「世界是個回音谷，念念不忘必有迴響，你大聲喊唱，山谷雷鳴，音傳千里，一疊一疊，一浪一浪，彼岸世界都收到了。凡事念念不忘，必有迴響。因它在傳遞你心間的聲音，綿綿不絕，遂相印於心。」
- 李叔同 《晚晴集》
前晚睇完 @k_p0k1 最後一個自肥環節，與其話係自肥，不如話係一個個人修煉嘅小旅程。唔似其他隊友，保錡有好多嘢可以肥自己嘅保錡，揀咗將自己交咗畀無制限OT編集団，可能出於對團隊嘅信任，可能出於快吞轟嘅衝勁，又或者係出於失去咗嘅信心。
其實《自肥》並唔係一個一夜之間爆出嚟嘅驚世鉅作，無論係ERROR定無制限，都一直做緊自己嘅最好，只係193言論做咗催化劑，一時間所有目光都去咗呢班「不知天高地厚」嘅「死𡃁仔」身上，有人想睇你點死，有人想睇你點樣對抗巨人歌利亞。無論係出位言論定桃色醜聞都只係導火線，呢一刻嘅火花令到世人睇到你哋，但係要團火燒著埋其他人嘅心，就靠你一直以嚟儲落、做落幾多嘢。
「念念不忘，必有迴響」，即使要經歷等待，你用心做過嘅事，一定會被人看見，而到時嘅光，會比起死亡行星撞地球更光更亮。
P.S. 呢句說話適用於整個團隊以至所有一直還在堅持嘅人，不過我特別引用兩張保錡自肥挑戰嘅相，希望佢可以重拾信心同初心，成為更好嘅吳保錡。
#ERROR自肥企画
#致一直還在堅持的人
#叛逆中女 #叛逆語錄 #手寫 #手寫字 #文字 #寫字 #書法 #繁體字 #廣東話 #手繪 #插畫 #插圖 #水彩 #語錄 #手寫語錄 #calligraphy #handwriting #brushcalligraphy #inkdrawing #watercolor #brushlettering #brushpen
