《我做外賣仔的日子》
呼,尋日又做左半日外賣仔,比起第一次做,第二次做明顯有好多唔同既感受,就好似愛情咁,第一次約會總係令人感到新鮮,但新鮮過後,就需要面對現實了,同各位報告下感受,去點:
1)是日都係半日,六個小時,地點係尖沙咀區,南至海旁,北至窩打老道,東至尖東,西至柯士甸站
2)總單數,13單,收入,360蚊
3)當晚約左大學同學食飯,消費400……俾錢個一刻,我好想再打開個apps去補多一鐘,令當日收支平衡
4)極度懷疑系統係有新手優惠,派得特別多單,暗示你聽,好好搵啊,記得做多D!
5)上星期因為被退單,有蝦餃、薄餅、雞翼、肉醬意粉食,原來術語係叫福利餐,而今次我已經成長喇,所有派送成功,無任何福利……
6)是日來回柏麗大道三次,短期內我都唔會再想行呢條路……
7)尖沙咀區比起旺角區舒服好多,我指環境,明顯綠化同公園長椅都有唔少,整體無旺角咁壓抑,而且搵廁所係相對輕鬆好多
8)請叫我渡船街小霸王,呢個範圍,我送左五單,雖然每單既等待時間都有五至十分鐘,但送餐距離極短,短到點呢?就係間餐廳係樓下但客戶都唔想落街咁既距離,每單都有25蚊以上,當時我感覺原來賺錢就係咁簡單
9)距離短,錢好似好易搵,但計返數,原來重點係唔停手地做先係搵到錢,今次只有一次同時拎兩份外賣,比起上次連續3次搵住3個外賣比,感覺到付出幾多,收獲幾多
10)是日最遠派送,係尖沙咀I Square去佐敦永安,仲要係4人餐,果斷搭巴士,車費6.8,點知去到佐敦再次陷入漫長等待,早知慢慢行過去……
11)無單既時候,我企左係譚仔門口,希望譚仔可以賜單比我,點知旁邊有個南亞同事都係度等緊單,你無聽錯,自從成為外賣仔之後,我係街上面見到外賣仔都會心諗,又有同事開工,會給予佢地一個加油既微笑!
12)閒來無事同南亞同事吹開水,佢都係步兵,已經做左兩年,比起我呢個做左兩日既,佢絕對係大師兄,佢一日最少做12個鐘,鋼條既身型,比起我呢個行半日就去按腳既廢柴,我諗佢做完12個鐘都仲可以去兼職按腳多幾個鐘!送外賣用腳,手唔攰可以再用埋佢
13)南亞同事月入差唔多三萬,同幾個同鄉夾租,每月2500,佢夢想係搵到錢開間雜貨店!感覺就好似香港人移民硬係想開埋小食店賣雞蛋仔,文青總係夢想開間Cafe咁
14)問佢公餘有咩做,佢話打排球,剛好小弟年輕都係排球校隊打過學界,但我見佢差唔多一米八,壯碩既身型,強勁既臂彎,我婉拒左佢邀請我閒時打友誼波,我怕比佢打死
15)傾傾下系統派單比佢先,佢同我講,因為佢係老鬼,同地點有多過一個人都會派單比佢先,我當時心諗,頂,你唔早講,佢用一個朋友,你返印度食蕉既表情同我講,下次同到佢班南亞兄弟就記得唔好一齊等
16)佢工作好認真,真係當係職業,而我就係玩味性質,原因好簡單,因為佢係巴基斯坦搵幾千蚊都做到成隻狗咁,依家派外賣比起以前搵多成十倍,感覺好似當年我去澳洲工作假期比當地人問我點解咁鍾意返工,當時我答佢,香港做麥記20蚊一個鐘,澳洲做又係20蚊一個鐘,但係澳紙既分別
17)是日太無聊,所以我係七仔特登買d平時唔飲既冷門或者新飲品,林家謙代言既清。麥茶都唔錯,紅茶花傳既檸檬紅茶幾好飲,但原來成15.3g糖……
18)尖沙咀區送The Austin同Grand Austin最花時間,要落隧道來回,荒島黎,但大型屋苑既保安服務真係做得比較全面,拉門既都好有禮貌,同日送窩8,樓下阿姐真係有少少無禮貌,唔係對我,而係一個順豐哥哥佢拉住貨入黎,佢嘈左幾句,但順豐哥哥無理佢就入左lift
19)今次我比上次做多左樣野,想睇下分別,就係我今次拎到外賣,同送到樓下,我都會Msg客人同佢講我出發喇,我差唔多到喇,送到我都會msg佢地用餐愉快,到底呢個行為會唔會令我多左Tips呢!!??
20)答案係無既,可能我既服務仲未夠好,但我又覺得咁send個msg比客,都係認真對待呢份工作,令客人多左一份安心,自我感覺良好,下次我會再接再厲睇下點先有tips!
21)收到張單係送食材,蕃茄薯仔豬骨,應該係煲湯,平時我自己買只係50蚊左右,但有人用差唔多高一倍既價錢去享受服務
22)外賣呢樣野,真係一種時間同金錢既交換,有人分分鐘幾十萬上落,佢花費幾十蚊去慳返時間搵更多錢,或者休息,一路送我一路覺得係對整體社會發展係好事,因為人可以做更有價值既事
23)感覺到外賣都不斷升級緊,係外賣盒、外賣速度、包裝等等都感到比幾年前好太多,以前你食個麵要分湯?真係叫都未必有!依家分湯好多唔講明都會分比你,感覺外賣自取同埋派送對於一個人食飯都係一種趨勢
24)睇返譚仔上市資料,幾年前堂食外賣比重都係8:2,依家已經差唔多6:4,世界唔同左,仲記得當年沙士打開左網購既潮流,而上年疫情就改變左堂食習慣,有好多野唔迫到埋身真係唔會成長
25)是日趣事,我左手拎住電話,右手拎住外賣,個客開門之後我遞左電話比佢佢呆左;一個上身赤裸既男人拎外賣,我覺得睇到佢身體要加錢囉
26)暫時對我講,送外賣都係有趣既,而我分析過,因為我係兼職,又唔係靠佢養家,收工時我計一計數,360蚊,如果我等佢開飯既,我真係要加多半日做到夠數先可以收工,而唔係收工仲去食餐比今日搵既錢更多既飯,今次已經比起上星期無咁腳痛,唔駛按腳,但起左水泡,
27)興趣同職業,真係兩個層次,將興趣變成職業係一種漫長既過程,唔係人人做到,當你既興趣超過左一定既數量,就會量變引起質變,即時變質,需要一個覺悟!
28)我會唔會繼續做?會啊,下星期六強勢回歸旺角區!每次有人問我都係咁答,依家每個星期有人比錢我做gym,真係唔做就蝕啦!
29)但同時我係送外賣既時候諗,其實全職炒散真係幾適合我,黎緊我會有新動向,試下其他唔同既工作,分享多少少大家平時成日見既職業,當真係做既時候係咩感受,如果你地有咩特別職業想我去破地獄既,歡迎留言!
30)兩次既步兵經驗,我升級喇!步兵將會轉職成騎兵,點樣升級得快d!比個like啦!like數就好似經驗值咁,令我有動力去冒險!!!!
同時也有5部Youtube影片,追蹤數超過5萬的網紅港。故 kongguhk,也在其Youtube影片中提到,為了自己的理想,你可以有多堅持?展能藝術家高韻雯(Koko)用行動告訴世人,她即使行動不便,常人畫5分鐘的動作自己就要30分鐘,完成一份作品需時3個月至1年,但她仍在多年來堅持自己的興趣繪畫,更成立了屬於自己的畫廊。面對身體的缺陷,藝術路上伴着Koko的除了有自己強大的意志,這些年來還有幫助她減緩身...
易攰原因 在 Facebook 的最佳貼文
今天戶外學習日,由孩子自己決定去哪兒做甚麼事,誦仔提議去騎單車,我心裡暗忖:好曬好熱好攰呀~ 不過我口卻說:「很好的提議。」正仔提議去圖書館閱讀,誦仔說:「那麼我們先騎單車,再去圖書館,因為騎完單車後一定好熱,到時可以去圖書館涼冷氣。」
我們沿著元朗往上水的單車徑走,走到一半折返,或許是平常的上學天,沿路都沒有幾個人,大路任我們玩,非常輕鬆易騎,與假日的擠擁成強烈的對比。
只是下斜坡時,孩子喜歡不按剎車掣,兼雙腳亦不停轉動腳踏加速,無論提醒幾多次,一下大斜坡時,便非常勇猛地追求刺激感,結果弦仔炒車喇。幸好只是擦傷皮膚。
中段到誦仔單車甩鍊,我和正仔在烈日當空之下不停嘗試把鍊條卡住齒輸,汗水不住往下滴,地上都是我倆汗水造成的小水漥,很誇張。後來有位叔叔幫忙,亦指出誦仔的單車(租車的)鍊條很鬆,但沒有合適工具修理,相信很快又再次甩鍊,著他慢慢騎。這時,我和正仔的雙手黑得誇張,紙巾完全不能抹掉黑色油漬,而沿途都沒有洗手間清洗。
孩子在補及小店停下買飲料,這時老闆看見我們的雙手,問問原因,就立即替誦仔修理了他的單車,他把後輪拉後,把鬆掉的螺絲上實,就這樣子,回程時誦仔飆車也不用擔心再次落鍊。這裡又有皂液和清水洗手。孩子在店旁的池塘看著叔叔釣魚,叔叔又分享一些麵包給他們餵魚,大家閒聊了一會兒。本來以為 uneventful 的單車之旅,最後發生了一些狀況、遇上一些人、得到一些幫助、以及經歷了一些特別的體驗。
從圖書館回家的路上,看著晚霞柔和動人的天色,我們四人走著走著,覺得他們今天的活動提議還真的很不錯。
易攰原因 在 註冊營養師Gloria - Nutri Life Facebook 的精選貼文
減磅除咗為咗自己健康,更加係為咗陪伴仔女長大。Ray 實在係一個負責任嘅💯好爸爸。🥰 大家都一齊努力,共勉之!
會員Ray心聲: ❤️
用左半年時間,減左30磅,估唔到我都可以做得到。我一直認為當年去影結婚相前都減唔到肥,之後都無可能減到,但當我遇到Gloria 之後,我就發現原來減肥其實無想像中咁難(唔洗推車肽,唔洗跑山,唔洗餐餐食雞胸)。
我相信我同好多肥仔/肥佬一樣,嘗試過不同的減肥方法,都唔成功。著衫要著加加大碼,成日個人無乜精神。而我減肥既主要原因係想自己身體健康啲,可以到年長的時候仍然有健康的體魄去陪伴兒女成長,同照顧自邊的另一半。
經過短短半年的減肥療程,我精神狀態好左好多,無咁易攰,膽固醇不再超標,可以著番幾年前買嘅衫,唔洗再著加加大碼,重拾自信。
值得一讚就係Gloria的減肥方法,減肥可以食得飽,”Eat Right, Not Less”,整個減肥過程比想像輕鬆。
我本身係好鍾意煮野食,招乎親朋戚友到我屋企食大餐。起初好擔心係減肥過程中只可以煮雞胸、雞胸同雞胸,但後來發現好多食材都可以選擇,加上Gloria 係煮野食方面的經驗分享和烹飪指導,令我廚藝功力上升,可以煮到多款好味而健康既餸菜。
我衷心多謝Gloria專業的指導加上精神上的鼓勵,耐心教導我如何選擇健康的食物,而我所得到的知識可以終身受用。
易攰原因 在 港。故 kongguhk Youtube 的最讚貼文
為了自己的理想,你可以有多堅持?展能藝術家高韻雯(Koko)用行動告訴世人,她即使行動不便,常人畫5分鐘的動作自己就要30分鐘,完成一份作品需時3個月至1年,但她仍在多年來堅持自己的興趣繪畫,更成立了屬於自己的畫廊。面對身體的缺陷,藝術路上伴着Koko的除了有自己強大的意志,這些年來還有幫助她減緩身體肌能退化的物理治療師。
看Koko坐在輪椅上拿着畫筆,專注的一筆筆的畫着,旁人可能會認為她很吃力,但她卻是正沉醉在自己的藝術世界。她嬰兒時因發燒而患上大腦麻痹症,身體協調及語言能力因而受影響,須長期坐輪椅之餘,因肌肉張力異常,四肢會間中不協調及痙攣,但Koko偏偏愛上需要複雜而微細肌肉運動的繪畫,走上她不平凡的藝術路。
Koko自小喜歡拿各種顏料來玩,跟隨老師學畫畫後就愛上繪畫,多年來創作了不少出眾奪目的作品,成為展能藝術家成立了屬於自己的畫廊之餘,也曾出書細訴自己心路歷程。然而隨着歲月流逝,Koko身體肌能會退化,可能影響到她繪畫的能力,因此就申請了社福機構在地區為肢體傷殘人士提供的上門物理治療服務。
3年來,物理治療師Alex定期上門為Koko提供物理治療,他指會手法治療鬆弛她的異常肌肉張力,也會跟她做一些手部精細訓練或是軀幹訓練,因為這兩者對畫畫都很重要,也是因為怕她的關節會再僵硬,甚至有脫骹、畸形的情況要做手術,因此要定期上門為她拉筋,希望減少關節攣縮。
保良局嚴重肢體傷殘人士綜合支援服務(新界區)經理馮潔燕補充指,服務是為殘疾人士提供家居照顧支援,對象主要是嚴重肢體傷殘、需要高度護理的殘疾人士,希望讓殘疾服務使用者可以長期留在社區,及照顧者更放心及更有信心可以照顧殘疾人士。她又指服務會了解使用者需要及評估,制訂個人照顧計劃,因此除了物理治療服務外,也有其他如言語治療、護士上門護理及短暫家居照顧等服務。
Alex坦言是第一次服務展能藝術家,笑指在見Koko前有一份緊張,然而在接觸後就感受到對方的和藹及友善,沒了緊張之餘現在更成了朋友。他也觀察到Koko的作品多是朝氣勃勃的風景畫,不會十分陰沉,「雖然佢身體會有限制,不過佢無負面思想」,稱讚她的樂觀,也敬佩她對藝術的堅持,「你見到Koko坐嗰陣會有啲攰,長時間畫畫除咗身體機能,都要有份意志先堅持到。」
「我其實覺得Koko好犀利,因為搵到自己長處同強項係好難得,甚至可以克服自己身體限制,透過筆將自己訊息帶畀觀眾。」Alex指Koko最啟發到自己的是,每個人都會遇到一些困難或挑戰,不過很多時我們都會給自己一些藉口叫自己放棄,不過認識了Koko後,雖然Koko有這身體機能的問題,但她很堅持的實踐她的藝術理想,自己也覺得不應該這樣容易放棄,給太多原因自己,只要肯堅持都沒有事是不可能。
Koko稱讚Alex的細心,會關心自己四肢肌能及日常興趣情況,多謝他的工作細心及專業,也坦言如果沒有治療師跟進,自己未必有能力繼續保持自己的興趣作畫。她想透過畫作,希望觀賞者看得開心,亦想以畫中的顏色,令觀賞者見到多姿多采的畫作。Koko也鼓勵其他希望投身藝術的殘疾人士追夢,只要就自己興趣再訓練,就可以發展所長。
易攰原因 在 港。故 kongguhk Youtube 的精選貼文
「喺一個人最需要你嘅時候,你可以伸出援手去幫佢,你唔只係幫到個病人,亦幫到佢屋企人,我覺得係好有意義。」這就是護理系學生葉嘉茵不惜半工讀來追尋護士夢的原因。她現於香港理工大學護理系就讀二年級,但原來其升學之路一點都不簡單。
前路茫茫 毅然退學
嘉茵在中五會考考獲19分,順利升讀中六,但與很多青少年一樣,她當時未有認真規劃自己的前路,亦「唔知讀咩好」。而當時兼職補習導師的她,覺得替小學生補習很有滿足感,更打算以此作為日後的職業,於是她讀了數個月中六便毅然退學。
服務長者 萌生使命感
機緣巧合下,嘉茵報讀了一個保健員文憑課程,並開始在老人院舍擔任保健員。雖然在院舍的工作不容易,亦時常會接觸到污穢物,但她在工作中卻發現自己很享受與長者溝通。
而一次生死無常的經歷,令她發現她想做的遠遠不只是替長者洗澡、餵食。「嗰次係我第一次摸人哋手腕橈動脈呢個位,佢(婆婆)係冇咗脈搏、停頓咗。」那是嘉茵在院舍工作沒多久後發生的事,她親眼目睹一位女院友被葡萄噎死。「冇諗過一個人、一個生命係咁脆弱,轉眼間就消失。」如此震撼的經歷令嘉茵明白生命的脆弱,她希望做更多事、幫更多人,於是萌生想當護士的念頭。
報讀護士學校 三度遭拒
意識到自己的護士夢後,嘉茵隨即着手報讀本地護士學校,惟所報讀的三所學校均將她拒諸門外,最後一次的面試更是歷歷在目,「唔係因為你資歷有問題,係因為我哋好少會收年紀較大嘅學生。」對嘉茵來說,面試官的這番話無疑是沉重的打擊:「好似有啲嘢係改變唔到,注定失敗,因為年齡係冇得改變。」
幸好嘉茵沒因此而否定自己,反而更積極找其他方法實現夢想。最後她選擇報讀夜校,備戰一年半後的中學文憑試(DSE)。
半工讀備戰文憑試
「好難,例如之前未讀過通識科,次次做卷都唔夠時間。」時隔多年重拾書本,嘉茵坦言初時曾感吃力。但身為半工讀生,她面對的困難又豈止如此?每天五時半起床,在院舍工作十一小時後,便要趕到夜校上三小時的課,「有時一日瞓得三、四個鐘。如果臨近考試,假期都冇得補眠,唔好諗住可以瞓七、八個鐘。」除此之外,為節省吹頭髮的時間,嘉茵甚至將一把心愛的長髮剪去。
半工讀生活充滿壓力,令嘉茵時常想放棄:「真係好攰、好辛苦,試過溫溫吓書趴喺張枱度瞓。」但她明白自己沒有更多歲月可以蹉跎,萬一這次DSE失手,就要多等一年,失去的東西可能會更多。因此她認為少少犧牲是在所難免。「如果你依家問我,我諗我都未必做到。」嘉茵笑言。
不要讓挫敗使你迷路
最後嘉茵於2017年的DSE考獲最佳五科成績24分,順利入讀心儀已久的理工大學護理系。她現在十分享受大學生活,畢業後更打算進醫管局工作。由當初的前路茫茫,到現時目標清晰,一路走來確不容易。
與大多數同系同學相比,嘉茵的升學之路迂迴得多,身為過來人的她深明追夢真諦:「追夢係一個過程,過程中你可能需要犧牲好多嘢,失敗好多次。」在成功前,追夢者往往會面對他人的打擊及自身的否定,嘉茵則鼓勵他們要勇敢,不要輕言放棄:「冇人一生出嚟就成功,我認為磨練一下,反而可能令你愈戰愈強。」
她又分享,堅持的另一關鍵是要認清目標,知道自己每天為何事而爭取,因為「意義」對於一個人來說極其重要,「要清楚自己需要啲咩,唔好畀挫敗令你蕩失路。」
今集《港。故》用7分半鐘,向大家訴說一個「高齡」護士系女生,為追夢而不惜半工讀的奮鬥故事。
-------------
《港。故》:東網每周專題習作,講故事、講香港人的故事。
Fb:http://bit.ly/oncckonggu_Fb
IG:http://bit.ly/oncckonggu_IG
Youtube:http://bit.ly/oncckonggu_Youtube
易攰原因 在 飲食男女 Youtube 的最佳解答
吉隆坡書展,請作者去簽名,從前都是帶着電影作品去影展,帶着書去書展是第一遭。很多第一次的甚麼都是難忘的,這一次的難忘,還因為出了一件事:書展安排了幾次讀者見面會,就是作者坐在台上,下面一片人那種,馬來亞地大人稀,會場也比香港的大,即使不爆滿,只是看那一排排的椅子也夠雷人,作者發言以後,到觀眾自由發問,有個女人舉手問:「我總是肚脹,有很多氣,是甚麼原因?」我突然意識到——!
當我是醫生了,但我是搞養生的,不是搞醫生的,我怎麼回答這個需要專業知識的問題?而且即使我是醫生,從前的宮廷醫生懸線把脈還要通過一條線,現在我的手心只揑有一把汗,退一步如果換了我真是醫生,也還要面對病人望聞問切,現在甚麼都不是,台上台下對喊,連面目都看不清,又不是唱山歌!我定一定神,提醒自己搞養生應該站的地方,這是我給自己定的位:西醫查不出病,中醫治不好,就是我站的位置。
我問她:「看過醫生嗎?」她說:「西醫說我沒有病,中醫說我的肝有事,但吃藥又沒用。」明白了,我雖然看不見她的面目,但感受到她大概的精神狀況,她應該沒有大病,是生活方式和飲食出了問題,我問她:「你是不是每天都有消夜?」她愣了一下,說:「我的工作性質,需要吃消夜。」我覺得自己好像處女下海打擂台,第一場就贏了!兩年以來,我每天為了寫養生文章,不知道花多少時間閱讀資料,同時還要兼顧導演的工作,我每個晚上上床,都要感謝這漫長的一天終於過去了。我的辛苦沒有白費。
我對這位女士說,如果一定要吃消夜,就盡量不要吃固體食物,平日要照顧脾胃的健康,脾胃虛的症狀,是身體總是懶洋洋,話也懶說,小腿腫,有時候手也腫,臉也腫,好像是肥胖其實不是,肚子脹鼓鼓,氣多咕咕叫,容易餓又吃不多,飯後覺得肚子往下墜,很容易拉肚子,一不小心還拉在褲子上!有一個小米粥很適合這個症狀。
小米 100克,黨參 10克,淮山 50克,紅棗 12粒(去核)。
1.新鮮淮山切片,紅棗泡軟、去核。
2.小米淘洗乾淨,放進食材,加適量水,大火煲滾,轉小火熬半小時。
每天晚上吃一碗、兩碗,隨意。
脾是後天之本,脾健康,人就健康長壽,臉色就紅潤,《黃帝內經》說,人到七十,「脾氣虛,皮膚枯」,是脾先「虛」了,人的皮膚才枯黃,有的女生年紀輕輕就皮膚枯黃,是吃垃圾食物吃壞了脾胃,和化妝品的牌子無關,有更多的人胡亂進補,以為愈貴的東西愈能保命,其實愈補脾愈虛,愈補愈容易老。
嚴浩
著名導演,名作為《似水流年》。近年努力鑽研民間療法,又在報章撰寫專欄分享偏方,如奇異果減肥法,引爆話題。著有《嚴浩特選秘方集》
(原文刊於2011年854期《飲食男女》)
食譜
健脾長壽粥
材料:
小米 100克
淮山 50克
紅棗 12粒
黨參 10克
做法:
1. 新鮮淮山去皮切粒,紅棗去核。
2. 小米洗乾淨,加適量水,大火煲滾,放進食材,轉小火熬半小時。每天晚上吃一碗、兩碗,隨意。
===================================
立即Subscribe我哋YouTube頻道:http://bit.ly/2Mc1aZA (飲食男女)
新店食評,名家食譜,一App睇晒!
立即免費下載飲食男女App: http://onelink.to/etwapp
《飲食男女》Facebook:http://www.facebook.com/eatandtravel
飲食男女網站:http://etw.hk
Follow我哋Instagram,睇更多靚片靚相:http://bit.ly/2J4wWlC (@eat_travel_weekly)
易攰原因 在 防疫期間孩子經常喊累?5大原因導致孩子「慢性疲勞」 - 媽媽經 的推薦與評價
居家防疫,停課不停學。你的孩子會這樣嗎?經常抱怨說很累?通常這往往出於簡單的原因,可能是忙碌學習的一天結束了 ... ... <看更多>
易攰原因 在 怎麼睡都累!慢性疲倦原因和自然療法,柏格醫生dr berg 的推薦與評價
悶悶不樂/ 煩躁易怒4. 認知問題5. 喉嚨痛6. 肌肉疼痛慢性疲勞綜合症的潛在 原因 : 1. 萊姆病Lyme's disease 2. 糖尿病前期3. 缺乏維生素D 4. ... <看更多>