上星期三，我入咗去西貢食晚飯，可能你會問點解上星期三嘅嘢今日至寫！我當然有我原因啦，另外有陣時都唔係即時寫㗎。
話說上星期三我入咗去西貢一轉，貪閒日食飯清靜啲，點知入去我時時去嘅Pepperoni’s時，發覺竟然座無虛席，唔通睇錯日曆，唔通今日係星期六！
坐低睇真啲，見到枱枱人都食牛扒，我再望下我枱面嘅餐牌，發覺其中一個寫住每逢星期三食牛扒買一送一！咁就明哂啦。我喺香港係唔食牛嘅，所以我食返我平時嘅海鮮番茄湯另外加個Pizza仔。
其他人真係台台都食牛！所以當我一路飲自己平日好鍾意飲嘅湯，同埋食自己平日好鍾意食嘅Pizza仔時，就一路揼心，覺得超級唔抵，真係蝕！
於是為咗維番條數，我決定要喺呢度寫，仲要留到星期二至寫，等大家星期三可以立即行動，去食返份牛扒。喂，記得食埋我個份呀。
咁你又唔好以為我幫佢賣告白喎，因為星期三，我相信西貢餐廳啲生意真係唔係幾好，因為有幾間出名嘅都有做特價，所以就坐得比較多人，但係其他冇特別折扣嘅，就真係quieter than ghost 靜過鬼！
#何嘉麗callmegaga #何嘉麗 #為食路上 #Pepperonis #星期三去西貢食飯好多餐廳都有優惠 #途長路遠入到西貢為咗食份平牛扒唔知係賺咗定蝕咗
時時食西貢 在 昨晚第一次在胡志明市吃在當地很出名的"傳記飯店"客家菜 的推薦與評價
在西貢平常都吃路邊攤，昨晚第一次在胡志明市吃在當地很出名的"傳記飯店"客家菜 店址位在巷內，昨晚到達時巷內空無一人，走進店內一樓廚房佔了一大半實在看不出什麼 ... ... <看更多>