【湯丸說話👶🏻🗣第2回】#FollowUp #SpeechTherapy
私人ST屋苑有確診，安全起見，就轉用視像Zoom 📽其實內心都有掙扎，到底成效俾面對面會唔會差d？但既然跟呢個ST都進度好好，就試試
重點❗ #視像極需要父母即時配合小朋友動作加ST指示 #要同小朋友同步 #同步
Zoom之前，首先SET好鏡頭放喺房間，ST會因為湯丸有嘅玩具同興趣，叫我哋預先準備玩具車車 🚗🚕 用廁所盒同紙皮DIY做斜路、泥膠、ABC玩具。然後呢一小時多，爸爸媽媽陪湯丸👨👩👧玩，而另一端，就係ST俾指示喇 (⚠️溫提，如果唔想俾小朋友發現到電話，就戴藍牙牙機)
🔸️湯丸一路玩車車時，ST就叫我哋一齊唱同車車相關嘅歌，我哋就唱「🎼the people on the bus go round and round🎶🎵」做埋手勢
🔸️湯丸見到個紙盒斜路，就自動波將車車推推sirsir，但呢個時候，爸爸媽媽要繼續唱。
🔸️湯丸張開腳仔，將車車 #捐山窿 係另一個玩車嘅玩法，可以再加花款，俾個閘佢，ST叫我哋講「1，2，3，開」睇吓湯丸識唔識講「開」，就算未講到都唔緊要，可以俾湯丸學會等待 🤗
🔸️同樣，俾湯丸食餅餅 🍪 都打開包裝袋 (最好係透明膠盒同有膠蓋，但我哋屋企搵唔到)，然後講「1，2，3，開」做埋雙手掌開嘅動作，再講「爸爸俾」，湯丸似乎好開心 🤗 因為餅餅上面有英文字母
🔸️忽然湯丸玩樂器玩敲鼓🥁 爸爸媽媽唱另一首歌 🎵🎶 ST要我哋跟住佢節奏 #以佢做主導 玩shaker都一樣，轉唱 「🎼shaky shaky shaky shake your shaker ~~~」 爸爸媽媽各自手執2個，湯丸將我嘅拋落地下 💔💔💔 然後拎起媽媽嘅shake 🤪 (我知我節奏感差)
🔸️輕黏土砌ABC，如果湯丸講E，即是指示，ST叫我哋要即刻整泥膠E，呢個係湯丸ask for互動，佢玩遊戲嘅step多咗 👏🏻👏🏻👏🏻 然後佢就拎咗拉泥膠，同埋講E
🔸️因為疫情，所以好耐無出街，ST話都要有 #大肌肉訓練 ，難怪湯丸👶🏻呢幾排成日喺屋企長走廊周圍跑，然後由playmat爬上梳化再爬上櫃。 ST話既然playmat有五摺，可以 #摺成山洞俾佢穿爬 ，入面放玩具車車， #改變物件性質增加新玩法 或者 #可以加少少競技元素加多一兩個task提升bb解難能力同玩法
～～～～～～～～～～～～～～～～～～～
你可以想像到，爸爸媽媽會好忙，但開心嘅，當親子時間，同埋平日要準備定唔同玩具 (媽媽多數都係淘嘅，消咗毒ok啦)
👶🏻👶🏻👶🏻 湯丸有咩改變呢？ 👶🏻👶🏻👶🏻
⚀ 佢睇一陣YouTube，播緊「Round and Round」，自己唱「Round and Round」👏🏻👏🏻👏🏻👏🏻 接住自己講「all through the town」👏🏻👏🏻👏🏻👏🏻👏🏻👏🏻👏🏻😘😘😘😘😘😘💏💏💏💏❤❤❤💗💗💗💗💗❤❤仲要做手勢
⚁ 佢自己可以順次序A~Z，泥膠字母，或者爸爸隨意手繪A~I手繪畫一樣
⚂ 佢玩playmat #捐山洞 再推車車原來好開心，不停笑，講「車車」或者「bus」👏🏻👏🏻👏🏻👏🏻
⚃ 因為想俾湯丸走動多d，今日做足消毒防禦，爸爸媽媽一齊俾佢落15分鐘公園曬太陽，真係 #開拓咗新玩法 ， 佢去到設施下面自己捐捐走走，同埋呢，佢除咗上樓梯，仲拖住手手一步步自己落樓梯 👏🏻👏🏻👏🏻👏🏻👏🏻👏🏻 落哂兩層廿幾級樓梯，同埋呢每次上完或落完，佢都會回頭望，睇吓自己行完嘅成果 👏🏻👏🏻👏🏻 叻仔
⚄ 可能太耐無落街，見到雀仔 🦅 食野，就眼瞪瞪望「Bird」然後「飛飛」
就算喺街爸爸媽媽會因應湯丸嘅行動即刻講野喇，但對唔住，我做唔到喺街唱歌 😌 但重點要係 #即時 係 #互動 ！
Anyway，每日見到湯丸進步，我哋都好開心，大家唔洗太大壓力。
言語治療唔好放大「治療」呢兩個字，將佢放大咗所謂嘅「問題」，咁樣小朋友好容易被投射或意識自己係咪有問題呢？所以 #言語治療 嘅心態係，當係俾小朋友玩，俾家長多D遊戲同教說話方法，係一個交流，好CAUSAL就可以啦 🤗💏
#梵高爸爸 #湯丸仔
