做好風險管理 何懼短線震盪
10月29日，多雲，間中有幾陣雨，間中吹清勁北風，氣溫清涼。歐美疫情急轉直下，歐洲正爆發第二波疫情，英國宣布夜間宵禁，更有傳法國正考慮執行為期「一個月」嘅全國封鎖措施，德國亦可能將關閉全國餐廳和酒吧。而喺美國嘅伊利諾伊州已下令芝加哥關閉室內用餐。美國過去一星期每日確診個案平均增至創紀錄近7萬宗。
美股隔晚三大指數顯著下跌，道指跌近千點，報收26519點，跌943點創6月以嚟最大單日跌幅，同時係7月31日以嚟收市新低，連跌四個交易日。標指跟納指同樣跌逾3%，分別跌119點及426點。港股隔晚夜期跟ADR當然陪跌，ADR跌近2%。不過道期喺亞洲時段見反彈，恒指喺新加坡黑期則跌至24400水平徘徊。
美股下跌除咗因為疫情反彈，主要係疫苗遲遲未能面世，有消息指美國最快要到明年1月疫苗先至能夠大規模生產。至於市場一直關注嘅美國大選跟刺激經濟方案將繼續左右大市上落。古天后早於8月底9月初一直呼籲要減磅，即使仍睇好後市表現，由9月至11月初美國大選有結果之前，股市將會迎來震盪，尤其係選舉結果一旦出現爭議，而要搞到由法院解決，由點票至正式結果落實，肯定美股將有得震，冇得瞓。
近日美股明顯轉弱，又見唔少淡友衝出嚟認屎認屁，甚至再度揚言股災將近。古天后對於呢啲市場雜音一於少理，長線組合ATMX加埋近日心水J，仲有港交所(00388) 股價及相關新聞 仍然坐定定，短線波動上落唔影響公司基本因素，有信心新經濟股無論邊個入主白宮，都可以持續跑贏大市。
市場資金短線當然係流去抽螞蟻集團(06688) 股價及相關新聞 ，但北水對港股嘅熱愛帶嚟一定支持，即使隔晚美股急跌，古天后認為港股短線都係喺24000至25000之間千點內上落，觀望內地五中全會及美國大選消息。而港股通南向資金噚日淨流入達96.8億元人仔，係7個月以嚟高位，古天后相信只要有北水支持，港股表現唔會太差。
當然尋日創新高嘅騰訊(00700) 股價及相關新聞 阿里(09988) 股價及相關新聞 今日定借機回吐，騰訊先睇住前日高位585元、阿里就睇住300元守唔守，仲守得到呢啲位，兩股仍處強勢。京東(09618) 股價及相關新聞 留意20日線310元附近，係一個可以撈貨嘅靚位。至於大市喺24000有支持，今日期指結算，留意午後當EAS價完成，3點後或出現較大波動。都喺嗰句又唔係世界末日，疫苗開發從來無得急，歐美疫情反彈只怪西方未有做好個人防疫措施，而刺激經濟方案雖然仍未達成協議，但唔會就此泡湯，或者以擠牙膏式分段進行，總之跌市唔使太慌張，升市又咪太過興奮，一早做好風險管理，又何懼股市一日半日震盪。
古天后
#300likes30shares #古天后 #古天后日誌 #頭條財經網
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。
依家我嘅聊天室已經停止免費試用, 直接課金入來聊天室啦：https://bit.ly/2BmeAhZ
立即下載秒投：https://link.stockviva.com/L9J41qUp01
對聊天室有任何疑問，可以直接聯絡秒投小編：電郵 cs@stockviva.com
注意：本人僅在 "秒投App" 及其網站內開設聊天室，本人並沒有與其他網站，或以外的平台，開設過任何通訊群組，亦沒有任何所謂的「私人whatsapp 群組」「Telegram 群組」等等，為保障大家利益，切勿加入任何類似群組。
https://hdfin.stheadline.com/queen-talk-content/5506/%E4%B8%BB%E9%A0%81-%E5%8F%A4%E5%A4%A9%E5%90%8E%E6%97%A5%E8%AA%8C-%E5%81%9A%E5%A5%BD%E9%A2%A8%E9%9A%AA%E7%AE%A1%E7%90%86-%E4%BD%95%E6%87%BC%E7%9F%AD%E7%B7%9A%E9%9C%87%E7%9B%AA
日標b7 在 不知道下什麼標 - B7 留言 | Dcard 的推薦與評價
「第一次有這樣的視角………（覺得回不去了怎麼辦）」好像沒看過這樣的聯想，只有我這樣覺得嗎…？或是那本來就是. 46. 留言13. 好油喔peko. B72021年1月27日. ... <看更多>