾年就建立埋自己嘅品牌, 有埋自己十間八間嘅專門店, 賣到全世界都有佢嘅袋。 (為保障佢私隱,上面有啲內容我修改咗些少。)
表面上好成功,但老實說,佢都話做得好辛苦, 俾大品牌挨住嚟打。肺炎疫情更加唔洗講,基本上每個月蝕住做。
我同佢講, 佢就好似正面地同強過自己嘅敵人打仗咁, 敵人就係 LV,Chanel,Gucci,Prada 等, 佢哋永遠都喺度, 鬥平或者鬥靚,即使打贏場硬仗,好大機會即使打贏,自己都只會受重傷,慘勝。
要打佢,就應該從側邊打。 攻佢一啲佢唔為意嘅地方。 吸嗰啲根本唔會幫襯佢或就嚟發想想再幫襯佢嘅客人。吸佢嘅 Non-Customers。
你諗下,如果喺街上面問一百個人, 佢哋有冇買LV/Gucci 手袋,99個都可能答你「無買」 或唔打算「再買」。 只係得一個有。 咁你同佢打就唔應該搶嗰一個客,而係應該target嗰99個 non-customers。而嗰99個non-customers 入面,只要有一個願意幫襯你,你嘅市場佔有率就係50%,有兩個幫襯你,你嘅市佔率係66%。
你係要target嗰啲「買袋 for those do not enjoy 買袋嘅客人」。
點搵? 根據Blue Ocean Strategy 藍海策略之父 W. Chan Kim 有六條路, 唔需要條條行曬,行通一條已經足夠。
(1) Across alternative industries 跨越另一選擇行業, (2) Across strategic groups 跨越策略性群組, (3) Across chain of buyers 跨越買家決策鏈, (4) Across complementary services or products 跨越協同效應服務或產品, (5) Across functional-emotional appeal 跨越功能及情感的吸引力, (6) Across time and trend 跨越時間及趨勢.
我同Peter講, 你做手袋可唔可以試下以上六條路。
(1) Across alternative industries 跨越另一選擇行業, 例如我做商舖基金,就係跨越咗兩個行業 - 商舖及基金。 啲人覺得買舖好煩嘅,就會買我嘅商舖基金。一樣係「買舖 for those do not enjoy 買舖。」
當時我哋食緊飯,我同Peter講:「咁你又可唔可以考慮將手袋 cross 另一個行業呢? 好似我哋而家食完飯,成枱都係餸,你又可唔可以推出一啲名牌專打包外賣嘅手袋賣俾餐廳? 環保啲、保溫好啲、 款式多啲,咁餐廳可以轉售畀個客人圖利, 咁就唔會直接同 LV / Gucci 競爭, 咁會唔會吸到嗰99%嘅non-customers, 用手袋 cross Catering 餐飲,又會唔會殺出條血路呢?
(2) Across strategic groups 跨越策略性群組。 一個手袋,可以買亦可以租。係兩個Strategic Groups。既然係咁,可唔可以推出一啲月租計劃, 月費500蚊,預繳每年6000蚊,就每個月無上限,只要個客寄返個袋返嚟,就換個新袋畀佢用呢? 甚至乎搵個形象顧問,幫個客度埋嗰個月嘅新形象,畀啲surprise個客。 咁嘅話,會唔會吸引咗好多老公,幫老婆買個plan送俾佢呢? 咁老公唔使煩,老婆又有surprises。 咁係唔係「買手袋 for those do not enjoy 買手袋? 」 LV / Gucci 嘅 non-customers?
(3) Across chain of buyers 跨越買家決策鏈。 買手袋,有 users 用家 (可能係個阿太),payers 俾錢嗰個 (可能係個老公),influencers 具影響力嘅人 (可能係啲KOL,佢側邊啲阿太朋友或者仔女),critics 評論者 (可能係啲雜誌/網上專家), 上面咁多人,其實每一層都可能影響咗成個買袋嘅過程。 你想賣多啲袋,rather than 好似LV/Gucci 咁狂賣廣告, 不如可唔可以洗啲錢喺唔同層次上面影響個買家呢? 例如專門 target 啲孝順仔女, 唔知你點樣設計個手袋法, 但畀啲仔女感覺到話想阿媽用了個袋後就會「健康」啲,「青春」啲? 或者專門送啲手袋畀KOL (Key Opinion Leaders),俾啲阿太見到,佢哋又跟住買呢?
(4) Across complementary services and products 跨越協同效應服務或產品, 好似外國嘅IKEA, 通常都有個 Child Care Center, 比啲阿媽免費放低個仔女幾個鐘? 入面免費有嘢食,有嘢玩。點解? 佢呢就可以有時間入去 IKEA shopping。放低十次唔買,第十一次,冇嘢做,行下行下自然會買。 買一次就能賺返曬返嚟。
我同佢講:「咁你做手袋專門店, 又可唔可以試下提供一啲免費嘅協同效應服務,例如, 修甲、吹頭、 即場享用嘅修身飲品,whatever, 總之就吸咗個客入嚟舖頭先,十次唔幫襯,第十一次自然會買個袋。 有冇留意到坊間有好多品牌其實都已經做緊同樣嘅嘢,皇后大道中嘅 Mercedes 餐廳,銅鑼灣嘅Leica Cafe 等。
我自己日日拍片畀你免費睇,其實都係行緊呢條 Complementary 路,你睇下睇下, 睇咗100條,1000條,遲早有一日你會買返間舖。 到時第一個搵邊個? 你都可能會考慮下我。
(5) Across functional-emotional appeal 跨越功能及情感的吸引力。 要贏人,就唔好淨係鬥價或者質量。 等如買部手機咁, 唔係function勁就贏曬。 蘋果手機好多嘢都過人,但硬係有好多蘋果迷, 情感上就係要買蘋果。 佢哋多啲錢,都要願意買啲渣啲嘅產品。 呢個就係 Emotion 大過 Function.
包括我在內,點解人地幫我買舖? 可能睇咗我300條片之後,覺得呢條粉腸李根興,日睇舖晚睇舖, 講埋啲乜鬼個人道理/故事,放埋佢老婆仔女上網,感覺呃人都呃極有個譜 , 唔介意畀啲錢佢賺下。
我同Peter 講,你背後又有咩故事同人分享呢? 你盤生意呢?人哋feel唔feel到你呢? 你有乜嘢去 drive emotion 呢?
(6) Across time and trend 跨越時間及趨勢. 隨著時間同埋趨勢/科技嘅改變, 今時今日先有機會有 Deliveroo / Food Panda 等叫外賣應用程式, 網絡速度快才能做到。 以前網絡好慢嘅時候,根本做唔到。我同Peter 講,手袋一樣,有無可能推出一啲袋, 每日可以 track 住佢去邊度,提出消費建議。又或者佢唔使拎銀包出嚟就方便畀到/收到錢呢? Whatever ...
目的就係吸引嗰班 LV/Gucci 嘅 Non-Customers。 只要你吸到1%,你就有50% market share. 唔需要六條路行曬,行通一條已經可以不得了。
我同Peter佢講,there is nothing wrong with what you are doimg now. 正面交鋒,鬥平鬥靚, 養活咗99%中小企。 不過佢哋大部分都只係繼續浮浮沉沉, 要突破嘅話,就係要搵到你嘅藍海。
藍海唔係喺Customers 道搵,而係喺 Non-Customers 道搵。 唔係要去爭,而係要做大個餅。Not Compete, but to Create.
如果我買賣舖,下下都要鬥平 鬥靚,根本無錢賺。 論身家,大把舖王多我幾百倍。但點解過幾年, 係市場嚟買賣賺錢嘅街舖 ,按宗數我哋能夠佔超過五成嘅市佔率? 就係因為我哋吸咗嗰1%嘅 non-customers。
「買舖 for those do not enjoy 買舖。」 我哋搵到我哋嘅藍海。
你呢? 你有無更強嘅競爭對手? 你又係咪同人鬥平鬥靚緊? 係咪正面交鋒到好攰呢? 試下用上面六種嘅方法, 從你嘅敵人側邊打佢, 唔需要條條行得通,只要行啱一條, 希望你盤生意之後長遠亦有所突破。
「做生意如打仗。遇上更強的敵人,要避免正面交鋒。 應從側面六條路,打他們唔為意的地方。」李根興
。。。。。。。。。
星期六我經常會搞下 Brainstorning-for-4 早餐/午餐會,大家交個朋友???? 互相俾下意見睇下盤生意有乜可以做好啲。
地點是中環。約3小時。
對象: 管理層/生意經營者/創業者
有興趣參加的話,請 whatsapp 你的名片給 Suki (我助手) 5566 1335。她會再聯絡你。
免費 (我不是靠這行搵食?)。我請食飯 ? Be friends ..... 多謝! 李根興 Edwin
www.edwinlee.com.hk
手機市場佔有率 在 MEeeep More Youtube 的最佳解答
Samsung 三星喺香港同埋大馬時間 2020 年嘅 2 月 12 號清晨,發佈咗 2020 年首款旗艦手機 Galaxy S20 系列。有乜嘢特別?今日就同大家睇吓!
Samsung Galaxy S20 系列分別為 Galaxy S20、S20 Plus 同埋 S20 Ultra 3個型號,香港行貨相信會用上 Snapdragon 最新嘅 865 處理器,配上 Android 10 系列以及 Samsung OneUI 2.0 介面。3 款手機分別配置咗 6.2、6.7 寸同埋 6.9 寸、類似 Note10 系列擺位嘅 Dynamic AMOLED 2X infinity-O 屏幕,預設解像度係 3200 x 1440,呢個屏幕最高支援 120Hz 嘅更新率,提更流暢嘅畫面,不過解像度就會相應調低。
S20 系列最終亦都刪除咗 3.5 mm 嘅耳機頭,如果你係由之前嘅系列 Upgrade 到 S20 嘅用家,又有用開有線嘅耳機,可能就會有啲唔習慣喇。
今年 S20 最大嘅賣點當然就係影相同埋拍片嘅效果喇,亦睇得出三星Samsung喺呢一方面落咗唔少嘅功夫。Galaxy S20 同埋 Galaxy S20 Plus 都配置咗 1200 萬像素嘅超廣角同埋基本廣角,以及 6400 萬像素嘅遠攝鏡頭,S20 Plus 更加配置 DepthVision 景深鏡,提供 3 倍混合光學無損變焦,以及最大 30 倍嘅 Super Resolution Zoom 數碼變焦功能。
Galaxy S20 Ultra 嘅鏡頭配置就用上咗 1200萬像素嘅超廣角,1 億 800 萬像素嘅基本廣角,同埋 4800 萬像素嘅遠攝鏡頭,加配 DepthVision 景深鏡,提供最高10倍混合光學無損變焦,以及最大100倍嘅數碼變焦功能。
官方表示,以 S20 同埋 S20 Plus 最高嘅 6400 萬像素,同埋 S20 Ultra 最高 1 億 800 萬像素嘅拍攝,景象嘅細節會更加清晰,就算將相片放大都可以清楚咁睇到內容同埋人嘅表情。
另外,S20 系列嘅夜攝模式,喺燈光昏暗嘅情況之下,用更靈敏嘅感應配合同時拍攝多張相片嘅技術,用人工智能合成為同一張更清晰以及少雜訊嘅相片。拍片方面,S20 全系列都支援最高 8K 嘅影片拍攝,以 4K 拍攝亦都支援 60fps 嘅流暢度,對比上代有所提升。
S20 同埋 S20 Plus 配置 1000 萬像素嘅前置鏡頭,而 S20 Ultra 就配備咗 4000 萬素嘅前置鏡頭,媲美好多手機主鏡頭嘅解度,以後自拍都一樣可以有高解像度嘅相片啦!
喺拍攝軟件方面,Samsung 亦都加入咗全新「Single Take」技術,只要撳一下拍攝掣,手機就會開動唔同鏡頭,最後以人工智能揀出最好嘅片同埋相,方便記下珍貴嘅一刻。
Galaxy S20 系列另一個賣點就係支援 5G 雙模技術,而未用到 5G 嘅地區,亦都支援 LTE Cat20 最高 2Gbps下載,同埋 150mbps 上載嘅速度。Wi-Fi 支援最高 Wi-Fi 6 制式,上下載速度都可以達到 1.2Gbps。官網亦都提到,除咗雙 Nano-SIM 之外,Galaxy S20 系列喺部份市場將會支援 eSim 技術,不過香港用唔用到呢,就暫時未有交代。另外,原生電話介面亦都加入咗 Google Duo 嘅視像通話功能,唔知可唔可以因為咁而幫 Google Duo 加大市場嘅佔有率呢?
雖然之前 S10 同埋 Note10 系列嘅屏下指紋析技術出現咗問題,不過 Samsung 三星今次喺 S20 系列都會繼續採用,亦都會支援人臉辨析解鎖,配合獨立嘅保安處理器,為商務市場打下咗一支強心針。
電量方面,S20、S20 Plus 同埋 S20 Ultra 分別內置咗 4000、4500 以及 5000 個 mAh 嘅電量,支援有線同埋無線快充技術。
Galaxy S20 系列將會喺 2020 年嘅 3 月 6 日開始發售,美國嘅零售價分別係 Galaxy S20 嘅 US$999、Galaxy S20+ 嘅 US$1199 同埋 Galaxy S20 Ultra 嘅 US$1399。
《Z世代達人》
麥卓華
#GalaxyS20 #S20Ultra #S20Ultra5G
手機市場佔有率 在 MEeeep More Youtube 的最讚貼文
Payme可以話係香港近年流行嘅電子錢包、除咗因為介面易用之外,作為第一批本地嘅電子錢包,喺「早着先機」嘅情況之下,亦都加大咗 Payme 嘅市場佔有率。
2018 年當轉數快推出嘅時候,Payme 系統未有即時加入轉數快嘅功能,相信一眾用家都非常失望。不過呢個功能最近就隨住新版 Payme 而一齊推出,同大家一齊睇下!
新一代嘅 Payme 支援由更多銀行增值電子錢包,同埋發錢去其他嘅電子錢包陣營,不過如果你好似我咁,之前已經加咗滙豐銀行嘅戶口同埋信用卡,以前已經設定咗滙豐嘅收款戶口、呢個新功能就幫助唔大。
不過我就建議你 Update 咗 Payme app 之後第一時間去設定「轉數快」喇。好似我咁,只要確認番你嘅手機號碼同埋電郵地址,轉數快就好快設定好。好處就係當你要喺 Payme 收錢嘅時候,有人無 Payme,你一樣可以用其他嘅網上銀行或者電子錢包增值,方便好多架!
我就試一次由 Tap and Go 嘅 App 過錢去 Payme 先。首先打開我嘅 Tap and Go App,之後揀 Pay Buddy,再輸入銀碼,好等我試吓轉15蚊先, 跟住輸入番收款人、即係我嘅電話,再揀埋 Send 去我嘅 Payme 戶口。睇番 Payme App,15蚊已經即時到帳啦。
另外、如果你預設嘅收款銀行唔係滙豐,以前你可能要等多一個工作天先至可以拎到錢。但係隨著 Payme 加入轉數快服務,而家只要設定好 FPS 轉數快嘅設定,喺錢包過錢落自己銀行嘅戶口,都可以做到即時收款啦!
提提大家啦,因為增值方便咗,所以官方透露可能減低每個月由信用卡增值電子錢包嘅上限,由原先港幣$5000一個月大幅減到兩千蚊一個月,鍾意用呢個方法儲分嘅朋友就要額外留意!
《Z世代達人》
麥卓華