日本秘境行
足跡走遍半個地球的旅遊達人項明生，早前為拍旅遊節目，由日本九州鹿兒島出發，經過本州再上北海道，一個月內由南到北遊走十八個城市。他更獨自先行到當地「踩線」，尋找遊客少到的隱世秘境。「香港人去日本嚟嚟去去都係食，買，玩，但其實當地蘊含好豐富嘅歷史文化好多未開發嘅景區都好值得去，我比較鍾意去東北一帶，嗰度風景靚啲。人又熱情啲亦冇大城市咁擠迫，最重要見唔到啲大媽！」
走日本看明治
少年時代已醉心日本文化的項明生，大學主修日本「我細細個就開始聽日文歌，追日本星，返學仲研究，要梳個Matchy（近藤真彥）頭，好崇日㗎！」
曾為SONY首位華人董事的他，在日本工作二十多年，早年已遊歷大半個日本。眼見好友杜如風，周奕瑋已有主攻食，買的遊日節目，他三年前已計劃拍攝一輯探討明治維新如何改變日本人生活的深度旅遊節目。
「明治維新推翻武士專制嘅幕府時代成就今日嘅新日本。今次行程好趕，一個月時間跑咗十八個城市，中途又遇上北海道大地震，和強颱風『飛燕』及『潭美』，好彩之前去行咗一次，擬定好所有景點，打風嗰幾日就去咗京都搵朋友，喺佢屋企學煮玉子燒。」
他此行最有睇頭是去了長崎軍艦島，東京赤坂離宮，東北小岩井牧場及北海道頭大佛殿，「呢啲景點般旅行團唔會去，但好值得去睇。我喺東京赤坂附近工作咗十幾年，都係近期先發現有個好似法國凡爾賽宮咁靚嘅明治天皇宮殿，宮內牆身貼滿真金，曾接待伊利沙伯女皇，胡錦濤和特朗普等國家元首。記得最初聯絡皇宮方面都冇回覆，直至知道係表揚明治天皇嘅功績，佢哋先至批准我哋入去拍攝。」
他又去日本第一間髮型屋Set了一個明治髮型，去明治時代開張的洋服店度身試穿日式西裝，全程走日本，看明治。
大城市買物業
雖然項明生一年會去六、七次日本，但此行卻令他勾起了不少初踏足日本的回憶，「記得啱啱出嚟做嘢，試過買個14日全日本火車證，就孭個背包出發，遊南玩到北，到北為咗慳錢，會瞓火車站，坐夜行列車，每晚等百貨公司超市六點後減價先去買食物。有次為咗慳500円locker費，孭住個又重又大嘅背包行上福島五色沼，但行到一半已經頂唔順，哈哈！最驚險嗰次落大雪揸車去一個溫泉，夜媽媽又冇路燈，揸咗一個鐘都唔見對頭車，行行吓見到個阿伯揸電筒行過嚟，個心都寒一寒，後尾先知原來係溫泉旅館個老闆。」
每次停留日本，他都會順道去shopping「我屋企嘅衣，食大部分都喺日本搬返嚟。円平會買一手衫，円貴就買二手衫，我係裏原宿多間二手店嘅VVIP，有好多張積分卡，佢哋啲二手衫好新淨，牌子款式又多。我又鍾意去上野買零食同日用品仲會去多喜屋買家品，喺香港嘅屋企有間和式房，裏面嘅一切都係我喺日本一件件抬返嚟有火爐，茶棚，佛壇同擺設，每次過去就買。」
他近年開始買埋樓，在多個大城市投資物業，「我喺東京，大阪，京都等買咗樓，嗰度樓價平，幾十萬有個studio flat，我𠵱家過去唔使兑円，收番嚟啲租金都夠使。喺京都拍攝嗰幾日撞正打風，我都抽時間去睇樓，要分秒必爭呀！」
#明治維新の成り立ち
#明治憑什麼
Hong Leong Insurance 豐隆保險 Aigle VACA 小牛角 香港開電視 Hong Kong Open TV 東周刊 eastweek.com.hk
日文歌大阪旅館 在 大阪やどり(大阪旅宿)2006(日語~永井みゆき+翻譯)銘哥翻唱 的推薦與評價
大阪 やどり(大阪旅宿)2006..........作詞：坂口照幸.........作曲：岡千秋..........原唱：永井みゆき. ... <看更多>