［疫情下富豪仆街？］都係嗰句，顧掂自己先，你仆人地都未仆。每次危機每次股災，都係大洗牌，財富再分配。富者越富，貧者更貧。Welcome to capitalism．但至少你而家有飯食有波睇有旅行去咁咯。世界係進步定退步，睇你點睇。
1. 都話，埃汾回歸咗 01熱話 （其實嚴格上冇離開過）。都係獨家稿，大家可以繼續支持。同我平時寫嘅有乜分別？其實冇乜，但寫01熱話嘅未必係金融嘢，不過反正本Page都唔一定係金融嘢
2. 另一分別係，都有編輯會執下文整下圖，嗰邊同事啲後期製作都不錯，所以都係有用的。
3. 講返篇文，其實想講，幾樣嘢
4. 肺炎疫情下股市大跌（至少年初至今多數地方都跌），但富豪榜嘅呢班友，疫情下，身家係仲要升嘅！創新高添！比任何一刻都富有。兩個月佢地身家升咗15%。係，甚至都未使等股市上返水，甚至未使等經濟好返，甚至未使到疫情完全受控。你又可以諗下有乜啟示
5. 都有少少執位。首富當然係Amazon 光頭佬，股價早排新高添（https://bit.ly/2zNs7hL），再拉開同第二位嘅距離。第二位，當然仲係標基，但被拉開了。呢刻地球上，就只得佢兩個身家超過1000億美金。
6. 但史上曾經仲有一個，就係之前文都提過，LVMH嘅大股東，榜上少見嘅歐洲人，法國佬Bernard Arnault。而家跌出咗1000億美金。寫文時佢係第四位，但而家又彈返上第三
7. 寫文時第三係邊位？正係Facebook 嘅小朱，早排股價創新高嘛。不過回落返啲後又落返第四。但時間站在佢一邊，法國佬70歲，小朱剛剛先36歲生日。成為人類史上第四位1000億美金富豪，其實唔難，分分鐘今年就見到。
8. 至於股神畢菲特，落到第五。理論上仲有機會上呢個1000億美金俱樂部，但大吉利是講句，時間無多，89歲了
9. 剩低嗰啲？Google 嘅 Larry Page 同 Sergey Brin都未夠50，600-700個億，仲有機會。
10. 榜中一般人覺得陌生（tech 撚金融撚或體育撚就會識）嘅，就係Steve Ballmer。NBA快艇班主，微軟嘅前CEO。微軟只係有過三個CEO，就係標基，此人，同埋而家嗰件（有機會再講）。Steve Ballmer任內，其實有口皆悲，股價橫行，佢一離任股價就大升，擺明一巴星佢，仲要到佢下手（而家嗰位）接手後股價升咗幾倍。咁Steve Ballmer既唔係創辦人，亦唔係傳奇CEO，何德何能咁多錢？就係因為佢係微軟好早期嘅員工，標基當時分好多股票畀佢，而家仲渣住4%（微軟呀大佬，萬四億美金市值，全世界最高）。
11. 分享埃汾近期嘅名句，上次講逆境創業多數仆街（https://bit.ly/3gyXcqh）都提過：話就逆境見真章，但多數人都係順時勢先行到。唔使大貪到人人輸仆街你賺錢。順境時賺得畀別人多啲（唔一定只係指$，所有嘢），逆境時就輸得畀其他人少啲。幾個周期後，自然拉開晒。
12. 當然，慎防啲友係要包拗頸，其實都係數字遊戲。首先，1000億美金身家，同500億，係冇分別的。另外，呢啲榜，十居其九低估身家，因為只計上市公司股份。但我估低估外國嘅冇咁多，低估亞洲人（包埋華人）程度勁啲。因為鬼佬富豪一般唔會另外渣住幾百層樓幾十楝寫字樓幾百個車位幾萬間舖咁。但當然，亦都唔會計啲富豪嘅負債。係喎，富豪都可以負債。但如果你睇上市公司股份，總唔會係借錢買嘅。計樓就唔係咁講。
13. 噢，已經有人討論，光頭佬副身家，有冇可能去到10000億美金，即係trillionaire？可能都有機。其實升多七八倍就得。但我都係睇好小朱多啲，青春好重要。
14. 延伸閱讀，埃汾舊文：香港人好富貴—你身家係咩冧把？（https://bit.ly/36HRRs7）
15. It’s a bit appalling that disparities in wealth have gotten so big that we need logarithms to describe them. But that’s the world we live in.
———————
版務：收費專欄已減價。支持埃汾高質文章。
一星期三篇，$175睇到6月22號，加埋過去兩個幾月所有文章。
請去呢度訂：bit.ly/2wVXndj
課程編號填: CC01
報完會有email通知，繳費後有Login及Password
逢一三五入去 homebloggerhk.com （入到去就睇到《事先張揚》）
亦睇得返以前嘅文。一般我都係會黃昏出文嘅。
