【續 - Avebury Circle （下）】
上回講到Avebury Circle 比Stonehenge更靈氣，仲有間猛鬼酒吧，今回資料性D，講下點去。
同Stonehenge一樣，如果打算自己搭火車轉幾十轉巴士，我勸你不如死左條心。荒山野嶺比你巴士到站落到車，問你點行？所以最直接同樣係－Join Day Tour，都係早過拍外景，倫敦上車落車。
Avebury Circle Day Tour 並不是常常有，雖與Stonehenge並列為世界文化遺產，但Avebury比較冷門。多數Tour無淨去Avebury ，要搭單其他我個人認為無哩頭景點，好似「West Kennet Borrow」（新石器時代墓穴）及「Silbury Hill」（歐洲最古老的人造土山），詳情不詳。溫馨的Day Tour 導遊沿途會講解歷史，但鑑於當時我食風食到就暈，未能留心聽書，除左終於明白點解防滑水靴、行泥草必備的Hunter Wellington Boot 可以四季長興之外（因為著波鞋黎呢D地方預左打柴），觀察到草原上無遮無簷，不時見到雷光劈落D草，平時做得虧心事多，劈落黎避去邊？
唔好比我負面影響，堂堂美麗大自然浩瀚草原諗比雷劈？方圓大大片無盡草原，落足眼力隨時麥田圈係你眼前。拿我慧根有限，一場黎到，草之外咩都無。
遊完剛才提及兩個詳情不詳景點後，是主角Avebury Circle。由上一個景點坐20分鐘車去到Avebury Circle自由活動兩小時，落車地點係猛鬼吧，落車後自由活動係－任你行。Avebury Circle 無欄圍住，你可以任意行入草原攬摸錫啜石頭。Avebury 巨石體積較Stonehenge 細，有人話係古人按照行星運行的規律排列建造，又有人話係古代天文台，亦有人話外星人造。
石之外，仲有氣場相當強的羊任你親近，留意踩屎。我喜歡儲水間原石，所以發揮神婆本色，將所有水晶放係石頭旁Recharge一下，無科學根據，純自我感覺良好。行到無野好行，到附近的民村再兜，超靚，超英式田園小村個隻。Shopping 可以話係零，唯一一間《Then Henge Shop》賣水晶，抵既。饍食亦係零，唯一比較似樣的猛鬼酒吧，下午落場時間無咩食物供應，得薯片送啤酒，餓起上黎咩都好味。
當你開始覺悶時就發現時日如飛，咁就無左兩個鐘，最後於猛鬼酒吧門口集合上車打道回府，7pm 到達London，一天行程完畢。
結論係：免得過唔好一丁友去，一個人的浪漫係會悶到口臭。要去就湊夠腳，Avebury Circle 好舒服，係好明顯既強能量， 吸吸靈氣舒筋活絡。
＃Avebury #Stonehenge #London #Travel ＃英國 #旅遊
