Thank you 啊 方以文😂😂😂😂😂
[方以文問兩句][林秀怡][無綫][不懂撒嬌的女人]
今晚「商場四大美人」又出嚟喇！上次搵咗飾演「暉型三子」之一Bill嘅黃得生講兩句（條link喺comment），今次搵嚟佢同期藝訓班同學仔，飾演「商場四大美人」之一Coco嘅林秀怡講兩句。好風趣，隔住個mon都笑咗出嚟。
**********************
問：覺得自己喺《不懂撒嬌的女人》「商場四大美人」之一Coco呢個角色發揮成點？佢嘅戲份之後係咪會愈來愈重呢？
答：😎對於平時都好男仔頭嘅我黎講，我覺得做得好舒服，自己都盡左力去做好呢個角色，希望大家都唔會覺得太差啦🤦🏼♀️🤦🏼♀️🤦🏼♀️🤦🏼♀️。（微劇透）之後我地三個女仔會去咗跟mall姐做嘢，keep住會出現。（按：我覺得做得好好）
**********************
問：「四大美人」本身識唔識，有冇合作過？望落好熟喎。點解呢？
答：本身我自己同阿雪最熟，因為都合作過好多次同埋我哋私底下都好好朋友，而Gloria 就係第一次合作，🙈不過我性格同人好快熟，可能因為咁大家係拍咗一兩場之後都已經fd晒。
**********************
問：黃得生話「三大美人」同埋「暉型二子」嘅群戲，都係靠你同埋KT唐嘉麟帶動氣氛。你又點睇？覺得自己係咪hyper友？
答：咁又唔係既，😏我只係比較熱情😂😂😂所以會成日聊人講嘢等等。我自己係嚴重hyper友黎，開心大過天麻😛😛😛
**********************
問：點樣設計CoCo呢個角色？今次係咪比其他劇多啲時間準備？
答：💁🏼今次監製同導演編劇等等幫咗我哋好多，因為大家都好清晰想要一個點樣嘅coco，而我哋又多咗會去圍讀嘅時間，咁樣至少導演等等會知道你做嗰樣嘢係咪佢想要嘅。
**********************
問：CoCo反白眼反得好出色（真心），你自己畀幾多分呀？（認真問）
答：😂😂😂😂😂咁認真問嘅？咁我認真答，7分，😂我覺得對眼可以再反多d Lo 😂😂😂
**********************
問：當年你獲邀過檔HKTV，最後決定留喺TVB。依家你諗返個決定有冇咩新睇法？
答：而家諗返我都無後悔，所以都無新睇法😂
**********************
問：由23期訓練畢業班到依家，觀眾對你嘅最深印象可能係《女人最痛》（2010）裡面嘅肥妹、仲有《怒火街頭2》（2012）嘅未婚媽媽。你自己點睇呢兩個角色？又最鍾意邊個出咗街嘅角色？
答：🙂《女人最痛》呢個角色我估唔到咁多年後，街上嘅人都仲會講話之前你呢套劇好肥/之前《痛》套劇你扮肥妹等等，所以我好開心監製畀咗呢個機會我去做呢個角色。而《怒火街頭2》係一個帶畀我最多訪問同最多人討論嘅角色，其實監製好冒險，肯畀個新人去試，我真係好感恩。
**********************
問：知道你喺《三個女人一個因》同埋《抱佣情人》都佔比較多嘅戲份。有冇信心同壓力呀？
答：😭其實《抱佣情人》真係比較大壓力，可能始終都係我入行9年嚟第一條真正嘅感情線同咁多戲份，所以好期待都好怕受傷害。而《三個女人一個因》呢套劇我拍得好開心，所以好期待播出。
**********************
問：最想挑戰啲咩角色呢？
答：最想做打女。
**********************
問：最近忙緊乜？
答：近排完咗劇就處理吓自己餐廳嘅
私務。(按：間餐廳叫做「FooDo」，喺旺角通菜街。林秀怡話主打係手製意粉同甜品，有時會親自落鋪頭幫手、落單。各位粉絲記得唔好為咗等林秀怡出現而坐喺度食完都唔走呀😂）
**********************
問：認唔認同「撒嬌女人最好命」？
答：認同。所以我麻麻好命😂😂😂
**********************
註：啲答案有聲呀，睇完笑出聲。傳說《三個女人一個因》會喺接《撒嬌》嘅《蘭花劫》之後播，不過未定實。《抱佣情人》一樣係未知個期。記得留意返，支持林秀怡啦。
#方以文問兩句 #林秀怡 林秀怡 Kirby Lam #無綫 #TVB #不懂撒嬌的女人 #三個女人一個因 #抱佣情人 #黃得生
暉型三子 在 專業消防器材-兩用瞄子 的相關結果
【其它】3:1壁掛/嵌頂型-LED緊急出口&避難方向誘導燈2022-09 · 【其它】3:1超薄型/嵌入型-LED緊急出口&避難方向誘導燈2022-09 · 【其它】BH級壁掛型-LED緊急出口&避難方向 ... ... <看更多>