點解個個都話好膠好好笑，其實我好認真做自己🥲
以下開放cap圖和留言，有冇一啲片段你哋係印象深刻。我唔敢睇啊
有冇cap圖 在 Facebook 的最佳貼文
同時也有1部Youtube影片，追蹤數超過8,390的網紅環球膠報，也在其Youtube影片中提到，【信心之選—肥仔黎溝女秘技】識溝女一定係帶佢去玩淆底360，然後教佢聽安全洗腦歌《緊握扶手》，真係咩女都俾你溝哂，安全第一！ https://www.facebook.com/video.php?v=1512989028979274 Tsz Kin Law 對白cap圖粉專區（金剛不壞之身） 有...
有冇cap圖 在 Facebook 的最讚貼文
［週末寫呢啲］日經指數31年新高！
Buy Japanese. I am．先買七萬，之後就係七十萬（梗係港紙啦），睇下幾時買到七百萬
TLDR：齋睇27隻觀察名單，仲幫你搵晒 市值 表現 收入 入場貴，仲有係有冇ADR 成交多唔多 跟得貼唔貼。只係呢部份都值回票價。仲有話你知點解應該買日本股，點買，交易費用點，邊度搵資訊。日經同東證指數點計，有乜成份股，邊個指數好啲，邊啲成份股表現最好。玩三個Excel都有排玩
＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！
＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。
1. 呢篇就堅咯，雖然目錄好長，但篇文唔算極長（以我標準。上次篇金本位制50年先真係極長）
2. 首先，買日本股嘅理由，Facebook Post 有寫過。入面都有講。
3. 但實情都唔使好強嘅理由，只係拎嚟分散都已經夠。所以應該係掉返轉問，有乜唔買嘅理由？
4. 你見香港 男女老幼左中右黃藍綠都鍾意日本，但好少人買日本股，點解？
5. 最常見嘅，不外乎係呢啲理由：唔知邊度有得買，交易費貴。日本人口老化又萎縮，經濟增長慢，迷失N年，日經都仲未返到家鄉。日本社會保守，冇乜大型科企，獨角獸（估值10億美金嘅初創）仲少過香港同韓國。唔識日文，唔知邊度有資訊。仲有日本公司管治麻麻，鍾意圍威喂，又唔多歡迎海外投資者。
6. 文入面，我會一一反駁，但呢度畀summary你。去邊買同交易費嘅，文入面有我用IB嘅經歷，10000蚊交易收5蚊佣，好貴咩？況且，我都唔係成日出出入入，對我嚟講交易費唔係太大問題。至於人口老化經濟增長慢係真，但，關股市乜事？寫咗N次股市脫離實體經濟啦，歐洲股市今年拍得住美股，不停破頂添，歐洲經濟好好？至於日經未返家鄉，三四十年前乜位，同你而家買有乜關係？咁你可以睇下今年日本股市回報如何。日本冇大型科企就係事實，但，歐洲一樣係咁，有何問題？至於唔識日文，難道我識日文？得罪講句，好多人買美股，都唔見得點識英文啦！日本公司唔歡迎海外投資者啦喎，咪同你去做遊客差不多，你去做小股東之嘛，唔係去坐人地個位，唔會唔歡迎你。
7. 日本股市兩個指數，各有捧場客。日經就似道指，東證TOPIX似美股標普指數。若果買指數ETF嘅留意返。
8. 第二部份，就同你講日經指數，教埋你點計！咁日經好啲定東證好啲？有啲難答，但文入面會幫你比較，同埋睇返之前嘅表現。
9. 肯定嘅係，日經因為歷史耐啲，都係原始啲，唔多科學。有堆公司（例如任天堂）一路都市值夠大但入唔到指數（最新入到了）。而佢嘅計法，似道指，price weighted，不過入面有少少調整。例如Softbank，7000円一股，但在指數比重多過好多其他公司。我篇文有埋個Excel教你點計。
10. 然後再睇日經，今年升10%左右。但225隻成份股，有140隻跑贏的，即係你亂咁買一隻，都有六成機會跑贏指數。同樣道理，你見225隻嘅中位數回報，係18%，好過指數好多。
11. 另外，我亦都幫你整埋Pivot table，睇晒邊啲行業做得最好，邊啲最差。不難估啦，最好嘅當然係航運，最差嘅係啲私鐵（小田急同京王，係咪好掛住東京呢）。但仲有呢？
12. 東證指數又如何？就比較反高潮，因為太多隻，所以個 Excel冇乜得好講。東證指數2200隻的，近乎就係全餐。同埋係market cap weighted，所以見到分別。例如三菱UFJ，日經佔比得0.08%，排到第150。但在東證就佔比1.5%，排到第6。點解會咁？當然係計法唔同。但點唔同？文入面講
13. 另外，東證今年升15%，但跑贏指數嘅得837隻（out of 2200）．亦即係亂咁買一隻，六成機會跑輸東證指數。見唔見呢個現象同日經剛好相反？當然亦有原因。留意埋，中位數回報只係8.6%，仲低過日經指數
14. 好啦，最尾就講個日本股觀察名單（觀察之嘛，火中花香且燙，欣賞它不必要得到，我都觀察咗Stephy 李佳芯好耐）
15. 咁有27隻，我係買咗3隻嘅。點解？冇錢！而因為日本股要100股咁買（任天堂就要40萬港紙入場費！），我不能好似之前美股垃圾倉咁每隻3000。
16. 買住3隻先，但係邊3隻？點解係呢3隻？就文入面講。同場加映睇埋我點排隊（答案係：唔排），同埋畀咗幾多佣（答案係：好少）
17. 最後，就講晒成個名單27隻。又係有個Excel，基本嘢都有晒，股價表現呀，市值呀，賺幾錢呀等等。仲有最重要嘅：一手入場費。另外亦都教埋你邊度搵啲日本股嘅資料
18. 至於呢個名單點嚟？可以話你知，亂嚟！真係亂嚟！我問朋友的！男女老少都有，大多數都唔係做金融亦冇買過日本股亦唔識日文（雖然有一兩件在日本嘅香港人）。我亦都冇自己再篩選，百家爭鳴，年尾仲可以睇下邊個最準。我都有份揀，都幾肯定我唔會係最準嘅上半版。
19. 亦因為咁，27隻嘢嘅共通點，近乎冇。有股價升咗幾倍，又有潛水嘅。有50港紙市值嘅公司，亦都有市值排到日本頭20嘅。入場費由一皮港紙有找，到幾十萬都有。
20. 所以亦衍生一個問題：ADR。個別入場費好高嘅，可以買ADR
21. 好在乜？好在我幫你搵晒，邊啲有ADR，有的話ADR嘅編號係乜。唔止，你只係有ADR但冇乜成交冇用，我幫你睇晒所有嘅東西夠唔夠成交（咁你要買幾億港紙就冇計）。仲有，我仲全部幫你睇晒到底ADR 貼得日本正股足唔足。只係呢度都應該值回票價
22. 呀，呢27股嘅股價表現圖（今年，同五年），我都有放晒上去。54張。
＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！
＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。
有冇cap圖 在 Facebook 的最讚貼文
［9蚊添呀頂］Take profit？Take 乜profit．當然，「到跌一半你又唔係咁講啦」。所以講到尾，股票係升多，定跌多？
TLDR：一隻股票只能跌100%，但可以升100萬倍。我以為呢個係常識。或者去學下log normal distribution先？雖然我唔識tech，但識數學。
＝＝＝＝＝＝＝＝＝＝＝＝＝＝
已烴2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！
＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。
1. 真係升到你唔信。但再講一次，我係從來冇買嘅。有推，都有唔少Patreon讀者買咗，但之前已經叫佢地沽咁啲。唔知有冇人唔開心了
2. 但，你話我賴皮都好，真係我自己買我反而應該坐得定。真的，正如在Patreon公開咗啲紀錄，你見我其實好少trade：應該話，只買不沽。Take profit？唔明喎，點解要take profit？隻嘢升咗10倍唔係profit？你3倍時沽咗先係profit？你驚唔鎖定之後跌返落嚟？咁點解你唔驚之後一路升唔跌返落嚟？
3. 呢啲都係我成日講嘅嘢。正如「止蝕」一樣，應該係我最contrarian 嘅講法：我係唔「止蝕」的。當然你去做我會理解（「但take profit真係笨」，你睇呢篇文個圖咪知）。但你見我啲持倉，跌七八成我都唔止蝕的。咁當然一般有個過程，唔會一晚跌七八成，咁點解跌兩三成嗰時要「止蝕」？哦，你驚越跌越多。但點解你又唔驚佢升返幾倍？你可以睇下，蘋果2018年一樣一季跌三份一，然後之後升幾倍。騰訊2018年一樣跌一半，然後升幾倍。
4. 咁講到尾，都係三個問題，互相有關：你買嘅係乜公司？隻股票升幾倍嘅機會大，定爆煲嘅機會大？你贏嘅嘢可以贏幾多？
5. 總之，我真係覺得，如果我有買埋一份呢，我就應該唔會沽，亦都因此而叫人唔使沽（＊）。「最衰我冇買」
6. 結論：可能我應該都係自己買埋一份？不過一路都講，咁少成交嘅東西，我買唔係一個問題（你估買好多咩），但會有人覺得我唱高然後散畀佢嘛。
7. 你睇，呢兩日就 千幾萬股成交，億幾錢。但之前一路都係幾十萬股咋，幾百萬錢成交。幾百萬都OK？都應該係。但我想講，四五月，「即係我開始寫之前」，幾萬股成交咋！一日幾十萬錢咋喎，就真係難搞。
8. 所以，結論可能係：唔好寫細價股。
9. 事實上我做分析員嘅年代，都幾多人玩啲中細價股。即使係基金，都有啲專做small mid cap，亦有專做small mid cap既分析員（我都客串過），因為當時似乎呢啲東西比較under-researched，有機會尋到寶。
10. 加上雷曼爆煲，港股直通車收皮後，你見都冇乜人再講咩五行三保 六行四保甚麼—因為唔升。然後中石油857亦都爆煲，由當時畢菲特入股，市值玩到10000億美金（但free float好低），玩到「問君能有幾多愁 恰似滿倉中石油」，或者係「願女網友似中石油，越活越年輕，去年48，今年18」。
11. 但然後，忘掉那一天，記不起是那年，就開始大cap先係王道。應該就係Big Tech開始冒起嗰時。可能係10年前Facebook IPO 開始。
12. 因為後來啲科企，畀你見到有好勁嘅network effect, winner take all。加上長期低息，大公司（不限於科企），融資成本低，回購又得收購又得，你見結果反而係大公司增長仲快過細公司，越拉越遠
13. （又留意：唔止公司係咁，人都係咁，亦同上面呢種效應有關。有錢或有名氣嘅人，搵錢更加易，例如本人不才，而家都多咗人搵上門。你係PR或大公司，總唔會因為慳少少錢，搵個冇人識或者分分鐘爆鑊嘅人幫你寫嘢或賣廣告。同樣地，金本位50年加上QE十幾年，明顯係資產價格飛升，但低收入嘅人何來有錢剩，何來有錢買股票買樓？資產價格飛升又再拉開貧富差距。所以你見好多地方社會不穩左翼抬頭，唔係偶然，同民唔民主冇乜必然關係。）
（＊）呢度總有啲人可以提出一個合理嘅問題，蔡東豪都恥笑過啲財演。你可以問：「你追渣沽嘅決定，隻嘢值幾錢，同你有冇渣住點會有關？」「我計DCF計Gordan Growth計Dividend discount，冇一個parameter係「買咗未」喎」。蔡東豪當年都係恥笑啲財演上電視，有師奶問股，必定係問佢「買咗未」。表面聽，呢個講法好似好smart，但，你買過股票就知，你自己渣住，同紙上談兵，對隻嘢嘅判斷當然完全唔同！其實好多Behavioral finance嘅實驗都做過，你有嗰樣嘢，自然對佢嘅價值判斷都唔同。呢個你可以話荒謬，但係人性嚟的。
＝＝＝＝＝＝＝＝＝＝＝＝＝＝
已烴2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！
＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。
有冇cap圖 在 環球膠報 Youtube 的最佳解答
【信心之選—肥仔黎溝女秘技】識溝女一定係帶佢去玩淆底360，然後教佢聽安全洗腦歌《緊握扶手》，真係咩女都俾你溝哂，安全第一！
https://www.facebook.com/video.php?v=1512989028979274
Tsz Kin Law
對白cap圖粉專區（金剛不壞之身）
有冇人願意俾我帶佢去玩淆底360？
PS.記得TAG朋友入來，聖誕節平安夜最緊要「安全第一」！
