琴晚凌晨我搭咗一架瘋狂紅Van，個司機會瞌住眼瞓揸車嘅囉CLS！嚇到我賴屎囉！😖😖😖
.
話說琴日我入咗元朗朋友屋企吹水吹到凌晨兩點，諗住搭通宵紅Van返出旺角，另一個朋友同我一齊搭，佢就響置樂落車返屋企。
.
上咗車係一個光頭阿伯司機，我話去朗豪坊佢話$25，朋友去置樂就$10，我哋俾咗錢就坐低吹吓水，當時車上面大概有三份一人，一切好正常。
.
架紅Van由元朗入緊屯門途中，我覺得點解好似咁慢，佢嘅車速係20-30公里嘅？朋友就話佢可能仲要兜客所以行得慢啲。
.
點知入到泥圍，藍地等路段我覺得越嚟越唔對路，架車好似好慢好飄左搖右擺咁樣側埋一邊，我仲以為我好眼瞓有錯覺嘅問題🥱，但我就同朋友講：「你覺唔覺架車真係好慢喎🤔？」
.
點知呢個時候朋友突然好大反應好似鬼上身咁超大聲疾呼一聲：「司機唔好瞓呀！！你醒吖你揸緊車㗎！你上次都係咁樣揸車瞓着！你小心啲呀嘛！！」
.
我當時完全係狀況外唔知發生乜嘢事，同埋比朋友咁大聲嚇親，只見到司機個頭本來係中下中下，突然間好似醒咗咁樣彈個頭過嚟講：「冇啊冇啊.....邊有瞓呀」wtf!!!!!!原來朋友響個倒後鏡見到個司機頭先瞓着咗!！唔乸係下話？!渣小巴竟然瞌着咗？!!!!!!!!!!!!!Cls係咪可以告佢危險駕駛?!🤬🤬
朋友仲突然間大師兄上身全部回憶感覺返晒嚟，佢話想起原來上次佢曾喺旺角搭番屯門又係上過呢個光頭阿伯司機嘅通宵Van，嗰陣時呢個司機又係勁瞌眼瞓，當時有兩個女仔超嬲已經用大量粗口屌足全程，係咁屌個阿伯同埋影晒片叫佢唔好揸車時瞓覺，我估佢哋一來真係好嬲，二來真係想屌醒個阿伯希望佢醒啲咁揸呢一程嘅小巴唔好再瞓着😤真係好痴線
.
跟住果下我先識驚，原來頭先咁飄唔係我嘅錯覺佢真係瞓着咗！😱CLSsssssss唔撚係呀嘛？WTF咁樣揸車法？！我當時心中已經有一萬句粗口🤬🤬🤬🤬，我問朋友點解頭先上車認佢唔到，佢話都冇為意係見到佢瞓着咗先醒起上一次兩個女仔粗口鬧爆佢嘅事件，所以佢頭先咁大聲喝醒佢！同埋佢都想比全車嘅乘客知道佢瞌眼瞓揸小巴，等大家留意番隨時跳車。
.
當時架車已經去到景峰, 朋友就快到置樂落車，我果時又驚又嬲，嚇到瀨左舊屎，我恨不得即刻跳落車，但係我千鈞一髮之際都決定跟朋友一齊響置樂落車轉另一架紅VAN，因為我好難擔保陣間由屯門出旺角嗰半個鐘佢會唔會再瞌眼瞓，同埋聽佢上嚟呢條友好似早有前科，我唔想為咗慳果$25冇咗條命或者斷左隻手腳😖😖😖我仲有好多嘢未做
.
跟住我跟我朋友響置樂落咗車再等咗大概40分鐘就有下一班，之後我上咗另一架紅Van見嗰個司機個精神正常好多我都冇咁驚，最後搞咗一大輪我終於凌晨四點幾順利返出旺角。我啱啱瞓醒同朋友傾返呢件事，宜家都仲有一種劫後餘生，猶有餘悸嘅感覺, 點解可以咁荒謬咁癲🤬同一時間我又擔心琴晚同我同車嗰班人而家點。
.
我即刻上網睇吓琴日凌晨有冇發生乜嘢小巴交通事故，點知比我發現兩年前原來己經有報道講過呢個司機揸車瞌眼瞓嘅事，原來佢響業內好出名，已經有好多人投訴過佢成日揸車瞌眼瞓，雖然打咗格仔但係我都認得係佢！佢個光頭同埋身形仲有講嘢嘅語氣一定係佢！最恐怖係報道之後兩年竟然佢仲可以繼續揸車同埋繼續瞌眼瞓，點解可以仲俾佢繼續揸車？罔顧人哋嘅人身安全？係咪要真係發生咗意外先至可以停止到呢啲咁荒謬嘅事！？
.
大家入去睇咗呢條片認住佢個光頭同埋身形啊，個樣有啲似小丸子個爺爺㗎👨🏼🦲，佢好似姓余 ，篇報道仲話佢會特登收埋個司機牌唔俾大家認到佢個名，乜料呀！ 真係好痴線，大家如果搭旺角往返屯門元朗嘅通宵紅Van，記得記得記得要小心唔好上呢個光頭阿伯司機嘅車啊！尋晚真係嚇死我，以後搭紅Van有陰影囉😭😭😭我估睇小丸子見到佢爺爺都會有陰影😫😖
https://youtu.be/MwcNrC2oVDo
