吖… 真係… 我諗住今日我嘅 Buy me a coffee開張,大喜之日就放過白卡精 aka #關菊英 一馬啦,點知佢又藏頭露尾露出半個豬頭出黎單單打打,咁既然你送上門,那我就開動了 🤩
你梗係唔會整Buy me a coffee啦,你呢條友度度縮縮刻薄寡恩,去餐廳都係要叫 #自由之水,自己嗌餐飲都唔捨得,學咩人 buy me a coffee? 😂😂😂
而且請問邊個會想俾錢睇你啲MK愛情金句 aka #愛情係麻木、學你咁襯到自己老公成個酒樓部長咁推出去做真係好咩?又邊個會想俾錢睇你literally 甩皮甩骨嘅甩手皮相、睇 #最低工資工廠女工血汗掙扎日記 ?鍾意睇呢啲野,去睇恐懼鬥室唔好咩?
你呢啲唔係叫做無收取利益,而係你一文不值,大佬,「神物自晦」同「敞帚自珍」只係一線之差,你唔好誤會。
我喺度寫足五年文,每日一更風雨不改,讀者睇住我大睇住我變態(誤),儲了五年才勉強覺得不會太丟臉地讓人buy me a coffee。
而且,重點重點重點,係訂閱會員嘅費用扣稅後,係會100%俾在英國需要支援嘅小朋友。
早排你呢個黑心post真係講得好岩架,你諗下自己黎左英國三個幾月,除左每日 #解放白卡之力 大大聲在酒店播榮光、tag國安去拉隔離page個版主、日日飲自由之水、飲飲食食貼張單出黎之外,你到底為英國、為倫敦甚至為香港帶黎左啲咩貢獻?連自己讀者考慮緊帶個中度弱智的子女來英國問你意見,你都淨係識答人’Just leave’然後cap上自己page打丁丁,這樣的爛人爛page,誰要給你課金?
#你快啲開啦
#我都想買杯咖啡
#用黎潑你
#講咩收廣告姐
#講到真係有人搵你落廣告咁
#挑我都想同吳彥祖講如果我同佢拍拖我希望低調啲唔想同大家公佈
#行街就唔好玩電話啦
#陣間又俾人搶架啦 🤡
#唔好意思借你黎賣下廣告
#我今晚射多啲俾你老公呀下 🥰
—————
歡迎各位看官到下面網站打賞或打7小弟,前者買咖啡、後者買KY,join memeber 的話,收入將於扣稅扣平台手續費後全數轉贈需要幫助的小朋友:
https://www.buymeacoffee.com/mrwife
同時也有119部Youtube影片,追蹤數超過4萬的網紅李根興 Edwin商舖創業及投資分享,也在其Youtube影片中提到,哈佛知識分享: 做生意,七大困難選擇! 七條策略問題 Seven Strategy Questions《第六: How Committed Are Your Employees To Helping Each Other? 同事們之間有幾願意互相幫助?》 從前有三個工人砌磚頭: 第一個,做...
搵你意思 在 龔成 Facebook 的精選貼文
【龔成問答信箱】(Q22741-Q22760)
Q22741:
Ar sir, 股票係唔係呃人既呢?
龔成老師︰
股票本身係一種集資和投資工具,同世界上所有工具一樣,都無對錯之分,係中性。
呃人與否,係視乎背係相關人士,有無令用股票這類工具漏動,去合法,甚至合法地騙小投資圖利。
我地買股票就是買入一盤生意,有些生意會騙人,但有些公司會真心做生意,長遠價值不斷增長,因此,我地買入前,一定要小心了解「該盤生意」。
我地唔係無方法,去避免騙人生意。
我地可以選股一些大型企業,或者有質素的ETF,作為投資目標。
如果係中小型個股,就一定要知道佢質素、行業前景、財務狀況等,才去投資。如果你連間公司點賺錢、行內有乜優勢、點解未來有發展和增長潛力,都答唔倒自已,咁就要停一停,唔好投資住。
------------------------------------------------
Q22742:
龔成老師你好, 請問8083中國有贊質素如何?現價合理嗎?謝謝你
龔成老師:
中國有贊(8083)集團主要於中國從事經營電商業務及支付服務業務,業務分類如下:
(1)電子商貿:透過電商品牌「有贊」提供各種有關虛擬批發及零售之線上及線下解決方案及服務,如「有
贊微商城」
以有「有贊零售」等SaaS軟體產品及人才服務、面向開發者的「有贊雲」PaaS雲服務、面向品牌商的「有贊推廣」與「有贊分銷」、以及面向消費者的「有贊精選」與「有贊微小店」。
(2)第三方支付服務。
(3)一鳴神州:提供第三方支付系統解決方案及銷售綜合智能銷售點裝置。
(4)一般貿易。
近年業務發展快速,生意增長力,不過,現時估值高,業務變化較,整體有好大的不確定性。加上佢過往在核數師報告出現過「保留意見」,盤數可能有古怪,雖然已是數年前的事,但都會扣分。
佢不是無潛力,但風險較高,這刻投資值博率不高。
------------------------------------------------
Q22743:
龔成老師,想請教你呀。我中女一名 未婚,我手持左幾隻科網股,仲要高位果時入,而家賬面 - 20幾萬,流動資金得番10萬。
我700同9988有月供,有聽你講佢地長線ok, 咁美團如何呀? 應該等定放左佢趁700 9988低入手?
冇左20幾萬 係有啲擔心。希望你可以指點下我個pro folio可以點
700 :649入 x240股=- $53700
3690: 399 入 x400 股=$-82500
9988: 238入x860股=-$69000
另外手持以下,
1137: 14入 x 7000 =-$32000
1211: 243入 x539 (月供)
1830: 7.2入 x2000
謝謝!
龔成老師︰
你唔好用買入價或帳面賺蝕,作為判斷一隻股票優劣的標準。你應著眼佢本身有無質素,如果有,中短期價格波動,令到出現帳面虧損,係無問題,照可以長線持有。
但如果係無質素,就算而一刻是賺定蝕,你都要將佢沽出。重點分析的地方,係企業質素,而非股價上。
睇翻你現有持股,從質素上睇,其實係無問題。但近期不少中央政策出台,都令都投資不確定性大左。但這些股票長線核心質素,暫時未見有明顯影響。
較大問題係,你這些股票買入價都偏貴,所以才出現較大虧損。而且你非常集中係新經濟股,特別係科技類。佢地雖然有增長潛力,同時風險都較高,你現時持有得太多。
以你年紀,潛力股(你持有的都是這類)可佔約4成,餘下應用以下平穏增長股。若你投資經驗較淺,潛力股比重,要再調至2成以下。到你學到一定投資知識,才慢慢調高。
建議你沽出部份,特別係美團(3690)和港視(1137)這類不確定性較高的潛力股,去換碼至平穏增長股,令組合更平衡。
另外,為了避免你再買貴貨,再有新資金的話,我建議你先利用月供模式,去做增值。透過平均價值買入法,去減低買貴貨風險,對你而言會較理想。
------------------------------------------------
Q22744:
老師,想問如果可買美股,買TCEHY 可以當月供分注嗎?
龔成老師︰
Tencent Holdings Ltd ADR (TCEHY)同買港股騰訊(0700)係無大分別,我地分析是否值得投資時,都係睇佢長線企業質素。
騰訊受政策因素影響,中短期弱,企業的賺錢能力會略減,以及企業估值都會略減,不過,政策影響未到核心性,無令到企業無法賺錢,只是賺錢減少。
這企業長遠仍有質素,有發展力的。佢最有價值的,就是「平台」,這亦是現世代好有發展的資產。
佢業務模式係提供平台,如通訊平台、交易平台、入門網站、遊戲平台等,而收入來源則是其廷伸的服務,如增值服務、網絡廣告、電子商務交易等。
過往的業績理想,又身處長遠有增長的行業,加上擁有重要的資產,即龐大的客戶群,將來發展各業務都有相當的優勢,這都是騰訊值錢的地方。不過,政策會令其賺錢能力減,不過,長遠騰訊仍找到賺錢方法,簡單來說,就是現時定了新的遊戲規則,而企業要時間去適應,中短期賺錢能力減,但長遠會慢慢好轉。
現價合理區中間,分注或月供,都係可以。
------------------------------------------------
Q22745:
請問老師,700 長遠點睇
龔成老師:
1)騰訊(0700)受政策因素影響,中短期弱,企業的賺錢能力會略減,以及企業估值都會略減,不過,政策影響未到核心性,無令到企業無法賺錢,只是賺錢減少。
這企業長遠仍有質素,有發展力的。佢最有價值的,就是「平台」,這亦是現世代好有發展的資產。
佢業務模式係提供平台,如通訊平台、交易平台、入門網站、遊戲平台等,而收入來源則是其廷伸的服務,如增值服務、網絡廣告、電子商務交易等。
過往的業績理想,又身處長遠有增長的行業,加上擁有重要的資產,即龐大的客戶群,將來發展各業務都有相當的優勢,這都是騰訊值錢的地方。不過,政策會令其賺錢能力減,不過,長遠騰訊仍找到賺錢方法,簡單來說,就是現時定了新的遊戲規則,而企業要時間去適應,中短期賺錢能力減,但長遠會慢慢好轉。
------------------------------------------------
Q22746:
你好 龔sir,因為近年市況都好差,之前d貨一直壓住,尤其藍月亮,抽新股中左,到溝貨溝到12.8蚊,而家跌到6蚊樓下,我應該繼續持有定可以再加注呢?
龔成老師:
藍月亮(6993)不是劣質,但最新業績令人失望,由於上市前的數據幾靚,因此,有可能佢上市前執靚盤數,這亦是我對新股/半新股有保留的原因。
佢最新的中期虧損約$4400萬元,去年同期純利約$3億元。虧損主因是市場上,其他平台出現過剩的較低價產品,導致佢定價策略及產品在市場上的價格體系受到干擾。
為統一產品在市場上的定價,佢向其客戶提供若干折扣以穩定產品的市場價格,此類折扣對其於上半年的毛利率產生約9%的負面影響。
相信中短期未必強,但長遠,其實又不算好差,佢成立於1992年,擁有衣物清潔護理、個人清潔護理和家居清潔護理三大系列共73個品種的產品。
佢係中國洗衣液有龍頭地位,加上毛利率高,賺錢能力強。睇翻佢之前的資料,以零售額計算,藍月亮在洗衣液市場、濃縮洗衣液市場及洗手液市場的市佔率均為第一。
整體有質素,不過之前貴,現價算是合理區中間,你有貨可持有,加注不是不可,但暫時小注。
------------------------------------------------
Q22747:
老師,1177 近期有能力上到$7.5 嗎?
龔成老師:
唔分析短期走勢,但長遠無問題的。
中生製藥(1177)是潛力股,人口老化令佢長遠有唔錯的增長,無論是政府投入的行業資源,又或是人民生活質素令可控制資金上升,都令人們更在醫療方面投入更多。
佢已建立一套完整的商業系統,有多個已賺錢的藥品類別,同時毛利高,可以不斷將錢投資在新藥裡,這模式運作很好。
但這類藥物企業,難免有一點風險,因此要久不久檢視,中短問題不用理會,但如果有一些核心性的問題,就要再全面分析。
就這刻來說,這股可以一直持有,因為商業模式理想,高回報,不斷再投資令股東利益快速增長。加上睇翻佢的業績,保持增長,這令企業價值有實際的上升,令股價得以支持。
現價合理區中上部,有貨可持有,分注或月供可以,這股可以長線持有的。
------------------------------------------------
Q22748:
龔sir,我喺9988股價185時入咗貨,應該止蝕還是相信公司繼續有持好?
我目的係持中長線
但見股票不斷落,驚股價如果不斷落,我是否應該止蝕?
龔成老師:
我持有比亞迪(1211)13年,先有較明顯的收成。
我地買股票就是買企業,要耐心等企業成長,而不是著重短期股價!
你應該減少睇股價,多睇企業年報。你耐心持有就得。
阿里(9988)有質素,中短期一般,但長遠仍有增長力,之前貴,現價去翻合理區。
係業務層面,擁有相當的優勢,不少業務處於壟斷狀態,同時增長理想。加上正不斷發展延伸業務,這都會成為企業增長的潛力,預期增長會持續,這是阿里最大的賣點。
以企業的長期發展計,這股的確優質,但股價都有一定的波動,現價算是合理翻D,但都不是大手時候。
始終將面對內地監管可能收緊,因此風險度增加左,不過,我相信佢的整體優質度仍在,內地不是不想佢賺錢,只是想規管佢。佢已建立好完善的業務,因此本身是無得輸,只是賺多賺少問題,現時監管多左,點都會影響賺錢能力。
對於這類優質、有發展,但現價未算特別平的股票,小注分注投資,或月供,是較好的方法,算是平衡了風險與增長的考慮。這股可以長線投資的。預佢現價約合理區中間。
------------------------------------------------
Q22749:
0305, 投資價值如何?
龔成老師:
無人能預測短期股價走勢,投資者只能從長遠角度分析。
五菱汽車(0305)質素算中等,業務都不算差,潛力度有的,但同時都有風險。
近期產品銷售不差,但我地分析時,唔可以只用咁短時間,就去決定一間企業品牌。這個平價車模式,可否能為佢持續增長,依然係一個問號。
以佢過去幾年,最高單年純利都不足2億,但現時市值好高,已經係唔平。近期此股急升了不時,此刻投資有一定風險。
如果以長遠角度分析,佢主要業務為於中國從事汽車零部件、發動機及專用汽車之製造及銷售業務。為中國商用微車發動機及汽車零部件之領導製造商,製造設施設於柳州及青島。
最近有中國品牌電動車大賣,而五菱汽車有做供應所以在當中有利益,因此都有潛力度。
不過,考慮到近期股價上升不少,這刻投資價值博率未算高。最好回翻先考慮。
------------------------------------------------
Q22750:
老師,3690 四百元及三百元有貨,美團是否有實力?是否可以等下?
thx
龔成老師:
美團點評(3690)有潛力的,但最大問題是估值難,之前貴。
佢過往一直虧損,到近一年,開始有正現金流,這是一個實質的利好因素,因為之前一直在燒銀紙,現時初步見到成效,不過,估值的方法好虛無,因為現時的市盈率仍過百倍。
如果有利好消息,佢可以上好多,但如果估值修正,股價可太跌。
只可以話,潛力是有的,現價唔算平,之前明顯貴,之後回翻好少少,大約合理中上部,不過,一定不能大注。小注持貨,是較好的做法。
如果你持貨佔組合比例%多,宜減。
如不多,可守。
------------------------------------------------
Q22751:
大師,富途跌咁多,係咪合理價啦?
謝謝
龔成老師:
富途(FUTU)有增長力的,但業務波動,有危有機類。
佢係一家在線經紀公司,提供一站式在線投資服務,騰訊(0700)為股東。該公司通過網上平台提供服務,其中包括香港、中國大陸,以及美國股市的市場數據、交易服務和新聞源。
佢以經紀佣金,以及手續費服務的形式產生收入。
這企業雖然有發展,但現時市盈率好高,股價變化大,要留意風險。好難話現時是否合理。
這股小注都可以,長線有增長力。
------------------------------------------------
Q22752:
龔 sir,近排股市有所調整,目前有什麼具潛質而又便宜的新潛力股可以買來長線持有?因為現時那些潛力股都偏貴。謝謝指點。
龔成老師:
安碩恒生科技(3067),終於去翻合理區,佢有長線投資價值。
這基金追蹤恆生科技指數之表現,而恆生科技指數,都是一些有質素的潛力股,例如阿里(9988)、騰訊(0700)、小米(1810)、美團(3690)等的新經濟類公司,長遠有潛力。所以有長線持有價值。由於基金有30隻股票,比起單一股票,風險能減低。
這基金上落較大,現價大約在合理區中間,因此,這刻不能大注投資。
最好的策略,就是月供,或自行分注小注慢慢收貨(例如每月買一次、或2個月買一次),總之慢慢入,不能用盡現金,原理如同不斷儲貨,這樣就能平均買入價,減少風險。然後就長線持有。
------------------------------------------------
Q22753:
老師 可吾可以問下你意見。419 華誼騰訊娛樂 應吾應該繼續持有
EPS 低到零,ROE/ROA 又持續負數,毛利率升但淨利率又持續下跌,總資產又係愈來愈少
仲有冇其他數據去分析公司個情況,麻煩老師了
龔成老師︰
華誼騰訊娛樂(0419)主要提供線上線下健康及養生服務,以及傳媒業務,質素不太好。
生意不佳,多年持續虧損,投資價值不高。
其實你見到佢,除左每年都蝕錢外。無論營業額、毛利都一直在倒退。基本上,你可以斷定這企業質素有限,不宜投資。
------------------------------------------------
Q22754:
成哥你好,我們情況是這樣的,我們夫婦二人加奶奶,家住屯門山景邨257尺單位多年,單位已以租者置其屋方式買入,一直想住得舒適點,唯資金追不上樓價。
前年大病一場(cancer),痊愈了,決心找自己舒適生活,減輕生活煩惱,亦想趁奶奶身體健壯時搬開享受一下自由時光,但我們二人資金只有九十幾萬,二人月入共有$41000,
可負擔$13000-15000供款一個月。(但病過的我買樓後留番至少三十萬現金比較理想)我們的計劃是將來奶奶需要時可接她過來住。
所以都幾難搵,依個時侯我們竟然抽中了居屋,有機會選購山麗苑
現在問題是,想請教一下你的意見,山麗苑比較偏遠,無論照顧奶奶及返工都是,但兩頭家咁樣供山麗苑比較無痛,我們應選擇嗎?定還是市面上我們仍有私樓選擇嗎?
以我們資金是否太危險,如果買市面私樓,突然有需要(病)放樓回山景邨住,賣樓容易嗎?可否給沒有置業經驗的我們少少意見,謝謝你!
幾方面應該怎樣平衡?
龔成老師︰
坦白講,以你們現時預算和收入,市場上可選擇私樓唔多,而且呎寸都會好細。
其實山麗苑作為自住樓,以你們現時財務狀況,相信會係一個較好選擇。
但你們除了價錢,都要考慮多2點。首先,一定要確保自己長線"供得起"。
第二,你們要從生活角度(例如往返工作地點、家庭生活、照顧你奶奶等),去考量這個地方是否適合。講緊唔係短期,而係長線10-20年。
如果這2點都係過關,其實你買入係可以。至於再有餘下資金,你先要保留部份,用作應急。再有餘力,才去投資優質股,進行增值。
------------------------------------------------
Q22755:
老師,其實點解要用月供方式,例如港鉄0066一首2萬蚊,假設月供5000蚊,要供4個月才買到一手,但如我用2萬蚊可直接入一手,
係咪只係因為平均成本法這個原因,只是平衡番個買入價?
而你建議用平穩增長股去增值,是否因為你分析港鉄係有增長力,長揸多年後,這隻股價會升,而令財富增值?因為如果keep住月供十年,會hold住好多貨,
要假設佢股價升,先可令財富增加。
我持有呢d貨︰
0005匯豐1600股,
1088中國神華500股,
1398工商銀行5000股,
2388中銀香港
是否應該放左佢,用黎投資其他股?
如月供股票,或開股票戶口,你建議用邊間銀行比較好?我儲蓄用hsbc,所以順便在hsbc買股票。
巴菲特同你嘅書,首選你建議睇邊本較適合。謝謝您!
龔成老師︰
無錯,月供目的係希望透過平均價值買入法,去減低你買貴貨風險。這個方法,比較適合不懂估值的初學者。若你對估值定平貴有足夠經驗,直接買係可以。
港鐵(0066)有質素,可長線投資。佢是全港唯一的鐵路營運商,加上政府會比佢地產方面的優勢。長遠正面。
佢2020年出現虧損,主要係由於物業重估所造成,這只是一個會計上數字。扣除這部份影響﹐其實佢今年都係有盈利。
雖然近年有不利因素,影響了中短期盈利,雖然會扣分,但最核心的本質不變。
睇翻資料,港鐵過往正常年份,一年可以賺$160億,就算扣除物業重估,都有過百億,當中包括了鐵路經營部分,以及物業的發展、物業的租金收入。基本上,每年都過百億的。
物業發展部分,長線正面,收租部分,無問題。
因此,長遠發展仍是正面的,會有一定增長力。這股可長線投資。現價大約在合理區中上部。
而你現時持有股票,都係有質素。我地唔好成個組合,只集中係3,4隻股票身上。
最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能高於組合30%,同一股不能高於組合15%。要平衡,建立後長期持有,不是買賣賺差價,而是成為你財富組合一部分。
你現時持股,最大問題係集中晒係銀行業。你可以沽少少,換至其他優質股。如果唔想沽,就用新資金去慢慢平衡翻個比重。
至於用邊間銀行,無特別建議。除了收費,你可以睇翻邊間較方便你,咁就可以。
------------------------------------------------
Q22756:
hello sir~想請教下你~我手上冇物業,想愛嚟自住,做9成按揭,你覺得wetland 300尺$5xx單位值得入手嗎?thx~
主打_WETLANDSEASONSBAY.pdf
本身返工/住都係葵涌
龔成老師︰
參考其他附近樓盤,其實個叫價都有少少貴,主要係新樓關係。這就是我經常叫大家,盡可能都唔買1手樓,因為當中溢價,會令大家比多左成本。
如果這個是你自住樓,只要滿足到你長線生活所需(未來10-20年),而且又有信心長期供款都無問題,咁就可以。
但若你係諗住暫住,遲些有錢再換大屋,你就要留意。因為佢本身地理位置較偏,加上單位呎寸都較細,其實投資價值唔會好高。
而且,佢周邊生活配套一般,另外,你返工在葵涌。
若你真的打算購買,你最好到實地周圍走走,幻想下將來生活模式(例如買生活用品、食飯、娛樂等),真的覺得無問題,才好考慮。
反而我建議你在葵涌區找物業,會較好。
------------------------------------------------
Q22757:
請問龔sir 9988 仲有冇前境,想係190蚊以下建倉
仲有1211 長遠發展真係非常好?好多專家都話好 想問埋龔sir先決定買唔買 想放佢3至5年到
龔成老師︰
阿里(9988)有質素,中短期一般,但長遠仍有增長力,之前貴,現價去翻合理區。
係業務層面,擁有相當的優勢,不少業務處於壟斷狀態,同時增長理想。加上正不斷發展延伸業務,這都會成為企業增長的潛力,預期增長會持續,這是阿里最大的賣點。
以企業的長期發展計,這股的確優質,但股價都有一定的波動,現價算是合理翻D,但都不是大手時候。
始終將面對內地監管可能收緊,因此風險度增加左,不過,我相信佢的整體優質度仍在,內地不是不想佢賺錢,只是想規管佢。佢已建立好完善的業務,因此本身是無得輸,只是賺多賺少問題,現時監管多左,點都會影響賺錢能力。但長遠仍是有發展的。
比亞迪(1211)係潛力股,業務發展理想,研發不斷進行,汽車賣得好好,電池技術發展得很好,行業前景良好,企業長遠發展正面。
但這股經常都處略貴水平,大約去翻$135先算合理。如果本身有貨,可長線,但預佢股價波動。
如果唔夠貨或無貨,而又想買入,只建議月供,在$180以下先月供較好,但如果真的好想儲貨,同時現金足,現價以小注模式去月供,都可以的。
又或者可考慮GX中國電車(2845),這基金的目標是追蹤Solactive中國電動車指數NTR「相關指數」表現緊密相關的投資回報。
持股中最重就係比亞迪A股(002594),以及與中國電動車產業有關的股票,中國因為能源問題,長遠一定要發展電動車,這是大方向,故此股有一定投資價值。
------------------------------------------------
Q22758:
龔老師午安,不好意思打擾了,你係否用緊富途?呢間如執笠,有沒保障?很安全嗎?
上星期去咗hsbc間問左,佢話沒“月供美股“功能,為什麼?請問富途有月供美股嗎?
龔成老師︰
我不是在用富途,但其實香港監管唔差,富途都算安全。
《證券及期貨條例》下的投資者賠償制度設有投資者賠償基金,會為因中介人違責而蒙受損失的投資者提供賠償,每人上限50萬賠償。
若合規銀行或證券行出現破產,你投資證券之損失,可以從<投資者賠償基金>中,獲得最高50萬保障。
當中賠償細節,你可以參考翻<投資者賠償有限公司>網站,會有較詳盡解釋。
其實在一般的情況,就算股票行倒閉,你的貨都無事,因為佢只是中間人,你的貨無影響,除非佢中間有造數,例如每次你買貨,都無同你買。
至於匯豐點解無月供美股,我都唔清楚。至於富途有無,你要自己去了解翻。
但美股其實可以1股股買,你自行每個月定時定額買貨,其實都做到月供的效果,不必一定要用月供服務。
------------------------------------------------
Q22759:
龔sir,你好!我今年26歲,想向你請教,我剛轉新工作,新工作月薪約4萬,每月供樓1萬元(目前出租給別人)。因為上班地點太遠,剛買了車,所以流動現金只有15萬。
目前持有以下股票:
1691 2000股 $22.5
3690 200股 $281.2
6969 1000股 $47.5
9666 500股 $79
6823 2000股 $10.76
6823打算長放當少少收息股,其他基本面我看都是有營利能力,請問可否繼續持有?
另外現在每個月可以再支出1萬元作投資,請問現時我的組合是否有任何股票需要賣出,或可以增加甚麼類型的股票?謝謝你!
龔成老師︰
你現時持有股票,都係有質素,適合長線持有。當中思摩爾國際(6969)和美團(3690)由於不確定性高,加上監管風險高左,長線不宜持有太多。
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
你26歲,應以增值為主,香港電訊(6823)只係收息股,增長力不高,不太適合你這個年紀。現貨照持有係可以,但不要再加注。
未來時間,建議你用「平穏增長股」 + 「潛力股」作組合,去創造一個增值平台。
現在你每月先用5成儲蓄做月供。其餘先儲起,用一邊月供一邊儲蓄的策略。
由於你投資知識不高,因此可較集中在平穩增長類股,至於潛力股,只宜小小注(不多於3成)。最好是你先提高投資知識,等到你有一定知識和經驗,才慢慢增加潛力股比例(大約5成)。
現時大市只是合理區,你現有15萬資金可以先投入多少少,用"分注"形式,慢慢買貨。餘下部份,就連同每月所儲倒的資金,就等大市出現一定程度的下跌,才大力度掃貨,然後長線投資。
------------------------------------------------
Q22760:
龔sir 你好,我都同意你用月股分階段入貨,但有時用月供的價唔好,我見中銀而家有個碎股易佣金0.25%,牛牛都有碎股單,但唔識加埋其他雜費,
用邊個買抵d,因為想分開買幾隻,手續費每個月加埋都唔平
龔成老師︰
其實你買碎股和月供,一般都係經紀佣金、印花稅、交易徵費等。因為每間銀行都唔同,你可以打去客服,查詢下邊個方法最抵。
但如果你係初學者,我比較建議你月供。因為月供就係透過"定期定額"供款,去平衡你買貴貨風險。
如果你唔識估值,去定平貴。自己去決定買貨價格,有機會令你買貴左,影響長線回報。
若用碎股方法較平,你就要幫自己每月定個日子,好似月供咁做。每月就在當天,不理股價,直接用同等金額去買碎股,咁都可以做到月供效果。
記住,係你未真正學懂估計前,唔好去自己定平貴,去經常調整每月儲股策略,好易出事。
當然,如果手續費佔比真的好高,你可以考慮用「自行分注」,例如每隔2、3個月買一手的方法進行。
又或者月供一些指數基金,就可以做到「平衡投資組合」這動作。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
搵你意思 在 Facebook 的最讚貼文
《第一次搭叮叮》
♂:早晨
♀:早晨
♂:岑雪兒,我好掛住你啊……
♀:掛住我乜
♂:好多喎,你想我逐點講你知?
♀:免喇,肯定無好野講,你成日都蝦我
♂:今日係唔係又見你唔到啊?
♀:乖,唔好咁痴身啦你,呢d野應該係我做先係嘛!
♂:我有冇同你講過我都幾女人
♀:睇你寫野都感覺到,但估唔到你真係咁女人
♂:喂我有個哲學題想問你,一個男人,佢鍾意一個好似男人既女人係同性戀,定係一個好似女人既男人先係同性戀呢?
♀:定義黎講應該係後者
♂:但佢對於男人係完全無好感,要佢都覺得外表好女人既先會鍾意喎
♀:咁應該唔算掛
♂:我尋日睇左篇新聞,有個男人扮係TB去溝一個Les既,然後入左房先知佢真係男人,呢d真係新聞,完全係聞所未聞,我寫故事都唔夠膽咁寫
♀:證明你份人仲唔夠天馬行空,欠缺想像力囉
♂:咁我檢討下……
♀:其實呢……以前都有女仔鍾意過我
♂:唔出奇啊,你咁靚,男女通殺都好合理
♀:係嫁,以前我讀書係街都成日比人搭訕嫁
♂:我以為你係個種唔喜歡人地話你靚既人
♀:有段時間我都真係想人睇多少少我既內在美,個陣我特別唔打扮自己添,依家諗返真係覺得好傻
♂:靚咪靚囉,好客觀既事,我對於一個天生就靚既人強調自己唔係靚呢件事,會覺得好虛偽,謙過頭就係假喇
♀:我覺得人地只係講靚,只不過係內在美唔夠,當你內在美強到人地要讚嘆,覺得你再靚都無內在咁有講既意思時,先係最成熟既做法
♂:之前我睇過一套漫畫,有個平凡人好努力,佢問如果遇到一個同自己一樣咁努力既天才會點,答案係無解,依家我面對你就好似面對一個永遠都追唔到既目標一樣
♀:咁你有冇諗過,有醫生有律師有富二代有富一代溝我,但點解我最後都揀左你
♂:我有諗過,但我諗唔到答案,連我都說服唔到自己
♀:因為你比到我好需要但又從來搵唔到既野我
♂:咁係咩呢
♀:自己參透啦,如果你自己搵唔到個答案既話,我會好失望
♂:其實我覺得自己好平凡
♀:係,你個人睇落好自信,但心底裡好自卑,雖然你無講出口,但我感覺到,頭先你講既天才問題,唔係無解,每個人都有長處,呢樣你未必鬥得過佢,但可能係另一方面你比佢更有天份,人生唔係只有一條路,大家一定要賽跑嘛,做人要開心,最緊要係搵到自己適合既位置
♂:適合既位置……呢句講得幾好,等我記低佢先
♀:收你版稅啊!
♂:喂,咁今日係咪真係見你唔到
♀:我係中環收十一點
♂:我過黎搵你
♀:搵我做乜先,我有野要返屋企拎,聽日要帶去做野
♂:咁我送你返屋企啦
♀:真係送我返屋企?一陣返到去你又叫我去你度啊,我睇通左你喇!衰人!
♂:真係送啊,我對天發誓!
♀:好啦,你唔介意陪我一段路就可以
♂:等我安排,我十一點前到中環啦
♀:喂,我收工喇,你係邊?
♂:置地對出
♀:行緊過黎
♂:點啊,今晚呢個第一次特唔特別
♀:真係估你唔到……不過真係幾特別
♂:有人第一次見,特別唔搭電梯拖長個見面時間,咁我揀個龜速交通工具都係學你姐
♀:入秋喇,今晚無咁熱,我聞到秋天既味道
♂:如果太熱我唔會同你搭電車囉……一陣成身汗就難搞
♀:你覺得我地可以有幾多個第一次呢?
♂:理論上係無限既,有些微變化都會變成新既第一次嘛
♀:係,就算做同一件事,只係當中講左一句好特別既野,呢段記憶都可以好新鮮
♂:同你一齊我唔怕會厭,做乜都好開心咁
♀:你個衰人,做乜要發誓呢!
♂:等你今晚會掛住我囉,有時唔見比見到更令人難忘
♀:我真係鍾意同你send msg多d
♂:或者我長處就係打字喇
♀:其中之一
♂:原來我有咁多長處!!
♀:讚壞左你!唔講喇,晚安!
♂:晚安,我都好掛住你啊岑雪兒
♀:都……用得好
第二部的最終回見面版已上載Patreon,連結
https://www.patreon.com/....../chang-qing-bu-di......
四條仔去Staycation的上篇都在patreon可以觀看
中篇 響30 晏少少更新
#長傾不見 #蔣薇 #小說 #故事 #好久不見
未睇過既重頭睇:
https://www.patreon.com/maydreaming/posts?filters[tag]=長傾不見&sort=published_at
搵你意思 在 李根興 Edwin商舖創業及投資分享 Youtube 的最佳貼文
哈佛知識分享: 做生意,七大困難選擇!
七條策略問題 Seven Strategy Questions《第六: How Committed Are Your Employees To Helping Each Other? 同事們之間有幾願意互相幫助?》
從前有三個工人砌磚頭:
第一個,做又36唔做又36, 梗係砌得又慢又冇心機,等收工工。
第二個同佢講,係每嚿磚頭畀多佢兩毫子, 動力梗係加倍!
第三個同佢講砌磚頭原來係喺起間教堂,等村民可以同神溝通,令人民心靈/世界更加美好。 我估第三個砌曬自己嗰啲之後 ,都可能幫埋側邊個人砌。
以上故事帶出咩理念?
Business is about making tough choices. 上五集就講咗 Who is your primary customer? 公司股東、顧客、員工,邊個行先? 追數,應追邊三條數? 公司應有邊「十誡」? 同埋如何令員工在適當壓力下發揮創意。
今集我會同你探討第六個策略問題: How Committed Are Your Employees To Helping Each Other? 同事們之間有幾願意互相幫助?
根據哈佛教授 Bob Simons 呢本書 Seven Strategy Questions,上面提及嘅砌磚頭, 就好似公司管理咁, 做又36,唔做又36,肯定唔啱。 無曬推動力!
想畀員工多啲獎賞鼓勵?
有啲公司, 行 trading strategy: you eat what you kill ... 每個人係 more self-interested, 可能行 commission 佣金制度。
有啲嘅公司,行 solution-based strategy: more teamwork approach, 流程較複雜,可能行 bonus pool 花紅制, 甚至乎有埋 stock options 或 ownership plans.
無話對與錯,最緊要搞清楚。
好似做地產經紀咁,如果你顧客唔幫襯你,好輕易可以幫襯其他人,即係客戶有 low switching costs, 餐搵餐食餐餐清,公司內部又同一時間可以有好多人以一樣產品跑數,內外競爭較激烈, 做到做到,做唔到就做唔到,好輕易用錢去量度嘅話, 你係行緊個 trading strategy,行佣金制度去鼓勵員工較適合。有得「經紀」兩隻字,基本上都係咁。 以前我係「生意經紀」, 買賣過千單生意仔, 同事們都係行佣金制。 做到 deal 就出佣。
但佣金制亦有利有弊,利嘅就係簡單直接,you eat what you kill. 弊嘅,就係同事們可能會變得較短視、自私、 同埋未必從公司/顧客利益層面著想, 總之就先袋佣金先。 因此你間地產經紀個盤好唔好,佢一定話好。 話唔好,都只係因為有另一個想介紹你買。因此 ....No offense ... 俗語有云: 「經紀靠得住、豬乸會上樹!」
有啲公司,好似投資銀行咁, 攞咗單 deal 返嚟要成 team 人一齊做 (i.e. 一齊搞上市或收購合併), 客戶嘅關係係較長久、 成條價值鏈 value chain 比較 複雜,唔係賣咗就算, 好難簡單地用錢去量度邊單一個人做得好或差, 反而同事們嘅 willingness to help each other 係更重要,咁就可能行一個定期嘅花紅 bonus 制度更佳。
因此有啲公司,除了有人工老底 、bonus 以外,又有其他 deferred compensation, stock grants and stock options. 集團、公司、團隊、個人表現各佔15%至35%。
呢本書話,根據MIT 教授Douglas McGregor 1960年 Paper "The Human Side of Enterprise", 鼓勵人嘅行為有兩種理論 Theory X and Theory Y.
Theory X 就係話人嘅本性係唔鍾意做嘢㗎,天生惰性。管理就係話要依賴上司叫下屬做乜,需要 extrinsic reward and threat of punishment 畀條蘿蔔或者用條鞭打,外來嘅獎勵或懲罰,人才會有推動力做嘢。即係出佣金或者派花紅。
Theory Y 就係話人可以從工作得到滿足感,intrinsic reward 發自內心嘅回報, 例如個人嘅出色表現,同埋自己對工作嘅認同,咁就是大推動力。
Theory X and Theory Y 並不是 mutually exclusive (互相排斥)的。如果你能夠好好運用 X 同 Y, 同事們從工作得到滿足感 (Y) ,又能夠得到外來回報 (錢 - X),相信佢哋推動力會更大。
我自己做商舖基金,除咗純粹炒炒賣賣, 都希望為社會做啲正面嘅事。我哋公司嘅 Mission : Creating Shared Value for Shops 為商舖創造共享價值。即係即使我們買入間舖1000萬,希望沽出2000萬以外, 我都更希望投資者、租客、同事們、公司同個社會都賺到錢, 個雪球才會越滾越大。自己袋晒無意思。
Theory Y - 同事們都先要 buy in 以上信念, Take Pride in the Purpose, 工作才有更大滿足感及推動力。
但只係 Theory Y 嘅 Intrinsic Reward 唔夠,要配合 Theory X 啲 Extrinsic Reward, 例如升職、加薪、出佣、出花紅,才會推動力更大。
因此我自己公司,獎罰都要好分明。我每季每半年都會出exactly 三成嘅商舖基金管理費收入,放落個 bonus pool,以花紅形式派發畀同事們。有派息就派,咁同事們先同投資者利益一致。但唔係分餅仔,係參考每個同事表現嘅 scorecard, 即係對公司嘅 value chain 貢獻程度: 集資、入貨、執靚間舖、招租、出貨、售後服務,按個人表現同團隊合作性分花紅。 My favorite song ... 大家坐埋同一條船,大家水漲船高。
你呢? 你嘅 Theory X and Theory Y 又點啦? 好似一開頭個故事咁,點令同事們更有動力砌磚仔同互相幫忙呢?
有興趣聽多啲,就來我六月份最後兩場星期六嘅早餐會啦! 下一集,最後一集,同你分享下,What Strategic Uncertainties Keep You Awake At Night? 公司有冇變數令你夜晚瞓唔著呢?
。。。。。
五/六月份早餐分享會 Topic: The Seven Strategy Questions by Harvard Professor Robert Simons
哈佛分享: 七條做生意策略問題
2012至2014間,我連續三年在哈佛上了 Robert Simons 的堂,畢生受用。我自己成間商舖基金公司都是建基於這本書。
有興趣 sign up la ? 每次限四位 (包括我)。 人多傾唔到計。
5月1日或8日或15日或22日或29日或6月5日或12日,星期六早上9時開始,約三小時。地點中環。
對象: 管理層/生意經營者/創業者,連我限4位。
有興趣參加的話,請 whatsapp 你的名片給 Suki (我助手) (+852) 5566 1335。
大家交流做生意最重要的幾條問題。
我唔係靠呢行搵食,免費,我請食早餐 ? Be friends ..... 有機會到時見你。李根興 Edwin
www.edwinlee.com.hk
聯絡李根興 whatsapp (+852) 90361143
。。。。。。。。。。
購買李根興的【李根興的生意哲學】(最新2020年6月出版 - 定價$198),或【買舖 要買得 PRO】(定價$198),連親筆簽名,可 whatsapp Suki (+852) 5566 1335。各大書局也有售。
![post-title](https://i.ytimg.com/vi/FdjYNItu7mE/hqdefault.jpg)
搵你意思 在 Smart Travel Youtube 的最佳解答
#Edan呂爵安 #調教你MIRROR #肥仔分手 #七仙羽 #娛樂八卦 #SmartTravel #梁祖堯 #MIRROR #姜濤 #呂爵安 #MIRROR #連登 #LIHKG #熱門 #肥仔ERROR #梁業肥仔 #多圖 #是日娛樂八卦新聞
#呂爵安出軌 #Edan出軌 #花姐調教你mirror
【空姐爆料】系列, 專業人士、家庭主婦、OL、行政人員、男士、傳媒亦喜歡報導我的呢個 #SmartTravel, 可以滿足你 #娛樂、輕鬆、#剝花生 #旅遊資訊 #平吃買玩 #各地文化, 要睇梗係睇原汁原味, 你係咩人就會支持返咩嘅youtuber, 國際華人傳媒, 最喜歡報道Smart Travel
https://youtube.com/playlist?list=PLhKZNoNE4iEf-Rsl1fa8Um8aY2Yl86Q95
大家可以透過Payme, 支持下我, 打賞打賞鼓勵鼓勵:
https://payme.hsbc/smarttravel
?合作邀約請洽
gold7778@gmail.com
https://www.instagram.com/gold7778t/
成為這個頻道的會員並獲得獎勵:
https://www.youtube.com/channel/UCIuNPxqDGG08p3EqCwY0XIg/join
請用片右下角調4K睇片。
HK01
七仙羽爆料肥仔一早吼住練美娟 娟姐慘成第三者嫌疑人物?
ViuTV綜藝節目《ERROR自肥企画》獲得不少觀眾關注,連帶主持節目的ERROR四子193(郭嘉駿)、肥仔(梁業)、吳保錡和阿Dee愈來愈多人認識。不過,肥仔事業得意卻情場失意,與肥仔拍拖8年的初戀女友阿芬(陳燕芬)日前突然在Facebook宣布分手,表示:「因了解而分開其實也算是感情路上最好的結果,我倆彼此也會在心裡互相好好祝福。」「分訊」一出,有網民翻查堪輿學家七仙羽上ViuTV節目《晚吹-有酒今晚吹》的一集,七仙羽在節目中的一句︰「肥仔一早吼住娟姐(練美娟)」,令娟姐成為第三者嫌疑人物。
節目中,七仙羽為主持娟姐牽紅線,想撮合娟姐與肥仔,七仙羽更形容二人是「一個武大郎,一個潘金蓮」,不過補充指練美娟是單純、專一的潘金蓮。主持強尼笑說:「但肥仔未必願意做武大郎。」七仙羽即說:「問咗肥仔意願啦,喺化妝間﹗肥仔佢一早吼住咗好耐,不過呢排佢好忙,日日都唱歌,忙住唱《呢啲(lady)Killer》,所以冇時間去識女仔!」又續說︰「肥仔留意咗你好耐,見到你覺得你幾好,肥仔都有意思,因為肥仔嘅搵錢能力高﹗」七仙羽疑似已知道肥仔與女友分手一事。
至於當事人肥仔回覆其他傳媒時表不分手不牽涉第三者,但不希望回應私事。有關七仙羽在節目中的說話,肥仔就指七師傅只是說笑。另外,娟姐回覆傳媒時就指自己由頭到尾在節目中也沒有參與過對話,只是師傅講,她覺得似是師傅像多兩杯亂講居多。娟姐又指應該是師傅在拍攝當天剛巧遇到肥仔同在化妝間,可能只是順手講肥仔,師傅又聲稱肥仔暗戀她,娟姐就話不知道,似是敷衍她多點!不過,娟姐對肥仔也沒有落閘,直言喜歡幽默和大隻過她的人,肥仔的條件也算符合,她講笑說如果是真的話,就等對方做主動。 .
AppleDaily
肥仔被七仙羽爆一早吼住ViuTV女藝人 娟姐親解第三者傳聞
ERROR成員肥仔(梁業)昨日驚爆與拍拖年8年的初戀女友陳燕芬分手,阿芬在facebook宣佈「分訊」時沒有半點埋怨:「因了解而分開,其實也算是在感情路上最好的結果,我倆彼此也會在心裏互相好好祝福。」不過,堪輿學家七仙羽月初曾在ViuTV節目《晚吹-有酒今晚吹》爆料,指「肥仔一早吼住娟姐(練美娟)」,令娟姐成為第三者嫌疑人物。被問到分手是否涉第三者?肥仔今日回覆《蘋果》斬釘截鐵說:「冇!但唔好意思,私人嘢唔係太方便透露。」對於七師父指他有特別留意娟姐?他說:「七師傅都係講笑咁講啫。」而肥仔今日凌晨在IG Story轉發一張修腳甲相,似乎未有因分手影響心情。
對於與肥仔傳緋聞,娟姐認為得啖笑說:「好搞笑,我由頭到尾都冇參與過,係師父講咋喎。我哋同事嚟,有傾偈都好正常,你問我,我就覺得係師父飲多咗亂講多啲。」已單身4年的娟姐,自爆經常叫師傅介紹男仔,可能對方覺得自己好煩,她續說:「嗰日拍嘢之前,咁啱肥仔喺化間入面,我諗佢(七師傅)真係順手見到肥仔,咁就話肥仔囉。」可覺肥仔暗戀,或發現任入何蛛絲馬跡?她說:「佢(七師傅)聲稱有,但我就真係唔知道,我覺得佢簡直係敷衍我呀!」
娟姐、肥仔同年同月出世
娟姐與肥仔都是31歲,同年同月出世,並合作過《娛樂OnAir》,她直言大家好啱傾:「啱,佢咁人見人愛,邊個唔鍾意佢呀,但佢對個個都咁好,等我再feel吓先。如果真係嘅話,喺你哋推崇下,我都feel吓先,因為佢現在都真係單身。我覺得佢咁大個人唔使安慰,越安慰越麻煩,等佢settle down所有嘢就會同大家講。」是否喜歡類型?她說:「我都鍾意幽默同多嘢講,外型大隻過我囉,咁肥仔都大隻過我,某程度上都啱嘅,又多嘢講,match嘅,如果真係就等佢嚟approach我囉,哈哈。」
MIRROR出道三年俘虜了大中小fans,早前在九龍灣開演唱會證明新生代的身價,青春活力無敵。不過在經理人「花姐」黃慧君眼中,仍有不足,下月7日首播的MIRROR真人騷《調教你MIRROR》最近開始宣傳,花姐在首條預告中,向導師梁祖堯剖析自己對MIRROR各成員的睇法,例如「簽完佢返嚟,係有好多缺點」、「單飛之後,將單飛擺第一位,MIRROR喺第二位」、「佢優柔寡斷,佢發返我脾氣,覺得我點解話佢黑面。」最後花姐一句總結:「其實佢哋好幸福,冇經歷過面做新人係咁慘。」聽到阿祖皺眉頭。
昨日《調教你MIRROR》有第二條宣傳片,今次輪到MIRROR講真話,原來內部危機四伏,又會有拗撬,包括Anson Lo說:「發生咗好多嘢,可能街外人睇唔出。」阿Jer及Anson Kong分別說有「唔好嘅競爭」、「有啲芥蒂存在」。
至於Ian、Stanley、Frankie就覺得「MIRROR」作為整體退步,分別說「大家嘅passions都好似磨滅咗」、「少咗好多時間一齊」、「同步率好似未係好一致」。另外Jeremy亦有睇法:「越嚟越多個人工作,對於MIRROR 好似變咗part time嘅感覺。」
MIRROR本月初舉行演唱會,Alton在壓軸中說:「3年後喺唔喺度我唔知,但係兩年半後,我哋仍然喺度,我哋憑乜嘢?就係憑你哋嘅愛護同支持,好多謝。」在演唱會前,MIRROR整隊入梅窩拍攝《調教你MIRROR》,其間疑因在場追星fans眾多,影響拍攝,MIRROR 所有成員一字排開,向fans呼籲離開,因用詞嚴厲傷到fans心,需要花姐在IG解圍。
![post-title](https://i.ytimg.com/vi/-B60Gxiw_80/hqdefault.jpg)
搵你意思 在 Smart Travel Youtube 的最佳解答
#娛樂八卦 #SmartTrave #黃子華廣告 #foodpanda #劉青雲 #許冠文 #金句 #不為人知 #坤哥 #Chillclub #193 #是日香港新聞重點推介 #Viutv #tvb #美食外賣 #外賣app
【空姐爆料】系列, 專業人士、家庭主婦、OL、行政人員、男士、傳媒亦喜歡報導我的呢個 #SmartTravel, 可以滿足你 #娛樂、輕鬆、#剝花生 #旅遊資訊 #平吃買玩 #各地文化, 要睇梗係睇原汁原味, 你係咩人就會支持返咩嘅youtuber, 國際華人傳媒, 最喜歡報道Smart Travel
https://youtube.com/playlist?list=PLhKZNoNE4iEf-Rsl1fa8Um8aY2Yl86Q95
大家可以透過Payme, 支持下我, 打賞打賞鼓勵鼓勵:
https://payme.hsbc/smarttravel
?合作邀約請洽
gold7778@gmail.com
https://www.instagram.com/gold7778t/
成為這個頻道的會員並獲得獎勵:
https://www.youtube.com/channel/UCIuNPxqDGG08p3EqCwY0XIg/join
請用片右下角調4K睇片。
https://youtu.be/SN0SD1MMZgg
Appledaily:
黃子華拍外賣平台廣告呼籲港人勿只顧搵食 講足100秒似開Talk Show
子華神出關喇!
疫情影響全港經濟,但卻造就了外賣平台生意急增,幾間專做外賣速遞平台的公司,輸流找藝人拍廣告壯大聲勢,最近黃子華亦加入戰團,踢走為品牌代言好一段時間的鄭嘉穎,拍攝了一輯全新廣告片。
事實上,子華廣告產量向來不多,對上一次拍廣告已經是接近3年前的信用卡廣告,故他有新廣告出街,即時引起大家的關注,子華在短短100秒的廣告中,由頭講到落尾,似足平日站在台上開Talk Show,都幾肯定觀眾會由頭睇到尾,相信這就是廣告成功之處。
廣告片今日曝光,廣告以「點止搵食咁簡單」為口號,由精神、信仰、家人再講到尊嚴,透過提醒香港人不要只顧「搵食」,帶出外賣平台已不只提供叫外賣服務訊息。廣告中的對白,亦說中了不少港人心聲,當中包括「香港人搵食世界第一!因為喺香港人嘅生活之中,搵食排名第一!」、「搵食係精神,搵食係信仰,但係淨係搵食,倒頭嚟我哋搵到啲乜?」、「搵到份工,你老竇老母搵唔搵到你?」之後,子華又問大家「你真係好鍾意返工呀?有無時間搵鍾意嘅人?」、「搵到餐餐九大簋,係咪已經捱壞咗副偈?」最叫人值得反思的有「你搵到個首期,又有幾多時間留喺屋企?究竟係搵食無得揀,定係我哋喺搵食同生活之間,淨係揀咗搵食?」
子華去年賣樓投資賀歲片《乜代宗師》,電影上映遇上疫情,令香港及大陸的片房都受嚴重打擊,票房谷到盡都只有約3000萬左右。而他過去一年多,幾乎沒有現身公開場合,神隱一段時間忽然有廣告推出,的確頗有新鮮感。子華經理人接受《蘋果》電話訪問則表示,廣告片「橋好」是促使子華接拍的原因。她說:「條橋畀子華睇嘅時候已經係咁,之後大家開會,都係微調一啲好細微嘅嘢,出嚟有咁好反應,當然好開心,credit係要畀返製作同廣告公司,真係好多謝觀眾咁支持。」
至於,在社交平台轉載子華廣告片的林日曦,今日接受《蘋果》訪問時笑言,自己只是應品牌邀請出一個貼文,並沒有參與今次廣告製作,還笑指自己寫「大咗」,現在像騎劫了子華及《蘋果》,感到不好意思。問他可有機會跟子華合作,林日曦表示子華永遠會放在首位,但絕對不可以輕舉妄動,一定要度好劇本才邀請,要一擊即中。
子華對上一次拍廣告已經有差不多三年,今次在100秒廣告片中由頭講到尾,似足開Talk Show。(畫面截圖)
子華對上一次拍廣告已經有差不多三年,今次在100秒廣告片中由頭講到尾,似足開Talk Show。(畫面截圖)
子華在廣告中問大家,搵到食,但搵唔搵到「樽鹽」。
子華說中了不少港人心聲,當中包括「香港人搵食世界第一!因為喺香港人嘅生活之中,搵食排名第一!」
子華經理人表示,因為子華覺得廣告「橋好」所以接拍。
子華取代鄭嘉穎成為廣告代言人。
-----------------------------
![post-title](https://i.ytimg.com/vi/SN0SD1MMZgg/hqdefault.jpg)