1441 孟買靈異事件
有一種狀況相信大家都經歷過。半夢半醒時，小腿忽然觸電般猛烈抽動 。好像踏空墜進無底深淵，個心離一離，驚醒了發現滿頭大汗， 不停喘氣。
身為理科生的我可以告訴你「你不是比鬼整 」，這生理現象叫做 hypnic jerk 。只是日間太疲勞或者精神緊張所致。
來到酒店已經凌晨兩點，攰到一個極點。半昏迷的我在排隊拿房卡 (順著年資排隊 阿姐阿哥攞先) 。前面阿姐看到房號1441 堅持要換房。接待員說換房要用電腦改資料 ，需時很久。阿姐後面仲有七、八人。我不想她耽誤大家太久。於是我直接了當跟她交換門卡 。
接過1441 房卡，我和阿姐一起坐電梯上樓。阿姐問 「你唔知間房有嘢呀？」
我心諗 : 頂你咩.... 同你換咗房.. 你講啲咁嘅嘢。
阿姐繼續「呢間房好出名， 好多人瀨過嘢」
我滴緊汗 ，心諗 : 不要再說了。
阿姐越講越興奮「 好似話半夜有個中國男人行嚟行去」
雖然驚但又激發起我滿滿的好奇心：印度酒店有 中國籍嘅鬼？ 真係離曬罩喎。難道你同佢講過嘢？又知佢係中國人？ 如果純粹係個樣似亞洲人，可以係日韓台星加坡喎？ 除非隻鬼個樣真係好大陸，一睇就知係中國人。 難道隻鬼平頭裝又或者著到好似乾隆皇帝咁？ 還是清朝紮馬尾嗰啲呀？ 定係殭屍呢？
Anyway ，聽完好不安 。
此時 ，我亦已經走到1441 門外。阿姐的房間就在我斜對面。她沒有開門 ，彷彿在凝視我。我手握門卡有點猶豫，心諗 : 死就死啦 ！開嚟見我！
吱.... 我推開古老的木門....... 一如以往有種印度酒店熟悉的噏味。我心有不甘回頭跟阿姐說 「如果我見到個男人，我叫佢去你嗰邊坐下 」。阿姐立刻關門「啋」。
空氣突然安靜了。
我試圖不去想 ，立刻梳洗上床睡覺。 半夢半醒時我踏了空，驚醒過來我滿頭大汗。我看看床邊的電子鐘顯示 04：41。 有點不寒而慄。 我提醒自己，我是個理科生， 是hypnic jerk 而已。要冷靜要理智要 forcus ！
印度舊酒店的裝修都是二十年前的。綠色地氈， 深紅色的木電視櫃。二十吋的舊式電視箱，木地板還會發出滋滋的聲音。 整個廁所都是鏡 。房間暗黑的角落有兩座小梳化及玻璃茶几。我總覺得有人坐在角落暗暗看著我睡。
雖然我看不到所謂的男人行嚟行去。不知為何我心跳加速一直在流汗。又因為不停流汗所以心跳加速。
噢....
原來我忘了開冷氣。
後記: 我冇見到傳說中嘅中國男子在我房間飄來飄去。但可能心理作用，成個stay 都好不安。除了孟買，我都有幸住過台北，曼谷，雅加達，檳城 ，成田， 布里斯班最猛嘅 crew hotel ， 真係多謝曬。
圖中相片是新的印度酒店 ( 已經算好好 ) 。我不敢在印度舊酒店拍照，因為房間實在太詭異， 我怕在回看照片時會發現神秘的鬼影。
雖然恐怖， 但又有啲懷念舊酒店，又攰又眼瞓又驚鬼又好熱又濕又有陣噏味.... 百感交集嘅感覺。
曼谷亞洲酒店鬼 在 遊客千萬不要來這裡！外國人的度假天堂卻是泰國人不敢踏入的 ... 的推薦與評價
很多年後，我才知道Bangkok palace hotel 係 亞洲 十大猛鬼 酒店 頭4名，因為 酒店 外馬路運油車爆炸，將 酒店 外既民居全燒著，燒死了很多人，之後鬼魂都聚集在 ... ... <看更多>