「今晚返唔返黎食飯？」可能係一句好普通嘅說話，但對於大部份時間都係自己生活嘅我，特別有感觸。
記得讀大學時，特登揀咗一間山旮旯冇乜華人嘅大學，就係為咗可以學得獨立一啲。
媽媽喺香港工作，婆婆喺加拿大湊大我。佢生於1911年，係比較尾嗰代要紮腳。佢對腳已經變咗型，著童裝四號鞋。但婆婆堅持每一日親自去買餸，煮飯俾我食。十八年後我終於踏出第一步，搬到去加拿大東岸進入大學生活，亦係每日捱杯麵的日子。
讀大學嗰陣嗰邊得一間中餐，只會喺過時過節時候行45分鐘去嗰間中餐買個外賣Lomien, Eggroll同Potstickers，作為一個香港人你食過嗎？ 我指嘅係撈麵同蛋捲（即係春捲）同埋餃子呀！
每次打電話俾佢佢第一個問題都會係「你食咗飯未？食咗咩呀？」我每次都會話我食得好好⋯為免佢擔心。但其實我真係好掛住好掛住婆婆手菜。好想同佢講「我掛住你嘅湯，你煮嘅洋蔥豬扒。」
拍咗十五集「最愛母飯開」同十五個家庭傾計發現佢地同我婆婆有一個共同點，就係佢地都會全天候無間斷咁關心我地食得好食得飽，透過佢地嘅飯餸傳達佢地嘅溫暖。
你最掛住屋企煮嘅邊道菜呀？留言同我分享吓你同媽媽或婆婆嘅一啲溫暖時刻啦😊
#灣仔碼頭
#媽媽的心
#時刻親近
時刻親近 在 【#點燃時刻】與上帝親近之人，一定凡事替祂著想！ 余宗彥牧師 的推薦與評價
Your browser can't play this video. Learn more. 【#點燃時刻】與上帝親近之人，一定凡事替祂著想！─余宗彥牧師. @SHEKINAHCH. Subscribe. Like. Dislike. 2. Share. ... <看更多>