【Meghan的皇室徽章】
御賜的私人徽章，靚之外的無數含意
連續幾日都係講啲香港低質人士，係時候提升番些少質素，講下英國皇室新聞。今日皇室公布，Duchess of Sussex女皇御賜嘅私人徽章（Coat of Arms）。呢啲皇室徽章除咗靚之外，其實每個細節位都有含意嘅。咪話我戀殖（我係愛國！），我只係分享下優秀細緻嘅品味嘢。
首先中間嗰個唔係皇冠黎嘅，而係係英國皇室中子孫級別嘅頭冠。唔講唔知係同事頭婆嗰個唔同嘅，詳細分別唔嘥大家時間。左邊嗰隻獅子，好易明就係代表個老公Prince Harry啦。不過隻獅子條頸上邊嘅頸環，嗰三粒貝殼其實係阿仔紀念媽咪Diana（佢個徽章嘅特色）。所以中間個盾牌左邊代表英國嘅皇孫之餘，都有有三個貝殼。盾牌右邊緊係講Meghan本人啦，藍色同三條金線，就代表美國加洲嘅太平洋同陽光。
咁隻雀仔係飛緊嘅Songbird同盾上面嗰三條羽毛，就想講Meghan擁有溝通能力（即係藝人囉）。咁點解隻雀條頸有個圈箍住呢？個圈其實係老公個頭冠黎嘅（對面隻獅子頭上嗰個呢）。最後就係兩隻動物踩住嘅草地都有意思嗰下癡線，係加洲嘅洲花同Kensington Palace嘅植物。
所以唔關戀殖事，有啲嘢係美觀之外，重有無數咁多傳統嘅細節值得欣賞嘅。對於好多人黎講，可能覺得過於守舊或者過時。不過就係英國皇室咁傳統同守舊，甚至有人認為係階級封建，咁樣先可能繼續响世界上保留英國嘅軟實力。
Photo Source: Kensington Palace Twitter
#文西啲密碼咁深
#諗嗰個都幾得閒
