【龔成問答信箱】(Q18921-Q18940)
Q18921:
龔老師,你會選擇幾時賣小米?
感激不盡
龔成老師:
我會長線。持有5年以上。
小米(1810)我2020年年頭先買,原本無想過咁快倍升,但佢真的升得好快。我打算持有5年以上,以佢最新的業務情況,雖然已成為倍升股,相信5年後會帶比我理想的回報。
如果你有睇《50股》推這股的分析,都知我睇好佢手機性價比及建立平台模式,長遠一定有更大發展,我會等佢的手機,進一步在更多國家更多人用,同時等佢建立平台,不斷廷伸賣產品。
------------------------------------------------
Q18922:
龔成老師,我今年37歲,月入33K, 上年剛購置居屋。現持股如下,每月可儲$7000,現金16萬。打算11月開始月供,想請教現有股票/月供是否合適,5年內有機會增值到100萬嗎?謝謝!
3: 1手@12.86
6: 1手@53.3
12: 1手@30
66: 1手@37.75
788: 7手@1.42
823: 2手@61
1211: 372股@49
1928: 2手@ 33
2800: 351股@25
1177: 2手@7.93
打算月供
2800: 1000
1810: 2000
1177: 2000
龔成老師:
你現時持有的股票,都是有質素的,可以長線持有,至於現金$16萬,就暫時持有現金先,等機會。
至於月供部分,可以進行,這些都是有質素的股票,適合長期去供的。如果日後現金較多,就加大月供盈富(2800)的金額。
如果想進取少少,可考慮加入月供安碩恒生科技(3067)。
要5年$100萬,仍要努力,因為投入的本金唔算多,最好加大儲蓄金額,以及要睇$16萬能否把握到買平貨。
------------------------------------------------
Q18923:
龔sir,會唔會嚟個即場分析BYD業績報告?
龔成老師
未必會即場分析了,因為我平時自己分析,都要用好多時間,網友會好悶的(我用坊間表面分析唔同,要用好長時間)。
------------------------------------------------
Q18924:
老師!我無報你嘅班都咁有耐性回覆我嘅問題,你真係好好人好善良!好感動呀
我都有點小煩惱,其實一直留意到好多好股,eg中國十四五大會未來5年目標會強力推能源/光伏股、糧食股;但同時大陸雙十一及雙十二會令物流股、冬天內需股eg羽絨波士登大升.....可惜我嘅本金得咁少,好股/ 潛力股太多有時都唔知揀邊隻好!
短炒就話可以隨時換倉,但如果要耐性咁長揸好股,咁資金就會被綁完全無錢再買其他股,所以真係妹無奈,只怪自己太遲開始明白儲蓄的重要性
盡量唔睇股市令自己心情平靜d,同埋唔好衝動換倉
老師你咁好人一定會有福報咖
我聽過一d大師的哲理,都幾信因果,你今世咁努力向上,同時又咁善良幫助其他人,下世一定會過得好好
龔成老師:
第一,你要集中研究長期的,唔好做短炒,唔好著重短期資料,要以長遠分析。
第二,你要小心研究每一個範疇,放多少少時間去研究,唔好只睇一些表面利好因素就投資。我多年來,平均一年只買1、2隻股票,就是要自己睇得好準先出手。
你要經常小心分析,假設自己買入後持有多年。我自己一年睇50間企業,每次分析用6小時以上,但最後只買1、2間,我都希望你能小心投資。
------------------------------------------------
Q18925:
老師,一星期唔睇都股價好難,但萬一買嘅股票出現大跌市、自己股票都會注意
因為本人經常買嘅股票想長遠發展,買潛力股,但開始個時通常都升,之後就跌破去買入個位
就會擔心放走,想問老師如果長遠買潛力股係咪等佢去到合理價先買入,咁樣個風險會低好多?
龔成老師:
我知唔睇股價係難,但如果你想學賺大錢,就要做到,騰訊(0700)、港交所(0388)升百倍,中間都有經歷好壞,有時會大跌,但如果你能做到乜都唔理,先可以賺到100倍。
我自己持有的比亞迪(1211)都是,持貨10年,由$10升上$80,再跌翻$10,到近年上到$150,中間有時業績好差,你成日睇咩要注意,反而賺唔到大錢。
我地買潛力股,當然最好等合理價先入,這可以大幅增加回報,你在貴的時候買,值博率已有限。
------------------------------------------------
Q18926:
老師,你好
我今年30 歲
我由2017年每個月儲$4500
今年4月儲多$1300
以上這兩份是保險儲蓄。
今年8月起儲多$4000,開始玩月供股票。
8月~$2000(388)
9月~$4000(388)
10月~$4000(388)
11月~$4000(2800)
我想用短時間儲首期$100萬,請問如何部署?
龔成老師:
你可以保持月供盈富(2800)$4000、港交所(0388)$2000。
港交所有質素,可長期月供,不過,現價唔平,因此這刻唔建議供太多。另外,你要建立更平衡的組合,唔能夠只集中在個別股票,否則會有集中風險。
你這個年齡,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先,潛力股小注好了。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q18927:
龔sir你好,我系一個家庭主婦,近期有睇你fb 動態關於投資嘅嘢,股票對我來講一竅不通,不過手頭上有30萬想滾多啲,可以點做
龔成老師:
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先,潛力股小注好了。
你可以分注投資,或做月供股票,每月$7000。慢慢將現金轉化為股票。
你可以考慮盈富(2800)$3000。
另外再加2隻(每隻$2000):銀娛(0027)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q18928:
龔老師你好,現時持有18手1257,4手1448。
1。1257由3.73一直跌到現時3.13,如何分晰該股是否合理區域還是貴?該股是否水桶三?應否再加注碼?
2。而1448卻由6.73昇至8.05該股是否還是合理區域?是否等跌10%再加注?
3。以上投資分布是否過份集中?
希望收到老師的寶貴意見
龔成老師:
1)中國光大綠色環保(1257)其實本質不差。
睇翻佢的業務情況,長遠發展其實是一個大方向,但佢近年負債有所上升,加上市場擔心佢之後的增長力有所減慢,因此對這股的評價減少左。的確,負債與發展持續性,是這股的風險因素。
長遠來說,這股仍是有投資價值,現價可以理解處合理,但不建議太過大注。始終都有風險,同時可能仍會弱一段時期。不建議你加注。
2)$7以下才是合理區,你有貨可持有,同時等回翻少少先加注。
3)是。
同一個行業,不應多過股票組合的30%,同一隻股票,不應免過15%,你應該加入盈富(2800)等平衡風險。
------------------------------------------------
Q18929:
阿sir你好呀,我而家26歲,月入大約15k,可以儲到8.5k(連月供股票既費用)手上可以用黎買股票既資金大約有140k左右
而家既持股如下:
比亞迪(1211):500股@$73.5
必瘦站(1830):4,546股@$2.24
月供股票,每隻每月$1,000:
恆基地產(12)
銀娛(27)
中生製藥(1177)
我想問下:
1. 其實月供股票係咪應該當果隻股跌到合理範圍既時候要一手手咁買同時加供?例如中生而家跌到8蚊以下就應該加供同買小注入手?
2. 我而家手上既股票組合有冇需要再調動?或者話現階段有冇乜野股票適合一手手咁買入去投資?
3. 如果我想加供一隻股票既話必瘦站可唔可以?(我果間證券行可以供既)
4. 承上題,如果唔供必瘦站,我而家仲可以攞多1.5k出黎,喺而家呢個時候我應該加供12/27/1177邊一隻?
5. 我呢個年齡層係咪唔應該太早將錢放喺reits/水桶3既股票呢類資產入面?
6. 屋企人想買d收息既股票,想問下就咁買778好d定係買3187 (追蹤reits既etf)會比較好?
7. 之前有聽過揀收息股最好揀d年年加派息同埋股價都有得升既,好似美股既可樂咁,香港除左領展(823)之外有冇同類既股票?
8. 最後想問下保險既問題,因為近排想買份醫療/危疾保險,想問下應該點樣選擇一個適合自己既計劃呢?
唔好意思呀問左咁多問題,我已經買左阿sir既幾本著作等遲d公司過左peak season就會開始拜讀。預先唔該曬阿sir答呢堆問題
龔成老師:
1)可以在跌市時加大月供,但最好是保持「長期不斷月供」,至於到時是否一手手入,要睇有幾平,以及你的資金情況。
2)組合不差的,但就出現了集中風險,建議加入盈富(2800)。
3)可以,但建議月供金額唔好太多。
4)銀娛(0027)這刻有值博率。
5)唔需要投資太多。
6)其實三星高息房託(3187),不差的,但上市不久,數據較少,佢係追蹤標普高收益亞太地區(紐西蘭除外)房地產投資信託精選指數的表現。
這個REIT ETF,相關追蹤指數有30隻成分股,涵蓋在澳洲、香港、日本及新加坡等亞太區已發展市場上市的房地產信託基金,房託項目包括辦公室、住宅、酒店、貨倉、醫院、商場、停車場等。
簡單來說,就是一個亞太地區的房地產組合,如同同時持有多隻房託,管理費為每年0.65%,算是合理,股息率大約5%、6%。
這ETF都有投資價值,因為地產收租長遠仍是不差,雖然未必是高增長,但都能平穩發展,同時有不差的派息,加上分散在多個地區,有分散風險的能力。
適合分注或月供,長線投資,可作為財富組合的其中一部分。
7)港鐵(0066)、交所(0388)都是。
8)要睇你想將那些風險轉比保除公司,保險是好個人化的。保險,「足夠」就得,不用太多。
------------------------------------------------
Q18930:
老師,股價除淨之後,會下跌,但當佢減去 上升返既阻力未會大左?
龔成老師:
唔好咁樣分析,方向錯左。你要計翻企業價值,你試想想,現時一間公司值$100億,派息派左$10億,現時企業價值變左$90億,都是好正常的。
------------------------------------------------
Q18931:
啱啱睇完80後百萬富翁,受到很大啟發。平時確實沒有去分配資金,只會將錢以加ge方式去儲起。有時就會聽家人意見買d消息股,當然有贏亦有輸。
接下來會看股票勝經,希望可以增值到自己呢方面ge知識!
本人月入23000,有現金50萬,如果投資股票可以令資產增值?
4歲小朋友有10萬儲蓄,應該如果分配投資?唔該曬!
龔成老師:
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先,潛力股小注好了。
$50萬的分配,暫時可以動用其中$20萬,餘下就留現金先,等機會,以及等你有更多投資知識先。
你可以考慮盈富(2800)。
另外再加其他股:銀娛(0027)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
如果想增長力高少少,可考慮:安碩恆生科技ETF(3067)、阿里(9988)、騰訊(0700)、港交所(0388)、舜宇光學(2382)、小米(1810)、中生製藥(1177),但就要明白波動性比上述會高左,同時風險大左,你要自己平衡。部分要等回少少先入。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q18932:
你好, 自己打算賣樓移居台灣, 可有財務自由組合建議嗎? 如果想要被動收入每月TWD10萬.
我只懂0778.HK 收7里股息便可達到, 但這是否太單一? 謝謝回覆。
龔成老師:
你應該建立一個「組合」,唔能夠只集中單一股,這個組合要穩健,低風險,不是求增值,只是集中現金流,收息。
如果你資金較多,可將資金分成5部分,做配置。如果資金少,就集中投資收息股,以及一部分持有現金。
第一部分投資收息股,你可以建立一個收息股組合,你可考慮港燈(2638)、香港電訊(6823)、匯豐(0005)、工行(1398)、置富(0778)、陽光(0435)、深高速(0548)等,大多有5%股息
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、互太紡織(1382)等(記住,股價略波動,不能太過大注)。
(你可睇下《50穩健收息股》當中仲有好多)。
你平衡的投資這些股,除了可以得到穩健的收息收,同時可有效的分散風險。
第二,投資債券,你可以選擇A評級的債券,年期較長都可以,但利息卻不高。你可以到銀行問問。
第三,投資年金,你可以睇睇,這是適合你們的產品,零風險,可以有穩定回報。
第四,你亦可投資銀行低風險類的產品,你可自行到銀行了解下,總之是「低風險,持續現金流」的。
第五,持有現金,除了可做定期外,現金亦可以為你的後盾,以備不時之選。同時,若投資市場大跌,你可以在這時買到更多的收息股,股息率會進一步上升。
你可以將資金,平衡地分配在上述的項目上,對你來說是最好平衡風險,同時有穩定的現金流。
------------------------------------------------
Q18933:
Ah sir, 另外想問一問福壽園,之前聽你介紹過,自己都有上網睇過佢啲財務報表,好似都OK,之前想喺大概$6.5入,但係我驚佢係嗰啲增長類,所以我見到股市霖得犀利嘅時候,冇入到
如果而家入,大概$8,會唔會太貴?定要等佢回落到大概$7左右?
我對佢有興趣另外一個原因係,佢嘅防守力都勁,係增長類型來說,算好少有
龔成老師:
福壽園(1448)有質素的,我自己都有貨,其實都想加注,但佢一直唔跌,只有等。
你預佢$7以下合理,如果現價入,不是不可,但不能大注,你買入後,可以等跌再加注,升就唔加。
這企業的業務有獨特性,長遠發展仍正面,可長線投資的。
------------------------------------------------
Q18934:
老師,你書中講過的「雲軌」是什麼?
龔成老師:
「雲軌」是比亞迪其中一個業務,即是高架的單軌鐵路。
比亞迪佢投資左唔少錢去開發這部分的業務,其實發展都唔差,不過比起電動車,佢近年電動車增長就更加強。
比亞迪這方面的業務,已經獲得汕頭、深圳坪山、廣安、安陽、蚌埠、濟寧等地的訂單,會陸續開工,預計之後仍有多個個城市建立雲軌。
------------------------------------------------
Q18935:
老師,自從去年上完你的堂,對估值有了初步認識。
最近我發現股票有一個好得意的現象,不知我是否可用以下方法作估值的參考:
當優質股/潛力股從高位(近5年計算)
回落20%-30%,大概是「合理頂部-合理區」
回落40%,大概是「合理區-合理底部」
回落50%確定進入「便宜區」
請問這樣作參考可以嗎?因為我見823、3、66、12、1177、5等等都有類似的情況
如果ok, 我想往後買股票時,透過「估值+以上的參考方法」,分3注入,一來可避免高位入,二來可控制注碼,三來做到分注買入
敬侯賜覆,謝謝老師
龔成老師:
不一定的,最重要是質素上的分析。
例如過往上市的利豐(0494),由高位$20跌到$1,如果用上述的方法,你在$5應該已經會定義為平,但之後卻有排跌,所以,最重要是價值的分析。
所以,最重要是分析企業質素與價值,你單以股價比較平貴,恭實有點危險。
------------------------------------------------
Q18936:
龔老師你好
45歳的我一直以來都係一隻牛,一味做,覺得自己賺的錢是血汗錢,唔敢投資。目前月入7萬,自住單位按揭仲要供15年約200萬,存款100萬,無其他投資項目。
最近開始讀你的著作,先驚覺自己後知後覺。即刻去買年金,並打算月供股,想請教你意見,下面組合是否適宜呢?
盈富 - $4000
銀娛 - $2000
領展 - $2000
金沙- $2000
比亞迪 - $2000
中生制藥 - $2000
另外你認為螞蟻值得嘛?
多謝賜教
龔成老師:
上述都是有質素的股票,可以進行月供。可以長期進行。
如你每月儲錢金額增加,日後可以考慮加大盈富(2800)去供,如果想組合增長力提高,可考慮月供安碩恒生科技(3067)$2000。
你只要長期進行月供就得。
至於螞蟻,可以投資的,長線持有。
------------------------------------------------
Q18937:
龔老師,你好,本人今年40歲,打左20年工,而家人工$20K,一路都有儲下錢,但通常儲儲下又不同既一原因之下就洗晒,所以到而家40歲都無錢係戶口,個個月都係月光族。
我而家仲係月光族,有時見到啲真係有潛力既股票,無論係新上市或者係已經上左市,我應唔應該借錢去買賣股票?定我都係應該繼續腳踏實地咁儲錢去買股票?
龔成老師:
唔應該借錢。
理財要一步步的,由最基本的儲蓄開始,然後穩健投資,建立一個「組合」,在你可承受風險的程度下,去爭取回報。
借貸投資雖然有可能創造回報,但始終有風險,因此唔建議,就算用,當中有兩大因素,第一,你有相當的投資實力,第二,大市十分平。
你要做兩樣野,第一,增加知識,你要學理財及投資的知識,記住,投資並不是坊間的炒炒賣賣,你要從書本或課堂上認真學習。《股票勝經》適合初階者的。
第二,將每月的部分資金,去做月供股票,供盈富(2800)。對初階投資者來說,月供股票是一個很好的累積財富方法,因為可避免你一次過在高位買入的風險。
原理如同儲錢,不過就不是儲現金,而是儲股票。計劃要長期進行。
另外,盈富是一個組合,適合絕大部分人投資,風險不高,長期儲貨可助你財富平穩增值,記住要長線持有。
------------------------------------------------
Q18938:
你好:本人已退休,[email protected], [email protected], [email protected], [email protected],打算長揸,是否不夠進取?謝謝
資本大約十萬,是否好過存定期?
龔成老師:
如果你已退休,組合應該以收息為主,因此,上述的持股適合你的。
始終你現時無收入,投資不應該進取,建立的組合應該以收息股為主,你可以建立一個收息股組合,除了可持有上述股票外,可考慮港燈(2638)、香港電訊(6823)、恆生(0011)、置富(0778)、陽光(0435)等,大多有5%股息。
但要留意,你點都要有現金在手,唔好用盡資金。
------------------------------------------------
Q18939:
想請問龔成老師點睇長實1113 最近李家不斷買入 好多人都話佢地想回購 如果成事對我們小股東會有什麼影響?
另我本身持有3手長實但均價在47蚊 不知應該趁低位增持還是保持觀望 謝謝解答
龔成老師:
佢應該唔會,根據佢過往的操作,當佢見到自己間公司,股價跌到較吸引水平,佢就會增持,因為佢睇好自己公司,覺得市場現價低估左,佢買入後,認為過幾年,股價會慢慢反映翻企業價值,佢就自然得到理想回報。
如果你本身已有貨,就要睇下再增持,這股佔你組合比例多少,以及你仍有多少現金剩,如果比例太多,就唔好加。
------------------------------------------------
Q18940:
老師,十分感謝你教育大眾理財的概念,之前買入的比亞迪已經有200%增長,請問現時我應該繼續以月供的方式買入比亞迪嗎?
一直在尋找其他增值力強既公司,想請教3868 信義能源是否也是穩妥的公司?有潛質嗎?
龔成老師:
現時的情況較兩難,一方面這股有潛力,見佢公司多少投資有回報,開始有明顯發展,前景正面,但同時,現價又唔平。只可以話,你原有貨應該應該持有。但現價唔平,這刻可以停月供,或減月供金額。
至於信義能源(3868)有質素,佢主要於中國經營太陽能發電場業務,並向國家電網的當地附屬公司銷售電力。而佢派息高的,因為管理層話會用高派息政策。
投資價值都有,但這刻唔好買太多,因為佢業務都有風險的,要注意股價波動,如分注長線都可以投資。現價合理區頂。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有98部Youtube影片,追蹤數超過37萬的網紅老王,也在其Youtube影片中提到,又一位同事離職了,究竟這間房子發生了甚麼事情?竟然讓房仲嚇跑,就讓老王說給你聽 上一則影片【深夜裡的保全警衛-靈異故事】👉 https://youtu.be/GO1lA81hXZY - 老王說全系列靈異故事播放清單:https://lihi1.com/juEJe 房仲日記全系列播放清單:https:...
揭仲fb 在 龔成 Facebook 的最佳貼文
【龔成問答信箱】(Q18341-Q18360)
Q18341:
龔Sir,你話唔好有"錢落袋才算賺"
其實有咩問題?
龔成老師:
「現金概念」。
你停留在一般人的思維,有錢人並不會這樣想的。因為你視現金為財富單位,你用現金為中心,但有錢人剛剛相反的。建議你睇《財務自由行》或上網找一些片,了解我地現世的財富系統,跳出98%一般散戶的思維概念。
例如一般人買股票,例如$4買入,現價升到$5,我當佢買左10000股,佢會覺得,現時賣出「賺$10000」,這種追求確定現金,擔心股價會跌翻落去,想「錢落袋才算賺」,就是有問題的概念。
如果該股是優質股,長期向上,你賣出了一個向上的資產,轉為了貶值的現金,長遠對財富不利。港交所(0388)、騰訊(0700)升100倍,所以持「錢落袋才算賺」,都只能賺少少,唔會賺到大錢,因為佢地升少少就賣左。
------------------------------------------------
Q18342:
Hello 龔成老師, 睇咗一堆你的posts 和兩本書仔, 咁樣的分配合適嗎? 要唔要調整下?
平穏增長: total 70% 4隻會唔會太多?
40% 盈富 2800
10% 煤氣 0003
10% 領展 0823
10% 港鐵 0066
潛力股: 擇2隻or 3隻 or 30% 全放 阿里巴巴?
阿里巴巴 9988, 中生製藥 1177, 福壽園1448? 呢3隻現价合適嗎?
其實10月開始上堂, 我係咪應該上完晒堂先再plan, 而家淨係分段買住2800 先?
預先謝謝你百忙中抽時間回覆我。
龔成老師:
你上完堂先正式變動會較好。現時只進行盈富(2800)部分先。
初步睇,你的組合大至平衡,沒有太大問題。
當中都是有質素的股票,至於潛力股,可以分開多幾隻,或加入ETF,令你的風險進一步分散。同時要留意,現時不少潛力股都唔平,你買入時要慢慢分注或月供,同時留有一定的現金。
具體的做法,你上完堂會更加明白。
------------------------------------------------
Q18343:
老師,君實57入左幾手,呢兩日跌到48,我應該溝貨定等到佢上翻57就賣呢
本身想長線睇好呢隻的
龔成老師:
君實生物(1877)於中國從事生物製藥業務,主要利用蛋白質工程的核心平台技術,研發用於腫瘤免疫療法、自身免疫性疾病、代謝疾病及神經性疾病治療藥品。
這股質素中等,但風險較高,你預股價會好波動。
這股增長力是有的,生意有一定的增長,不過,現時仍處於燒銀紙的狀態,無人知往後真正的賺錢能力如何,市場都只是估估下,長線發展都可以的。
只可以話,唔好心急加注,這股唔太建議持貨過多。
------------------------------------------------
Q18344:
成哥 多謝你隻小米 已經成功倍升左 但我都5會賣 因為優質股應該長線持有!
我想問下 2858 係30隻科技指數成份股之一 值得去長線投資嗎?
龔成老師:
對!長線持有一定會有最大的利潤!
易鑫集團(2858)較一般,佢於中國從事汽車交易平台業務及自營汽車融資業務。於中國經營互聯網汽車零售交易平台,交易平台業務包括,業務發展中,但不確定性大。
企業仍處於燒銀紙的狀態,這類股風險較高,加上生意有倒退情況,反映過往的投資仍未有明顯效果。
這類股估值難,不確定性較高,只可以話,暫時我未能確定佢業務真的向好,這刻的投資價值仍不算高。
------------------------------------------------
Q18345:
請問租金回報率要到幾多%先叫回報率比較高? 如果我月供13000,租出去大概9000,咁叫高嗎?
老師的意見很好,可能我太心急想係呢年樓市回落既時間買樓,所以想退而其次咁買d 350萬左右既細細納米樓
但點解新樓反而唔好既?因為聽聞d買樓花,再過三年放手,會賺多。謝謝你
龔成老師:
過往在2000年時,租金回報率可以去到7%、8%,所以當時是很好的投資時機,到近年,租金回報率大約只有3%,投資價值已不及過往年代。
不過,我地都要接受現時年代的租金回報率,所以你要比較翻同區同類的單位情況。
你要將你的租金X12,再除翻樓價,就知回報率。
你買樓花的概念,是考慮到資金的問題,並不是考慮樓價的問題(當然,我地考慮資金運用,都是重要的)。
如果考慮呎價及租金回報率的問題,你會發現部分新樓較貴,佢只是用一些較易上車的方法去吸引人,實質是將一樣貴野,以你「較易負擔」的模式去吸引你。
------------------------------------------------
Q18346:
成哥 你好 我留意左物管股版塊一排 憧憬呢個版塊既未來 我就趁呢排佢地大回調既情況
入手左3319和9983. 而9983雖然係11$左右入 但係我對佢既業務同未來方向有信心 所以攔左佢.
想問下成哥對呢2隻股同成個物管版塊有咩睇法,希望可以比少少意見我,暫時希望中線投資.感謝!
龔成老師:
物管企業由於業務穩定,現金流強,同時行業有增長,因此不少都是有質素,但估值都唔平,始終市場較有期望。
暫時睇值博率,雅生活服務(3319)較好。但現價不是大注時候,小注分注仍可。
建業新生活(9983)都不差,但質素不及雅生活。你有貨可以長線,只要不過大注就無問題。
兩隻都有長線投資價值。
------------------------------------------------
Q18347:
龔Sir你好, 我是投資新手,之前聽從你的意見,現在月供盈富恒地各1千。
自從詢問你的意見後,我重新審視自己的財務狀況。
自己是屬於比較低薪的一群,月入萬六,流動資金大約6萬。
扣除基本生活費和一些特別額外消費,每月大約有4千1剩餘。
現時除了月供盈富恒地各1千外,剩下的2千1就會存起來。
我想問一下你的意見,因為現在已經有6萬多流動資金,還要繼續存剩下的錢嗎?
還是用剩餘的2千去增加其他投資比較好?
謝謝!
忘了提, 每月用萬一, 其中有3千係拿去做零存整付,用來支付下一年的旅行支出, 保險,節日生日特別支出,稅款,體檢等非經常性支出. 千萬唔好以為我大洗
龔成老師:
如果你月供的手續費較貴,建議你加大少少月供金額,因為你現時月供$2000,如果手續費佔比多,其實要調整。
建議你加大月供的金額,去到$3000是可以的,由於你是新手,會建議你先加大盈富(2800)去到$2000。
另外,到你多少少投資知識及經驗後,可以再多1隻($1000):銀娛(0027)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
如果想增長力高少少,可考慮:華夏恆生科技ETF(3088)、阿里(9988)、騰訊(0700)、港交所(0388)、舜宇光學(2382)、小米(1810)、比亞迪(1211)、中生製藥(1177),但就要明白波動性比上述會高左,同時風險大左,你要自己平衡。部分要等回少少先入。
------------------------------------------------
Q18348:
龔Sir,請問本人50岁,持有現金70萬,股票约43萬本金如下:
5……2000股(60元)
3988……20000股(3.05)
548……6000股(8.05)
2400……1000股(40)
788……20000股(1.42)
3337……100000(0.81)
9988……100(247)
3918……4000(8.2)
此組合該怎樣重组才算合理及資金該如何運用才可以十年後有穩定現金流。
買了選股勝經、50優質潜力股、50值博倍升股學習中,希望增長多D知識,3337值得继續持嗎?希望龔sir指教
龔成老師:
以你的年齡,仍然有基本的財富增長能力,但就不是進取。你可以投資優質、平穩增長股。另外,唔好再加入銀行股。現時持有問題唔大,除了安東油田服務。
你可以將這$70萬,其中$40萬分注投資(慢慢用),餘下就等機會,大跌市先入。
增加平穩增長股是主力。你可以考慮盈富(2800)、銀娛(0027)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
同時,你可以建立一個收息股的組合,目標是5%、6%的股息率的收息股,例如港燈(2638)、香港電訊(6823)、工行(1398)、置富(0778)、陽光(0435)都可以,你可以選股。
當你年齡慢慢增加時,收息股的佔比都應該增加。
最後就是潛力股,你可以到「大跌市,這類股有明顯回落」先投資。
安東油田服務(3337),坦白講,這股質素不高,賣出是大方向。
------------------------------------------------
Q18349:
龔成老師,我現有18萬現金多左,想買些股票作收息之用,請問恒生 11号(120以下才分段入)好嗎? 或請問你有沒有其他推介呢?請給予你的專業意見!
另打算每月月供 5千元 月供股票,要稳定 請問港燈好嗎?謝謝
龔成老師:
投資收息股,可以作為財富分配的一部分,但不建議將全部資金都投資,因為一定要留有一定的現金作防守,以備不時之需,以及若大市下跌,可以買平貨之用。
你可以建立一個收息股的組合,目標是5%、6%的股息率的收息股,唔好只投資一隻股。
例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)都可以。
恆生$120合理價,可投資。
如果你能承受到風險,有些更有超過8%、10%的高息股,但股價就略有風險,要自己衡量,佐丹奴國際(0709)、中石化(0386)、互太紡織(1382)等(記住,股價略波動,只能小注)。
但要留意,現時股價只是合理,未到平宜,因此買入時宜分注,同時不能用盡現金。
至於月供,你投資港燈可以。
但你要睇翻自己的投資目標,是否想全部集中在收息,還是部分有基本的增長力。
------------------------------------------------
Q18350:
龔老師,若積蓄有四十萬,投放5000月供股供五年,會不會太少?
因為想五年之後希望有大慨增長廿萬回報
謝謝
龔成老師:
可以加大少少。
我地理財,是一個配置的過程,現金長期貶值,你要適當地將現金,轉為真財富先有用。
建議你供$8000,這樣會更有效投資。
同時,當你見到大跌市時,可以自行用一手手的模式買入優質股,但之後就會減慢翻月供的金額。
------------------------------------------------
Q18351:
龔sir 你好,請問鳳祥股份 9977 值得投資嗎?
龔成老師:
鳳祥股份(9977)主要於中國經營雞場及飼養雞隻,並加工及銷售雞肉製品(包括生雞肉製品及加工雞肉製品),以及銷售雞苗及其他產品(包括飼料及雞副產品如雞毛等)。
睇翻佢的業務模式,佢通過中國境內的線上及線下銷售平台出售自家品牌「鳳祥食品(Fovo Foods)」、「優形(iShape)」及「五更爐(Wu Genglu)」的雞肉製品。
而客戶主要包括食品服務或工業客戶、速食餐廳及食品零售商,並出口產品至日本、馬來西亞、歐洲聯盟、韓國、蒙古及新加坡。
業務獨特性未算強,加上上市的中期業績已有倒退,整體投資價值,未算高。
------------------------------------------------
Q18352:
龔sir 請問2319 1833 2382 宜家值得入市嗎? 應該幾錢入好?謝謝
龔成老師:
蒙牛乳業(2319)有質素,現價合理區中上部,小注分注都得。
平安好醫生(1833)潛力股,不過現價略貴。$100以下較好。
舜宇光學科技(2382)有質素,現價合理區中上部,小注分注都得。
------------------------------------------------
Q18353:
Hello! 請問對國泰航空睇發如何?值得投資嗎? 見股價跌了很多剛開始回升,謝謝你龔Sir
龔成老師:
坦白講,國泰(0293)的質素只是一般。
其中一個風險,是油價,睇翻佢過往多年,油價對佢成本影響好大,令佢盈利十分波動,就算佢利用對沖,都唔係好成功,反而試過因對沖而蝕大錢。
另外,航空業對經濟週期較敏感,收入不穩,同時唔算係一個好賺錢的行業,因此這股的質素只是一般。
就算佢重組,得到新資金,只是比佢「捱過這一關」,並不是賺錢能力方面有改善。
------------------------------------------------
Q18354:
Hello,龔sir
最近1211升了不少我應該繼續月供嗎(供$3500一個月)?
現時月供比例:
2800@$10000 持10932股
0066 @ $3500 持1787
0012 @ $3500 持1438
1211 @ $3500 持1419
1928 @ $3500 新供持110
今年26歲了,因為是我是開美容院的,這年平均每月大概收入15-18萬
現時有大概100萬現金和上述股票
(現時大概每月草10萬+24000供股)其餘交房租和個人洗費
想在下年置業,購買一個大約800萬的單位。所以現金部分不會郁動了。
想日後可以達到財務自由,我還要怎樣做比較好?
我需要怎樣改變組合,才可以令資產增長?
怎樣可以每月有4萬以上萬利息的穩健組合?
我現時供這樣的比率可以嗎?
如果以這個比率大概供多少年才能達到我的利息要求?
我要加大金額還是增加股票的種類?
龔成老師:
比亞迪(1211)你可以減金額至$2000,暫時月供先。另外,你所持有的股票都是有質素的。
你可以分3步進行你的財務自由,第一步,下年投資物業,照你原定的計劃進行。由於這段時間你要買物業,因此儲現金較多,要計好數先。
第二步,當你完成物業部分後,就加大投資股票的力度。
當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
你可以在組合中,加大少少潛力股的比例(但不能100%),你可考慮:華夏恆生科技ETF(3088)、阿里(9988)、騰訊(0700)、港交所(0388)、舜宇光學(2382)、小米(1810)、中生製藥(1177),但就要明白波動性比上述會高左,同時風險大左,你要自己平衡。部分要等回少少先入。
你可以加大現金的投入,同時保持月供股票。
第三步,轉為收息股、現金流資產,當你的財富滾存至$1000萬(我相信你6-8年應該得),再轉為收息類,目標5%,都有$41000的收息。
------------------------------------------------
Q18355:
龔Sir好!本人33歲!有一單位於市區收租,買入價583萬,收租$16800一個月! (按揭仲供緊400萬左右)自己和朋友合租新界個大單位月租19800!
從事保險業,月入大概8至10萬平均!現金有475萬港幣同30萬人民幣係大陸做理財産品收息!當中有$256萬係低息(大概3%年息)私人貸款諗住攞嚟買啲穩陣股票收息咁!
想問下我可以點好好安排依475萬 cash flow?帮我財富增值。 P.S 有諗過攞部分現金用屋企人名買多層400萬左右嘅樓
龔成老師:
如果你本身已有物業,就唔建議你太急投資物業,因為會令你的財富好集中在物業類,建議你投資其他類別,等你財富進一步上升時,先慢慢再買另一物業,唔好急。
由於你部分資金是借貸,風險會較高,因此唔建議太過進取,投資較穩健的收息股,較好。
你可以建立一個收息股的組合,目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)都可以。
另外,部分資金如果不屬於借貸部分,就可以爭取增長類股票。你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先,潛力股小注好了。
資金要分注投資,慢慢入,同時留現金,不要太心急。
你可以考慮盈富(2800)、銀娛(0027)、恆基(0012)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
如果想增長力高少少,可考慮:華夏恆生科技ETF(3088)、阿里(9988)、騰訊(0700)、港交所(0388)、舜宇光學(2382)、小米(1810)、比亞迪(1211)、中生製藥(1177),但就要明白波動性比上述會高左,同時風險大左,你要自己平衡。部分要等回少少先入。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q18356:
龔成老師,我想問一下,每月是不是一定要月供?還是可以儲錢,等大市低於水平,再入貨?
因為有時候可能月供會將平均買入價拉高了?
謝謝!
龔成老師:
最好是保持月供,每月進行,因為這可以減少人為主觀的因素,程式化般不斷去入。
當然,你自己如果現金不多,或分析到現時大市唔平,都可以停現金,自己儲錢,等機會先入。無絕對的答案。
但一般來說,只要不是太貴,都會保持月供,這刻雖然好低拉高,但如果是優質股,長遠不斷增長,都是值得的。
------------------------------------------------
Q18357:
老師你好,本人非常欣賞老師的投資道理,知道長線持有,能夠享受公司持續增長的利益,所以我係眾人唔睇好小米嘅時候,大手以9元買入小米
可惜見到樓市買入時機,當時資金不足嘅情況下,在約$14全數沽出小米。
本人與未婚妻總月入大約40,000,老師認為我哋嚟緊要如何分配資產?
供樓支出大約月入20,000,兩人總支出每月大約6000。
我未來目標係有一層樓自住,兩層收租,及盡快退休。
本人26歲,未婚妻年齡相約
預計下年月入年多一萬
龔成老師:
只要你有投資實力,就總會在財富中顯現出來。
如果你現時已有物業,同時供樓都佔了一定的數,就要留多少少現金,令防守力增強。等有一定的備用現金,先投資股票。最好是下年等你收入增加,可以加大投資股票。
你的年齡可以進取少少,你投資較有增長力的股票,先利用股票進行財富增值,之後就再慢慢等機會,投資第二層樓,即是用《財務自由行》所講的股樓並行方法。
唔好太急買第二層樓,先買左股票先。
------------------------------------------------
Q18358:
老師 我最近投資了1302先健科技,2.39 買,覺得近年增長力不俗,請問長線投資可以嗎?
龔成老師:
先健科技(1302)質素中等。
佢係心血管及周邊血管疾病及紊亂所用先進微創介入醫療器械的研發、製造及營銷商,主要提供先天性心臟缺損封堵器。
行業有發展,但見佢過往的生意與盈利,都無乜增長,加上企業規模唔算大,賺錢能力唔強,這刻的投資值博率,不算高。如果有深入了解過佢業務,分析到佢將來好有發展,就小注投資。
------------------------------------------------
Q18359:
老師,最近中生(1177)同石藥(1093)都出左業績。見到石藥(1093)上半年似乎比中生(1177)做得更好。
無論毛利率同淨利率都有保持增長,呢半年毛利率更加去到75%。睇返佢過往幾年既毛利率都係一直咁增長。對比返中生(1177)雖然毛利率一直都係係石藥(1093)之上,但係就見吾到有更進一步既上升。
呢個現象係唔係代表石藥(1093)係市場既優勢已經逐步咁追上中生(1177),例如產品受歡迎既程度同銷售途徑既改善等等。
另外,兩者既增長力量都著重於創新藥方面,而佢地投入研發既資金都差不多,但係石藥(1093)穩中求勝既方向好以成效更大。
加上最近中生(1177)CEO配股後觪任是否暗示左管理層已經開始出現左不利既因素。
綜合以上幾點石藥(1093)係唔係應該比中生(1177)有更大既增長潛力同更好既營運管理質素
龔成老師:
中生(1177)與石藥(1093)都是有質素的股票,你分析的都是一些因素,但我地應該以更長線的模式去分析,唔好只睇中期業績或一年業績。
我相信兩隻都可長線投資,在長遠增長上,中生不向都不差,之後情況要睇多少少業績先有答案,但我相信都不會太差的。
至於石藥,增長力有所增加,我相信佢長遠正面的。以這刻的平貴度,投資值博率分析,石藥是較好,而長遠增長,相信兩個都正面。
------------------------------------------------
Q18360:
Sir, 多謝你的詳細分析,呢一代嘅年輕人好難得有一個好似你咁肯無私咁幫人
我知道你一有時間都盡量回覆我哋,而家呢個世界很多人都係利字當頭,無利益嘅嘢都唔一定幫,你爸爸媽媽好有福氣可以有一個咁好又咁上進嘅仔。我已買了你的「股票勝經」、「財務自由行」同「五年買楼4部曲」
希望退休時可以實現到唔使退休後擔心生活,人的一生,上半生辛勞工作,下半生有生之年都希望可以行得走得去吓之前無機會無時間去嘅地方
如果年青時可以早D醒,可能而家已經無憂退休啦!但都好多謝你FB嘅Post,我真係學識咗好多嘢!活到老學到老!加油呀龔Sir
另外在這𥚃可以推薦吓一D穩陣又實際嘅證券行!等我可以去月供股票嗎?因為銀行D手續費太貴啦
題外話,Sir, 希望你都要留返D時間俾自己休息,保重身體呀
龔成老師:
銀行你可以去匯豐、南洋商業,證券行可考慮富途、耀才,不過我都唔知佢地而家具體的收費。
其實,我都明白唔好太博,我都會取平衡,謝謝。我之前用20年時間去學知識,去睇書,我都好感謝這些作者的付出,當時我已經係度想,如果我日後有錢,都想貢獻這個社會。現時,算是盡少少力啦,大家加油!
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
揭仲fb 在 龔成 Facebook 的最讚貼文
【龔成問答信箱】(Q14401-Q14420)
Q14401:
老師,請教一下
我本身的工作,收入非常不穩定,自己年紀不輕了,快50歲,自己單身,但因為家庭有成員長期欠債,搞得自己都沒買到樓,錢久不久就會被清袋.....
手上有大約300萬,現在大部分錢都放在一些派息基金,還有少量是股票,散散的盈富、中電、港交所、領展、雅居樂、中鐵都各有一二手
現在開始想要為退休打算了
1) 派息基金,看似息口真不錯,不過清楚知道價格向下調,息口都是從本金來的,幸好3、5年來,總計算帳面沒怎虧,但這幾年沒增長,就是虧囉
2) 自己感覺供股對我來說,不是很適合,有錢時就直接買,不過我很少能把握到好時機,每次都是高價買入,但又不願意賣出,例如港交所290元會走去買....
3) 因為自己一直都是,當有一筆錢進袋時才買投資產品,有時因為對股票太不熟悉了,不想買股票,便去買基金
也因為經歷過幾次,家人要等錢時,什麼價位的股票、基金都賣,幾次碰上幸運基金都沒怎虧...所以又繼續買基金
是不是該轉一轉?因為年紀問題,不想再小注小注買,現在看似市道不好,是不是該把基金都放出,等股票下調後買入你一直看好的派息股?
龔成老師:
所有野,都應該以長期的方向去想,你應該開始做一些長期的調整,唔好太著重中短期策略與因素。你唔好再著重「賺多少」,應該著重,如果得到每月穩定的股息收入,你要改變你的思維,這點最重要!
以你的年齡,其實會開始為退休做準備,但同時,財富仍有增長力(但不是進取),因此,你可以投資「平穩增值股」+「收息股」。
現時的$300萬,暫時只能動用$150萬,因為大市唔算平,你要分注投資,同時留下一半資金。長線投資。
你可以投資「平穩增值股」+「收息股」,但就隨著年齡增加,慢慢增加收息股的比例。如果你唔中意月供,你就用分注模式去投資。
你過往太著重短期價格,以為捉到低位,但其實不易,建議你改用「分注投資模式,例如每隔3個月入一次,將一注資金分成多注去入,將買入價平均,對你會最為有利,能大大改善你的投資問題
至於選股方面,平穩增值股,例如盈富(2800)、金沙(1928)、長建(1038)、中銀(2388)、港鐵(0066)、恆基(0012)、港交所(0388)。
同時,可以建立一個收息股的組合,目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、匯豐(0005)、置富(0778)、陽光(0435)都可以。
如果你不想選股,就簡單投資ETF,例如盈富(2800)、南方A50(2822)、領航標普五百(3140),都是很適合你的。
至於你現時的基金,是否應賣出轉上述股,你可以睇兩樣野,第一,這基金過往5年的總回報,即是價格與股息,如果回報不供,不如投資收息股,收息股每年都有5%回報。
另外就是睇金基金的前景,你要分析基金組合、投資策略,如果只是一般,就賣出。
總之,你這刻要開始為你的退休準備,而所有野,你都要分析,這個項目,是否能在你的退休組合內發揮到作用。
------------------------------------------------
Q14402:
老師你好, 先感謝你無私的分享,我都追看你寫的書和文章一段日子,因為你嘅教導我也係開始左月供股票兩年了和每日都mark 低支出,月供計劃當中有賺有蝕但係我堅信你教導的月供概念,打算一直長線供款投資落去。
我有幾個問題,希望你抽空不嫌煩替我解困一下。
本人35歲, 下年年底打算結婚,職業是sales,收入大概係$60,000, 女友28歲收入大概$16,000。我現在跟我媽咪 (已退休,68歲,兩層樓收租$36,000)暫時兩人同住一層480尺私樓,結完婚打算都同媽咪一齊住,因為我好細過就單親。
自己支出大概如下:
- $10,000 家用;
- $19,800 供樓;
- $17,000 月供股票 (選股方面,$3,000盈富(2800), $1,000 金沙(1928), $2,000恆基(0012), $1,500 中銀(2388), $2,000 港鐵(0066), $1,000 煤氣(0003),$2,000 長建(1038), $1,500 領展(0823), $1,000比亞迪(1211) 和 $2,000銀娛(27);
- $7,200 月供一個公司儲蓄計劃 (利息大概5% 回報)。
資產大概如下:
- 一層自住市區私樓 (我個名)市值: $10M, 30年按揭欠$4.8M;
- 一層市區私樓 (媽咪名) 市值: $7.5M, 收租$18,800, 本來無按揭,但因為我當時無首期,媽咪要加,呢家按揭仲欠$1.1M, 每月供翻$16,000
- 另一層市區私樓 (媽咪名) 市值: $7M, 已無按揭,收租$17,200, 無按揭;
- 兩年前加按左層樓$1.12M走去買咗個車位 (我個名)收租大概$2,800, 放左大概一年都放唔走;
- 有個大概$1.96M (今年2019Q1開始投資@$2.2M) 嘅港股portfolio (由一向替我投資嘅長輩打理,每年review, performance charges 是15% out of performance, 即係個盤賺幾多,他就分個賺個啲嘅15%);
- 同時,可以建立一個$400,000收息股的組合,包括2500股(2388), 13000股冠君(2778), 10000股越秀 (405), 1000股(66), 開元 (1275), 8000股春泉(1426) 5000股置富(0778), 8000股陽光(0435), 20000股匯賢產業 (87001), 8000肌泓富 (808)和8000股 (貿易通);
- 另外有一個$200,000嘅普通股票組合,包括 300股騰訊 (700),100股港交所 (388), 1000股吉利 (175), 6000股高偉電子 (1415), 12000股易大宗 (1733)。
1. 明白老師一向都提議大家月供嘅好處,所以如果想再加月供銀碼,我都想加多隻潛力股中生 (1177), 可惜我用嘅銀行無得選擇你有沒有提議我應該加碼到邊隻好?
2. 我如果月供加埋REITs (2778, 788, 808, 405, 87001 & 435) 好唔好?因為我呢家自己一手一手個個收息組合好似太少貨。
3. 我女朋友都聽完我介紹之後,開始每月$3,000 ($1,000 盈富,$1,000港鐵,$500 領展,$500煤氣), 你覺得需唔需要改?
4. 收息組合和普通股票組合,我都係高高地位購入,我知大部分可以叫做優質股可以長線投資,但你有冇特別意見?
5. 近排社會運動令好多retail 業務好重的公司股價影響好大 (例如利福,莎莎, 六福, 周大福), 如果係依個時間當儲貨長線值博率高唔高呢?定都係買番啲民生比較重嘅例如大家樂/大快活好啲?
6. 我其實想結婚之前搵三房單位,到時候住大少少,起碼三個人住,有多啲私人空間,可惜我媽咪住慣市區,唔肯搬入去新界或交通不太方便嘅地方,我其實3個方案,你可以俾我少少意見嘛?
方案1: 租我個名嘅單位俾人,大概收$20,000租金,再補少少錢 (大概$5-$8,000)去租三房;
方案2: 問媽咪攞層樓去銀行加按做首期,不過年紀問題,我相信加唔到幾多,而且就算有首期,我同媽咪都有物業,只可以用女朋友個名入市,但係她收入有限
方案3: 賣晒我自己個名嘅單位同車位
個車位最煩係賣唔出,我當賣出我自己單位有$10M, 還咗銀行個按揭$4.8M, 再拎$5.2M睇市區樓,媽咪因為最想住翻紅磡 (但黃埔花園三房都要大概$12M),媽咪都接受美孚新村 (三房大概$9-$10M),前者不用擔心老人家適應,後者我就可以樓換樓仲有啲錢套! 如果我買樓,我想儘量俾少啲首期!
7. 記得之前有另一個讀者問關於年金嘅計劃,老師亦都回答如果單以收息股和年金比較,都知你嘅建議就係我哋嘅年齡修息股同埋年金計劃都可能唔係一個好嘅投資但係我嘅portfolio 比較着重左係股票所以如果我真係可以慳到税嘅情況下,其實年金計劃係咪都係一個不錯嘅選擇?
謝謝指教,我嘅問題比較長背景亦都可能好複雜但希望老師可以花啲時間去睇吓我嘅問題分享下你嘅意見。
龔成老師:
1)我地一定是股票行先,即是該,你長遠想建立一個怎樣的組合,當中股票的質素如何,不會因為該銀行無得供,而買另一股。
中生製(1177)有潛力,可投資,如果無得供,在現價又少少貴的情況,你可以自己分注,小注小注慢慢入。
2)這些都是有質素的股票,但我怕你組合開始有少少散。第一,這是造成管理混亂,因為我地買得的股票,都應該完全了解,並在每次出業績時仔細分析,但當你股票好散,就好難全部都了解到。
第二個缺點,你要較長時間先能夠買入到一定的股數。
3)整體無問題,只要長期月供就得,如可以的話,盈富(2800)加多$500-$1000。
4)買入價不是重點,企業質素與前景才是。
你現時持有的股票,大部分都有質素,可長線持有,不過就有點散,你要注意翻這點,要記住,每隻股票都要充份了解先可以投資。
另外,易大宗(1733),核數師在近年的意見都是「保留意見」,反映盤數「有古怪」,這企業不宜持有。
5)零售股的投資值博率正在增加,雖然中短期會較弱,但長遠來說,仍有投資價值,零售股可考慮。
6)從累積財富的角度,方案二是較好,你可以賣出現時的車位(減多D、同找多幾間經紀幫手放,就較易賣出),再利用加按物業,去進行這一步,不過,就要你女友的名,不知你及你媽的想法。加上,按揭情況亦要問清楚。
如果這方案做唔到,就做方案三,這其實是一個換樓的模式,都是可行的方法。
7)以年金去慳稅,在理財中可行,不過,這難免會減少了我地整體的投資回報率,因為始終你仍年輕,投資應著重增值。
不過,你都可以將小部分資金,投資在這類慳稅年金產品,視為財富組合中防守的一部分,只要不多就無問題。年金在理財中,是防守性產品,有其存在價值。
------------------------------------------------
Q14403:
您好,想請教下,本人現時36歲,有穩定職業,但月薪只有$15000+不固定佣金,有陣時工時會好長,除開同最低工資差不多,拆賬率好低,好想自立門戶,但又好怕收入更加唔穩定。
有兼職可賺取三千多一個job,接到幾多job好難講。現時外債、學債、欠家人大約70-80萬,有咩方法可以喺兩至三年內扭轉而家呢個局面?
個人資產只有十幾萬嘅MPF, 同埋供咗四年經保險公司買嘅儲蓄單,要供十五年,而家供咗$6-7萬。
龔成老師:
坦白講,你這個年齡,是突破的最後機會,我會建議你盡快做突破這動作!
自立門戶是其中一個方向,如果你做了該行一段時間,應該了解到客戶的來源,這是重點,你要分析這行,你是否有能力自己爭取到,除了一些跟開你你的客戶外,能否自行到時找到新客?難易度如何?
你現時負債70-80萬,單靠你現時的工作,基本上要10年時間先處理到。但如果你肯突破,就有可能有轉機,當然,無人知結果。
不過,如果是我,36歲,我知道係我好重要的時期,我會用最大的決心突破,我會用盡所有方法去爭取生意,建立自己的事業,目標是2年常內處理好負債,並在之後有一定的財富!
------------------------------------------------
Q14404:
老師你好
想了解一下你的投資風格都是中長線嗎?
龔成老師:
長線。
20年前試過短炒,唔成功,之後我做過10年銀行同證券行,見好證好多散戶的投資成績,輸最多的就是短炒者,所以,決心永遠唔短炒。
------------------------------------------------
Q14405:
老師,我係你股票班的學生,仲上緊堂,你的堂令我獲益良多,謝謝你的教導。
我正在分析現時財富組合及檢討自己投資組合,
有以下的問題想請教一下:
1/ 計算財富分類
樓的資產值計算 , 是否只計淨值?
如一個單位現時銀行估值$600萬,但還有$200萬借貸,當做財務整體分析分類時,是否應該只計算$400萬?
2/ 水桶分類
我現時擁有以下的股票,請問下列分類是否正確?
水桶1: 1211
水桶2: 1 /3 /11 /12 /66 /823 /2800
水桶3: 5 /6823
如正確,現在組合應該是:
水桶1: 0.1% (剛於11月月供$1000)
水桶2: 78.7%
水桶3: 21.3%
現在年齡近50歲,你課堂上建議比例 20/40/40。
那我是否應該轉移多一點至水桶1, 如加大月供1211 至$2000, 再加入1177 ($1000)?
同時加入多一至兩隻收息股,如 2638 / 778 / 435 加上原有的 6823 每月每隻供$2000?
或者現時股價是否已可直接各入一手!之前再月供?
令組合分配更平均,正確嗎?
謝謝老師!
龔成老師:
我地會計算「總值」,即是每項資產,現時的總市值,所以,物業計算是$600萬
至於股票方面,上堂是大致的分配建議,你要睇翻自己本身的風險承受程度,以及本身的收入穩定、家庭財政情況而決定。
你可以加翻多少少水桶1,但唔好只集中一隻,最好有2隻或以上,比亞迪(1211)與中生製藥(1177)各$1500可以,到了這兩股佔你組合15%,就要減慢。
整體上,你上述持有的股票,都是有質素,並且都是適合你,方向無問題,只是比例上,可以慢慢增加翻收息股,令組合更平衡(增加收息股這動作,可以慢慢配置,例如用1年時間去做。
你可以現價,先買入置富(0778)、香港電訊(6823)、陽光(0435)、港燈(2638),之後再以分注成月供的模式進行。
------------------------------------------------
Q14406:
龔sir:您好!我由12月份開始用小册子記錄低每日的開支,但就冇分類。
我今天下載了應用程式。我由今日開始慢慢轉成手機記帳,呢個app有分類,希望下月可以有完整的數據。目標每月儲1千5至2千
另外,盈富基金,佢依家$28.10,價格是否偏高?合理價錢依然是24-26嗎?
之前曾經在$7.38和$6.9買入1177,之後升到$10賣出,今日看到1177升到$11。是否要等跌返落去$10以下才合理範圍。
總結以上,由於我可動用的資金不多(4萬),我心諗等到2800和1177跌回合理價錢範圍,才各買一手來長期持有。
上個禮拜我睇完你的著作「大富翁致富藍圖」,今個禮拜開始睇「選股勝經」,預計下個禮拜睇「50穩健收息股」之後再睇「50優質潛力股」,再之後睇「股票勝經」,我手上暫時只有你這幾本書,對於我呢個由零開始的中年人,以上的次序是否合適呢?
謝謝
龔成老師:
理財最重要是適合自己,同時保持進行,堅持最重要!
盈富(2800)現價仍是合理價,可以投資,不過,由於不是平宜價,所以在買入價,要同時留有現金,不能用盡現金。
至於中生製藥(1177),$10以上略貴,但記住,永遠無人知佢的走勢,我地只能從平貴角度分析。你可以等$10以下先入。
你應該次序:《大富翁致富藍圖》、《股票勝經》、《選股勝經》、《50穩健收息股》、《50優質潛力股》。
完成後,再睇翻我其餘的書。
------------------------------------------------
Q14407:
老師,中國鐵塔和福壽園,是否中國鐵塔比較有潛力和值博率呢?
未答都先謝謝!
龔成老師:
兩隻都是有質素的股,潛力度同樣有,但要睇未來大環境的方向。
中國鐵塔(0788)是5G相關股,接下來會進入5G年代,佢業務一定受惠,不過,佢本身的回報率不算好高,加上現時估值唔平,因此,又未算好高值博率,但投資價值有的。
至於福壽園(1448),本身有質素,不過不會象中國鐵塔有主題,但長遠有增長潛力,但現價都唔算平。
兩隻都是有潛力的股,這刻中國鐵塔會略略高D,加上有5G主題,相信中期會較強。
------------------------------------------------
Q14408:
龔 sir想請教下 我而家睇緊你既3 本 <50> 你當中會經常講到 如果股本回報率高係反映到再投資回報率 好。
但如果本身派息率高 就不能反映到。
我理解係。 如果大部分息都派俾股東 甘股東權益大左(分母) 但個息細左(分子) 甘除落去好似不大 但其實間公司賺到好多盈利 ?
龔成老師:
有關股東權益與派息等部分,你理解錯誤。其實,這部分要解釋不易,我上堂都要花一定時間,學員先大致明白。
我做一個好初步好初步的結構同你講,如果一間公司股東權益$1000萬,當佢今年賺左$300萬,佢將其中$200萬派息,這$200萬就會派走左,唔會再屬於公司,股東袋左,自行運用。
至於餘下的$100萬,就會成為「保行盈餘」,再投入在公司裡,這樣,股東權益就會變成$1100萬。
當我地計算下年ROE,就會以下最新的盈利,除以$1100萬,這就會反映到再投資的動作。
------------------------------------------------
Q14409:
老師 我不太明白 你在書中 的各公司5 年業績表 , 收益 同盈利代表乜 ?
因為往往收大好多 例如六福 2013 年 收益係134 . 盈利12. 4, 每股盈利係 2.11 , 其實係點計出黎?
龔成老師:
收益就是做生意的最基本收入,以六福(0590)來說,佢賣一個珠寶比你,例如$5萬,未計成本人工等,佢實收你$5萬,這就是收益。
佢到最後,扣除所有的人工、成本等,最後得到的就是盈利。
例如2013年,收益就是$134億,盈利就是$12.4億,而將這數除以總發行股數,就是每股盈利,即是每一股賺到$2.11。
你可以睇《股票勝經》,當中有較多股票基本的解釋,上我的股票班亦可。
------------------------------------------------
Q14410:
老師 ,之前見到你最3大持倉係,比亞迪,中生同金沙,如果學你咁用呢3隻做最大持倉做前題,再買其他股票,咁樣得唔得?
龔成老師:
你可以參考我的組合,但每個人的風險承受程度,以及佢的財政情況都不同,因此,你可以參考,但不建議複製。
這3隻都是可長線持有的股票,我會好長線投資(5年以上),會唔理中短期股價,所以,你都要有這個投資想法,先適合參考我的組合。
------------------------------------------------
Q14411:
師傅
請問1382買得過嗎?
龔成老師:
互太紡織(1382)本質不差,近年的增長力不強,整體算是不過不失。
從長遠的大環境,以及這企業過往的發展政策去分析,這股收息較好,不要對股價太有期望,而睇翻過往的派息政策,管理層都是將盈利中,絕大部分用作派息。
因此,這股收息不差,但見到管理層發展的野心不大。以收息來計,現價已可,有約9%股息率,的確吸引,已反映了業務一般的情況。
但始終增長力不強,業務有潛在向下壓力,因此,不建議太大注。
------------------------------------------------
Q14412:
你好。我最近加按,留一半錢在mortgage link戶口後,約有200萬想建立約6厘的收息組合。我暫時打算投資:
6823香港電訊,659新創建,1052越秀交通,3煤氣,778置富,405越秀,012恆地,1212利福國際,1848中飛租及1928金沙。
我本身已有匯豐(2400),長建(2000),比亞迪(3000),佐丹奴(60000),金沙(1600),煤氣(3300),新地(500),恆地(2200),灣區發展(10000),冠君(8000),中飛租(6000)。
另有月供21000股票,有中電,領展,友邦,中銀,金沙,地鐵,比亞迪等。
請問約6%新組合的股票是否合適?金沙會否太多?
月供的股票還有盈富
龔成老師:
首先,你上述持有的,都是有質素的股票,可以長線,繼續進行,同時在平衡組合方面無問題。
至於200萬想建立約6厘的收息組合,方向正確,因為加按而得的資金,風險度宜低少少,你可以投資上述股票,這些都是有質素的股,如果單一股票佔你組合15%以下,仍是無問題的,所以,你最重要是計算總比例。
(盈富當然可以較多,因為這本身就是一個組合)。
另外,現時大市處合理區,可以一邊投資一邊留現金,因此,不能用盡現金。
而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q14413:
老師,我現在手上有6060、在28.9入659、在11.16入857、在3.84入,以上這幾隻可以繼續持有嗎?
龔成老師:
唔好比買入價限制左自己,最重要是企業的質素、前景。
眾安(6060)唔敢完全話佢無潛力,但暫時睇,業務仍未得,投資價值只是中等,小注可以,如持有太多,要賣出部分。
新創建集團(0659)可持有,這股有質素,但中短期會較弱,增長力為中等。
中石油(0857),商品企業,雖然有質素,但不是高質之列,可持有,但唔建議太多,企業處比較被動的狀態。
------------------------------------------------
Q14414:
龔成老師你好,本人26歲,學歷不高,不想做錯決定令將來痛苦。
我係一個普通打工仔,基本月薪23000,年尾花紅有5-6萬元,有現金100萬,已婚。曾持有939、1299,都已止賺離場。
由於已婚,打算買樓自住,首期、入息不算充裕,所以仲未睇啱。
股票方面,大部分都已沽出,只剩大約十萬蟹貨,沒有明確投資方面,希望老師可以指點一下。另外如果要睇老師嘅書學習投資理財觀念、知識,應由邊本書開始?謝謝。
龔成老師:
你要明白翻投資的正確觀念,我地進行投資,是整個理財的一部分,唔可以無整體性。簡單來說,理財投資,就是進行一個財富配置。
由原本只是持有貶值的現金,轉為持有有質素的資產,建立一個優質,平衡的組合。
不過,你現時仍有改善的地方,例如持有一些蟹貨(我地唔應該以賺蝕去決定繼續持有與否,而是以企業質素),相信,你賣出了建行(0939)、友邦保險(1299)這些有質素的股票。
首先,你要清楚翻自己的目標,是否打算買樓,目標樓價大約是多少,能否支付到,如果首期未足夠,之後的儲錢計劃如何?記住,買樓,最重點,不是分析之後樓價的走勢,而是你買入後,是否「供得起」。
如果這刻已足夠,還欠甚麼?是否可以開始睇樓?
當你計劃好買樓的資金及所需後,就可以更有效進行財富配置,例如,現時的股票,是否要賣出套現?還是,可以有剩餘資金作長線投資?
以你的情況,我會建議你睇《財務自由行》、《大富翁致富藍圖》、《股票勝經》。
------------------------------------------------
Q14415:
老師,我係你學生,我正在研究中國燃氣的年報,發現他毛利及盈利都增長理想,但每股盈利增長卻比較低我不太看得明白,請問你知道原因嗎?
在說的是2019-2020年頭半年的最新中期報告
我另外我想問你認為看公司賺錢能力應該看毛利,盈利或還是每股盈利最有代表性?
因為中國燃氣毛利增長有兩成半然而盈利增長只得18%以每股盈利增長就知道15%
龔成老師:
中國燃氣(0384)業務正面的,無論是行業發展,大環境,前景,這股都不差。財務數據正面,生意與盈利保持向上,股本回報率高,賺錢能力強,不過,負債少少高是扣分的地方。
整體來說,這企業都有投資的價值。
毛利是反映企業最基本的賺錢能力,反映當中最直接的成本,以及售價之間,是否有一定的利潤。至於盈利,則已是扣除了各開支後得到的淨利潤。
所以,當你見到毛利增長較盈利增長多時,反映企業在產品售價方面雖然有提升,但有一些成本卻無法完全轉嫁,如員工、維修等成本。
至於每股盈利增長不及盈利,這是由於增加了股數的發行,影響了每一股的盈利價值。
在分析企業時,我地會先分析毛利及盈利等這些財務數據,因為這是反映整間企業,而我地會先集中企業質素與估值的分析。之後,就會再考慮每股價值的問題。
------------------------------------------------
Q14416:
龔成先生:本人是你粉絲,現26歲,月入7萬,有約50萬股票(平均價:煤氣$15@5000、建行$6.5@20000、旺旺$6.5@20000、人保$3@10000和中聯重科$5.7@10000)。
首期預300萬,想2020年買市區兩房1000萬內自住,期望只供15-20年。
有沒有高回報穩建的股票和收息股介紹?中長線理財應如何分配?謝謝!
龔成老師:
坦白講,你打算中短期買樓,資金應該投資較低風險的項目,因為你的資金有實際需要,因此在投資上不能太進取。
現時你持有的股票,基本上都有質素,你可以持有,至於投資方面宜投資平穩增長股,恆基(0012)、太古地產(1972)、港鐵(0066)都可考慮。
------------------------------------------------
Q14417:
九毛九,買得過?
龔成老師:
九毛九(9922)這類半新股,分析比較難,因為財務數據少,好難做到準確的估值。
佢係內地中式快時尚餐飲品牌管理及運營者,佢係內地所有中式快時尚餐飲餐廳收入中排名第三,於華南地區則排名第一。
可見,在業務上、品牌上、市佔率上都不差。現時運營269間餐廳,以及管理41間加盟餐廳,而「九毛九」及「太二」為佢的兩個主力品牌。
睇翻佢的財務數據,唔差的,不過現價就唔算平,小注都可以,初步睇,這股都有長線投資的價值。
------------------------------------------------
Q14418:
成哥,有個問題想請教,朋友內地母公司準備明年春天在美國上市,公司名字叫XX控股。
據朋友所說,認購pre-ipo,上市失敗會有12%息,上市成功的話最差預期是12%,保守預期是30%收益,有底層協議。
公司2018年利潤是1.8億,保守估計2020年利潤是3億。下有保底上不封頂
請問這個投資風險大嗎?朋友說是沒有損失本金風險的
他說公司上市後表現好就會退出,表現不好就會部分回購
龔成老師:
你首先要確認,這公司的財務數據是否真實,佢所講的情況是否真,在金錢方面,任何一個人,你都不能盡信,你都要有保障自己財富的概念。
如果你確認可以,這可以視為一個有風險,有潛在回報的項目,小注投資可以,但一定不能投入太多資金。
------------------------------------------------
Q14419:
您好老師,本人35歲,每月可儲25000, 想用15000作月供股票。
分配想是 2800 $7000, 0968 $3000, 0354 $3000 和 1515 $2000。請問這樣分配可以嗎?
龔成老師:
上述都是有質素的股票,基本上,月供長線投資無問題。
不過,信義光能(0968)、中國軟件國際(0354)都是潛力股,這類股,業務始終會有點不確定性,因此,每隻月供$2000會較好。盈富(2800)則可以加至$9000。
------------------------------------------------
Q14420:
成哥,你好,我請教你,你覺得如果想係投資上獲得成就,認認真真地去讀關於金融既課程還是去讀一些股票班會比較好?
龔成老師:
我之前讀高級文憑同大學,都是修「財務學」的。
課本上的知識,都有少少用,但坦白講,我自己出面狂睇書、不斷研究股票、不斷睇年報,這樣的得著更大(我相信讀書時的知識,佔我現時「能運用到的投資技巧」,大約2成。
因為就算是我的股票班,都唔會教到好似學術模式咁,我會將部分學術,配合現實的投資情況去講,學術野太理論,要調整先可以用得。
我會認為你與其花幾年去讀這些課程,不如花時間睇書、睇年報、出去上下堂。
----------------------------------------------
多謝各位提問,若然你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網的,當然,會將發問者的身份,以及有關個人的部分刪去。
另外,由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
揭仲fb 在 老王 Youtube 的最佳貼文
又一位同事離職了,究竟這間房子發生了甚麼事情?竟然讓房仲嚇跑,就讓老王說給你聽
上一則影片【深夜裡的保全警衛-靈異故事】👉 https://youtu.be/GO1lA81hXZY
-
老王說全系列靈異故事播放清單:https://lihi1.com/juEJe
房仲日記全系列播放清單:https://lihi1.com/lnAjj
-
老王的粉絲專頁:https://lihi.cc/jvTHs
老王Instagram:https://lihi.cc/1EJia
-
投稿位置:https://forms.gle/Cfem5omwMxVPsNTZ6
-
#老王說 #房仲日記
-
注意:影片中的圖片、影片都僅供示意,並非真實情況或場地,若為真實場所會特別告知。
-
【老王說】最陰的醫院?竟然有人做邪術...杏林醫院的兩則靈異故事
https://youtu.be/O7kObBV5ms8
-
【老王說】猛鬼故事團!幽靈巴士是真的嗎?
https://youtu.be/0s5u_J8JmUk
-
【老王說】古玉,真的很邪門嗎?
https://youtu.be/eEviPf6cyGc
-
【老王說】為何不能半夜看電影?
https://youtu.be/CIaOfenhxnk
-
【老王說】最陰邪術!養小鬼真的會出事嗎?
https://youtu.be/K2swvfUgH5E
-
【老王說】KTV女服務生,見鬼事件完整實錄
https://youtu.be/ebmndDunvr4
-
【老王說】三個真實靈異事件,其中兩個竟然發生在台灣?
https://www.youtube.com/watch?v=-6b0U8BoW30&t
-
【老王說】八仙樂園靈異故事層出不窮?
https://www.youtube.com/watch?v=NneVLsu-y7g
-
【老王說】進旅館房門一定要敲門的原因是?
https://www.youtube.com/watch?v=gEpiSOraCXU
-
【老王說】情侶看劇時原來不能做這些事情?
https://www.youtube.com/watch?v=96g2s1hJ_gg
-
【老王說】畢業旅行原來不能做這些事情?
https://www.youtube.com/watch?v=2daVn8FecKU&t
-
【老王說】我在當兵遇到的三個靈異事件!
https://www.youtube.com/watch?v=v0bjSUMVEIU
-
【老王說】醫院夜班警衛的靈異故事(有醫院靈異影片)
https://www.youtube.com/watch?v=KTAJunKsnDY&t
![post-title](https://i.ytimg.com/vi/6YxWH9fQip4/hqdefault.jpg)
揭仲fb 在 VBS學唱歌 - 聲音平衡歌唱技巧 Youtube 的最佳貼文
►►►〔北京、廣州〕線下課程「7折」限時優惠中!►►► ►►►〔北京、廣州〕線下課程熱烈招生中!
「視訊一對一學唱歌方便又有效!」免費體驗30分鐘,專業老師告訴你問題在哪
→ 1分鐘預約完成 【Line ID:VBSystem | Wechat:vbsystem|電話 : +886 2 2746-8248】
*台北、台中、北京、廣州都有實體教室,歡迎預約*
——————————————————————
VBS全新官網上線!【豐富免費教學內容|線上購買優惠課|專業師資介紹】
全都在 ►►►https://vocalbalance.info
最新優惠活動|https://vocalbalance.info/news
線上折扣課程| https://vocalbalance.info/purchase
預約免費體驗| https://vocalbalance.info#freeModal
師資介紹| https://vocalbalance.info/coach
——————————————————————
VBS系統創辦人, Leo老師北京【線下一對一課程】,開放報名!
詳細介紹:https://vocalbalance.info/tw/methodol...
諮詢客服LINE:VBSystem
——————————————————————
金樑老師的【低音救星】第二集來啦!
這集要解決許多同學在高音時,
總是無法唱得連貫又細膩的問題為什麼到了高音總是
「越唱越大聲,不然就是轉假音虛掉」?
為什麼專業歌手高音總是能唱出
「細膩動人的線條」感覺很輕鬆?
這一些都跟「音量控制」有關係!10分鐘老師就讓你明白正確的觀念,
以及如何練習!
滿滿的乾貨,一定要看完!
【新老師限時7折優惠】
1120/1堂 只到10/14
快來預約免費體驗!
客服Line:VBSystem
★我們在BiliBili也有頻道喔:https://space.bilibili.com/6248424/
——————————————————————
★高難度歌曲帶你一步一步練!【歌神怎麼唱】:
光澤的《空心》歌唱技巧&如何唱好? https://youtu.be/5oWcB_R9BeU
青峰《起風了》如何唱好?完美示範+高音音色技巧! https://youtu.be/WXqbkobMXhw
J.Sheon《別問很可怕》唱好R&B不難! https://youtu.be/Dt3fyez1IMI
神曲《Lemon》米津玄師的唱功到底如何? https://youtu.be/t22CM6Fxj5g
周深《大魚》純淨歌聲是天賦還是技術?https://youtu.be/_siw57vVYOg
林俊傑《倖存者》完美示範+教學!JJ的高難度新歌用了什麼隱藏唱歌技巧? https://youtu.be/n8ackyKDGIw
盧廣仲《刻在我心底的名字》細膩演唱讓老師揪心吶喊?https://youtu.be/oNnb7DE-we0
《永不失聯的愛》解開「斷層VS不斷層」唱法迷思!https://youtu.be/vZrMOCsmF0k
林俊傑《暫時的記號》歌唱老師認證「不是人唱的歌!」 https://youtu.be/Z323lgYhubM
★線上真的能學唱歌?!:
線上課程實錄-情緒鋪陳的提升 https://youtu.be/4rhsq2Pw8PI
線上課程實錄-改善氣音問題 https://youtu.be/5ou-7oN7gao
學會閉合的唱歌技巧|改善音準&氣息【老師來挑戰2】 https://youtu.be/WRCC_c1I2BQ
全網最像林俊傑的大神來踢館!竟然也有歌唱技巧要解決?https://youtu.be/pLjiAslAnz8
★歌唱基礎帶你練!【歌唱急診室】:
唱歌氣不足?「腹式呼吸+換氣點」原來這麼簡單能解決! https://youtu.be/B4U4hJBDMRE
唱歌「氣不足」又「沒層次」?神奇「聲門閉合練習」讓你馬上改善!
https://youtu.be/N1uX9kWUH8M
唱歌「音不準」絕對有救!三個唱歌技巧,音癡也能一學就會!
https://youtu.be/jl81U_e4zcU
唱歌「拍子不準」魔咒破解!超有效學習步驟,打穩學唱歌基礎!https://youtu.be/cy6Gb3ObAB4
開嗓方式哪種才正確?好的開嗓可以突破高音極限?
https://youtu.be/JqyBNPhAK-M
★歌手歌唱技巧全解析!要如何唱得像他一样?
周杰倫的高音技術正確嗎?如何唱「真音」又不讓「喉嚨卡住」?https://youtu.be/K0gcr6uZNWc
陳奕迅唱功全分析!歌神把人唱哭的3大唱歌技巧!https://youtu.be/D8f15CgZkOM
王力宏不輸歐美歌手的頂尖技術?他的「強混聲」唱法要如何練習?https://youtu.be/bR6GCcIKgyk
李榮浩分析|低調的實力派唱將!基本功穩定比飆高音更難?
https://youtu.be/TbuhKJiXyy4
徐佳瑩的招牌氣音錯了嗎?氣音就是發聲不健康?
https://youtu.be/nYTVdPsQalM
陶喆的假音為什麼好聽又不虛?那真的是假音嗎?
https://youtu.be/-FPuy5I490M
Hebe田馥甄靠三個唱歌技巧大變身? https://youtu.be/8RZ37gl2P3s
模仿張學友唱歌,唱功竟然突飛猛進? https://youtu.be/ldh3pmGgnoo
五月天阿信的唱腔太經典卻沒效率? https://youtu.be/7gBfwUlxuAg
陶喆的假音為什麼好聽又不虛?那真的是假音嗎? https://youtu.be/-FPuy5I490M
豁出去模仿伍佰老師!伍佰唱高音為什麼輕鬆? https://youtu.be/gbzAxGHw3S8
周杰倫35歲就不唱高音?信為何能唱到50歲? https://youtu.be/Xkbab5TCD40
★超多人問!你一定也有的歌唱難題:
歌手的「真假音轉換」有哪幾種?為什麼你唱的總是像「破音」?
https://youtu.be/t2DD7jPoV0Y
你的假音比別人難聽?改善三大原因,從零學到會!https://youtu.be/mrwKX-1Y0mE
「混聲」「真音」哪個更難練?高音到底怎麼唱比較好?https://youtu.be/7oq1E39tZD0
輕柔高音要翻假音還是順暢連結?https://youtu.be/vZrMOCsmF0k
高音唱不上去?試試神奇「母音替代法」! https://youtu.be/8r62VLm-u6U
你的「鼻音」難聽尖扁又影響高音?https://youtu.be/Z8LJcCXJWDw
「抖音」學不會?三大原因超重要! https://youtu.be/LcuZWH5Zzcw
音域窄沒高音也有救!其實零基礎學唱歌可以快速變好聽! https://youtu.be/DRn6fbHXA4Q
★自學唱歌一定要看!:
【九宮格學習法EP.1】顛覆你的想法! https://youtu.be/U0E-YTBd1yE
【九宮格學習法EP.2】矯正你的發聲! https://youtu.be/YiZrMBXIF1c
初學唱歌必看《破除歌唱十大迷思》 https://www.youtube.com/playlist?list...
★幫你撕掉最根深蒂固的歌唱標籤!:
丹田發聲 https://youtu.be/MJ8AEizwcNE
混聲 https://youtu.be/uwQPHlA5Xvo
頭聲 https://youtu.be/N87oUIyHTNA
假聲 https://youtu.be/xakhfPRvTkU
★揭開當紅歌手演唱進化史!:
蕭敬騰十年沒說的秘密? https://youtu.be/yCGMjn4LCvA
鄧紫棋的飆高音血淚史? https://youtu.be/QwcySwSH6i4
Jessie J參加《歌手2018》碾壓全場?! https://youtu.be/pIuaiytRSvU
華晨宇火星來的華麗嗓音無人能及?! https://youtu.be/3HnzIckOLZc
譚維維的聲樂底子造就無敵高音?! https://youtu.be/92uz-Z2Nhsc
★模仿也能學唱歌-《歌神幫幫忙》!:
周杰倫 https://youtu.be/FqzVcnrpxM8
蕭敬騰 https://youtu.be/6GwcwzQSE8U
楊宗緯 https://youtu.be/cxp7mfk23g4
★跟老師一起來聽歌手的Live功力!:
青峰唱《我們》完全唱出自己的味道! https://youtu.be/E-fOT7q0T4E
林憶蓮唱《水星記》 教科書級演出! https://youtu.be/ylbBivqCV4o
林俊傑唱《領悟》超完美技巧撼動人心! https://youtu.be/nf6eYO7ol1Q
鄧紫棋唱《光年之外》親身示範何謂開口跪! https://youtu.be/mscUTFv_HcU
★VBS每個老師都好會唱!:
及琮老師挑戰Sia超高難度歌曲《Chandelier》 https://youtu.be/oMBefO5Z8Kg
府鑫老師-陶喆《搖籃曲》 https://youtu.be/DrcRCrxmW_4
浚瑋老師-王菲《笑忘書》https://youtu.be/xJw-5McL0fk
及琮老師-BIGBANG《IF YOU》https://youtu.be/MliSVHLzNog
府鑫老師《落葉歸根》 https://youtu.be/ENNUAfn54vU
Leo老師《可惜不是你》https://youtu.be/RKIPXdXHZkQ
浚瑋老師-林俊傑《最好是》 https://youtu.be/XZNN1l7GRiQ
及琮老師ft.曹雨航-林俊傑《交換餘生》https://youtu.be/dEMja5I_Yp4
——————————————————————
別忘了訂閱我們的youtube頻道給我們支持!
想更了解VBS課程資訊及內容,歡迎至VBS聲音平衡教學系統官方網站
http://vocalbalance.info/
VBS Facebook粉絲專頁:
http://www.facebook.com/vocalbalance
請按讚獲得VBS的第一手資訊
——————————————————————
VBS聲音平衡教學系統
VBS Line ID:VBSystem
VBS Wechat:vbsystem
VBS微信公眾號:VBS_ELITE
VBS 連絡電話 : (02)2746-8248
VBS Skype帳號 : vocalbalance.system
*歡迎有歌唱相關問題的朋友到我們的FB粉絲專頁https://www.facebook.com/vocalbalance
或FB社團https://www.facebook.com/groups/VBSys...
發問,我們會有專業老師進行解答,Youtube影片下留言將不再另外進行回覆,謝謝大家支持!
#學唱歌
#唱歌技巧
#聲音教練
![post-title](https://i.ytimg.com/vi/ousFA_JOgrw/hqdefault.jpg)
揭仲fb 在 老王 Youtube 的最讚貼文
深夜的保全巡邏,獨自一人的警衛室,會遇到哪些可怕的靈異事件呢?就讓老王說給你聽!
上一則影片【葬儀社同事,被往生者嚇到不幹了】👉 https://youtu.be/1Dnb26LbgPs
-
老王說全系列靈異故事播放清單:https://lihi1.com/juEJe
房仲日記全系列播放清單:https://lihi1.com/lnAjj
-
老王的粉絲專頁:https://lihi.cc/jvTHs
老王Instagram:https://lihi.cc/1EJia
-
投稿位置請發至信箱:oldwangsing@gmail.com
-
#老王說
-
注意:影片中的圖片、影片都僅供示意,並非真實情況或場地,若為真實場所會特別告知。
-
【老王說】最陰的醫院?竟然有人做邪術...杏林醫院的兩則靈異故事
https://youtu.be/O7kObBV5ms8
-
【老王說】猛鬼故事團!幽靈巴士是真的嗎?
https://youtu.be/0s5u_J8JmUk
-
【老王說】古玉,真的很邪門嗎?
https://youtu.be/eEviPf6cyGc
-
【老王說】為何不能半夜看電影?
https://youtu.be/CIaOfenhxnk
-
【老王說】最陰邪術!養小鬼真的會出事嗎?
https://youtu.be/K2swvfUgH5E
-
【老王說】KTV女服務生,見鬼事件完整實錄
https://youtu.be/ebmndDunvr4
-
【老王說】三個真實靈異事件,其中兩個竟然發生在台灣?
https://www.youtube.com/watch?v=-6b0U8BoW30&t
-
【老王說】八仙樂園靈異故事層出不窮?
https://www.youtube.com/watch?v=NneVLsu-y7g
-
【老王說】進旅館房門一定要敲門的原因是?
https://www.youtube.com/watch?v=gEpiSOraCXU
-
【老王說】情侶看劇時原來不能做這些事情?
https://www.youtube.com/watch?v=96g2s1hJ_gg
-
【老王說】畢業旅行原來不能做這些事情?
https://www.youtube.com/watch?v=2daVn8FecKU&t
-
【老王說】我在當兵遇到的三個靈異事件!
https://www.youtube.com/watch?v=v0bjSUMVEIU
-
【老王說】醫院夜班警衛的靈異故事(有醫院靈異影片)
https://www.youtube.com/watch?v=KTAJunKsnDY&t
![post-title](https://i.ytimg.com/vi/GO1lA81hXZY/hqdefault.jpg)