「老公話同班fd上大陸玩，仲要玩到過夜，第二日先番，如果唔畀系咪好過份呢？？」
「好鍾意食茄子，但諗唔到點煮？」
呢啲咁嘅問題，你放上連登，得到嘅答案，好可能係「我約埋你一齊玩」，「落橙皮同廚師腸啦」之類嘅派膠回應。但喺另一個世界，一眾港媽會集思廣益，同你講「你老公就過份」、「千萬不要俾佢去」；一邊教你如何處決你老公，另一邊教你點樣烹調隻茄子！冇錯，因為呢度係Baby Kingdom。
手握新世界（017）地產王國嘅「第三代」鄭志剛，最新被爆領軍入股「親子王國」。喂喂，鄭志剛搞搞吓地產，走去買一個極本土嘅媽媽谷，有錢冇埞使？
是咁的，華人社會雖然都係父權為主，但喺香港，師奶嘅威力大家係唔可以忽視。大家知唔知TVB（511）嘅獨大，就係靠師奶得來！你見過去50年所有劇集，都可以統稱為「師奶劇」，呢類劇特點就多啦：點解啲劇入面嘅奸角，一定咁白癡地會有一個奸狡眼神，仲要Hold 3秒，奸出樣唔怕抽筋？點解個賊行入間屋想偷嘢，會開聲講「好在，間屋冇人呀！」，大佬，做賊做到開聲，儍的嗎？
呢類鏡頭你覺得膠，但越膠就越保得住TVB過去50年嘅收視。即係咁，對師奶來講，「我喺廚房煮緊飯，都睇唔到電視，啲劇唔做到廣播劇咁我點追呀？」
當TVB要為師奶拍劇拍足50年，你就知香港好多屋企最終話事人（最少係控制遙控嗰個），係媽媽無誤。你見港視（1137）都要向師奶跪低開實體店就知，時代變，但港媽勢力不變。雖然好多港媽已唔睇電視，但佢哋上網，而Baby Kingdom嘅影響力，正正係港媽界嘅權威。
權威到點？最極端嘅Case，之前有個苦主爸爸就網上訴苦，話自己係讀營養學、藥劑，但老婆唔信自己講嘅嬰兒生理知識，反而信Baby Kingdom衍生嘅「媽媽group」嘅同道媽媽。
呢個可能較Extreme邪教mode，但正正反映Baby Kingdom已凝聚咗一班好忠實嘅媽媽Fans。最勁係咩？你問吓你媽媽就知，就算你已變大朋友，三張幾四張，媽媽永遠都會覺得自已仔女係小朋友，即係咩？一日媽媽、永遠媽媽；換言之，一入「媽媽group」，可能永遠都喺谷討論湊仔經！
擁有一個有勢力嘅平台，可能未夠，要有Synergy effect，識玩一定要玩一條龍，鄭志剛投資埋DayDayCook，教年輕潮媽煮好西；買埋維多利亞幼稚園，培養貴族學生哥；小朋友大啲想打機，K11有搞電競呀；到大個囝大個囡要置業，可能慈母係時候出場了，「我有新世界情義結，買鄭志剛樓吧，我畀首期！」
由BB未一出世，就建立定個Brand loyalty。鄭志剛對香港市場有個咁長遠嘅育成規劃，嗯，相信新世界未來，仍非常睇重香港市場唔撤資，有遠見。
by千頌C@堆填區
http://fb.com/winbigwok
新世界鄭志剛老婆 在 鄭志剛- 香港第一好命闊太餘雅颎，千億富豪鄭裕彤的孫媳婦 的推薦與評價
， 新世界 集團接班人 鄭志剛 的太太，婚禮耗資1.4億，嫁入兩千億豪門是為了愛情，自己是公司高管，丈夫坐擁千億卻從沒緋聞。 香港富太太命最好的是哪一個 ... ... <看更多>