「四月，呢個屬於櫻花🌸嘅季節，我本該在日本🇯🇵。」
😛相信除咗我之外，呢句亦都係好多香港人嘅心聲。好在雖然大家今年唔可以親身飛抵日本賞櫻，但卻可以喺香港參加豚王嘅「10周年記念櫻祭-SOUL BLOSSOMING」！
唔經唔覺原來豚王已經喺香港扎根咗10年，為咗慶祝呢一個重要嘅里程碑，佢哋今次以「花見」為題，邀請咗日本切繪藝術家「大橋·忍」👨🏻🎨為豚王設計出用日本春天櫻花盛開為創作概念嘅紙雕作品，並於3月18日至5月10日期間係豚王銅鑼灣分店公開展覽。同時，亦係全線分店推出一系列櫻花產品同限定紀念品，比大眾拉麵控同日本迷們，齊齊享受下呢個不一樣嘅櫻花季節。
🌸春祭限定拉麵 – 「桜ラーメン」
加入咗忌廉嘅雞湯底，帶少女感滿滿嘅櫻嫩奶粉色，配搭上肉質細膩嘅慢煮雞胸肉、香口櫻花蝦、爽脆蓮藕及紫椰菜，入口清新怡人，濃而不膩。*雖然豚王成日出限定口味，但係呢款係少有地我覺得可以有資格納入固定餐牌之中。
🌸櫻花水玄信餅
晶瑩剔透嘅水玄信餅，中間夾雜着整塊櫻花，食落帶淡麗嘅清甜櫻花味，軟軟QQ嘅質感則有少少似冰粉，解膩非常。
🌸櫻花可樂
非常iGable嘅嫩粉色令人一見傾心，甜度比想像中低，聞落有微微花香，成個味道唔會好人工同化學，頗自然，唔錯。
✨PS：喺3月18 日至 5 月10日期間，到豚王任何分店淨額惠顧滿港幣$300，可免費獲得櫻祭別注版切繪水瓶一個（或者可以淨額惠顧滿$150後，加 $35換購。）*換完即止
✨除咗櫻祭別注版切繪水瓶之外，仲有其他
櫻花產品同紀念品ga，有興趣知道多啲可以上返@butaoramen 了解下哦😊。
#sakura
#ramen
#拉麵
#十週年
#hkfoodnews
#hkfoodsharing
#hkfoodblogger @ 豚王 Butao Ramen
春祭限定拉麵 在 #太陽莫札瑞拉青醬拉麵春季限定 開賣至今到現在好評延續直 ... 的推薦與評價
太陽莫札瑞拉青醬拉麵春季限定 開賣至今到現在好評延續直升中 選用義大利三顆蕃茄熬煮濃郁蕃茄湯，與青醬和莫札瑞拉起司絕配 最適合春天時刻品嚐的餐點抓緊時間 ... ... <看更多>