飛到去日本我先有時間打返毛台劇嘅後感，因為我一完咗個劇我就每日都要趕返去做返呢兩個月做唔到嘅野、搵返放咗飛機嘅人，同埋執屋⋯足足執咗我兩日！之後仲要執行李！
講返個劇吖，今次我第一次真正做戲，仲要係做主角，其實好驚，尤其係對住呢張相入面嘅每位，我每一日都好心虛，大家都比我做得好，大家都比我有經驗，每一日都淨係得我比人鬧，我唔只覺得自己係零，我直頭覺得自己係負。
果啲咩心路歷程我諗大家都冇興趣，我就唔詳細講喇，但係我覺得係呢兩個月嘅強制性密集式相處下，我認識多咗呢一班原本已經識左兩三年嘅同事。
東方昇 我真係好欣賞你會咁樣係咁不停鑽研點去演好呢個基本上冇得點講對白嘅角色，日日見你係度諗點樣跳好啲跳搞笑啲啲英文字母跳到身水身汗，我真係好佩服你。都好多謝你主動黎關心我，我從來冇諗過你會☺️
龍志權 造星到到舞台劇呢半年真係辛苦晒喇，雖然大家可能會話我明明最支持果個唔係你，但我都支持你架！唔驚喇，冇嘢好驚喇，你做得好好，大家都好錫你好鐘意你！唔好再記住秋香姐而唔記得我喇！
利君牙 你出色同對自己要求高就不嬲架喇，我諗我同你對戲係最多最多最多，因為你一見到我個人放空一秒你就走黎講你果句對白，搵我唱生日歌，你真係好勤力！同時令我第一幕係最熟最有信心！我到而家腦海入面都有你把馬可孛羅聲！唔好再喊喇，你塊面紅過關公呀！
黃慘盈 有時見到你日日為杯加左糖嘅齋啡動氣同埋咬半塊朱古力比埋我食都覺得你辛苦，去到最後好地地食飯嘢咪開心好多❤️希望你會一直咁開心，一直做到鐘意嘅嘢，過你喜愛嘅生活！
崔建芒（Amango） 由你第一日接到個角色你已經做得好好，我真係好羨慕你可以咁叻，最後亦成功令大多數人都鐘意你。其實真係唔知你扭親腳，我淨係諗「點解呢一下佢跌得咁真咁用力嘅？」然後我就接返我老母⋯希望你同 詩勁 （唐詩勁） 旅行玩得開心啦！
劉皓嵐（劉小華） 小華係大鐵人，又要讀書考試又頭做舞台劇又要拍戲一句計都冇扭到，你真係好叻仔呀！有時心入面好希望你可以過返正常嘅童年生活，但如果呢個係你想嘅話，過一個非凡童年亦係一個難得嘅機會，姨姨會一直支持你！
杜汶澤 喱騷 Chapman To’s late show 杜生，其實第一次你同我講我腦細搵你同我做舞台劇果陣，我心入面已經好驚，做風涼話日本嘢我就話仲可以姐，我又唔識做戲仲要同你做舞台劇我肯定畀你鬧死⋯最後我真係畀你鬧死咗，好一段時間我真係唔能夠理解你口中嘅對我好，但係去到上台，每次去到最後果幕你拍我個頭我就會知道你覺得果一場我做得好唔好，然後我就用短短blackout再入返後台換衫嘅時間黎冷靜返唔比大家睇到我喊。我愛你呀杜生，再會！
（待續）
會一直支持你 英文 在 Bulbble Inc. - Day1153: 無論你走到哪裡，無論你做什麼 的推薦與評價
Day1153: 無論你走到哪裡，無論你做什麼，我都會一直在那裡，支持你。 Wherever you go, whatever you do, I'll always be there, supporting you.... ... <看更多>