<<冇地方扑野、溝唔到女的經濟分析>>
雖然而家仲講冇地方扑野有D OUT，不過呢下野真係香港人最關心而的確又真係最令人擔心既一環，因為香港人快樂指數低，壓力指數全球名列前茅。一向黑面神上身既香港人，因為太忙，又太窮。扑野冇地方，溝女冇時間，更加冇錢。當大家日日為呢D咁生活化既議題咁關心既時候，有冇諗過可以用宏觀經濟既角度黎解釋？由經論上了解一下自己點解溝唔到女？又點解D女而家愈黎愈Cheap，不介意做人小三？
冇地方扑野是偽命題
由游議員一石激起千重浪既扑野爭議，香港人仿佛如夢初醒扑野係需要空間咁。窮生唔知游議員有幾多想扑而冇地方既經驗，但窮生可以話俾大家聽冇地方扑野是偽命題。其實以窮生所估計，游議員想帶出既係青年人唔夠空間成家立室。因為樓市高，物價貴，人工低。因為成家立室係長遠的生活問題，香港人喜歡買樓先結婚，原因係穩定，唔怕加租同迫遷，因為呢D因素會打亂你地本身既Planning，尤其係生小朋友。
如果講到扑野，香港同唔同地方比較都算係方便。港九新界都好多酒店，有過夜有時鐘，有近有遠有平有貴。係而家睇一套2D戲都要$75一位(2位$150)既時勢，平平地既時鐘酒店$150都夠你玩2個鐘。而最重要既係，唔洗執有尾呀嘛！點解游議員唔講呢?可能因為游議員同香港好多女人都一樣,覺得時鐘酒店好雜好污糟！咁以下既經濟影響就要聽下了。由2015年第一季開始自由行旅客減少，一般四星既酒店都減左唔少價！$500上下一晚都有唔少選擇，同２個人去食個放題差不多！所以問題唔係有冇地方，係你將扑野個priority放係咩位。
點解女多男少溝女都咁難？
根據統計處2015年分區人口及住戶統計資料報告，唔計外傭，全港男女比例為每1,000名女性有923名男性。有男人以為得米，Ｄ女愈來愈易溝，其實呢Ｄ想法真係太傻太天真。事實上佢地只會集中爭奪最上層收入的男人，所以男女比例失衝只會影響香港最高收入果班男人既溝女生態，係唔關你同我事既。而因為呢個現象加劇，唔知大家有冇留意近年的確係多左香港女仔做人第三者？以前一向睇唔起大陸性勾人老公的一堆，慢慢向自己昔日最睇唔起的一群靠攏，尤其係冇經歷過９７前生活的年輕少女。點解呢？
因為你溝唔到女，係因為香港堅尼系數高。大家可以留意下貧富懸殊勁既地方，因為大家生活水平差距好大，同時上流力不足既時候，靠關係上位就成最易既方法，大陸平均一個女仔得果3K左右人工，但係D乜總物總可以比香港的大老闆有錢數十倍，係基層生活困苦之下。好多女仔都會出賣自己既愛情，找尋長期飯票。因為一個搵萬幾蚊既女仔，如果正常打工上到幾萬蚊既位，佢要付出幾多汗水幾多青春？而家你只要搵一個月入7-8萬元的男人，已經可以過中產生活。呢個情況下你覺得佢地點解要搵你呢個一樣都係萬幾蚊既男人呢？當然凡是都有例外，呢個世界都有窮太既出現啦？但呢D女人有幾多呢？
所以窮生一向強調既理財之路係，理財智慧應該伴隨住品味一同進步，一同成長先得。，有好多人會覺得不如用最短既時間搵最多既錢，唔理所有野搵十年錢就收山以後唔做仲好啦！其實呢樣野係唔WORK！第一，你想果１０年可以搵到幾多錢？１０００萬？就算你咩都唔理都唔係容易做到。二來當你入左呢個世界，你就唔會捨得１０年後走返出黎。當你所有圈子都係果類人既時候，你洗手不幹之後，你有什麼圈子，有什麼生活可言？窮生勸大家仲係多Ｄ了解世界發生既事，腳踏實地忠實地過生活比較好。
