【11個美麗日本語單語】
紅色暴雨，一陣落街食晏都唔知點算……
不如click入呢條link，同聲些一齊學下以下11個優雅又美麗嘅日本語單語，放鬆一下心情啦！聽日一定會好天嘅～（說好的黑雨？算罷啦，大師兄。）
１ いただきます（itadakimasu）
可以解「食」、「飲」或「領取」。食飯前講句，表示對一餐飯嘅感恩。
２ お疲れ様（otsukaresama）
當你工作累了，有個人同你講句「辛苦哂」，又確係幾治癒嘅。
３ 木漏れ日（komorebi）
通過樹梢散射嘅陽光。喂呀，使唔使咁浪漫呀！
４ 木枯らし（kogarashi）
秋末初冬吹起嘅冷風，吹到樹葉都枯萎，所以得名。
５ 物哀れ（monoaware）
從日常生活觸發，沁人心脾，世事無常嘅哀愁。
望住窗外大雨，行唔到出街食飯，聲些都有啲「物哀れ」（大誤）。
６ 森林浴（shinrinyoku）
走入森林，享受入面嘅環境同負離子，當堂refresh哂。
７ 幽玄（yuugen）
世事玄妙深不可測之美，例如宇宙嘅浩大，大自然嘅不可思議。
８ しょうがない（shouganai）
睇得日劇多，都知呢句解「冇計啦」。唔係叫你消極，係叫你接受世上就係有唔到你控制嘅事情。
９ 金継ぎ（kintsugi）
日本嘅陶瓷裂痕接駁技術，以漆填補裂痕，再塗上金粉。
咪以爲有條痕就即係有缺陷，日本美學就認爲，缺陷也是美。
１０ 侘び寂び（wabisabi）
「侘び」即係外在不足但仍努力保持心靈充實；「寂び」解雖然寂寞，仍可以響身邊事物感受到其深層意義，帶愁緒嘅美態。
１１ 擬音語（giongo）
同廣東話一樣，日本語都有好多「擬音語」，例如家陣落雨落到吧吧聲咁嘅「ざーざー」，希望放工可以細雨到好似絲咁嘅「しとしと」，甚至得番幾滴嘅「ぽつぽつ」。
擬音語種類繁多，一個詞就可以形容到咁複雜嘅情景，日本語呢個語言實在太有效率啦～ww
