【從612基金爭議看抹黑和監察的分別／612基金要捐，唔該搵班食人血饅頭食到GapGap聲嘅「黃標KOL」捐】
早排吳藹儀接受立場訪問，講到612基金得番3600萬存款經已見底呼籲大家多多捐錢；然後又搬出一個額外籌旗1500萬嘅「第二個大律師」計劃，話要比個訓練新人機會，為將來儲備好律師團隊云云。好多人聽完之後即刻勁慶，之後甚至有網台發炮更攻擊吳藹儀，認為佢係「夾埋飯民大台呃錢」，甚至搬出「612同星火從來一蚊都資助過手足」、「成班基金管理人個個月出十幾萬糧」於是引起各方對飯民大台同612基金怨恨已久嘅人爭相轉載。
雖然我一向支持拆大台，但對於612基金今次引起嘅爭議，卻無第一時間撲出黎多踩一腳，原因係只要真係有響前線「蒲開」，都會知道呢啲指控係無中生有──都唔好講你永遠會響大量被捕嘅現場見倒612相關人士帶住一疊疊現金幫人保釋，剩係身邊有罪揹響身嘅，當中總有幾個有申請過612基金援助；而我本身亦有律師朋友成功申請過612基金，所以「一蚊都無幫過手足」呢個指控當然無可能成立。
事實上我就係最早一批抨擊612基金嘅人。當日佢就係攞住七八千萬現金響手，卻係連幾十蚊飯錢都唔撚批之餘，轉個頭卻拎咗十幾萬去買音響、仲要無啦啦筆錢可以走去搞座談會。但響我同其他人響唔同方面批擊同監察之後，基金批錢明顯係比最初爽手咗，幫倒嘅人亦愈來愈多，所以今時今日我對於呢啲無實質證據嘅指責我通常都會疑中留情。
另外一樣嘢就係雖然飯民大台基本上已信用破產，但我對吳藹儀都仲維持基金嘅尊重同信任。佢口中嘅「基金又要唔夠錢要快d捐」、「培訓新大律師響未來幫手打官司」，響我眼中其實只係欠缺公關考慮嘅「失言」，即係如果佢有技巧啲咁去講612基金剩番3600萬入面已有3000萬預定批核出去，剩番幾百萬貶下眼就會用完，又或者唔特別強調「第二個大律師計劃只限五年年資以下申請」，個觀感就會好好多。
之但係呢個亦都係一個好好嘅機會，等大家明白批評同抹黑嘅分別：所謂抹黑，就係好似上面果啲「612從來無幫過手足」、「星火同612都係詐騙集團」、「612管理層每個月支緊十幾萬糧」完全無事實根據、無的放矢嘅指控，好快就會有人出黎澄清、用有力嘅論點作出反駁，最終不攻自破──有唔少FB Page一開頭如獲至寶爭相轉載某網台節目，去到最後卻極其樣衰咁Delete Post兼講番相反內容，就係呢個講法嘅最佳佐證。
而家個問題卻係，好多飯狗黃屍都故意將「抹黑」同「批評」撈亂，然後將所有質疑飯民大台嘅指控都統稱為「抹黑」，並將所有提出質疑嘅人一律打成分代撚同鬼，最終因為無人監察，飯民大台就變成一個持續腐化卻又不斷膨漲嘅龐然巨物。
好簡單，其他612指控你可以話流，但當唔止一個相信612基金幫倒手嘅人，都話612基金而家揀Case幫，例如獅鳥裝修就Claim唔倒錢，我想問係咪有啲咁嘅事？
//頭盔偉的走佬日記
18h ·
我同612嘅來往主要係向佢地claim律師費，同埋協助被捕手足向佢地索取各方面嘅援助。
我對612都有好多不滿。有好多案件佢哋都唔包，例如獅鳥唔包，整爛禮義廉啲嘢唔包，有時裝修都唔包。律師交通費影印費唔包(成本可以好貴好貴)。講明包嘅又包唔足，次次找律師費又慢又諸多為難，幾百蚊都要來來回回要你解釋一大輪，每幾個月就搬一次龍門。//
如果係真的話，我想問有份捐錢嘅人知唔知原來會咁樣篩選？同埋咁做同當日佔中律師團陳玉峰唔撚聽勇武派電話轉做飛行模式，話要佢幫手就收正價有乜撚嘢分別？
仲有，612基金年幾以黎各種被批評嘅問題始終無解決到，點解？係咪因為每次一有人批評佢地就有班黃屍狗出黎護航，令佢地覺得就算唔改善都照樣有人捐錢照樣被人吹奏，所以根本無任何進步嘅動力？如果係咁，就唔撚好怪點解去到今日，612基金財力無以為繼，籌款能力大跌，因為呢個結果，全部都係由你個飯民大台一手一腳所促成。
我唔否定612基金對援助義士嘅效果，因為我身邊有人係確切嘅受助者，但咁唔代表因此我就唔可以對佢作出批評，而且更重要一點就係，究竟「比錢請律師=救手足」呢種價觀，尤其係響今時今日眾所周知香港法治而死嘅情況下，係咪應該有所改變呢？我唔認同好多人對612嘅抹黑，但對佢地嘅心情卻非常理解：今時今日612基金響請律師上面花費超過1億，但換黎有幾多個義士係因為呢D法律援助可以避過牢獄之災？
有好多人話而家好多收612基金資助嘅律師係蝕住本幫義士打官司，當佢地永遠唔會提，真正搵大錢嘅大律師其實只熟少數，響今時今日嘅市道大撚把無工開等開飯。就算撇除呢點唔講，我有一樣係非常同意鄭立：點解響批呢筆援助嘅時候，唔係比位義士揀，究竟係用呢筆錢黎請律師，定係用黎做佢嘅安家費？你估對義士黎講，佢究竟想坐少一兩年，定係寧願自己坐監之後屋企人至少有筆錢作生活洗費？
呢啲問題永遠唔會有人拎出黎討論，無他，因為612基金就係由飯民大台嘅少數人所把持，而佢地嘅權威就係從來唔會被挑戰嘅。
咁而家612基金莫財，我個人係唔反對佢地繼續籌錢，不過要捐，就留番比果班「捐狗窿」入臨立會班飯民政棍捐──乜佢地唔係話走入議會其中一個目的係爭取更多抗爭資源，唔係話會用議會資源黎幫手足架咩？10月份糧就出啦喎，你咪叫佢地捐撚哂份糧出黎囉！
未完呀，今時今日飯民籌款能力大減，其中一個原因就係因為班黃屍轉哂去課金比一班「黃標KOL」，搞到燒山劉細良之流肚滿腸肥月入過百萬唔在講，就連燒山後面一堆濕尻跟班、又或者照讀新聞唱下舊歌取悅廢老嘅「Youtube娜娜」、口罩騙徒之流都月入十萬八萬，呢班靠食黃屍人血饅頭食得咁撚過癮，呢個時候唔搵佢地交番三四成收入出黎回饋番大台612基金點得？
當然，呢班撚屌平時講到為民主點樣點樣偉大，叫佢響荷包um錢喎，就梗係睬你都有味啦！批評又唔撚接受，口講為民主實則卻斂財，飯民大台，就係一個由謊言組成嘅腐朽聚合體。
捐狗糧詐騙 在 [爆卦] 做夢夢到一個月賺600萬的秘訣- 看板Gossiping 的推薦與評價