『終章』《或者存在的不存在職業 – 人類》
記得有一個揭尾故係咁嘅,
「一個男人決定跳樓自殺,從天台一躍而下..當佢接近地面嘅時候,聽到某戶家人嘅電話響聲,佢好開心。但好快,佢就好傷心。」
故事背景係個男人身處嘅世界受病毒入侵,
男主角以為世界只係死剩佢一個,
萬念俱灰之下,佢決定跳樓了結自己,
但一下電話聲,代表世界仲有其他人生存緊,
佢並唔孤獨,所以佢開心,有返希望。
可惜佢已經喺半空之中,死亡係半秒後嘅事,
一切一切都再回不去。所以佢傷心。
我開始明佢嘅感受。
因為我幾乎昏迷咗一段長時間,當有返知覺,
呢個世界已經冇晒人類。
唔係,應該係…得返我一個人類。
所有電子產品即使完好滿電,都已經不存在同你互動嘅人。
冇人再Online;冇人再Update;
再冇人影、再冇人聲、再冇人。
我走出屋企,一路沿住海旁出發,一路杳無人煙。
喺東區走廊呢條高速公路上面,限速80km,
但目前最快嘅物體已經係我。
因為一架車都冇。
我坐喺橋邊,望住對岸嘅高樓,一片寂靜。
我開始諗「下一步,應該點做?」
「下一步,應該點做?」係人類問得自己最多嘅問題。
所以我創造咗好多嘢,
例如「職業、家人、朋友」等等嘅「互動」同「寄託」去應付呢個問題。
下一步,應該點做?返完工先諗啦。
下一步,應該點做?有時間陪屋企人飲個茶先啦。
下一步,應該點做?搵阿強吹緊水再算。
其實,我哋都冇諗過真真正正嘅「下一步」要點做,
我哋多數只係原地踏步。
到呢一刻,唔再存在家人、朋友,
世界唔需要郵差,因為早就冇收信人;
世界唔需要偶像,因為點都冇人為你舉牌。
我僅有嘅一份職業,就係地球上最後一個人類。
應該點去做好呢份工呢?
其實我可以學故事嘅主角咁,放鬆自己墮入海中,
任浪水淹沒全身,摧毀呼吸系統,讓大腦壞死,
整個過程,已需60秒。
但我相信,我一死,人類呢種生物就等於滅絕。
責任太大,令我心中只剩下徬徨兩個字。
已經冇9年免費教育、亦冇星期一至五朝九晚六、冇情侶間一星期最少食一次飯的潛規則,
我漫無目的咁直行,
似乎自己已經打破所有人類的「枷鎖」。
不過,呢啲「枷鎖」,好似一直都引導緊我咃點去做一個人類,
冇咗枷鎖,反而唔識活下去。
似乎讀書返工,結婚生仔,生老病死,先係人類嘅職責?
Eat、Sleep、Recycle,當呢件事實現,其實係好恐怖、亦好絕望。
循環咗幾日,
我開始認真諗,人類嘅下一步,應該點做?
一開始,我諗得好宏大。
「建設一個新社區,統治其他動物。」
「努力學習,製造複製人。」
「聯絡外星人,同佢哋一齊生活。」
然後你發現,你連點行去土瓜灣都諗咗兩日。
得返你一個,就知人類能力幾有限。
當你想改變任何嘢,
你就發現自己根本改變唔到任何嘢。
世界依然寂靜;東廊依然冇車;我依然係我。
接下來一個月,我每一日都諗「應該生存落去,定放棄咗佢。」
既然人類改變唔到任何嘢,
咁仲要我呢個人類嚟做咩?
抱住呢個疑問,過咗一年。
我依然係我。
只係呢一年嘅生活,令我多咗一個諗法:
「點解作為人類,就一定要改變某啲嘢呢?」
或者我都畀所謂「種族優越感」捆綁,
覺得人類高人一等,應該Lead the world。應該對比之下,比其他生物優勝。
慢慢就形成一種「冇改變就係退步」嘅諗法。
直至得返我一個人類,
至發現「既然改變唔到,咁咪唔好變囉。」
何必令自己沉淪喺痛苦之中?
不過我依然用有限能力,做咗有限嘅事。
製作咗一種可以一個人玩嘅棋;
簡單嘅蒸餾水裝置...
365日嘅時光,冇咗人類,依然風吹雨打,大自然將文明嘅證據慢慢吞噬。
附近嘅大樓開始倒塌,喺黃沙之中我執拾細軟,步向逐漸斷裂嘅汀九橋,準備一直向北行,無止境地行。
我最後一件事,就係尋找另一個,仲存在嘅人類。
到時問佢一句:「下一步,我哋應該點做?」
====================
天空之上,宇宙之間,有一班人,睇住呢個過橋嘅人類。
「呢個人類同橋好有緣,佢曾經係奈何橋嘅一位哥仔,原本工作係引導亡魂。可惜佢放唔低前世種種,計劃消滅人類,但最終事敗,被判罰到呢個時空,作為最後一個人類,獨自修行到永遠。」一個地位似乎較高嘅人,略帶嘆息。
剪片師作補充:「奈何橋哥仔,佢前世係注定不幸嘅人,覺得世界唔公平,先動咗歪念,
聯同一班現世嘅不幸者,盜用可以控制情感嘅機器。
發放令人絕望嘅感情,引發地球首次自殺潮...佢希望所有人,都經歷佢嘅絕望,自行了斷。」
真相抹殺人有所感觸:「佢嘅痛苦都係沿於同他人嘅『比較』,同埋對『改變』嘅執著,咁佢呢家都算係覺悟咗,係咪應該畀佢安息?」
防止自殺專員:「可惜,佢犯嘅錯太大,相信佢點都走唔出呢個空間,亦唔會搵到第二個人。
不過,佢會學識一樣嘢。」
緣份童子問:「係咩嘢呢?」
地位較高嘅人緩緩道出:
「要睇佢將會行咩路,每個人類生存於世,都係學四個字。
有啲人學到『量力而為』;
有啲人學到『隨遇而安』;
有啲人學到『迎難而上』。」
宇宙繼續運行,各人返回自己嘅工作崗位。
人類繼續生生死死,靈魂來來去去。
冇人再記得,一個獨自係某個時空生存嘅哥仔。
於一個時空中永遠孤獨,感覺係一件好大嘅事,
只係當時空太多,時間太快,
所有事最終都只係一樁小事。
====================
我已經冇再數住過咗幾多日,
不過我依然生存,依然搵緊另一個人類。
我知道下一步,只可以繼續行落去。
(或者存在的不存在職業系列 — 全篇完)
PS. 多謝仲有睇嘅大家。
萬分感激。因為呢個系列嘅故事,基本上每個獨立,但中間又有啲關連,我會幾日內,出多個Post,
講返入面所有嘅人物關係,
等大家唔使重新睇一次咁攰~
有時間可以上我Ig: cheungson88,
遲下可能會擺少少外傳故事。
再次多謝大家抽空閱讀,呢類故事好偏門。有人肯睇,真係好開心。
============================
整個「不存在的職業系列」Album:https://goo.gl/xh4bbt
其中推薦:
《不幸者》:https://goo.gl/zWKl4A
(奈何橋哥仔真身)
《賣情感的人》:https://goo.gl/ffjnfy
(製造咗可以控制情感嘅機器,引出《殺手》與《抹殺人》兩個章節)
《防止自殺專員》:https://goo.gl/Ke99Mg
(自殺潮下,想阻止的人)
《踩鋁罐的人》https://goo.gl/d5m99p
(與奈何橋哥仔同樣是不幸者,但用另一種心態對待命運)
同時也有3部Youtube影片,追蹤數超過4萬的網紅冬OT,也在其Youtube影片中提到,同一個謎面,兩個截然不同的故仔,明慧老師因咩事俾人話好曳!? 製作 Finn (IG: @finnlaiys) 故事 Finn (IG: @finnlaiys) 演出 Andy (IG: @bearlybad) 陳豪 (IG: @chanho3) Sohee (IG: @soheeheee) ...
揭 尾故 不 恐怖 在 冬OT Youtube 的精選貼文
同一個謎面,兩個截然不同的故仔,明慧老師因咩事俾人話好曳!?
製作
Finn (IG: @finnlaiys)
故事
Finn (IG: @finnlaiys)
演出
Andy (IG: @bearlybad)
陳豪 (IG: @chanho3)
Sohee (IG: @soheeheee)
Flavia (IG: @flaviawg)
Bella (IG: @leekwunyu)
明慧 (IG: @mingwaiovo)
剪接
Bamboo (IG: @bamboo0618)
美工
Wing (IG: @wingfatfat)
Zheryll (IG: @zherylll)
![post-title](https://i.ytimg.com/vi/Pj1XoL_StJ4/hqdefault.jpg)
揭 尾故 不 恐怖 在 慢半拍製作 Youtube 的最讚貼文
規則:
1. 透過留言,你問我答,但只可以問「係唔係」既問題
2. 我地只會答「係」、「唔係」、「部份正確」、「冇關係」
3. 問題次數不限
例如:
1. 小明係兇手?——係
2. 小明死左?——唔係
3. 小明殺完人再自殺?——部分正確
4. 小明老豆咩職業?——冇關係
演出:Nam, Sinyi
![post-title](https://i.ytimg.com/vi/JwxJSGtcc04/hqdefault.jpg)
揭 尾故 不 恐怖 在 慢半拍製作 Youtube 的最佳貼文
規則:
1. 透過留言,你問我答,但只可以問「係唔係」既問題
2. 我地只會答「係」、「唔係」、「部份正確」、「冇關係」
3. 問題次數不限
例如:
1. 小明係兇手?——係
2. 小明死左?——唔係
3. 小明殺完人再自殺?——部分正確
4. 小明老豆咩職業?——冇關係
演出:Nam
![post-title](https://i.ytimg.com/vi/6pqOmwQ7f80/hqdefault.jpg)