【今次係認真感性：《#新異變人》真係正式上正場，我有少少失落。】
呢次我想認真少少咁講。
南韓有《屍殺半島》、大陸有《八佰》，估你唔到，荷里活甚至全球嘅「疫情戲院復工」代表係《新異變人》。
雖然小弟一直用恥笑心態講《新異變人》，但諗返喺2017年第一次睇到《新異變人》嘅預告，當時睇完《盧根》堅係期待，點知不斷係咁延期，延到俾人講到係「都市傳說」，再加上大量補拍傳聞花生無極限，甚至有網民表示，其實套戲有冇拍過？
講吓講吓，小弟愈講愈起興，將《新異變人》變成咗半個呢度嘅恥笑主題。
讀者笑言，小弟恥笑《新異變人》程度，當可幫迪士尼做曲線宣傳。一來想純粹搞吓gag，二來都堅花生到底呢套嘢發生咩事，無形間好似真係同迪士尼（前福斯）曲線宣傳，但又老老實實小弟何德何能俾迪士尼睇得起丫，就當係呢度其中一個主題啦。
無形間，恥笑《新異變人》呢件事都變成咗寄託。你好期待《TENET天能》快啲上映，但內心又有把聲同我講，喂《新異變人》延多次期啦，都唔差在啦，玩咗咁多年囉，唔延期我冇嘢講喇。
點知，《TENET天能》、《無聲絕境II》延期，《花木蘭》、《顫。役。前》上埋串流，《新異變人》堅持唔延期，最後成為荷里活戲院復工後，第一套意義上嘅大片，由俾全球影迷恥笑（其實唔止小弟，睇吓Twitter或其他外國Forum，《新異變人》上映情況關注組周街都係），到變成肩負起救市責任，佢都有夠傳奇。
雖然仲未睇到《新異變人》，作為香港觀眾都唔知幾時先睇得到，但小弟硬係覺得同佢建立咗一段感情咁，睇到佢真係唔延期、真係如期上映、真係有得買飛，成件事，好唔真實，有少少興奮，又有少少失落，「#新異變人係2020年最期電影沒有之一」，一個玩咗咁耐嘅主題，終於就快要完結。
估唔到疫情可以玩到串流戲院同步、可以大片一延再延、可以戲院開極都開唔到、可以Netflix變成全球霸主，更估唔到嘅係，《新異變人》真真正正上到正場。
日日幾萬宗確診嘅北美，相信《新異變人》IMAX版上映一星期，然後就到《TENET天能》，跟住就《皇家特工：第一任務》。
日日幾十宗確診嘅香港，戲院復工無期，IMAX應該都唔知排《屍殺半島》定《TENET天能》先好，《新異變人》慢慢等啦。 #好似係某啲日子唔俾你聚埋係重要過經濟復甦
《新異變人》延期時序可看留言連結。
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
新異變人係2020年最期電影沒有之一 在 晞。觀影記事- 【《#新異變人》分分鐘要2022年先睇到】... | Facebook 的推薦與評價
據UPROXX報道，《新異變人》上唔到Disney+同Hulu，全因Fox同HBO仲有約在手，會做埋Fox前朝嘅電影，之所以點解《變種特攻：黑鳳凰》會喺HBO首播，而目前Fox同HBO個合約係去 ... ... <看更多>