🚫嚴禁劇透🚫粗口自行過濾🚫
🚫免批評外表人身攻擊🚫
[1230隔夜超短劇評][TVB][踩過界II][EP12&13]
✅ 張振朗 蔡思貝 醉酒好睇（但太長篇）
❎ 感情案情拖拖拉拉
呢兩集真係睇到好氣餒。盲俠四感已經到咗超人嘅地步，上集盲眼揸車，呢兩集唔只聽到心跳、呼吸，連喺碼頭上岸時警察嘅對講機都聽到，真係佩服。好喇睇故唔好駁故，我唯有忘記佢啦。但估唔到盲俠個聽力異於常人，緬甸班人就聽力有問題。喺橋躉想掉盲俠落海嗰吓，咁多個人都聽唔到癲姐開船一個人上嚟救盲俠?! 好難投入呀，所以之後盲俠讚同多謝癲姐都冇乜感覺。
盲俠遺囑式吩咐大家以後點做，自殺得真係好著跡。如果劇本要寫到Gogo癲姐唔發現，只係得Eva同郭琳feel到佢會自殺，何必用咁多時間話畀觀眾知？不如用多啲時候描繪吓盲俠對戴天恩嘅內疚，用力啲講Zaw同Maya嘅事令盲俠覺得自己冇陪住Yanice好後悔，先可以推到佢自殺。依家啲感情一節節斷開。
Gogo同癲姐嗰段醉酒戲，兩個演員做得有趣，但講成節時間真係長得濟。同埋無論佢哋兩個有冇發生嘢，都係為咗之後四角戀或者阿釵去做伏線？希望唔好咁多感情嘢，講返啲case啦。
全叔case又散又慢，幾集前我已經估軒仔係殺人兇手，拖拖拉拉咁多集，原來Zaw都係睇唔到邊個郁手嘅。如果最後真係軒仔殺人，我覺得拖咁耐真係好冇謂。
📺 81台 逢周一至五 2130~2230
[演員表] 王浩信 飾 文申俠 / 蔡思貝 飾 趙正妹 / 張振朗 飾 谷一夏 / 張曦雯 飾 邵美娜 / 秦沛 飾 簡紹宏 / 朱千雪 飾 戴天恩 / 姜麗文 飾 江寶釵 / 簡淑兒 飾 郭琳 / 張國強 飾 霍定邦 / 黃子恆 飾 華鎮岳 / 林景程 飾 馬存智 / 白彪 飾 陳福全 / 張武孝 飾 劉建鋒 / 盧峻峯 飾 趙宇軒 / 朱敏翰 飾 ZAW / 黃祥興 飾 Smith / 孫慧雪 飾 Maya / 吳香倫 飾 福嬸 / 謝可逸 飾 虎 / 張明偉 飾 武 / 劉溫馨 飾 朱 / 趙樂賢 飾 窩釘 /
#1230隔夜超短劇評 #無綫 #TVB #踩過界II #林志華 #黃偉強 #馮日進 #鍾若詩 #王浩信 #蔡思貝 #張振朗 #張曦雯 #秦沛 #朱千雪 #姜麗文 #簡淑兒 #張國強 #黃子恆 #林景程 #湯俊明 #謝可逸 #張明偉 #劉溫馨 #趙樂賢 #白彪 #張武孝 #盧峻峯 #朱敏瀚 #黃祥興 #孫慧雪
明谷對講機 在 請教達人：明谷對講機沒鈴聲對講機完全沒聲音？ - Mobile01 的推薦與評價
我的透天四樓（六年屋）用明谷對講機突然所有對講機及門口機都沒有聲音（本來是可以內線對講用但沒有設定電鎖），按了也都沒有任何鈴聲，我用三用電表 ... ... <看更多>