「手足只得兩個字，所以只有兩個知。」
朋友可以有好多個，但真係交心既就只有
一個或者只需要一個就夠。其實男人既友誼
唔複雜，同女人最大差別可能係大家唔會掛係
嘴邊，唔會講我好掛住你呢D肉麻野，好多時
都會擺係個心到，唔會比對方知。就好似今晚
就算好掛住呢位兄弟，都只會好似平時咁打比佢，
約佢出黎食個飯，噓寒問暖，呢種都算係一種關心呀。
但最近疫情實在仲係高峰期，全世界酒吧都關哂，
為人為己，兩條麻甩佬去左灣仔附近拉麵店「幸屋」，
簡單撐下枱腳，男人既浪漫就係咁簡單。👇
-
📌鰻魚丼 - $93
👉估唔到今晚驚喜係拉麵店都有咁出色既丼飯，
呢到既丼飯份量十足，淨係鰻魚都夠哂厚身肥美。
經燒過既鰻魚食落肉質爽口彈牙，外層帶少少焦香，
口感腍滑，真係無得輸；另外配上日本珍珠米，
入口溫度仲係夠熱，唔會話好暖果種，唔錯；
加埋溫泉蛋呢個小亮點，餐廳認真落足本，
令成個丼飯變得更加嫩滑；最後當然要加埋
鰻魚醬汁，食落更加濃甜惹味，相當滿足！
-
📌燒牛丼 - $93
👉另一焦點當係唔少得燒牛丼啦，呢到既牛肉鋪滿
哂成個丼飯，一樣落足料，而且擺盤絕對唔馬虎。
牛肉燒既時間岩岩好，食落肉質完全唔乾身，
裡面仲食到非常juicy。加埋餐廳特製牛汁，
入口更加濃郁，而且每一啖都充滿住油香，
淨係撈個飯呀，唔洗幾分鐘就清哂成碗！
同樣亦都有溫泉蛋助陣，以呢個價錢食到
咁高質既丼飯，終於明咩叫做驚喜。
-
📌蟹籽沙律 - $42
👉食咁濃味既野之前最好整返個沙律打下底先，
呢個蟹籽沙律清清地，連埋蟹籽一齊食，口感彈牙。
整體沙律非常大碟，加埋蟹柳，成件事非常豐富。
-
📌炸雞 - $38
👉唐揚炸雞既好處係外皮炸得鬆脆，炸粉唔會
落得太厚，口感恰到好處，而且裡面完全唔"鞋"，
加埋沙律醬絕對係經典之作。
-
📍 幸屋
🎈灣仔機利臣街5-9A號維昌大廈地舖
