其實我係有幾間飯竇嘅，如果真係諗唔到食乜，就會去嗰度，位於廣播道山腳，建新中心內嘅百味閣就係其中一間。佢嘅蒜蓉包，真係惹味香脆。
其實我次次去都係食咁上下嘅嘢，食到連個經理哥哥，每次我諗住食啲新嘢時，佢都笑笑口，然後就幫我落菠菜蓉蘑菇湯同埋百味閣招牌鹽焗雞炒飯走蛋！確實我次次去都差唔多係食呢啲。
不過今日我食咗樣新嘢，幾好食又幾扺食喎！就係蒜蓉大蝦豬柳菜飯。呢個係餐嚟嘅。咁包括啲咩呢？有一個湯、主菜、甜品同埋咖啡或茶，都只係＄150左右。
而其中最有心思嘅係個甜品，其實得幾粒生果仔嘅咋，不過佢有個朱古力fondue嘅物體，就令人覺得好好玩啊。
呢間餐廳除咗食物唔錯之外，啲工作人員都好友善，就算最初我係魚生佢哋係壽司（即係大家都唔唔熟）嘅時候，你都會感覺到佢哋喺介紹當日精選時候嘅嗰份誠意，不過好對唔住，我好似食過幾次咋，唔係唔欣賞你哋嘅心意，只係我食唔落咁多嘢姐！
餐廳附近近日嚟咗競爭對手，不過唔驚，我依然只支持你地，加油！
#何嘉麗callmegaga #何嘉麗 #為食路上 #百味閣 #LionRockBistro #食物多元化美味兼抵食 #最頂癮係次次去都播果幾首歌80年代名曲 #EternalFlame #EveryTimeYouGoAway #Casablanca
最頂癮係次次去都播果幾首歌80年代名曲 在 经典老歌500首大全| 群星里一人一首成名曲| 陈楚生 - YouTube 的推薦與評價
80 ~ 90 年代 经典老歌| 经典老歌500首大全| 群星里一人一首成 名曲 | 陈楚生- 有没有人告诉你, 张信哲- 别怕我伤心, 林志炫- 你的樣子, 姜育恒《再回首》 ... ... <看更多>