感受秩序
因為早有外遊計劃，六月九號，我人在長崎，遠離香港，未有出席遊行。平時說服世人，最常講嘅係每個人頭都有價值，但如今自己則置身事外，驟眼睇落，可謂諷刺。然而，雖則大多數人都需要親歷其境以利日後回憶，我亦唔例外，但同時我亦知道，按照計劃帶領家人感受世界秩序同樣意義深遠，因此我問心無愧，心安理得。
長崎係美國投放第二個原子彈嘅日本城市，若然香港遊行都可以稱為終局之戰，日本嘅徹底覺醒，就係長崎之戰。認知到自己只可以稱霸一方，無力撼動以美國為首嘅世界秩序，日本立定志向，全速改變航道，戰後急速復甦，全賴美國允許扶持。日本傾盡全力挑戰，戰後又以知恥近乎勇嘅姿態安守本份，充分顯示到參與秩序嘅誠意，如此益友，美國自然樂於吸納。戰爭本質係秩序輸出，資源爭奪係表面文章，遊覽原爆資料館同和平公園，正好借日本嘅取態，解釋今日中國點解必敗，以及日本已經立於不敗之地嘅原因。而他國歷史之所以令我深有體會，係因為日本平民嘅血肉橫飛，其實正正就係我地後人認清局勢嘅前車之鑑——如果香港人唔把握機會，追認權力來源，合力拒共，將來粉身碎骨嘅就係我地。
自黑船來航，幕府時代閉幕，日人意識到天外有天，於是推動明治維新。以美國為首嘅西方世界，開闊日人視野，福澤諭吉主張脫亞入歐，力圖富國強兵，就係志在追趕西方。其後，大東亞共榮圈構想成型，日本認知開始出錯，軍國主義冒起，所意味嘅就係日本以為自己可以輕易撬動世界秩序，而太平洋戰爭揭幕，所象徵嘅就係日本走火入魔，昧於形勢。日本以為英美之所以支配世界，全靠荷槍實彈同財金操縱，呢點認知同現時中共思維極其相似。
中共思維出錯，表徵為習近平嘅誤判，但誤判既係個人失誤，亦係結構使然。二戰過後，中共沿用蘇維埃模式經營國家，因美國主攻蘇聯而得以休養生息，於是誤以為黨國體制無誤；蘇聯瓦解，中共推行改革開放，鎮壓民眾示威，但因美國懶理世事而平穩過渡，結果一再自誤，助長奪權野心。終於，中共以韜光養晦姿態，一方面累積經濟力量，一方面抄襲研發武器，習近平夢想中嘅反攻之日逐漸臨近——加入世貿、舉辦奧運、一帶一路，都係重蹈昭和覆轍，軌跡一樣。香港處身棋局一隅，近距離觀察，理應份外理解中國近二十年嘅崛起大計難以成真，因為中國連東亞區內強國日本都重未超越得到。偏偏，無數香港人精神分裂，盲目親中，以為靠攏中國有利自身，可謂愚昧之至。
中國如同當年日本，唔知自己只夠能力喺外圍蝦蝦霸霸，癡心妄想自己可以擊敗美國，取而代之，下場註定失敗。我走入原爆資料館，直視怵目驚心嘅頹垣敗瓦，不期然就預視到香港執迷不悟嘅結果。館內，展覽設計者無意迴避自身責任，未有怪罪美國，重現當日十一點零二分核爆一刻恐怖現場，全為警告自身，同時警告世界，因為挑戰秩序，自取其辱，係合乎邏輯嘅結局。一般人會話，美國霸權令日人又愛又恨，但只要足夠清醒，日本嘅親近美國甚至崇敬美國嘅傾向，其實顯而易見。日本之所以放棄同美國對立，源於日本已經接受咗由美國所主導同推動嘅秩序，只求一人之下，不求僭越職權。日本人嘅有條不紊，各安其分，在此又見一斑，《菊與刀》之所以描述日人兵敗即徹底投降嘅自相矛盾，大概正係美國視角嘅無意識流露。
日本戰後嘅轉變，非但冇集矛盾於一身，更加係有極之清晰可循嘅脈絡可以捉摸。日本由此至終，目標明確，就係獨立自強，以一己之力輸出秩序，直到輸畀美國，先至發現原來毋須單打獨鬥，靠自己創建秩序，而係可以同美國互相依存，管治世界。二戰期間，美國政府之所以吩咐人類學者研究日本，正係源於美國終於遇到難題，發覺世界上有啲民族自成一系，而又不輸美國。美國文化多元，性格外向，遇上日本文化單一，性格內斂，本來並非一拍即合，但正因為日本痛定思痛，融入世界，火速崛起成為世界強國，而美國全力支持，分配東亞以及太平洋島鏈畀佢打理，亦係出於信任。相反，中共從未直接受創，因而態度囂張，自取滅亡在所難免。中國鼓動國人仇美仇日，以愛國主義操縱人心，強調南京大屠殺舊事，指責美國制裁中國玩單邊主義，都係因為誤以為對抗有用。
曾經，中共打算對香港「長期打算，充分利用」，但習近平執政，急於求成，陣腳一亂，香港就變成犧牲品。今日我留喺酒店，隔岸睇live，睇見港島近乎癱瘓，心中不無感動。人在千里之外，內心始終記掛，想話唔關心政治都講唔過去。今次遊行，大眾以要求林鄭月娥下台同要求撤回送中條例為口號，未必了解自己暗中傳達嘅訊息，但行為本身，已經展現出最強烈嘅反共情緒。反對林鄭，即係否定中共走狗，撤回修例，即係拒絕中國執法，可知香港同中國最根本嘅分別，就係在於秩序嘅取捨。秩序即現代文明，選擇現代文明即等同講人權講自由，進而建立民主以及鼓勵多元，一言以蔽之，香港要爭取普選，必先重視人權，而要奠定人權，就要脫離從根本上反對人權嘅政權，自立門戶。簡而言之，時機成熟，就係呢一刻。
今日進入原爆資料館前，喺入口見到個極富象徵意義嘅設計。驗票機兩側，竟然有接近兩三米嘅團體入口中門大開，彷佛任得訪客自由進出——嗰一剎，我忽然心生聯想，深刻理解何謂秩序嘅終極呈現。日本嘅整潔有序，並非源於他律，而係自律，因此即使不設防範，亦唔會引起混亂。如果呢種設計出現喺缺乏秩序嘅國家，例如中國，館方一定坐食山空，不出一年，旋即結業，而要避免損失，館方就必須嚴厲執法，正如中國選擇拒絕秩序，自然就要以法治國，極力自保。願唔願意接受秩序係人類嘅選擇，而香港處於文明與野蠻之間，用邊種方法去表態，其實係反映我地對自己處境嘅認知，以及投誠嘅決心。今次百萬人上街都仍然和平克制，代表大眾選擇相信秩序領袖會出手相救，但假如西方國家認為香港人決心不足，我地就必須行動升級，破釜沉舟，力求趁中共不自量力之際，拉遠自身同惡嘅距離。關鍵時刻示威定示弱，就係睇大家喺知道善嘅方向之後，夠唔夠力向和平推進。
真正嘅和平，必須建立喺武力之上，因為蠢蠢欲動嘅舊秩序玩家，充斥前現代世界。走入和平公園，我見到有關無核化嘅期許，誠心反核，但我更知道箇中真正嘅訊息，其實係希望世上野蠻國家可以向日本學習，自我反省，放低武器，乖乖接受美國訓政。我地無法排除中國有力重建秩序嘅可能，更勝美國，但文明倒退千年再由頭開始嘅代價，相信全人類都難以承受。合力抵制秩序破壞，唔係為國捐軀，只係為咗自己每日可以有電視睇，有飽飯食，然後每年都可以去日本旅行。日本嘅秩序，令我更希望香港都可以及早進入其中，但願條例通過之後，美國出師有名，二十年內消滅中共，為後冷戰時代正式劃上句號，而香港人處於刀口，可以出一分力，他日講起，亦有資格同子孫吹噓，我嗰一代人，勇於不落人後。
https://gnimmm.com/2019/06/09/order/
持修血肉抄襲 在 [新聞] 持修被質疑選歌太悶！親曝挑唱感人原因 - 批踢踢實業坊 的推薦與評價
金曲獎／持修被質疑「選歌太悶」！親曝挑唱《血肉》感人原因
ETTODAY
2021年08月22日 00:29
記者李湘文／綜合報導
第32屆金曲獎在21日晚間落幕，今年邀來阿爆、李玖哲、家家、魚丁糸等實力派歌手擔任
演唱嘉賓，高水準的表演得到一片好評。去年金曲新人獎得主持修也上台演出，然而表現
得到PTT兩極評價，有人認為他這一段比其他人悶，質疑選歌《血肉》並不適合金曲獎，
而他在幕後採訪時揭露了原因。
持修這首《血肉》是陳述家人感情的歌，整首歌不斷反覆「妳用妳微微顫抖的手拉著我」
、「你用你傷痕累累的手扛著我」、「而我是來自你們的血肉」這幾句歌詞。因為是情緒
較為壓抑的歌曲，有部分觀眾對此反應不佳，認為頒獎典禮氣氛因此突然變悶，更批評他
太緊張唱不好；但另一面，也有網友認為這本來就是持修風格，反駁表現不好的說法。
金曲獎幕後花絮播出持修彩排畫面，他在受訪時說明選唱《血肉》的原因，是因為一直都
想在台上唱給父母的歌，並開玩笑表示其實去年就想唱這首歌，但畢竟《根本不是我對手
》就是為了金曲獎對手們寫的歌，所以《血肉》才留到了今年。
持修去年得到金曲新人獎爆紅，但壓力隨著工作量一起增加，導致健康狀況也出現問題，
甚至被醫生下令強制休息。趁著今年三級警戒期間，他高興透露休息得非常充足，就像以
往一樣在家看動漫、打電動，現在精神已經好了不少。
https://star.ettoday.net/news/2060958?redirect=1
--
※ 發信站: 批踢踢實業坊(ptt.cc), 來自: 123.192.113.200 (臺灣)
※ 文章網址: https://www.ptt.cc/bbs/Golden-Award/M.1629582856.A.0AC.html
... <看更多>