關於 日俄戰爭英文 ，我們在網路上蒐集到這些相關的討論、資訊與評價

《圖表香港與世界 - 香港與世界的同步歷史》第二版 - 東講西讀

第二版於畫面上作出了一些改善，內容亦增補了幾點。
1. 圖表字體放大
2. 戰爭事件改為黑色，令其更清晰
3. 在香港部份，增加部份與香港有關的國際或國際人物事件
4. 以紅色虛線連結香港與亞洲所發生事件，以帶出其關連性

- - - - - - - - - - - - - - - - - - - - - - - - - - - - - - -

2020年，香港開埠179年。

179年的歷史雖不太長但確實也不短，自1841年開埠至1997年的156年間，香港以外的世界究竟發生何事？在這風起雲湧的百多年歷史當中，有些國家消失了，然而，世上也建立了不少新的國家，當中包括很多我們熟悉的文明國度，例如澳洲、紐西蘭、加拿大和德國等。有些人會以為香港只是個細小而平平無奇的城邦，但其實在這百多年的東亞歷史中，香港的角色相當重要。

舉幾個例子：

• 太平天國期間，廣東居民為逃避戰亂紛紛湧入香港；而「干王」洪仁玕曾在香港居住多年，跟隨傳教士學習英文、西方文化和制度等知識，並撰寫了《資政新篇》，闡述其治國理念。

• 導致日本「開國」並開始明治維新的美國「黑船」艦隊，是以香港為補給基地。

• 日本明治維新伊始，香港是日本海上航運必經之路。因香港當時是亞洲一個較先進之地，故此日本從香港吸收了不少先進經驗，以推行維新。日本維新派當時曾於香港邀請思想家王韜到日本替維新提供意見。

• 孫文於香港接受教育，並於香港萌芽革命思想和成立興中會總會，最後推翻大清國。

• 菲律賓國父黎剎於1891-92年間居於香港，並在香港行醫，後返回菲律賓從事和平革命，其妻是香港的愛爾蘭裔女子。

• 1898年美西戰爭，美國艦隊從香港出發，殲滅了駐守在菲律賓的西班牙艦隊。

• 1930年，胡志明在香港組建越南共產黨。

• 安南 (越南) 國王保大帝於1945年退位，流亡香港。

• 韓戰期間，中華人民共和國被國際封鎖，只能靠香港輸入物資吊命，而香港亦成為了東西方陣形的情報中心。

- - - - - - - - - - - - - - - - - - - - - - - - - - - - - - -

以下為香港從1841年開埠至1997年的156年間，世界發生之部份大事。

1841 香港開埠
1846 - 1848 美墨戰爭，美國取得加利福尼亞、內華達、猶他，以及科羅拉多、亞利桑那、新墨西哥和懷俄明部分地區
1848 法國二月革命，法蘭西第二共和國建立
1851 太平天國建立
1852 法國拿破崙三世稱帝
1853 - 1856年克里米亞戰爭
1861 意大利統一，意大利王國建立
1861 - 1865 美國南北戰爭
1867 加拿大聯邦成立
1868 日本明治維新
1871 德意志地區統一，德意志帝國建立
1884 蘭芳共和國滅亡
1894 - 1895 日清戰爭
1895 臺灣成為日本一部份
1901 澳洲各殖民區改制為州，成立澳大利亞聯邦
1904 - 1905 日俄戰爭
1907 紐西蘭獨立
1910 朝鮮半島正式併入大日本帝國
1911 - 大清國滅亡，中華民國成立
1914 - 1918 第一次世界大戰爆發
1917 俄國十月革命
1918 奧匈帝國解體
1922 蘇聯成立
1922 愛爾蘭獨立 (1949年改為共和國)
1922 奧圖曼帝國解體
1924 蒙古人民共和國成立
1927 沙地阿拉伯獨立
1931 英聯邦成立
1939 - 1945 第二次世界大戰
1945 聯合國成立
1945 - 1991年冷戰時期
1945 越南民主共和國（北越）成立
1946 菲律賓獨立
1948 朝鮮半島分別獨立為「朝鮮民主主義人民共和國」(北韓) 及「大韓民國」(南韓)
1948 以色列復國
1949 德國分別獨立為德意志民主共和國 (東德) 與德意志聯邦共和國 (西德)
1949 越南國 (南越 - 後易國號為越南共和國) 成立
1949 中華人民共和國成立
1950 印度獨立
1950 - 1953 韓戰
1953 女王伊莉莎白二世加冕
1955 - 1975 越戰
1957 馬來亞聯合邦獨立
1958 - 1960 中國大躍進運動
1962 古巴導彈危機爆發
1963 美國總統約翰甘迺迪遇刺身亡
1965 新加坡獨立
1966 - 1976 中國文化大革命
1967 中東六日戰爭
1968 布拉格之春
1975 越南統一，易國號為越南社會主義共和國
1975 巴布亞新畿內亞獨立
1980 - 1988 兩伊戰爭
1984 汶萊獨立
1989 中國六四天安門屠殺
1990 德國統一
1990 - 1991 波羅的海三國 - 愛沙尼亞、拉脫維亞和立陶宛三國相繼脫離蘇聯獨立
1991 蘇聯解體
1991 南斯拉夫解體
1993 捷克斯洛伐克和平分為捷克、斯洛伐克兩個獨立國家。
1993 歐洲聯盟正式成立
1995 世界貿易組織成立 (香港為始創成員國之一，中華人民共和國於2001年加入)

高解像圖: https://i.imgur.com/hnVXJHz.jpg

仙台尋找魯迅 （五千字長文，多圖，慎入）

多圖，睇medium 版啦

1. 篇文原本係想叫做「仙台尋找周樹人」，呼應返「緬甸尋找奧威爾」(http://bit.ly/35VPVue)（本書我就在緬甸買的，水已魚），而且七個字嘅題比較有音樂美。但，首先，我懷疑根本冇人知道「緬甸尋找奧威爾」呢本書（倒係我引過書中關於「惡龍」嘅傳說，好多人轉貼，沈大師都有轉上轉）(http://bit.ly/2LbLCTK) 。另外，我亦擔心，根本冇人知道周樹人就係魯迅。

2. 真人真事，我話去睇魯迅，有人以為係佬訊
(http://bit.ly/2P6IidD )。應該都係我啲廣東話太差。幸好我有急才，話佢知，係呀，咪佬訊張profile pic嗰條友

3. 本文就真係講在仙台尋找魯迅足迹。好似話唔少人，根本連魯迅在仙台留學都唔知，甚至佢在日本留學都有人唔知。又或者唔知，原來日本（人）仲保留咗咁多魯迅嘅東西。

4. 可能係我偏見。但我在網上搵關於在仙台尋找魯迅足迹，出嚟嘅，唔係台灣文，就係大陸文。包括項明生(http://bit.ly/2RcJW0f) 。你話，嘩，項明生都大陸仔？幾時開始玩血統純正論？差矣。你睇佢書就知，佢好多遊歷，都同佢在大陸讀書成長嘅經驗有關，包括佢寫魯迅。因為佢有提過，《藤野先生》一文（出自《朝花夕拾》，陣間再講呢篇文）(http://bit.ly/2RdBNbU) ，係大陸語文課本必讀。我年代香港中學都必讀魯迅，但冇呢篇文，收嘅幾篇文，都冇直接講魯迅去過日本。雖則講佢點解「棄醫從文」時其實個轉捩點就在日本

5. 而陪我在仙台上路嘅，正係香港人天書，閃閃書。嘻，唔係你以為係乜？我覺得呢本書好代表香港精神喎。定你覺得拎本正文社就文青啲？唔知。但肯定嘅係，我唔會拎本Lonely Planet去日本，實在太裝B 。雖則，我其實去緬甸去老撾都係拎本Lonely Planet。諗諗下應該去台灣韓國日本都拎，扮下ABC呃蝦條都好

6. 而當然 ，在仙台閃閃書入面，關於魯迅嘅東西，係零。一個字都冇提過。not a single fucking word．啱丫，你睇人封面寫乜先？食玩買終極天書嘛。魯迅食得的？你睇閃閃書想搵魯迅 ，不如買龍虎豹搵（而其實啲鹹故文學水平幾高，肯定高過閃閃書，實不相瞞都對我寫作有啲影響）。

7. Anyway，我去仙台，主要都係食同玩（朋友可證，我同囡囡，都係唔買嘢的）。食，咪食牛舌。咁玩，咪玩魯迅。本人住在仙台站附近，去片。

8. 香港一般人，對魯迅應該唔太陌生，特別係我年代嗰啲，會考仲有指定課文之類，中六七做讀書報告亦都必睇。許欽文本《吶喊分析》，等於米高佐敦嘅Bryon Russell ，或者柏金嘅達比薩斯。就係多得考試局要做《吶喊》先有人買佢本嘢。而本人當然不屑買呢啲書，我成份嘢都係自己寫，好似寫咗成萬字。你睇我其實自細已經係咁：離群，扮撚晒嘢，同埋口水多過茶。

9. 無論如何，《孔乙己》《狂人日記》《阿Q正傳》呢啲，稱得上深入民心。《一件小事》《風箏》我年代初中亦有讀。仲有呢十年人氣急升嘅「血鰻頭」，亦係出自魯迅（你以為係長毛發明的？）．而根本冇乜人留意，其實篇文（《藥》），係話「你班友戇撚鳩」，民智未開，革乜撚嘢命。

10. 仲有，「 你永遠無法叫醒裝睡的人」都可以半歸功於佢。而家但凡你講外國點點點，會有人話「臭蟲」，出處亦係魯迅。當然仲有吾友 利世民 (http://bit.ly/35Xtkxk) 最鍾意嘅一句：可憐之人必有可恨之處。同樣係多得魯迅發揚光大。

11. 張學友同林嘉欣（wow，初出道扮學生妹嘅林嘉欣）套《男人四十》(http://bit.ly/37SDbGN) ，我睇咗幾次。一開場就有張學友教中文，教完孟子，就預告下堂教魯迅。同學大呼out，張學友強調魯迅好in，「係第一代去東京留學兼掃貨嘅型仔」「佢住喺神田，坐山手線由Shibuya坐十個站就到啦」。我地Fact check一下，的確係十個站，岸西啲劇本係認真嘅。

12. 但魯迅在東京讀嘅，類似係foundation course 或者預備班。原本佢應該係去東京帝國大學讀採礦冶金，但佢選擇讀醫，去仙台。原因未有定論，有講話因為佢老豆被庸醫（中醫啦）所害，佢自己棚牙又一路都唔好，加上佢覺得西醫係日本維新好重要嘅部份。至於點解去仙台？佢自己有提過睇唔過眼東京啲留學生玩吃玩樂，正係在《藤野先生》入面講，所以佢選擇去冇中國留學生嘅地方（我懷疑亦因為東京大學讀醫好難入）

13. 魯迅當年讀嘅係仙台醫學專門學校，後來（都成百年前）併入東北大學。由仙台站行過去15分鐘左右，仙台雖然已經係東北最大城市，但只係100萬人，同香港冇得比，加上天氣好，行15分鐘極之舒服（其實我全日都冇坐過車，基本上半個鐘頭以內嘅我都會行）。

14. 11月尾嘅東北大學，係已經冇乜人嘅。放晒假？又好似唔係。要上堂？或者係。但我只係想講，你同香港嘅大學比下，香港嘅大學就算放假，都係嘈得多。

15. 好快，就搵到魯迅在東北大學嘅像，亦寫明係仙台醫學專門學校遺跡

16. 東北大學史料館，係有專門一個展示室畀魯迅

17. 但自己留意返開館時間 ，另外留意，其實史料館裝修到下年3月。我仲以為冇得睇，其實係臨時搬咗去第度。不難搵，反正個校園本部唔大。

18. 入面就由魯迅離開東京去仙台讀醫開始講 ，講佢因為想遠離留學生而去仙台，當然亦都係引返魯迅《藤野先生》一文。留意成本《朝花夕拾》都係回憶錄（睇書名就知），魯迅寫時已經近50歲，然後未到60就死咗。想講係，魯迅廿幾三十年後回憶前事，或者有選擇性遺忘，有文學加工，或者根本記錯，絶不出奇。畢竟嗰個年代佢未會打卡放上Facebook

19. 當年報紙都有報，魯迅唔只係仙台第一個中國留學生，甚至就係第一個留學生，相信亦因為咁，仙台醫專對佢非常好。報紙亦都有提佢識日文。當然近年唔少憤青考究返，魯迅譯文好似不少錯。亦可以話日本人只係厚道，或者官方話佢識日文佢地咪照講。但相當肯定嘅係，佢嘅日文點都有一定程度。

20. 其實諗下都知，佢冇人冇物，可以在仙台生存，上堂，讀醫，寫筆記，藤野先生會批改。佢有乜可能日文會差？咪撚玩。當然而家你拎出嚟驗屍咁驗挑錯誤就好易的。等於你睇慢鏡覺得「屌，畀著我就右腳控定扭過一個再左腳拉遠柱啦，咁射，仲話球王。」

21. 藤野先生，藤野嚴九郎嘅CV。十分守規矩，寫晒每份工幾錢人工。最後都係40 yen個月，有興趣可以對返當年物價。但魯迅月租都好似要8 yen，考慮到魯迅仲要只係一條友，亦唔會住得好，可見藤野先生唔算好高人工？

22. 《藤野先生》一文嘅初稿。當然只係複製品

23. 魯迅讀醫嘅時間表。有冇留意日日都上「獨逸語」？獨逸就係德意志。讀醫必修德文，因為啲字都係用德文。聞說去到而家都仲係好多醫學字用德文。所以魯迅當然都識啲德文，事實佢未去日本已經識啲。反而英文佢好坦白話自己係唔識的。

24. 成績表，特登放大畀你睇。因為有人以為魯迅成績太差，所以先作個故事出嚟話棄醫從文。後面會講，故事或者有啲創作，但魯迅成績，就肯定唔係好差。正如佢在《藤野先生》入面寫：「同學一百餘人之中，我在中間，不過是沒有落第」。睇返成績表，並無大話，幾十年後佢都冇呃自己。142人魯迅考68，正如佢講，唔係太雞又唔太好。考慮到佢係唯一一個留學生，又唔係細個學日文，又多課外活動，其實相當勁。不過正係佢最尊敬嘅藤野先生嗰科解剖學佢就肥咗。可能因為咁先幾廿年後慚愧寫返文講佢。

25. 不過亦留意，魯迅在畀友人書信中，亦提過在仙台讀醫，悶，死記，又多堂上，阻住佢啲「課外話動」（「校中功課，只求記憶，不須思索，修習未久，腦力頓錮。四年而後，恐如木偶人矣。」第二是課時太多，無暇搞譯述活動：「而今而後，只能修死學問，不能旁及矣，恨事！恨事！」）。可以見到佢並非讀得好開心，亦有點吃力。

26. 另外留意，全部成績示眾，邊有而家咁玻璃心。仲有，魯迅中游，已經係丙。唔係A* 人人first hon量化寬鬆

27. 走堂全部有紀錄。魯迅都有走過，唔知去咗邊。當時就冇人講「大學中學化」「學生唔上堂教嗰啲要檢討下」（不過我估而家醫學院都唔會有人走堂嘅可？）

28. 魯迅嘅transcript，仲有JUPAS personal statement，好求其架咋

29. 呢個就勁咯，唔止係麥高芬(http://bit.ly/33B8T7T) ，直頭係中國文學史嘅轉捩點。傳說中嘅，魯迅睇嘅仙台醫專幻燈片，亦即係村上春樹嘅明治神宮野球場養樂多燕子隊(http://bit.ly/34Jowvo) ，亦都係埃汾嘅......50萬琴行空姐（有機會再解呢個故事）

30. 但Fact check 一下，當年真係有放幻燈片，亦的確有講日俄戰爭，但冇魯迅講嘅行刑中國人。有可能係文學創作，或佢根本記錯咗。

31. 然後大家都知，根據魯迅所講，佢認為救人身體冇用，冇腦的話身體再強都係把托，佢認為成個民族頭腦都病咗，所以棄醫從文。讀咗一年半。臨走藤野先生仲畀咗張相佢，呢啲都在《藤野先生》有提。

32. 但恕我無禮，魯迅點解棄醫從文，仲係一個謎。佢成績唔係太差，但亦唔係好，拎獎學金基本上無望，呢個可能係原因。另外亦講過，佢讀醫讀得唔開心。仲有更奇怪嘅係，魯迅1906年3月退學，同年畀佢老母用「病危」做理由電報召返中國。同年7月佢就順老母意結埋婚。當中似乎係有啲嘢。更特別嘅係，佢結婚冇耐，又再去返日本，去到1909年先返中國教書。魯迅退學後當然冇返仙台，係在東京。到底做乜過乜？冇乜人知。只知章太炎流亡東京，魯迅有佢去屋企聽講。但冇可能係佢生活全部，況且章太炎都去到1908年先去日本，咁之前魯迅在東京做乜？冇人知。可能睇其他史料有，但我暫時唔見。聞說佢仲可以花天酒地，又有日本妹做女傭，仲資助埋細佬周作人在日本讀書。

33. Anyway，呢個「階段教室」（樓梯是也）係意外驚喜。係魯迅當年上課嘅地方。你網上睇嘅資料，包括睇項明生講，都話你知要預約，往往要成個星期甚至搞一個月。

34. 結果我嘅預約，就只係去嗰度寫個名。又，原本想寫University of Warwick，但唔識寫片假名，所以都係寫香港大學算。又，手眼協調差，啲字係咁上下。

35. 平時係鎖埋的，但我去嗰日根本冇人，任你點坐都得。

36. 魯迅和藤野先生。有人話似黃之鋒

37. 離開東北大學，仲有其他魯迅足跡。估下呢間係乜（雖然同魯迅無關）？

38. 其實就係學生嘅餐廳。十分抵食，不過我費事咁缺德去同人爭食，雖則人唔多，亦唔見話一定要學生先食得。

39. 又，當年在愛沙尼亞（仲要唔係Tallinn!) ，我都去學生飯堂食飯，罪過罪過。咩啫，咁完全唔見有其他地方有嘢食嘛，Tartu就係個大學城

40. 繼續，離開東北大學，景色依然靚。行多一陣（睇返我最上嘅地圖，中間冇注解嘅紅點），就會見到一個咁嘅東西

41. 就係魯迅在仙台讀書時，佢住嘅地方。不過而家乜都冇剩，得返呢碌柱。但有冇依稀記到左下角寫乜？係「郭沫若題」。其實之前呢度都只係得呢碌柱，後面有間屋，但係私人住宅，冇開放，而家間屋都冇埋

42. 不過，勁咯，原來起個魯迅紀念廣場。但2021年先完工，又有藉口再去仙台食牛舌。

43. 繼續行多半個鐘（！），就會去到仙台青葉山公園。呢個東西同魯迅無關，但順手講下，係五色沼。有乜特別？係日本花樣滑冰嘅發源地。最初就係德國人在呢度開始教日本人（冬天會結冰啦大佬），之後差不多所有日本嘅花樣滑冰選水，都係師承自仙台嘅呢班初代教練。

44. 而羽生結弦就正係仙台人。

45. 去到公園入面嘅仙台市博物館，一樣有魯迅像

46. 同埋魯迅碑

47. 留意上面寫嘅係日文。又係郭沫若
________________________________________
48. 講仙台遊歷講到呢度，之後係個人感想，唔鍾意可以跳走。

49. 最後講下（有冇人睇到呢度？），4年前，2015年 ，我先第一次去日本。2017年我去咗東京明治神宮野球場。上面講過了，明治神宮野球場係,村上春樹（至少佢係咁講）忽然決定要「寫啲嘢」嘅地方，資深村上春樹迷實知。我去嘅原因，十分明顯啦。然後去到2019年，我去埋仙台，在東北大學，去到魯迅（至少佢自己係咁講），決定棄醫從文嘅地方。兩大我心中嘅文學之神，影響我最大嘅作家，就係呢兩個。

50. 兩個都N咁多人寫過，但我都係要講，魯迅，係一個十分「型」嘅作家。就係村上春樹在《聽風的歌》(http://bit.ly/2DzFOPR) 虛構嘅 戴立克．哈德費爾（好多人以為真有此人，包括我）一樣，係以文章做為戰鬥武器的少數非凡作家之一。

51. 其他人可能都寫得好，但係唔型。錢鍾書都型，但其實老婆楊絳寫文比較「人性」。陶傑都型，但倪匡寫故事蔡瀾寫雜文更好。Oscar Wilde George Orwell都型。冰心就唔型，巴金亦都唔型。聞一多郁達夫型，徐志摩仲型，郭沫若如果死早啲就型，咁長命，搞到去中華人民共和國，就唔型。梁實秋胡適就唔型。白先勇都型，梁啟超唔型。太宰治同三島由紀夫就當然型過村上春樹，但講真村上春樹寫文最好。以上種種，自己慢慢細味下。

52. 簡單嚟講，短命咪型，死於非命就更好，live fast and die young。Heinrich Heine話頭，Sleep is good, death is better; but of course, the best thing would to have never been born at all．但佢除咗呢句嘢外就完全唔夠尼采或叔本華咁型。正如我無法想像「如果家駒未死」會點，請別誤會，我懷住最高嘅敬意講呢句嘢，真歌迷應該會明。

53. 當然總有例外，魯迅唔算太早死，村上春樹成日跑長跑有排都唔死，白先勇八十幾歲都未死，錢鍾書九十歲先死，楊絳百幾歲先死添。

54. 東京（神戶都有）尋找完村上春樹，仙台尋找完魯迅後，似乎下一個，就到白先勇。當然可能返Warwick尋找陶傑簡單啲 （但佢筆下近乎冇提過）。

明周專欄：八雲與漱石

在夏目漱石和小泉八雲之間，有一段奇怪的因緣。漱石曾經兩次在無意間繼任八雲辭去的教職。第一次是在漱石三十歲的時候，前往熊本第五高等學校當英文教師，而八雲兩年前曾經擔任過同一職位。第二次是漱石一九零三年從英國留學回國，碰上八雲被東京帝國大學英文系以優先聘用本國人為由辭退，英文教授一職由漱石補上。（可是八雲其實已經入籍日本。）在漫畫《少爺的時代》（谷口次郎、關川夏央）裡，漱石被描繪成為了此事萬分痛苦和自責，並因此把原先《少爺》裡拳打外國人出氣的構思，改為對付可惡的教務主任紅襯衫。（這個改動很可能是漫畫家虛構的。）
這兩件事情純屬巧合而已，但兩人之間的確存在很有趣的對照點。本名拉夫迪奧．赫恩的小泉八雲是愛爾蘭和希臘混血兒，廣義上是大英帝國子民，四十歲來到日本，對這個東方島國一見鍾情，娶了日本妻子，改了日本名字，歸化日籍。夏目漱石則以反方向從日本前往英國留學，但他並不喜歡英國文化，也不適應英國的生活，陷入了精神崩潰，兩年多後被召回國。縱使如此，他對英國文學鑽研甚深，在創作上也頗受影響。
當然，他們之間的相異之處甚多。八雲比漱石年長十七歲，除了以故事形式呈現日本鬼怪傳說的《怪談》，大部分著作都是介紹和分析日本文化的論述性文章，或者是日常生活見聞和感想，而且都用英文寫成，在西方發表。漱石則是小說家，雖然也有文學論著傳世，但主要的身分是創作者。兩人在寫作性質和取向上完全不同。
作為日本文化的仰慕者，小泉八雲對日本傳統的欣賞和讚揚，簡直到了心醉神迷的程度。神道教的自然神靈和佛教的輪迴思想，跟他的性情非常契合，令他感到猶如回到了前世的家鄉。他對日本庶民的性格和道德觀，諸如誠實、簡樸、服從、堅忍等，也毫不懷疑地全心擁抱。對於明治時期施行的現代化措施，他持正面態度，認為優良的傳統會令現代化的日本變得比西方更強大。相反，漱石雖然厭惡西方，但也理解西方。他預視到日本傳統和西方文明難以和平共存，對當下日本的現代化進程和國力擴張感到焦慮。對於西化之後加劇的功利主義和國家主義，更加是憂心忡忡。
閱讀兩人對於這時期日本對外戰爭的書寫，可以見出心情上微妙的異同。八雲在一篇題為〈戰後雜感〉的文章中，記述了在神戶的歡迎人群中看見凱旋歸來的年輕士兵的情形。這是一八九五年對清朝的甲午戰爭。在他的筆下，這些士兵已經從出征時學生模樣的少年，變成了堅強果敢的男人。他也參觀了在日清海戰中大獲全勝的主力艦松島號，對日本的軍事力量流露出讚嘆之情。不過，在熾熱的民族情緒中，這位老外似乎也察覺到一絲的不安，表示「未來的危險正暗藏在日本無邊的自信當中。」他對東洋傳統的欣賞，並未令他對日本的前景盲目樂觀。在另一篇文章中，他對目下的趨勢持續發展感到擔憂，並預視「戰爭、內亂可能迫使憲法無限期終止，導致軍事獨裁復辟——可能以現代的樣貌重建幕府。」這是何其洞明的觀察！我們不應怪責八雲的日本認同過於強烈，他畢竟只活到一九零四年，無緣目睹日後的黑暗歷史。也許，這於他是一種幸福。
再看看漱石在一九零六年初發表的短篇小說〈趣味的遺傳〉，一開頭便寫到敘事者因為約了朋友在火車站見面，無意間碰上了日俄戰爭凱旋回歸的陸軍。當由矮小的乃木希典將軍帶領的隊伍從火車站出來，群眾大呼萬歲之際，主角卻為了自己未能跟隨叫喊而大感苦惱，並且為此作了一番囉唆的辯解。之後以滑稽的筆調描寫自己如何在人群後面嘗試原地跳起，以一睹戰士們的風采。士兵們都是一副黑皮膚、長鬍子、衣衫襤褸的乞丐般的容貌，完全不像英武的勝利軍。一位小個子母親以整個身體「懸吊」在凱旋的兒子的手臂上拖行前進，模樣相當惹笑。在這個極度胡鬧的場面之後，小說轉向了敘述者的好友，在戰場上如螻蟻般陣亡的小浩身上。對於小浩的犠牲，雖然帶有傷感，用的依然是戲謔的筆法。頗為出人意表地，敘述竟然從開首的喧鬧和混亂，轉進中段到寺院墓地拜祭友人的清幽恬靜，甚至忽然出現一位美女，引出一段關於美女身世和她與友人小浩關係的偵查。據作者插入的解釋，如此這般的對照能加強諷刺的效果。漱石的筆法，無疑是得力於十八世紀英國小說家勞倫斯．斯特恩（Laurence Sterne）的遊戲文體。
我不知道八雲和漱石是否相識或者有否交接，也不能肯定以下的呼應是否純屬偶然。小泉八雲的文集Kokoro: Hints and Echoes of Japanese Inner Life（中譯《內觀日本》）出版於一八九六年，題目中的 “Kokoro” 就是日語中的「心」，可指「心靈」或「精神」。漱石於一九一四年同樣有一部題為《こころ》（心）的小說。而在《內觀日本》中，八雲多次論及佛教的輪迴和業力思想和西方遺傳學的相通之處，並相信祖先的精神和記憶會遺傳給後代，所以才有「一見鍾情」這樣的事情。漱石在〈趣味的遺傳〉（1906）中指的所謂「趣味」，就是對人或事物的「喜好」或「偏愛」，而敘事者把小浩和墓地美少女之間的「一見鍾情」，解釋為源自雙方家族的遺傳。究竟漱石是受到八雲的影響，還是各自發展出相似的看法，不得而知。如果是後者，則不能不說是一種心有靈犀了。

尖沙咀酒店靈異事不斷！員工爆陰司紙規矩！酒店房務清潔羅生門！(恐怖在線重溫 第2143集)

第2143集 (17 Jan 2017)
前中環六星酒店員工爆酒店鬧鬼

恐怖在線 www.edmondpoon.com
逢星期一至五 晚上十一點半到凌晨一點

每日免費收睇直播
視像月費重溫$40
聲音月費重溫$30

相關影片:
1. 邊境德月樓邨女屍棺木內見紅色血痕寫上「我還未死」〈恐怖在線〉第3095集 2020-09-11 (https://www.youtube.com/watch?v=RY-BxQv2a1I)
2. 澳門竹林寺冇人敢去玩！青年沉迷麻雀遊戲，招惹靈體變空中飛人！(恐怖在線重溫 第2129集) (https://www.youtube.com/watch?v=n655JzzNcpg)
3. 藍秀朗分享日本金性寺血詛咒畫！日俄戰爭石像深夜操兵！和尚犧牲變生樁！(恐怖在線重溫 第2130集) (https://www.youtube.com/watch?v=38Z2T8o0tdU)



#恐怖在線 #潘紹聰 #尖沙咀 #StayHome #WithMe #跟我一樣 #宅在家