[我覺得真係威喎]咪講笑,勁過柯南。我做過嘅幾間公司,都畀人收購。咁呢間,就畀人收皮(諗唔到更好嘅詞語)。
TLDR:冇乜必要唔好買自己公司股票呀,CFA係咁講的,所以CFA嘅嘢真係冇發達,但又唔會乞食咁咯
1. Er………………當然如果醒目仔就梗係食花生,或者睇「醒目仔時間」。。但當年我係唔睇亞視的,實則有乜人睇亞視?否則都唔會有 「老周電視」呢個戲仿。但我就唔係醒目仔嘛,所以都講兩句。
2. 關於康宏除牌,有人話可能有好多人搵我,實情荼走就人涼。要搵都唔使搵我。
3. 不過,有人黑心咁諗,「你係咪好心涼呢?」「使唔使開香檳慶祝?」。答案係,我並冇特別感覺。當然,星期五打邊爐日,當然係照打的。如果我話你知「好傷感」亦係有啲假惺惺,但的確我冇特別開心
4. 因為,關我乜事?
5. 你理性少少諗已經知,康宏隻股票,由我加入嘅第一日已經停緊牌,到我被炒嘅最後一日都仲停緊牌。嗰啲前世的滄桑 後世的風光,同我無關。
6. 有人話,啲球員倒戈對返舊球會入波唔會慶祝以尊重母會咁喎。太抬舉我了。首先,我在康宏先兩年爭幾日(*),並冇乜咩感情,你估真係曼聯名宿奧雲咩。我做得最耐嘅係耆英證券,亦都影響我最多,在嗰度過咗最青澀最張狂最憤怒最開心嘅日子,結婚買樓都係嗰時,每次我經過太古廣場三期都仲諗嗰嗰時嘅日子。咁如果你講我做過最大嘅公司,自然係星展,雖然都唔係好耐,但即係踢過下大會(**)掂過下草皮嘛。
7. 咁但,佢牌除又唔關我事,唔係我搞到佢除牌。所以,比較適合嘅講法,你話等於係我踢過隊波降咗班咁咯(史浩克零四?)。咁但我並唔會特別開心,或者特別唔開心。
8. 當然最重要嘅係:本人並無持有任何康宏股票(噢耶!)。你心諗,傻的嗎?你咪話你工作期間隻嘢都一路停牌,你點持有?此言就差矣,停咗牌,都可以關畀你嘛。雖然事實係冇。咁正如我舊公司都有試過花紅出股票,雖則我就咁多年都冇收過,證明都係未夠勁。
9. 不過,買自己公司股票好唔好?其實一般係唔好的。我依書直說。
10. 固然睇你間公司點,咁我都唔少朋友因為公司股票而進帳好多。咁但,
11. 佢關畀你,你咪自己計數。一般都係現金為王,即係我收開五皮人工,你畀六皮我再加股票(固然,睇幾多股票,同埋上咗市未,同埋係乜公司)幾好,你畀五皮我再加股票麻麻地,你畀兩皮我然後同我講你公司之後點勁就 on9 + bye (一個好重要嘅indicator:offer你呢樣嘢嘅人,自己又係咪成份糧出股票先?)
12. 咁但,公司關畀你,或者你出糧代支(***)以外,就最好唔好自己走去買了。原因?concentration risk 嘛.當然好多人會話 on9,我做騰訊嘅個個月拎幾千蚊去買自己公司股票一早發撚達仲使聽你9up?
13. 但我依書直說,CFA 係咁講的(亦所以,CFA真係冇乜發達,但又好少搞到乞食,雖然樓下賣雞蛋仔嗰個都CFA,但都係一門手藝,賣雞蛋仔唔食乞食丫,乞都係特色小食)。一般,你工作在嗰度,分分鐘出糧花紅都係嗰啲公仔紙,有啲仲有信心度買埋公司啲產品(例如做大家樂就買幾皮嘢現金券,我心諗,梗係買對家啦)。咁公司一唔掂,你就幾邊一齊受了。當然,你做騰訊嘅就唔使講,可以睇多次上面嗰段
14. 原本真係WFC ,但之所以打咁大段嘢,並唔係因為我對康宏有任何好正面或負面嘅感情(對個別人就有嘅,但鐵打的衙門流水的官,個別同事唔係代表成間公司),亦唔係因為我有任何財務權益
15. 主要係,因為聽聞有啲舊同事,係持有公司股票嘅。So sad。而啲同事一般都同我無仇無怨嘛。咁人地破財,我總不會特別開心—雖然我亦唔會因為咁特別傷心。
16. 我相信,既然公司過去N年都停牌,佢地都應該大約預咗有呢一日。但都係一件唔太好嘅事。咁而我接觸過嘅舊同事,應該百份之九十以上都係幾好嘅人—我可以話你知呢個比例相當高的了!好多公司四成係仆街冚家鏟,仲有四成係廢人。剩返兩成?咪又仆街又廢嘅極品。
17. 咁所以,都係so sad,但亦係就事論事,依書直說。並非而家出嚟話told ya,而係過去我都唔止一次講,自己做嗰間公司就唔好買自己公司股票嘛。書係咁講的
18. 話說回頭,雖然近期星展股價不錯,新高了,但其實同我做嘅年代都係差不多—亦即係,固然唔係差嘅投資,但,照計拎去買美股一定回報更高,就當你買指數都夠。
19. 最後一講,有舊同事問,公司除咗牌即係點,係咪即係清咗盤。答案係否,理論上,正如公告所講,係business as usual 嘅。又係請循其本,我做嗰兩年爭幾日,公司都係咁運作啦,一路都停緊牌的。
20. 之但係,如果啲舊同事持有嘅股票,無論係公司關畀你(冇計),定自己手痕買(實在唔應該自己買自己公司股票),就應該,真係凍過水了。
21. 理論上啦,冇上市嘅公司,都係有價值嘅,「Coinbase之前都大把場外成交」「Patreon OnlyFans都係」。咁但,你公司唔係Coinbase 唔係Patreon OnlyFans嘛!
22. As per 公告所講,「除牌後,將不會有正式機制協助進行股份買賣」。咁但當然,可以有其他場外交易嘅,以前都有公司試過,「本公司現正委聘一個為非上巿 公司而設的電子交易平台,為有意出售其股份之股東及有意買入股份之潛在投 資者提供對盤服務」 ,聽落係靠譜嘅,不過到時啲價就,哈哈哈哈哈哈
23. 好過冇咁咯,畢竟,停咗牌咁多年,好多人以為變廢紙。咁執返一成,好過雙目失明啩?
24. 希望呢篇文唔會又有人嚟找我麻煩。不過該公司都出名鍾意找人麻煩的。
(*)明嘅,自然明。就係兩年爭幾日就郁咗我。嘻嘻。
(**)何謂大會就自己定義,但星展一度係全東南亞最大市值公司,應該都算大。
(***)諗唔到更好嘅詞
曼聯公仔 在 ROBYNN & KENDY 歌迷會 Facebook 的最讚貼文
【明報專訊】女子唱作組合Robynn & Kendy(R&K)今年3月宣布休團,將為人母的Robynn(葉晴晴)單飛發展,推出個人第二首作品《Fifth of May》,送給多年前罹癌病逝的母親,5月5日正是羅媽媽的生忌。Robynn偶然在舊居找到母親生前寫給她的信,內容是媽媽為女兒憑實力考入一所很好的大學而自豪,她以此曲「回信」。
記者:唐嘉晞
Robynn憶述亡母是個女強人,並說:「媽媽事業成功、刻苦,照顧別人忘了照顧自己。歌曲中提到媽咪人生最後階段,仍很堅強跟癌病對抗。記得這段時間我的心情好掙扎,當時R&K剛出道,我一直未有機會將這心情分享……」
在疫情下身懷六甲,Robynn堅持推出這首歌,希望母親在天上為她的音樂與人生新階段開心。有時候她會幻想媽媽知道自己要做外婆的反應。
母女性格相似,是固執不肯放棄的人,Robynn說:「我無媽咪咁叻,但我對音樂的堅持很像她,當我決定離開合作9年的唱片公司,結婚又準備做媽媽,很多人以為我不再唱歌,但我不甘心就此放棄。媽咪在病牀上對我說過一句話,她不要求我有多成功,只要我做一個快樂的歌手。」
飽受懷孕之苦 激發創作潛能
懷孕7個月的Robynn稱當母親的過程並不簡單,每個準媽媽也經歷辛苦。她透露佗B的首3個月最辛苦,頭暈又頭痛,聞到魚味、炒餸味也令她作嘔,但最神奇是在難捱的階段,她創作了兩首新歌。懷孕4個月時一切不適已消失,她抓緊時間拍MV,笑稱忍不住給自己一個「叻」。
現在進入懷孕第三階段,一切順利,她以自己的歌給BB胎教外,又聽古典、電子、爵士與hip hop各種音樂。Robynn笑說:「初時我以為BB是曼聯粉絲,經常踢我,原來李小龍才是真偶像,拳打腳踢唔係講笑。」她表示只想BB健健康康,她餵奶時BB肯飲奶,自己湊得掂已很開心。
為迎接家庭新成員,她購買必需品外,為環保盡量少買BB衫,有親朋戚友提供,BB衫穿一兩次便穿不下。她跟老公現在會為家中公仔包布,學幫BB換尿片,兩公婆雖有點手忙腳亂,但很開心。
不能改變的背景 教導孩子應變
入行以來,Robynn鮮有提及家庭背景,但眾所周知她是「已故中共元老葉劍英孫女」,她的孩子將來也會繼承這個「名銜」,問她會如何減壓?她說:「這是一個很大課題,我的成長階段不需要正視,直至成為公眾人物,因這樣的背景而被人將我放入框框。希望我的孩子是堅強的,理解自己來自哪兒,有什麼是不能改變,但未來是掌握在自己手上。世界有不同背景的人與故事,隨着成長會漸漸認識與諒解不同的人。」
Robynn跟老公有共識不會寵壞孩子,要做善良的人。特別在2020年,動盪中出生的新世代,要知道很多事情不是必然,不一定像計劃中,要懂得應變並諒解其他人;作為母親的她會將這方面的思維灌輸下一代。
首飾:Haustage
攝影:Catcha Studio
報導來源:明報(19/08/2020)
https://news.mingpao.com/pns/%E5%A8%9B%E6%A8%82/article/20200819/s00016/1597775066962/%E8%91%89%E6%99%B4%E6%99%B4%E6%86%91%E6%AD%8C%E5%AF%84%E6%84%8F%E5%90%91%E4%BA%A1%E6%AF%8D%E3%80%8C%E5%9B%9E%E4%BF%A1%E3%80%8D
曼聯公仔 在 PassionTimes 熱血時報 Facebook 的最讚貼文
《Game民力量》
第395集︰國安法殺到,打機都話你顛覆/曼聯告世嘉,版權點界定?;夾公仔機的投資陷阱
節目連結 :http://www.passiontimes.hk/prog/13/395
主持:末日狼/五月/Atwood
節目免費重溫目前只能維持24小時,如想隨時重溫所有熱血時報節目,請即訂購PassionPrime
http://www.passiontimes.hk/prime/
首播日期:2020-05-25
五月︰
http://bit.ly/2nkx0o1
末日狼︰
http://bit.ly/2nkzrqA
Atwood:
https://goo.gl/4D47FG
#國安法 #顛覆 #曼聯 #世嘉 #創造足球會 #版權 #KOL #夾公仔機 #GBO2 #MK3