我想，大家有發現我有一個異常活躍的hater group吧？原本我認為「狗咬人，唔通人又咬返隻狗咩？」作為一個有點自矜的人，我實在不明白我為什麼要越過幾千公里，去和地球另一端討厭我的人，解釋他們一廂情願地認為我做過的事，我也不應該make stupid people famous。但後來，我發現他們把我的沉默當作默認，就開始變本加厲。打著他們自以為正義的旗號，光明正大地騷擾我、我的朋友、家人甚至讀者，沒錯，是癲到連讀者都唔放過。
大家可以睇下佢地點樣自編自導自演，留言話老屈健吾姐姐block佢（其實你留到言就唔係被block啦下話？）仲好勁咁嘈到去出版社，要人解釋架！但之後被證實了根本無咁嘅事，仲要繼續發難：「係玩野又點？唔係玩野又點？我（直到上月）真金白銀俾錢睇（健吾）個Patreon」
哦？又幾有趣，或者可能Group裡的haters你們自己都忘記了初心，我作為一直用沉默飼養著這群人型生物的主人，我有責任提提大家：其實你地係憎我「無俾錢、唔係客，只係以前有幫襯開，就走去R人個膠袋」
哦？咁佢上月課完金，今個月又冇課，人地本書都未出，咁憑咩要健吾或出版社答你關於本書的問題呢？你係客咩？仲要剷去人地出版社度問，你依家係咪好似我當年「迫害店員」咁迫害小編呀？你知唔知道出版社會簽NDA，佢地如果爆內容出黎，會俾人告架？點解要迫人犯法呀？同我「無幫襯但問人拎個膠袋」一樣（而事實上由於我不是客人，不構成銷售關係，所以膠袋稅一說根本不成立）但人地的NDA倒是貨真價實，你「又冇幫襯又要人地答，仲要害人被人告，隨時無左份工」咁又點計？幫你係人情，唔幫你係道理啊！你之前俾左錢大晒呀？十蚊美金一個月之嘛，好窮咩？健吾本書你買唔起咩？Cheap到連content都要R？
講到尾，都係物似主人形，有咩人渣主人，就會出咩人渣寵物。無辦法，佢地這兩個月來，靠吸啜我的文章和私生活去做話題，刷存在感時間久了，也自然變成了我這樣的人渣。
哎呀，其實篇文唔係講我嗰隻走失左去健吾姐姐專頁的寵物（嘻嘻），而係想講返我班寵物一直在吸啜的主要題目：我係紅底、我的家人和朋友。
首先，佢地成日話我係紅底嘅夫子會董事，要「拆穿我真面目」。我咁講啦，你地岩左一半，我真係夫子會嘅非受薪董事，我雖然掛名至今年三月，但其實我離開香港後就再沒有參與任何活動，甚至會議，我連會議紀錄都冇收過，所以你話2016年後發生的事情，點解2018會請到689做一次活動嘉賓？我不在其位，答你唔到。但我在位期間，我敢寫包單在我管轄的這個會，無發表過任何和政治有關的言論，而當年我師兄邀請我加入做董事的同時，佢保證過呢個會唔牽涉政治，只會講中國文化。我覺得要抗共的話，文化推廣是很重要的，我大學修教育，有責任復興在文革時被洗得蕩然無存的禮樂。呢個會平時做啲咩？捉下細路背下弟子規，拎啲經典分享一下，同埋一年搞一次廟會咁大把，係架，出力之餘仲19到連車馬費都冇。
佢地不停咁話要夫子會係紅底，因為有成日同啲咩婦女會合作，哈，好笑！你地咪話要揭我真面目嘅？點解唔講下其實我都做過香港電台---夫子會同香港電台合作搞左《大道之行》，我地幾個每人講左幾集（歡迎大家上網聽返，我唔敢聽自己十年前把聲，我肯定當年講嘅野一定超幼稚），咁香港電台係咪紅底呀？係嘅話唔駛俾建制成日鬧啦！我一畢業無耐就上電台有自己一個節目，佢地話拆穿我真面目？有冇同你講呢點呀？無嘅話，咁佢地稱聲個真面目到底有幾真呀？當然，唔會講架，因為佢地接受唔到我畢業無幾耐，已經有師兄邀請我入NGO董事局，亦接受唔到我呢個咁乞佢地憎嘅人可以有電台節目。佢地知我出書已經妒忌到癡左線，原來仲要有過大氣電波？OMG，快做CPR，另外叫人掃地，一地玻璃碎呀！
至於資金，和大部份NGO一樣，都係靠政府資助。又或者咁講，反正啲錢都係俾建制食晒，我加入搶食，但唔投共，不是更好嗎？當然，要是大家覺得問政府拿錢不好，咁你俾錢囉好冇？一百幾十萬，你地班haters俾得起掛？收夠錢，大家唔駛入proposal同人爭仲開心啦！下？你唔俾？你唔俾，但又唔俾人申請funding，我地唔似你，靠講人是非、呃like刷存在感維生，咁點搞呀？
再者，我退一萬步，夫子會就算係紅底（何況根本不是），都係我嘅過去。呢一年半我寫文婊盡建制，邊忽紅底？大公文匯炒我花生最兇狠（你條hihi記者，我知道你緊架！)評價一個人不是看現在，而是看過去的嗎？垃圾桶局長以前都係泛民架，係咪投過佢票嘅人依家全部要切腹？
解釋完夫子會，我再講埋我的家人和朋友。
好簡單：我老公做咩職業關你蛋治？我老母住邊關你蛋治？我以前住邊關你蛋治？我咩樣關你蛋治？我有咩朋友、讀者咩樣又要關你事？你咁關心我老公同我老母做咩？你自己無老公、無老母、無朋友俾你關心架咩？佢地係公眾人物咩？你地有咩權力去探窺非公眾人物的私隱？係咪因為人妻先生靜左兩個月，由任你地吸啜我獲取存在感並互相圍爐取暖，日子久了，你地就以為自己真的成為了正義使者，可以隨便連群結黨去搞別人的家人、甚至用佢地黎要脅我？大家睇下附圖他們說的話，那是正義一方會說的話嗎？
至於我靚唔靚仔，我覺得我靚架，犯罪了嗎？似你地咁唔見得人全部都係一大堆風景相？仲有，你拎我十幾年前讀書時的空手道相，你有冇揭穿我真面目：我係空手道會（撻皮嘅）副會長、香港大學代表隊、大錦賽初級組季軍？你又講啲唔講啲，咁點叫真面目呀？
講真，你地咁樣做人，梗係無朋友啦。我係你身邊嘅人，見到你地咁熱衷於起人底，我食花生俾個like梗係好架。但你要我同你交心？不了，一個隔左成千里的陌生人，你睇唔過眼都搞到對方咁，萬一同你反面，唔俾你唱一世、周圍貼論壇，日以繼夜夜以繼日咁，搞到工都冇埋？
你地無朋友無生活無人可以分享，只能在網上互相吸啜呃like刷存在感，最後對日子過得好的人羨慕妒忌恨，不是偶然，是必然的。
咁啦，你地咪好想我答問題嘅？為免你地成為好似我咁嘅「唔俾錢又要服務的人渣」，我俾個機會你地買我嘅服務：你只需要2500萬英鎊，就可以買我一條答案，問咩都得，問銀行戶口密碼都得，邊個買嘅就上律師樓簽個合約好了。
收益一半將會撥捐救狗之家，幫下你地同類。另外我會將一千萬鎊分作五份，資助五個讀者投資移民黎英國（我算有義氣啦掛？）。
餘下有咩用？你可以買一條問題，我再答你架。你地個group咁多自稱律師、移民去外國過得好好嘅人，實俾得起嘅。沒有人的私隱是你們這群末期葡萄sick患者的免費興奮劑，我作為主人唔餵飼，你們沒資格向我討食，請你們有點作為寵物的自覺。
#係咪我指控你丁丁係梯形你就有責任除褲擺上網去澄清
#否則你就是默認
#佢一定係身有S先唔敢除褲
#放任我的寵物不管牠們會咬其他專頁哦
#因為小人物自以為獲得了權力和注意力
#終於有人睇到我啦
#終於寫文唔再係得幾個like啦
#一大班寵物用假account指控我不誠實
#幾可愛
放任我的寵物不管牠們會咬其他專頁哦 在 爆料公社(官方粉專專屬) - Facebook 的推薦與評價
已經完成的商品為什麼在寵物展，官網，FB，其他通路均無法訂購，一定得到嘖嘖（ ... 窗理論，若是放任這樣偷拍行為不管不顧，往後露營地更有可能成為滋生犯罪的天堂！ ... <看更多>