【入球精華+全場精華】賽前，賓福特都被唔少球評家或者球迷睇高半線，而富咸領隊柏加 (Scott Parker) 亦深明一定要有別出心裁嘅部署先至可以將對手打敗，特別係將「BMW」組合嘅攻力降低。喺正選嘅佈陣上，柏加起用上場後備入替有唔錯發揮嘅阿保巴卡卡馬拉 (Aboubakar Kamara) 擔任正選，再將前場嘅進攻模式調教成一個反擊套路。另一方面，柏加亦決定搵老將丹尼斯奧度爾 (Denis Odoi) 取代有時會過於輕出嘅施路斯基士堤 (Cyrus Christie)。結果，雖然雙方喺法定時間內打成平手，但富咸嘅球員，無論係控球上、組織上、發揮上，還是戰術執行上，都勝過賓福特，防守上亦俾四強次回合對卡迪夫城有大幅改善。講到贏波英雄，即使你係再「痴線」，再瘋狂嘅富咸球迷，可能都冇諗過左閘祖拜恩 (Joe Bryan) 能夠喺今場賽事梅開二度。當然，佢係球隊嘅死球專家，亦係今季陣中嘅助攻王，以往喺布里斯托城效力嘅年代亦都係一位進攻能力強嘅閘位球員，但無論如何，佢今場賽事入嘅第一球波，四十幾碼嘅罰球，當全世界包括對方門將大衛拉耶 (David Raya) 都冇諗過佢會起腳射門之際，佢真係直接射入，無論係膽色、智慧、技術，都係缺一不可，呢個入球足以令佢記成世！去到117分鐘，佢仍然有足夠嘅體能、決心，衝上前場同隊友做個撞牆之後冷靜射入。毫無疑問，祖拜恩就係今場賽事嘅MVP。至於落敗嘅賓福特，最後兩輪聯賽嘅兩連敗固然係致命傷，但無可否認，球會嘅規劃、管理層同球探嘅眼光等等都係近年為球迷所稱頌。雖然佢哋再一次功虧一簣 (9次打入附加賽都未能成為最終嘅勝利者)，但只要有長遠嘅眼光同正確嘅方向，賓福特總有一日會喺英超同大家見面。
施丹戰術有諗法 在 施丹雖然戰術有諗法，但轉會操作做漏一件事，就無法支撐國王 ... 的推薦與評價
施丹 雖然 戰術有諗法 ，但轉會操作做漏一件事，就無法支撐國王盃戰線（何Wayne國王盃賽後評：皇家馬德里3：4 皇家蘇斯達）9-2-2020. ... <看更多>