讀者投稿《極品港女姑仔同陰毒奶奶篇》長篇
先講返，我地同姑仔係同一年結婚，前後相差三個月。正常一個人，結婚都忙自己婚禮忙到甩死冇時間理人地婚禮嘅時候，但呢個姑仔，由我地婚禮既大小事情，以至我著既底衫褲都要管。
事件1：要跟佢用同一個化妝師，佢自己報左6500蚊話化妝師跟全日，如果我覺得價錢ok，可以試妝。到我約哂人試妝，佢就話，個化妝師厄錢，化妝師只收佢6000全日，最後化妝師都肯主動減500解決件事，但姑仔就話吾得，要我再搵平d，4000蚊跟全日，同埋如果我堅持要佢化妝師，要俾佢試妝先，佢試到滿意我先可以試。
事件2：係淘寶求其搵左張姐妹裙相，就話自己幫老公慳婚禮開支，佢一條姐妹裙先20蚊人仔，要我跟，仲當住我老公同佢老公面前話教訓我，話你要幫我哥慳錢，錢係使係自己身，吾係使係班姐妹度。最後，我叫佢俾實物我望下先，ok我咪淘寶囉。拖左三個月有多，一直話係姐妹度，就快有得睇，到佢大婚果日，班姐妹著既裙估計一條最平都450蚊。
事件3：佢結婚，佢媽媽俾左20萬俾佢出嫁，因為佢嫁既老公父母開廠，佢媽媽擔心個女俾人睇吾起，所以20萬俾佢，而我地擺酒，奶奶俾左老公16萬，我地私下同奶奶傾好吾擺酒，結婚既錢佢都吾使幫我地出，但奶奶堅持要擺酒，話面子要緊，最後我地傾好，收返既禮金當晚全數俾哂奶奶，尾數吾夠婚後再還。但姑仔就發難，話佢收20萬係阿媽迫佢收，佢免為其難先收，但我地收佢阿媽16萬，我地就好吾體諒佢阿媽單身寡母湊大佢地，仲使佢阿媽錢。我地都聽到o哂咀，咁點解佢覺得自己阿媽咁辛苦，佢又收20萬既？同埋迫自己阿媽要幫佢老公男家個邊，結婚出5圍錢。姑仔老爺奶奶開廠，得一粒仔，佢地結婚，老爺奶奶送層樓俾佢地400-500幾萬既樓，任佢地選擇，如果結婚前都搵吾岩，就送一層整座既村屋俾佢地做結婚禮物。姑仔同我講，佢老爺奶奶好吾ok佢，所以買層樓俾佢，要趕佢走，佢話佢如果有得選擇，佢不知幾想幫佢地慳，幫佢老公慳同佢老爺奶奶住。但現實佢地吾鍾意佢，佢迫於無奈收左層樓住，單單打打，話我婚後一定要同佢媽媽住，先識體諒個老公。我咁大個女，都係第一次聽人講，原來老爺奶奶吾ok你，係會送層樓叫你走既。
事件4：佢大婚完第二日就叫我老公咪同我結婚，話我假，話我娶吾過。佢結婚當晚，所有人入席都冇開咪，係得我一入到場，就叫攝影師，大叫，阿嫂到請留步，阿嫂到請留步，之後叫我上台同佢兩公婆合照，同佢地講哂恭喜哂，兩個都冇表情，姑仔之後拎起條晚裝裙，同我講，你捐入黎我裙底啦，你捐啦，咁影相你會影得好靚，我又靜左，之後佢婚禮完就同我老公講我當晚黑佢面，佢叫我阿嫂我吾應該。我想講，事實我都未入你地門，我吾應你又點呀，我受吾起你叫阿嫂囉。
事件5：奶奶因為姑仔學是非，對我好反感，我地結婚當日，要所有人留係廳，要我入房同佢個女道歉。當然，我老公好型咁將我拉返出廳，伴娘入廚房倒水敬茶，結果三姑六婆喊住出黎叫救命，最後由陪我出嫁既親人入去倒水敬茶，奶奶等到吉時過，先黑哂面出黎坐底。
事件6：奶奶晚宴上冇同我女家父母打個招呼，到補影相，明明10分鐘可以影完既相，兩母女玩左半個鐘，奶奶之後起身，厲住我，之後再厲住我父母，大叫，玩夠啦，俾女家影啦，我真心想講一句，阿奶奶，你都食左大半世人啦，咁多人死吾見你死既，你個女係你寶貝女，我家係我爸媽既寶貝女羅，你吾滿意我，我冇出過聲嘈你老人家，但你咁對我父母既。
事件7：奶奶敬酒，敬到女家主家席走左，我父母係男女家敬哂酒架，阿奶奶，你真係有冇家教架？
事件8：阿奶奶完哂個婚禮，拎住個外賣飯盒，每圍台，去夾人食剩個舊魚頭返屋企，10幾圍夾哂，以為佢應該收獲好豐富啦，點知臨走，隻癲雞姑仔就咬啦:，話阿媽吾見左條魚，我地班姐妹都唸緊咩吾見左條魚啦，原來阿奶奶數黎數去，小左個多左既一圍既魚，之後姑仔發哂發，要埋緊數既我老公俾返條魚佢阿媽，呢件事，成為左我班姐妹每次見面必笑一餐既趣事最後想講，慶幸我地冇靠佢地一齊住，佢屋企只係公屋戶，雖然好大間屋，但我地靠自己雙手，出黎租屋住，建立自己既小家園，地方係吾大，但起碼我地吾使接觸呢兩母女。
多謝呢個平台，俾我講返自己既故事。
#退一步海闊天高
#我的極品四大長老
